一起食堂 (域多利皇后街)

營業中

休息中

中環有間新開不久的台/日式餐廳，無論返工食lunch又好放工都好，一定要帶埋朋友去試試。店面雖然不太大，但充滿住滿滿的日本色彩，頭頂就已經有日式吊燈，落單餐單就十分台式，好有古早味。😂我們幾個女仔點了原條蒲燒鰻魚飯、紅燒牛肉麵、鹽酥雞、肉燥燙青菜、烤台灣香腸、米紙蝦春卷，仲有餐飲桂花雪梨茶😍😍鰻魚飯的鰻魚原條上，鰻魚汁份量啱啱好，好抵食👍🏻紅燒牛肉面就fusion啲，面係用烏冬，牛肉都幾入味，果然係日台式做法。肉燥青菜肉燥的味道份量啱啱好，唔會好咸。鹽酥雞一定要點！粉薄雞又嫩！😋仲有米紙蝦春卷，米紙炸得鬆化又香脆，蝦都幾彈牙👍🏻值得一提既係餐飲桂花雪梨茶，一啲都唔hea，冬天女仔好啱飲，暖粒粒，又唔會好甜，淡淡桂花清香仲有雪梨肉添🤗

平日好少過海，今日黃昏時候同老公過咗中環有事情要處理，搞掂之後，問咗個住港島區嘅朋友有咩好嘢食，佢介紹我哋去呢間台灣小店。店內裝修簡樸為主，感覺很舒服。我哋兩個都好肚餓，可以點多一些，鹽酥雞，台灣小食一定要點，熱辣辣新鮮炸起，外面脆卜卜，雞肉嫩滑，keep到肉汁，非常香口。米紙蝦春卷，個米紙炸到爆脆，餡料好豐富，包含一些醬汁，喜歡炸物的朋友一定愛上。烤台灣香腸，唔覺肥，配生蒜一起吃，特別有一番風味。肉燥燙青菜，大量肉燥放油麥菜上，美味可口。爌肉乾拌麵，每塊五花腩大概有大半隻手掌大，極度厚切，肥瘦均勻，用自家製醬汁滷成，好香，瘦肉部份炆得好林，肥肉部份入口即溶，配有一隻鹵水蛋，乾拌麵是白色粗身面條，還加了一些肉燥，更覺滋味。原條蒲燒鰻魚飯，久違了的鰻魚味道可以在這裏尋回，堅好大條肥美，正呀！仲有一隻溫泉蛋。飲品揀咗蘆薈桂花雪梨茶，放了粒粒蘆薈，好有口感，加入桂花，好香好清新，雪梨茶唔會太甜。冷泡茉莉毛尖茶，無糖，茉莉茶，食完爌肉可以消滯。

對於我呢啲住新界嘅人黎講 過海絕對係難事話說今日搵食搵到去中環 本身都中意食台灣菜嘅我忍唔住黎左試呢間新開嘅一起食堂  舖仔唔算大 但感覺好舒服 見到個待應係外國人 心諗會唔會唔正宗見到張點菜紙 係中環黎講 一啲都唔貴叫左個米紙蝦春卷 鹽酥雞 原條蒲燒鰻魚飯 同仙草豆漿個米紙蝦春卷一啲都唔講得笑一咬落去 脆卜卜 岩岩炸起 入面好多蝦 真係好好食 唔係茶樓好求其嘅春卷到於個鹽酥雞 脆漿好薄 唔會一味得個咸個 又係脆卜卜 唔會食落去成口油 抵讚👍🏽再黎原條蒲燒鰻魚飯 OMG 對於鰻魚控 大大條啖啖肉 又肥美 仲要有隻溫泉蛋 啲蛋汁撈飯 不得了 略嫌啲飯唔夠一粒粒 有啲濕 杯仙草豆漿 豆味好濃 唔會太甜 如果唔用膠杯 環保啲就更好總括而言 我覺得我今次出城真係有驚喜 但想食好野要早啲黎 當我想encore 春卷已經冇晒喇 同埋九點幾已經好多野冇晒

中環新開了間台式加日式的餐廳~收工就同朋友一齊去試試。店內裝飾用了日式吊燈，掛着還有好多台灣特色的電影畫。那些年我們一起追過的女孩都有呀~我們點了、鹽酥雞、肉燥燙青菜、炸花枝丸、爌肉湯麵丶烤台灣香腸、一口蔥餡餅😍😍😍😍這個湯面豬肉煮得好琳好入味，麵的囗感不錯👍🏻菜上面的肉燥算大粒同埋有咬口，如果下次D菜切多少少仲好。佢地的炸雞good 一流，值得一試。好食炸得好香脆，下次一定會點。旁邊的是炸花枝丸都一樣咁好食。炸物不錯👍🏻台灣烤香腸也不錯，切片上，食很比較方便。仲有個一口蔥餡餅好似小籠包，細細件，超迷你，好可愛。咬一囗啲肉汁多到流出嚟😳。正其實一開始我覺得好似咖喱魚蛋😂😂😂當然食落就唔同啦！始終也是甜品，不過佢唔算太甜，用仙草去煮，比較健康。下次放工，再同朋友一齊試試先

很喜歡食肆名叫做食堂， 總讓人有種親和嘅感覺。 今晚來到中環嘅心臟地帶， 就遇見這間食堂， 並唔係什麼高不可攀嘅食肆， 仲要係地舖，立刻眼前一亮。食堂以台式料理為主， 選擇唔算太多， 唔會花多眼亂。 室內裝修正常平民， 出門台式小店嘅風味。台灣土雞肉飯$78不知道土雞係咩來頭， 但係好有雞味， 已經去骨並碎上， 伴以蔥花，有麻油香同少少鹽味，伴饭一流。 有種食吞拿魚蓉飯嘅感覺。主食都配有一小碗湯， 非常貼心。豆漿仙草 ($12 加配自選飲品一杯)唔會太甜嘅豆浆配台式仙草， 味道唔錯。紅燒牛肉麵$88台灣麵食唔少得嘅紅燒牛肉麵。 麵條係滑溜溜嘅烏龍麵， 湯底濃而不膩， 仲有蘿蔔同蔬菜嘅清甜味。 牛肉大大件，炆得好腍好入味。 伴以超大件白蘿蔔紅蘿蔔好入味。台式香腸$32皮脆，肉質結實甜甜地， 還配有非常地道的生蒜片， 非常惹味。炸花枝丸$32外型雖然好似炸完收咗水， 但食落好香口， 花之丸非常彈牙， 內還有許多粗粒嘅墨魚，蘸椒鹽更添鮮味。鹽酥雞 $32細細粒好的色。 外皮厚薄均勻， 估唔到裏面嘅肉仲好juicy嫩滑。原條蒲燒鰻魚飯 $138鰻魚比較腍身， 外皮唔係燒得太脆。但肉質肥美， 旁

中環一家新開的台灣菜小店兩人點了主食和小食開心SHARE*紅燒牛肉麵 ($88)這個紅燒牛肉麵超正的；牛肉炆得超級的淋，而且很入味；另外還有白蘿蔔和紅蘿蔔，都是煮得很淋很入味的。*魯雞腿飯 ($78)另一個是飯，想不到這個魯雞腿亦是不用廢力就已經可以拆肉；不過魯雞腿比想像中乾，如果可以多一點汁就更好。*鹽酥雞 ($32)這個鹽酥雞炸得香脆，不會太厚炸粉，又不會很重味精味；好吃到我們要多點一碟，哈哈！*米紙蝦春卷 ($32)蝦春卷亦炸得很酥脆，中間的蝦肉很彈牙，而且不會成口油；*冷泡茉前毛尖茶 (+$12)無糖的茶，帶點甘，可以消消膩。*小碗魯肉飯 (+$12)不夠食的話可以跟餐加$12多點一小碗魯肉飯。*芋圓仙草凍 ($35)吃完飯吃甜品是常識吧！不過今晚就不用再找甜品店，因為這間餐廳有芋圓仙草凍；是台灣菜必食的甜品；芋圓煙UN而且有濃濃的芋頭味；仙草凍的份量很多，拌了甜甜的奶，可以清熱下火。

喺中環番工想食台灣野？去邊度食好？🤨一起食堂都係個唔錯既選擇舖頭犀小店形式經營坐位唔多lunchtime去食可能要等一等位👀lunchset有飯有麵有碗湯加埋個前菜都算幾抵食今次我地就叫左兩個小食再加一個飯一個麵—先講下兩個小食炸花枝丸一碟四粒幾香口小食之選炸鹽酥雞粒雞肉一啲都唔偷工減料夠脆👍🏻👍🏻—台灣土雞肉飯勁多雞肉😮😮不過如果就咁食可能有少少dry撈埋佢俾既果碗冬瓜湯一齊食就岩岩好😂—海鮮稻庭烏冬麵海鮮超級足料有蝦、有青口、有墨魚餅仲有花枝丸幾抵食👍🏻—最後唔夠飽仲加左個迷你魯肉飯唔算太多肥豬肉但果汁都係算係好食嘅突然覺得叫個迷你版唔夠喉下次要叫個正常size😂😂

中環區新開嘅台灣菜 放lunch時間超多人等位唔想食風嘅我 最後唯有買外賣😅..呢個紅燒牛肉麵絕對唔係好正宗嘅味道😂 湯底香濃而不辣 麵條竟然係稻庭烏冬😱我呢個烏冬迷就梗係開心啦!!!!!🤣牛肉份量好多 一咬即散炆得好腍🤩 但係兩舊蘿蔔都係完全未熟透👎🏻 新開業嘅餐廳 連蘿蔔都未煮熟 又好似無乜誠意喎🤨.午餐叫一份主食+$12 有一碗細魯肉飯細到好似試食size咁魯肉汁偏肥又唔香 只係好重洋蔥味不過睇在個烏冬都幾好味嘅份上就比多次機會下次試埋啲小食先!!🤔

請先看看圖。飲食就是色香味。衹是一碗外賣牛肉麵，也擺放得好好的。中環這樣趕急的午飯時間，客人川流的怱怱間，齊整的一碗麵。牛腩味很對，裁得很好，但有一件末端，還連著一小團膏，要扣分，但肉的味道和質感是對的。菜煮得剛好，紅蘿蔔、白蘿蔔軟硬也好。湯味道偏甜但香，很濃。麵條有點普通，乏善足陳。話雖如此，一口麵、加上熱湯混和醃菜粒，感覺超滿足。另，加$12有薑茶，感覺是實料的沖泡，很好喝。他們的外賣杯碗餐具也跟普遍不一樣，跟食物很搭。從下單到出餐，要15分鐘。整體有85分。很認真，沒有做老了的感覺。

在中環閒逛 仲以為中環冇咩好食但發現有間叫 "一起食堂"既台式餐廳睇外既裝修仲以為係日式餐廳添~食物種類唔算太多 不過專心做好特色食物 先至係重要吧~放假當然要食得豐富D!!點左紅燒牛肉面 牛肉夠淋 但又唔會過爛 好入味 如果有牛筋就更好!湯底亦夠濃!原條蒲燒鰻魚飯 好大塊既燒鰻魚! 係日式鰻魚飯既味道~米紙蝦春卷 好碎口既蝦春卷~肉燥燙青菜 青綠既菜 一睇就知道好新鮮芋圓燒仙草(熱)好特別既熱食! 唔係好多地方有熱食 放耐左D仙草會凝固會變得滑滑的~芋圓燒仙凍好味既芋圓燒仙凍 芋圓好多 份量好大 好味!!叫正餐+12 就有杯野飲呢排天氣禁乾 就飲杯桂花雪梨茶潤一下 唔太甜 好味！

今晚黎到好似開張無耐的#一起食堂日式x台式的裝潢 食物選擇多又抵食兩個人叫左兩個主食四個小食一個甜品和風牛肉飯 勁足料 帶甜 送飯一流原條蒲燒鰻魚飯 勁厚肉 多汁惹味 仲有流心蛋加強口感小食方面鹽酥雞份量大炸得酥戶脆惹味香口 送酒一流米紙蝦春卷 一客三條 即叫即炸 熱辣辣 配沙律醬好味！刈包 配勁厚切豬腩肉 邪惡到爆 但食左先講🥳燙青菜 不過不失甜品方面 係香港少見的高質芋圓燒仙草 份量勁多 食得出係手造 十分有驚喜！整體而言 感覺經濟實惠 可以再訪！

放工走過域多利皇后街發現舊有的麵店已改成一間台灣小店「一起食堂」，剛好肚子打鼓，順便拉着老公內進一試。入到店內，餐桌已坐滿，我們便坐到吧枱。店員有善但並不是港人或台灣人，而是略懂廣東話的外籍人士外，很有中環國際化的特色。餐單清晰易明，亦很齊全。《爌肉湯麵 $78》爌肉有两大塊，好厚身而且好腍，肥瘦相間，最驚喜的是入口即溶，肉味香濃；麵爽口彈牙；配有一隻魯蛋；還另付一碗紫菜蛋花湯。《原條蒲燒鰻魚飯 $138》原條蒲燒鰻魚好吸引，汁香肉厚，蘸上蒲燒鰻魚汁和灑上了芝麻和紫菜絲的飯特別香。+$12 《蘆薈桂花雪梨茶》（右）味道豐富有桂花香，有口感清爽的蘆薈，甜度適中，喜歡這個茶。+$12 《黑糖薑母茶(熱)》（左）底部滿是打成蓉的紅棗和薑，味道濃郁又滋陰，女士暖身之選。《和風溫泉蛋 $12》把溫泉蛋打勻，拌飯十分不錯。《炸花之丸 $32》外脆內軟，口感彈牙。《肉燥湯青菜 $28》油麥菜新鮮脆綠，淋上肉燥，倍感滋味。《芋圓燒仙草(熱) $35》三色芋圓是我喜歡的質感，口感煙韌彈牙，熱的仙草放一會才會凝固，口感滑溜，整體甜度適中。

今日咁岩同阿媽去中環買嘢見到一間裝修幾靚嘅台式小店二話不說就入咗去首先叫咗個魯肉乾拌麵個麵有啲似烏冬 而且個汁好好食之後我哋叫咗個原條蒲燒鰻魚飯成條肥美嘅鰻魚 真係好適合打卡而且都好好食 燒得好香之後我哋叫咗啲小食和風炸豆腐 一啲都唔油膩 烤台灣香腸 都有好多塊 正鹽酥雞 炸得好酥脆 而且唔油膩之後價錢叫咗個細魯肉飯肥瘦分明 個汁好正 好惹味 真係想叫多碗叫咗蘆薈桂花雪梨茶 同埋黑糖薑母茶兩杯都唔會太甜 真係好養生啊非常之推薦

幾年平安夜都習慣去尖沙咀的玫瑰堂參加子夜彌撒，今年想試下去中環的聖母無原罪主教座堂，話明是香港教區的主教座堂，沒道理不感受一下它子夜彌撒的氣氛吧。過開來中環，當然順便食埋晚飯，聖誕食西餐實貴，行過見一起食堂價錢合理，店內都幾多人幫趁應該冇伏，一於試下。＊＊＊＊＊＊＊＊＊＊＊一起食堂是一間台式日本菜，店內主打台式和日式便當，亦有台式小吃、甜品和飲品提供。食店店面不大，大約只可客納20位食客，透過大玻璃食客可以看到廚房入面情況，感覺較令人安心。食店的點菜紙就是餐牌，就像點車仔麵或拉麵一樣，在點菜紙剔上要點的食物就可以。鹽酥雞($32)鹽酥雞鹹鹹香香，炸漿夠脆又不會過油，而入面的雞肉亦不會太乾，味道不俗。米紙蝦春卷($32)蝦春卷一客有三條，外皮非常鬆脆，中間蝦肉結實。炸花枝丸($32)炸花枝丸一份有四大粒，但外皮不太脆，花枝丸不算特別彈口，不試也沒有損失。紅燒牛肉麵($88)牛肉麵內除了紅燒牛肉，還有小唐菜、紅蘿蔔、白蘿蔔和酸菜，都幾足料。牛肉麵麵量都幾多，麵質不過腍帶點咬口，湯底味道都幾濃郁，做得不錯。牛肉雖然只有四塊，但每塊都算厚切，而且肥瘦適中，有嚼勁得來亦不黏牙。原條蒲燒鰻魚飯($

係中環想食平民價但不是茶餐廳好難，甘岩見到有台式野又不貴，一於就去食。店不大，但可以堂食。紅燒牛肉麵$88麵質爽口彈牙，牛肉鮮嫩，紅燒味重，連湯底都有紅燒味。原條蒲燒鰻魚飯$138鰻魚燒得好香，性價比好高，仲有溫泉蛋配埋撈飯食，推介。和風溫泉蛋$12入口即溶，好香滑，伴埋紫菜食好有味道肉燥青菜$28肉燥味香，菜好爽嫩，撈埋食味道不錯蘆薈桂花雪梨茶+$12好潤喉，桂花同雪梨都好夾冷泡茉莉毛尖茶+$12茉莉茶香味濃，正好中和一下芋圓仙草凍$35芋圓多而且大粒，有嚼勁，仙草亦好幼滑，推介