一起食堂 (域多利皇后街)

營業中

休息中

今晚收工晏咗趕唔切返屋企食飯，於是去了平時有叫開外賣的一起食堂食晚飯。 Honey 點咗Asahi 無酒精啤酒，我就因為近日出咗兩粒暗瘡，想清下熱，所以叫咗仙草豆漿。呢度嘅豆漿係黑豆漿，裡面仲有仙草涼粉，是消暑佳品。 呢度的鰻魚飯是必食的，所以我 點咗原條鰻魚飯，而Honey就點咗牛油清酒托托蜆烏龍麵。 【原條鰻魚飯】附有一隻溫泉蛋，篤穿可以見到蛋黃流出，原條鰻魚成尺長，鰻魚汁又香，所以無法子唔食。 【牛油清酒托托蜆烏龍麵】有4隻超巨型大蜆，有酒香，煮到梗梗煮，好鮮甜。烏龍麵即是烏冬，帶點煙韌，質地不錯。 還有點了一碟【燙青菜】 (油麥菜)，上面有些炸蒜，所以食落幾香。 最後係食即炸的【米紙蝦春卷】，炸得好鬆化，裡面的蝦膠好爽口彈牙。

今日同朋友喺中環行完街朋友話想食台灣菜所以就去咗呢間一起食堂原條蒲燒饅魚飯 $139鰻魚飯仲送埋一碗湯上枱嗰陣真係嚇親條鰻魚真係超級大條呀入口軟綿完全冇骨醃得好好唔會太濃味仲有一個流心蛋酥炸池魚仔$48第一次食酥炸池魚仔小食嚟講都幾大份池魚仔好厚肉鹽酥雞 $38鹽酥雞熱辣辣炸得好香口食落真係好酥好脆好有台灣風味肉燥燙青菜 $28肉燥煮得好好撈埋啲青菜食一流食完決定要食多碟芋圓仙草凍 $38仲以為係平時食開細細碗嗰啲估唔到仙草凍咁大碗勁足料三色芋圓份量好多鋪曬喺面仲有啲花奶撈埋一齊好好食仙草冬瓜茶 $24黑糖薑母茶 (熱) $18

約咗朋友一行三人中環食飯，周圍都好貴，撞正呢間台式餐廳🍴門口都好有情調，我哋就入去搵返台灣嘅感覺。鋪面唔算大，大概可以容納廿幾人，入到去係自己拎嘢食，睇到佢傳單都有做外賣，附近返工嘅朋友可以試吓。我哋一共叫咗兩個小食三個主食😋小食鹽酥雞同埋炸地瓜條一上台真係好吸引。鹽酥雞夠香夠味道，而且炸得好乾身冇油益味；炸地瓜條夠健康，趁熱一人一條好快食哂。一人一個主食，分別係紅燒牛肉麵$89、原條蒲燒鰻魚飯$139、三色海鮮茶漬飯$109。紅燒牛肉麵，面底好彈牙，湯底亦都好有台灣風味😍原條鰻魚飯，呢個不得之了，打卡一流，賣相非常之好！超大條鰻魚無乜骨，好食👍仲有我最鍾意嘅三色海鮮茶漬飯，有好多茶漬，夏天食湯飯就最舒服，唔會太熱太辛苦。之後我哋三個人捧住個飽飽嘅肚離開，呢一餐幾抵食😋下次有機會真係想試吓佢其他小食呀！

中環晚餐想不到食什麼好，就在OpenRice找有什麼有好評的餐廳，就來到這家不錯的坐下就點了這幾款美食傳統台灣美食 - 紅燒牛肉麵對於這個是有小許失敗的，首先湯是有層次的，但湯太少，麵不能與湯同時吃。牛肉夠淋，但欠缺牛肉味。麵質還好，但與價錢相同的茶木有一點距離，所以也是頗失望的。蒲燒鰻魚飯有點失望之作相信一般鰻魚也是這樣，沒有什麼特別，此飯失望在於飯，飯質太硬，破壞了整個飯。芋圓仙草凍這頓飯最抵食應該是這個甜品，價錢便宜又夠大碗，芋圓可以再淋少少，但味道不錯，仙草也有仙草味。

今日去左中環接朋友放工，佢帶左我去食呢間台灣鋪。雖然鋪面唔大，但座位都算舒適。店員好親切咁幫我地帶位。今晚點左：原條蒲燒鰻魚飯、鹽酥雞、 肉燥青菜、牛油青酒煮巨蜆烏龍麵，甜品芋圓燒仙草（熱）。鰻魚真係好大條，肉好軟，味道唔會太濃。雞肉唔會太韧，炸得好好。菜同肉燥好夾，爽口唔會太林烏龍麵好香，有四隻大蜆。幾有鮮味。芋頭圓 同仙草一齊燒，圓表面有d仙草燒左係面，彈牙得嚟又有d芋頭沙。好味鍾意台灣嘢嘅一定要試下呢間。

相約朋友係中環食dinner, 食完飯大家話要食甜品，中環好似無乜甜品鋪，行行下見呢間台灣餐廳有芋圓就試下啦～本身間鋪頭都關門，但佢地好好話做埋我地呢枱客。我地就各自叫左熱同凍既芋圓仙草。原來熱既仙草係好似涼茶咁～哈哈，早知叫凍ga la。不過味道係ok既，芋頭味既粉圓係真係有芋頭粒。雖然我地係阻住人收工，但待應姐姐都好nice, 又幫我地影相又話唔阻收工，服務態度一流👍🏻下次lunch可以過黎一試佢既台灣定食😛。

午市時段經常有人在這家店外等候，因此我這天特地早來。沒想到店內有二樓，比我想像中能容納更多客人。首先上桌的是友人的「蔥油土雞肉飯」。我以為會有「蔥油」，但只有乾葱。難道菜名是「蔥」加「油土雞肉」的意思？但雞也不怎麼油。也罷，少油才健康。另外，雞蛋是整顆上的，跟店內彩色單張上的相片中「切半」的不一樣，算有「偷工」嗎？不過，令人驚喜的是托盤上盛有沙律、蒜粒雲耳及泡芙。點餐紙並沒提及點主菜會奉送前菜及甜品，早知便不另點一碟青菜了。侍應端上我的紅燒牛肉麵時我們也很驚訝。碗裏竟然有一大塊被割了一刀的紅蘿蔔，旁邊還有一大塊白蘿蔔。我不禁埋怨廚師怎麼可以這樣「偷工」，不把蘿蔔切成小塊。可幸的是紅蘿蔔和白蘿蔔也算煮得腍。「偷工」這個問題其實事小。對我來說，事大的是湯的辣度。對於吃辣的人來說，這湯完全不辣！不愛辣的我知道香港食店常把小辣、微辣當成不辣，原因是我已經中伏多次。因此我實在非常欣賞這家店，連超級丁點兒不著痕跡的辣度也會標示「微辣」。紅燒牛肉則腍而不粗糙。其中一件牛肉有白色的東西相連，口感似內臟，不知道是不是牛肺？至於麵，則似稻庭鳥冬般幼細、煙韌，跟我在香港吃過的很寬、較硬的台灣麵不一樣。雖然不

星期五放工係中環接朋友放工，搵食時朋友就介紹左呢間佢平時經常幫襯既台日菜，話抵食又好味😆好彩7點前到左，晏少少已經見到勁多人排隊，好旺場！因為好肚餓，叫左好多小食🙈炸雞粒、花枝丸、春卷樣樣都炸得好脆好香口，係正宗既台灣味道呀😍最重要係幾抵，三十蚊左右就有個小食！主食就叫左個好多人叫既原條蒲燒鰻魚飯（$138）😍真係超級大條呀！！鰻魚燒得好香好好味，加埋隻溫泉蛋，好日式既風味😋朋友就叫左和風牛肉鳥東👍🏻少不得叫返杯特色飲品，都係24蚊咋，有好蘆薈粒🍹

今日有朋友專登去中環搵我食lunch,知道佢鐘意食台灣野，所以就揀左呢間餐廳openrice好多人推薦紅燒牛肉面。果然名不虛傳。佢既面質煙煙unum,湯頭濃郁得黎又唔會過ham.. 另外牛肉量多而且優質，肉質唔鞋，有少少肥膏痴住，正!提外話，佢要人齊先可以入座，大家齊人先一齊去啦

小店經常人頭湧湧，掛滿不同台灣電影posters，播著經典Madopop，青春既回憶番曬來。古早爌肉便當飯大大碗，絕對食得飽。魯肉唔會肥膩，味道正宗，肉碎撈埋飯食一流。爌肉半肥瘦，炆得入味，大大舊，啖啖肉，仲伴送埋魯蛋👍🏻。芋圓仙草凍叫一份已經好大碗，夠曬兩個人食。有齊三款味道既芋圓：芋頭、蕃薯同紫薯（我估），冰凍仙草伴隨椰奶，賣相十分吸引👍🏻👍🏻。仙草夠曬凍，同椰奶一齊食，甜而不膩，很爽。不過芋圓只食到糯米味，芋頭、蕃薯同紫薯味就唔突出，差咁d。大致口感係煙韌既。

同朋友喺中環做完嘢 超級肚餓 俾我哋搵到間曰台餐廳 呢度有原條鰻魚飯😍😍 只係$138 我哋另外重點左紅燒牛肉麵 肉燥生菜 炸花枝丸 先講講原條鰻魚飯 超大條好肥美😍😍配上溫泉蛋 配埋紫菜同蔥花 用嚟撈飯簡直一流 佢另外配有湯 小番薯🍠 雲耳 沙律菜 真係食呢個都已經好滿足 之後就係紅燒牛肉麵 大大嚿牛肉煮到好淋 好入味 配上蘿蔔 蔥花 蘿蔔鮮甜👍🏻👍🏻 一樣有其他配菜雲耳加入湯一樣咁好味炸花枝丸 一試就知係新鮮炸 入邊仲有花枝粒 香口用料充足👍🏻 肉燥生菜 不過不失總括嚟講性價比非常高 中環抵食之選👍🏻

🔎中環域多利皇后街2號地舖「中環平民西式台灣菜」- 一起食堂 (中環)我好鍾意去台灣，冇得去台灣嘅時候就鍾意喺香港周圍搵特色嘅台灣菜食。咁啱今日要去遊行，所以行完之後就喺附近搵一間餐廳坐低抖下。托托蜆烏龍麵 ($118)，魯蛋 ($12)因為天氣真係好熱，唔係好想食啲太重味嘅嘢，而且想食啲有湯嘅麵，所以就點左呢個味道比較淡嘅清湯烏龍麵。碗入面有四隻好大嘅蜆，好新鮮好清甜。烏龍面好彈牙，唔會煮到好淋身。同我一樣鍾意食海鮮嘅你哋要試吓！🤤原條蒲燒鰻魚飯 ($138)留意返條鰻魚長過隻碗架！鰻魚好厚肉，鋪喺飯面令到啲鰻魚汁索晒落啲飯度，再加埋啲飯素碎碎口感好豐富！細心既朋友會注意到個飯入面有隻溫泉蛋，拮穿左流心既蛋黃之後滲入啲飯，混合埋饅魚汁，再切一舊鰻魚連埋蛋黃飯一次過放入口，豐富又juicy既感覺令人難以忘懷！鹽酥雞 ($32)同行既男性友人因爲要大隻，所以要點雞肉喎！但我就純粹鐘意食鹽酥雞所以我舉腳贊成🤤一放入口就不停大叫好好食啊！點解可以做到咁鬆軟？炸粉唔會太厚，雞肉好嫩滑多汁，同時亦都醃得好入味，大愛！🥰芋圓仙草凍 ($38)之前有一排好興食芋圓，所以我都試過喺自己屋企整，雖然要準

身為中環的上班一族🤧🤧唔通真系日日都要嗌貴嘢食？依家餐廳唔止非常有質素分量非常多😎😎價錢亦都唔太貴👌👌 - 貢丸湯湯有非常濃厚的肉味貢丸咬口好啉好有肉感👍🏻👍🏻👍🏻 - 鹽酥雞炸到表皮非常脆雞肉都非常入味又唔會太油膩👍🏻👍🏻 - 牛油清酒煮巨蜆碗麵慨濃湯系牛油清酒湯😉😉非常濃郁慨清酒味🙈🙈加上超多蒜頭味道好夾👍🏻巨型蜆肉真系名不虛傳蜆肉有成只手指公咁大粒😆😆 - 蒲燒鰻魚飯超大條鰻魚😋😋食鰻魚當然系趁熱食熱食先可以做到入口即溶慨效果依家餐廳就做到啦！ - 仙草冬瓜茶- 芋圓仙草凍

黎到happy friday，今日相約了朋友晚上到蘭桂坊飲酒開心下，但飲野之前都要食個晚飯，所以查找一下，搵到呢間位於中環的台灣菜。這間餐廳座位不算很多，裝修已藍色為主，放工去到的時間大概6點半7點，未算好多人，但過左一陣已經要等位了，冇諗過星期五的晚上都會咁full!餐廳食物選擇不算好多，用點餐紙點餐後給店員落單便可，非常方便。紅燒牛肉麵($88)，這裡的牛肉麵湯底味道濃郁，有少少辣，好有係台灣食牛肉麵的感覺。牛肉大概有4-5舊，都幾淋，而且有D仲有牛筋可以食到，非常爽口!蘿蔔也整得好淋好入味，連小棠菜都吸收了湯的味道，非常入味!麵底是類似烏冬的麵，有少少彈牙!原條蒲燒鰻魚飯($138)，這個飯有整條鰻魚係面，鰻魚味道剛剛好唔會太咸，而且也唔算好肥!還有俺蘿蔔、流心蛋、菜和飯素，增加了飯的味道，令整碗飯更惹味!還配有一碗清湯，清湯的味道有點像韓國的紫菜湯，岩哂食完鰻魚飯飲!牛油清酒煮巨蜆(3隻)($72)，這款蜆非常大粒，蜆肉脹卜卜，非常鮮甜。而湯亦有好濃的清酒味，但味道好清，非常入味的蜆肉呢!鹽酥雞($32)，鹽酥雞炸得好香口，唔會淨係得炸粉，雞肉嫩滑，而椒鹽份量也很夠，是一款惹味

平日晚上7:30到，已經需要排一會兒，可見這間餐廳頗受中環上班族歡迎。餐廳採用木系設計，座位不多，所以通常都需要拼桌/坐吧枱。🍽 三色海鮮茶漬飯今天我想吃比較暖暖的、清淡的，所以選擇了店家推介的茶漬飯。三色包括鯛魚、蟹肉和蠔。日本廣島蠔很大隻，每隻都厚肉、鮮甜。鯛魚片的份量也不少，不會煮得很老。我喜歡紫菜碎和脆米，令整個飯的口感提升，不會只是軟軟的。🍽 牛肉麵這個牛肉麵不是用台灣的陽春麵或刀削麵，反而用了店家常用的烏龍麵。雖然口感沒有那麼彈牙，但是反而能吸到更多湯汁。牛肉燉得很軟身，啖啖牛味，而且份量比其他店多。🍽 鹽酥雞鹽酥雞也比想像中多，炸得香脆，而且炸衣一點都不厚。椒鹽味也足夠，建議大家試一下👍🏻🍽燙青菜非常喜歡店家用了我最愛的油麥菜！和價錢相比，菜的份量算多，而且炸洋蔥也增加了口感。🍽黑糖薑母茶（熱）黑糖味道重，反而薑味不太濃，只有淡淡的辣味，很容易入口。🍽蘆薈桂花雪梨茶（凍）有桂花的香味，而且蘆薈增加了口感，兩者很搭。夏天和非常舒服，透心涼。