一起食堂 (域多利皇后街)

營業中

休息中

好耐無食台式野，係中環見到呢間非常有台灣風格既餐廳，店舖不太，非常有台灣氣息！店舖入面有非常多既台灣電影海報，木製既枱同椅子，加上射燈真的非常有特色！蘆薈桂花雪梨茶（右）$24淡淡既桂花香味加上清甜既雪梨茶，非常消暑解渴，蘆薈增加口感，不錯仙草豆漿（左）$24大大舊既仙草，豆漿不會太甜魯蛋$12/隻魯蛋非常入味，連蛋黃都入到味，正原條蒲燒鰻魚飯$139上枱個陣見到咁大條鰻魚真係嚇左一嚇，份量完全唔馬夫，而且仲有隻溫泉蛋，撈飯真係不得了！鰻魚汁甜甜地，而鰻魚非常入味，入口好快溶，一口蛋汁撈飯，一口鰻魚，非常幸福既感覺！炸花枝丸（前）$32花枝丸彈牙，外層炸得脆皮，花枝味香肉燥燙青菜（后）$28有肉燥點綴既青菜非常香口，青菜都算新鮮，配上肉燥不得了牛油清酒煮巨蜆$72/3隻小小牛油香味，巨蜆竟然食落唔韌，清酒煮過既蜆完全無腥味，清洗得非常乾淨，不錯酥炸地瓜條$38地瓜條非常香脆，用了少少砂糖炒過，甜甜地，比普通薯條更好味芋圓仙草凍$38超大碗既仙草凍，芋圓入面有芋頭泥，十分彈牙煙韌，仙草多到嚇親人，估唔到咁大碗！酥炸池魚仔$48炸脆左既池魚仔非常香口，過口癮一流貢丸湯$18是日精選：貢丸湯

星期六晚，諗唔到食乜嘢，朋友就推介左呢間餐廳。我哋特登搭車去中環站，由地鐵站行過去都係10分鐘之內，交通非常方便。鋪頭嘅門面細細地，但入到去即刻有驚喜：藍色格調嘅牆身，配合木質嘅擺設， 10分有渡假嘅感覺！！個人即刻放鬆晒，忍唔住影咗幾張相，扮去咗日本！朋友推介左「原條蒲燒鰻魚飯」，同埋「蟹肉茶漬飯」。係中環黎講，日式晚餐仲可以做到$100樓下真係好難得！佢嘅「蟹肉茶漬飯」，雖然只係買$89 ，但係真係啖啖蟹肉，材料十足！茶湯應該係用柴魚高湯，味道鮮甜得黎又唔會太濃郁。如果嗰日想食得清淡啲，可以考慮試吓嗌呢個。「原條蒲燒鰻魚飯」雖然賣得貴啲，要$139 ，但係佢嘅鰻魚真係好厚身，以呢個份量黎講，都係算好抵。咁厚身嘅鰻魚要燒得好唔係咁容易，但係佢都可以做到魚肉嫩滑鰻魚汁味道亦啱啱好呢間鋪頭價錢合理，食物質素又好，誠心推薦比喺中環嘅朋友試吓！

難得有一日喺中環嗰邊放工，當然要把握機會，去中環度食下嘢啦，由於突然間好想食啲臺灣野，所以即刻搵下附近有冇啲正嘅臺灣餐廳。結果俾我搵到呢間一起食堂。呢度裝修都幾簡潔，而且比較似快餐嘅格局，好長嘅吧台，不過報紙都有花咗心思，同埋音樂都襯托返係用臺灣歌。餐牌就一目了然啦，雖然原本係想食牛肉麵，但奈何海鮮茶漬飯，同埋鰻魚飯實在太過吸睛，所以一於叫咗呢兩個，再另加花枝丸同埋臺灣腸。今次我哋叫咗原條嘅鰻魚飯，鰻魚分量非常之多，燒得非常之香，再加上啲紫菜碎，同埋完全冇曬骨嘅魚身，食落就係好爽。茶漬飯我都係第一次食，呢個海鮮茶漬飯都好足料，蠔都有三隻，仲有唔少嘅蟹肉同埋魚片，非常豐富。當然茶漬飯嘅重點就係嗰條眉同埋個湯底，我覺得配合咗紫菜碎同香料，用湯送飯係非常之濃味同好食。花枝丸，係一件好難會難食嘅嘢，今次呢個花枝丸都係外脆內軟，煠起熱辣辣，再加左少少臺式調味粉，唔錯唔錯。同樣地臺灣腸都係一件好穩陣嘅菜式，香腸脆皮有咬口就唔錯喇。仙草冬瓜茶，我都係飲咗一啖，甜甜地噉樣，珍珠奶茶以外嘅選擇。四季春茶，即係茶包，由於我唔想飲得咁甜，所以特登叫咗呢個，表現正常啦。總結，鋪仔細細，五臟俱全，尤其是兩個主菜

去中環接另一半放工，之後被帶去一間台式餐廳用餐！另一半見證著餐廳開業，但每逢lunch time都有很多人等位，一直無緣食到，所以想我陪佢去試下😊週末晚上中西區人流不多，餐廳客量相對較少，牆上掛滿台灣電影海報，令我倆不自覺地討論起劇情😆餐牌選擇不少，另一半一向鐘情牛肉麵及炸雞，所以佢好明確地揀選了「紅燒牛肉麵」及「鹽酥雞」，而我就揀選了「原條蒲燒鰻魚飯」及「蘆薈桂花雪梨茶」！「紅燒牛肉麵」竟然不是麵，是讚岐烏冬？！雖然由麵變成烏冬，但另一半依然讚不絕口！烏冬爽口彈牙，牛肉炆得入味軟腍，配上湯底好滋味；「鹽酥雞」新鮮炸起，酥脆惹味又夠熱，一啖一粒，好快就被另一半清碟；「原條蒲燒鰻魚飯」配有瓜粒湯，原條肥美鰻魚橫跨成碗飯，配上溫泉蛋、紫菜及蔥粒，賣相吸引😋飯則採用珍珠米，混合沾了鰻魚汁的配料及蛋漿，非常開胃👍🏻；「蘆薈桂花雪梨茶」含有粒粒蘆薈及雪梨果肉，又有桂花清香，重點是餐廳將飲品預先封口冷藏，沒有額外加冰，所以味道不會變淡，而味道則只有清淡的甜味，非常健康又解渴，所以我再多點了一杯😆店員殷勤有禮，交談得知餐廳稍後會更改餐牌，還給我們先睹為快😆回家途中，另一半話希望我之後可以間中接佢放工

今日lunch本來想食南記平平哋但係要去到南記先發現佢裝修咁就再行前多幾步就發現左依間台灣野佢午餐主要係食便當同埋面我就叫左呢個關東煮烏龍麵關東煮冇咩味個面就即係烏冬普普通通但係好貴$89仲要未包野飲如果唔係因為冇人排隊真係唔會食

因為工作關係近排都係港島食飯今次行過呢一間台式食堂好似幾好食一開始仲以為係日式 裝修都幾有風味一嚟就點左個炸地瓜條先似係啱啱炸起但係唔會太油膩而且都好香番薯味 鍾意食呢個多過薯條好多仲點左個巨蜆 真係勁巨型 一隻有手板咁大肉質都鮮甜 如果價錢平少少就更加好正餐揀咗原條鰻魚飯同埋海鮮茶漬飯鰻魚飯都幾肥美 仲要成條上感覺震撼啲而且味道都唔錯 茶漬飯就反而偏重口味但都會食到海鮮獨有味道整體來講都唔錯我哋最後仲叫咗冬瓜茶黎飲個味道唔會太甜 絕對好評

雖然同正宗台灣菜有啲差距， 不過勝在家庭味道濃厚，似屋企飯比較多，1人廚房1人洗碗1人落單，確實係唔容易做， 所以點菜後都需要等一陣，我哋點左甜點，佢都好窩心幫我地安排到最後先上，有d 大餐廳連一個咁簡單既服務都冇， 員工又少，客人又多，服務算不錯

當晚，我們一行4個女生，走到中環域多利皇后街的台式食店 <一起食堂>！舖位深而長，木餐桌椅為主！以中環區來說，這裡的台式美食算抵嘞！仙草豆漿 $24這杯健康特飲很快便送上來！ 只是比室溫稍為凍一點！仙草既大件又好軟滑，整體味道剛剛夠甜！牛油清酒煮托托蜆烏龍麵 $118烏龍麵即是烏冬，口感煙韌掛湯！托托蜆好大隻又鮮美！湯底加入大量蒜粒，蒜香洋溢！鮮味滿載！如果，略嫌不夠食的話，還可以另點一份牛油煮托托蜆，只需 $72/3隻！三色海鮮（蟹肉、廣島蠔和鯛魚）茶漬飯 $108三種口味海鮮各自帶出其獨特鮮味！ 飯及湯底吸收其鮮味，食出滋味！原條蒲燒鰻魚飯 $138原條蒲燒鰻魚用料十足，單看賣相，足以令人滿足！ 甜美的醬汁，把飽滿的珍珠米飯，提升味道層次！刈包 $38我點了這款特色美食，雪白軟熟的刈包，夾住大大件厚層脂肪的豬腩肉，令我難以抗拒呀！ 加入味菜增添風味！鹽酥雞 $32既香脆又乾身，做出水準！炸花枝丸 $32夾雜章魚粒，彈牙之餘口感亦豐富！芋圓燒仙草 $35 & 芋圓仙草凍 $38冷熱之分別，在於仙草熱食便在糖水裡失蹤了！ 然而，凍食的話，芋圓...也是相對較為煙韌！同時

同老友係中環約吔飯, 快食選擇左「一起食堂」。舖頭位置係中環核心, 恒生銀行前一路口, 中環街市側邊🏦 木色黑字招牌都好易認, 打開門後見到一排面牆吧枱同幾列卡位。係得中環核心地段, 其實都預咗啲位有咁窄得咁窄😑繁忙時間搭枱, 同邊坐呢啲都必然🙄加埋較低既樓底, 深沉既牆身, 感覺有點焗促。內部掛咗唔少台灣電影海報🎥但對窄狹感無乜幫助😣餐廳仲有樓上一層, 但今日未有機會上去, 地下層大約坐20人左右 台式舖頭用紙仔落單, 方便快捷🏃‍♂️MENU有麵🍜便當🍱小吃🍟甜品🍰 同飲品🍻  朋友揀既肉燥飯賣相OKAY, 但無機會試; 另外鹽酥雞炸得乾身, 合格水平👌 自已揀既紅燒牛肉麵🐃上台跟左碟小配菜, 但唔太吸引無乜點食; 牛肉麵湯底清淡, 加埋個幼身麵還好👍但係碗麵入面有好大舊蘿蔔塾底呢下有啲反感, 係為咗牚大碗麵吖?🤨定係比啲蔬菜你🤔明明已經有小碟既配菜。牛肉方面質地還算OK 冷泡苿前毛尖茶, 係包好既台式飲品, 味道都係正常合格啦😄 反而最後既甜品芋圓仙草凍, 啲芋圓煙韌有芋香, 呢個真係成餐飯唯一驚喜😍 埋單兩條友241元, 講快食, 呢個價又唔見得特別平。留意到好多OL都黎食嘢👩‍

中環有一間幾唔錯嘅台灣菜店！裏面地方唔算大，不過幾有特色，好似去咗台灣咁。餐牌簡簡單單，不過款式亦都算齊全。牛油清酒煮巨蜆（托托蜆）烏龍麵$119清酒味道好清新，而且裏面每一隻顯都係好大隻，水份充足而且十分鮮味，烏龍麵爽口彈牙，整體配搭一流！原條蒲燒鰻魚飯$139見到已經流晒口水，鰻魚非常大條，而且燒得均勻夠香口，鹹香十足，配搭埋啲粒粒高質素米飯口味唔錯。米紙蝦春卷$36質感比較香口，外皮香脆，裏面包住啲好爽口嘅蝦。燙青菜$26比較健康少少就叫多一個菜，係油麥菜，加埋啲醬汁都幾唔錯。仙草豆漿$24桂花雪梨茶（熱）$18仙草豆漿真係第一次聽，估唔到個配搭都幾得意；桂花雪梨茶就健康少少啦！芋圓燒仙草（熱）$35最後甜品就揀多一分仙草，裡面有好多唔同顏色嘅芋圓，食落比較有彈性。

今日自己一個去中環，路過見到間台式食堂未食過就諗住試吓🤣門面用木材做招牌都幾吸引，有種簡樸嘅感覺😝餐廳餐面用藍色做牆主色，配以木製檯櫈，有種墾丁餐廳，陽光與海灘旁邊嘅悠閒感😚Menu只要係紙上剔自己想食嘅野就可以了，相當簡單直接👍🏻蘆薈桂花雪梨茶自家製嘅雪梨茶！唔算太甜，可以飲到一粒粒蘆薈同雪梨，味道調較得不錯🤗絕對值得一試！紅燒牛肉麵湯底都幾濃味🤗隨咗有菜、紅蘿蔔和牛肉外，仲有落到少少酸菜🤣所以比平時牛肉麵酸😙牛肉幾淋幾入味🤓麵質幾彈牙😚

一起食堂 餓了就要吃飯中環選擇多,其中就有一間中午每天都排滿叫一起食堂小店,坐位不多,就算連晚市也要排隊有紅燒牛肉麵,蔥油雞肉乾拌麵魯肉飯,蔥油土雞飯,和風牛肉飯/麵爌肉飯,類似肥五花腩肉蟹肉茶漬飯/鰻魚飯有台式有日式,最受歡迎的2種風味菜式另有多款台式冷熱飲推薦E33 蘆薈桂花雪梨茶香甜滋潤冷泡茶也是不錯的選擇(無甜)小吃有關東煮/台式鮮蚵心水推介牛油清酒煮巨蜆牛油既香氣,濃郁既蒜辣,加埋淡淡清酒既甜令到蜆肉鮮味盡情大解放另外有多款台式小吃魯蛋/酥炸魚仔/炸花枝丸/鹽酥雞/地瓜條/台式腸甜品有芋園燒仙草 (熱)仙草凍   貢丸湯,台灣貢丸加清湯 味道不突出湯太淡,但就係同台灣食到差不多台灣香腸,煎得夠脆口,切片上菜蔥油雞肉系列非常好食只係麵身比較多水,拌起上來味道會淡左  蔥油夠香,加上蔥,乾蔥頭,溫泉蛋拌勻吃麵身似烏冬,拌上溫泉蛋蔥油後味道豐富雞肉拆得好細,但仍然幾嫩  最後再追加一個關東煮有粟米,魚蛋,福袋,魚片等等完全係做到日式風味,醬油夠香,亦帶甜味~福袋咬開爆餡#中環美食 #台灣夜市 #台式美食 

放工同幾個朋友一齊食飯， 就試一試附近間台灣餐廳，3個人點了三個主食，兩份小食，和兩杯台式飲品，分量有點多，食到要捧住個肚仔返屋企。原條蒲燒鰻魚飯 $139賣相相當吸引，但食落就很一般。鰻魚肉質係結實的哪種， 不是肥美的，近尾部位置仲有骨，不推介。紅燒牛肉麵 $89湯底很香濃帶一點點辣味，麵條軟骨好似烏冬，但牛肉偏乾，有點嚡。三色海鮮茶漬飯 $109第一次食茶食飯，有種清香的味道，配海鮮，感覺好健康。鹽酥雞 $38炸得好酥脆，而且雞肉還是嫩嫩的，推介！炸地瓜條 $38好好味！香脆！有甜甜的地瓜味！仙草冬瓜茶 $24仙草好滑，咕一聲吞咗入喉嚨，哈哈，但太甜，飲得好辛苦。蘆薈桂花雪梨茶 $24都ok，幾清新解渴。

今日去中環行街shopping，行到肚餓當然要去搵嘢食，去到域多利皇后街，見有間叫「一起食堂」食台灣菜嘅店鋪，門口唔多覺眼比較隱蔽，但價值十分抵食，就決定入去食番餐飽，裡面裝修很有台灣感覺，牆上掛上很多台灣出名電影，坐位不是很多但不會覺得擠迫，我們選擇坐bar枱，點了原條蒲燒鰻魚飯，和風牛肉飯，小食點了鹽酥雞和烤台灣香腸，飲品分別點了冷泡茉前毛尖茶，仙草豆漿，蘆薈桂花雪梨茶。甜品叫咗芋圓仙草凍。那個原條燒鰻魚不得不提，大大條燒得好好味，上面加咗D紫菜，又甜又鮮味， 珍珠米飯又好吃。

今日同朋友去左pmq hea 完飲完咖啡，落番中環，見到中環街市隔離有間小店食台灣野，我地就入去食個晚飯。中環夜晚實在人好少，何況是星期六的晚上，人流就更少，去支持一下小店。我地一人一碗麵，仲叫左d 小食。巨蜆烏龍麵 $119，裡面有5 隻大蜆，真係好大，好鮮甜又無沙，個烏龍麵算係有d 淋身，配上清酒同蒜蓉好夾，唔算太濃味，不過個蒜味就久久揮之不去。紅燒牛肉麵 $89，個麵底一樣係烏龍麵既質感，平時牛肉麵比較煙韌，呢個就偏淋，個湯好濃味，牛肉都淋身易咀嚼。肉燥燙青菜 $28，配番個青菜平衡一下，個菜都好味，配左肉燥提升左味道，不會太寡。另外仲叫左個鹽酥雞 $38，d 雞細細細粒，有d 乾身。台灣既貢丸就好爽口多肉汁，好好味，呢個貢丸湯 $18，就一般爽口，口感就無台灣個d 咁好。飲品叫左個蘆薈桂花雪梨茶 $24，凍的不過沒有冰，桂花味好重，仲飲到一粒粒的蘆薈。最後叫左個芋圓仙草凍 $38，可以後上，食完晒咸點先食甜品，唔算好凍，不過有好多芋圓，甜度都可以！