一起食堂 (域多利皇后街)

營業中

休息中

看門面以及店名本以為係一間台灣菜，誰不知睇左下menu發現竟然係台式加日本的專門店。店內佈置了日本及台灣的電影海報，座位不算很舒適，但作為快食餐廳黎講都算不錯了。 紅燒三寶牛肉麵$99三寶其實是牛肋肉、牛腱、牛丸，其中牛丸最為出色，牛味濃郁之餘咬落仲超彈牙多汁，如果可以作為小食單點我一定會成日再黎呀！紅燒牛肉湯底濃郁，可是牛肉麵竟是手打烏冬，細心一想，這裡是台灣+日本菜，便覺得不用驚奇了。 三色海鮮茶漬飯$109茶泡飯加了大量紫菜、飯素，配上三文魚籽、廣島蠔、蟹肉，非常鮮甜！ 燙鮮蚵$68蠔肉大隻鮮味 芋圓仙草凍$38芋圓應該加了許多地瓜粉，所以口感偏硬偏脆身，仙草又滑又好味，配上花奶食一流 仙草豆漿$24豆漿濃郁，加了些仙草都不錯 這間食堂價錢不貴，推薦。