一起果醬 (已結業)

昨晚，我和一位朋友到了一間出名吃果醬吐司的餐廳吃晚餐。餐廳環境尚算舒適，我們被安排到近門口的一張枱坐。店員向我們遞上餐牌, 食物款式很多，我本來想叫九宮格多士，但同時亦被煙三文魚班尼迪溫泉蛋吸引著，考慮了約五分鐘，我便決定點一份煙三文魚班尼迪溫泉蛋。飲品方面，我點了一杯熱木瓜雪耳鮮奶,飲品裡面有足料木瓜粒，雪耳的份量不多，整體甜度適中，喝下去感覺很舒服，木瓜粒還有助消化呢！我朋友的雜苺奶昔選擇了藍莓果醬，甜甜的。大概等了十分鐘，我們的食物便送上來了。煙三文魚班尼迪溫泉蛋配芒果荷蘭汁的賣相普通，沒有我想像中的大大件班尼迪溫泉蛋。班尼迪溫泉蛋有點兒不夠凝固, 但其流心程度很強呢，一切下去，蛋黃漿是湧出來的。我朋友點的是龍蝦汁海鮮意大利飯，它的賣相相當吸引。意大利飯的質感煙煙韌韌，很有口感。海鮮醬汁味道濃郁。

第二次黎呢度食野，餐廳嘅環境依舊都係咁悠閒咁舒服。上次係黎食午餐，今次就食晚餐今次叫左一個dinner set再加兩個小食。前菜我地揀左沙律，啲菜好新鮮，面頭有啲芝士碎而個汁就係醋加熱情果果醬。啲菜嘅種類熱頗多，所以食落好有層次，而且個汁除左醋之外仲有果醬，所以食落除左酸之餘仲甜甜地，好開胃。餐湯揀左蘑菇忌廉湯，睇落好深色好似有好多蘑菇蓉左響入面咁，面頭白色果啲忌廉黎嘅。飲落蘑菇味好濃但又好香忌廉味，而且入面真係有好多碎蘑菇。主菜係慢煮嘅西冷扒，中間仲有個約克群布甸。牛扒一上枱已經好吸引，雖然冇鐵板咁樣gelgel聲，但其實慢煮都可以好吸引。牛扒嘅中間煮到好林，一聞就覺得牛味好香好濃，咬落有啲肉汁咇出黎。玫瑰蘋果醬單骨雞翼，單骨食落真係方便好多。個皮脆脆地但又唔油膩，面頭有一層蘋果醬，食落甜甜地而且仲好香，完完全全咁可以取代蜜糖雞翼。Portobello真係好正！ 中間果啲係芝士肉醬，一切啲肉醬多到跌哂出黎。隻菇好多汁，好濃香菇味。雖然肉醬味本身已經好濃，但係都唔會搶哂啲菇味焦糖焗蛋，個蛋入面好香雲呢拿味，面頭果層糖同啲果醬好夾最正係個果醬綠茶，個底有好多果肉，飲落好香水果味，但又唔會

現今既cafe，已經唔單單係一班朋友去消磨時間既地方。裝修要夠特別，食物賣相亦都要夠靚，先吸引到更多偽文青去影相、呃like。之前已經打過一篇寫評，評Let's Jam西貢本店，今日亦特地黎試下佢位於佐敦、尖沙咀交界既分店。西貢本店充滿休閒格調，適合靜靜傾計，hea返半日。分店始終係旺區，樓底比較低，但亦都有一大面既牆身係鋪滿草皮，都算係城市中既一片小綠洲。午餐價錢係一般cafe價位，主要係食個環境。想試蟹肉意粉但無貨，於是點左 Full English breakfast($98)同士多啤梨燒豬肋骨($88)。前菜有沙律，亦都係用上香芒果醬加醋。Full english breakfast既果醬選擇左Rose & Apple，入口一陣清香玫瑰味，唔會好假，亦唔會蓋過蘋果醬既味道。炒蛋做得好香滑，其他水準正正常常。士多啤梨燒豬肋骨帶驚喜，自家製士多啤梨BBQ醬味道特別，酸甜開胃，無論點薯條定配豬肋骨都幾好味，不過略為細份，男仔就未必夠飽喇。無再食佢地既scone同埋飲果醬茶，餐飲要左普通既檸水同咖啡，亦都真係好普通，作為cafe，咖啡水準可以再改善一下。

I was recently brought here by some friends, who spoke very highly of this restaurant they frequented. With its wooden tables, and a green wall decorated with fake plants, the restaurant gave a relaxing atmosphere befitting its fruity name "Let's Jam".We ordered dinner sets, which started off with a salad, which I normally don’t care for, but they used jam instead of typical salad dressing, and that took it to a whole other level! The mushroom soup tasted very hearty too.As for the main course,

尖沙咀返工嘅關係所以成日都會係附近試吓唔同餐廳當午餐。近排就發現松山道有間以自家製果醬做主題的餐廳真係非常吸引，特別佢會喺果醬加入唔同元素令到食果陣真係一試難忘。餐廳內裝潢都好有格調，真係岩哂同朋友一齊享受美食。午餐有主菜之外，亦跟埋沙律同餐飲。田園沙律配香芒油醋汁沙律新鮮且賣相精緻，特別加了佢個香芒醋汁相當之有驚喜，酸酸甜甜非常醒胃。All day breakfast材料豐富，有炒蛋、煙肉、果醬多士等等，睇見真係相當滿足。芝士炒蛋非常滑溜，而且仲有芝士香，唔錯。玫瑰蘋果果醬多士熱辣辣嘅多士加埋果醬一齊食真係一流，特別鐘意佢唔會過甜且有濃濃玫瑰花味，真係好好味呀。士多啤梨燒豬肋骨望見已經流哂口水，肉質軟稔火喉岩岩好，配埋果醬一齊食可以多一份清新感覺。而果醬配薯條都一樣咁夾，真係希望第時食薯條都可以揀果醬呀！

"一起果醬"，看到名字會令你對他產生莫名的好奇，很想試試。果醬一向給我感覺是上班的早餐，配合白麵包很快地就可以完成一個簡單早餐，偏偏"一起果醬"就以果醬來做主角，這個是食物中的綠葉王，就看"一起果醬"如何把綠葉王推到主角層次。先說一下環境，食物跟環境有莫大關係，要是五星級名廚為你準備用膳卻要你在後巷進餐，怎樣看也不是味兒，所以每次用膳除了食物質素，環境氣氛亦可以直接影響用膳者觀感。先說食店內裝， 一貫時下流行的木家具，配搭深沉色配搭，燈光選用較柔和的黃光，整個感覺比較平易近人，而且燈光不會過暗，對於相機食先朋友不會太困擾。不過還是建議靠近門口/窗邊坐，有自然光的配合，拍出來事半功倍。食物方面最吸引我的，莫過於是"果醬九宮格多士"外觀跟味道一樣吸引，多士外脆內軟，每格都有不同果醬，每口都有驚喜，而且不會過膩。小食拼盤/果醬雪糕窩夫餅，這兩個則沒有太大驚喜。

一直去開西貢let's jam,今日同女友行開尖沙咀，於是決定去試下佢地嘅晚餐,我地book左7點枱，早左半個鐘到，但店員都好好安排座位俾我地，7點左右陸續多人，所以大家去之前最好book位先。門口裝飾幾靚，唔執輸影番幾張先。叫咗個法式油封鴨脾伴紫薯泥配丁白橙醬。未食，聞落個鴨脾已經好香。用把刀輕輕切落去就已經好腍，就咁食佢d肉就有陣咸香味，如果點埋個香橙醬食，帶點果香味，唔錯。另外為女友叫咗個龍蝦汁海鮮意大利飯。有2隻蝦，2隻青口，1粒帶子。食落就知道用料新鮮，份量亦足夠。最後叫咗杯真·紅豆冰，好耐冇飲，勁有懷舊feel。

今日第二次食，第一次食all-day-breakfast, 唔太差，今日呀女响呢頭上興趣班所以再試下。可能星期六關係所以都幾多人，坐底服務員話因爲三點有booking所以要3點前交枱，仲有個半鐘其實好夠時間。爸爸叫左個all-day-breakfast, 好快上枱，味道不過不失，多士配的果醬好似話係自家製，都唔太差。我叫左個burger, 我知道通常burger都要時間準備，所以唔算等得耐。burger上枱第一眼見到個面包都幾大個，不過個面包皮就唔多討好，第一啖食，個脆口感覺有點奇怪，第二啖直頭「確確」聲，原來塊漢堡排個底燒到燒焦左，成塊黑蚊蚊，唔知係咪廚師想整到咁脆口，不過我就真係食唔到，同服務員反應左，佢好好話整過俾我，跟著就同我講賣哂，由於咁所以無影到相，咁我就叫左個蟹餅配蛋黃醬。蟹餅上枱後，我，爸爸，呀女食左第一啖就知出事，完全唔知食咁乜，個味道仲要怪怪的，唔想再麻煩廚房所以諗住不了了之。到埋單服務員好細心，見我地無食到個蟹餅主動問咩事，講左俾佢聽佢都立即道歉。其實服務員真係好好，不過食品質素真係有侍改善，都係食番all-day-breakfast最穩陣。

幾年前跟朋友車去西貢放狗，第一次到Let's Jam，無論食物環境同人物都非常配合。因此留下非常好的印象今天經過繁忙的松山道，才突然發覺原來鬧市都有一間 Let's Jam來到一起果醬，當然想試晒唔同口味嘅手工果醬啦！啱味道就買一點返屋企做早餐。一坐下便二話不說的 order 了果醬九宮格多士 $49🍞好 jaaaaaaaaam 呀 🍓一次過滿足晒對九種味道的好奇。桂花雪梨感覺好滋潤玫瑰蘋果未到最優雅配以熱辣辣脆卜卜嘅厚多士，記得即刻食唔好等最好味。朋友跟set有個果醬沙律，配搭酸酸甜甜的蘋果汁最吸引，而且十分健康。暖胃之選我有野菌忌廉湯。除了特色的手工果醬，主食都很不錯，龍蝦汁海鮮意大利飯 $109。大大隻帶子，爽口彈牙，龍蝦汁味道非常濃郁意式青醬雞肉意粉 $89。雞肉非常嫩滑，醬汁充滿濃濃的香草味。法式焦糖燉蛋都加入了果醬so perfect 幾十元的手工果醬，真的物有所值。溫馨的小店，跟三兩知己坐低傾吓計，不失為鬧市中的清泉

草根姐妹又一齊去覓食，好早已經聽聞西貢有間主打果醬嘅Cafe好出名，不過真係太遠，而家九龍區有分店確實方便得多，今晚一於Let's Jam!!!嚟之前以為以果醬聞名嘅餐廳只有輕食，擔心主食選擇不多，質素一般，但事實證明草根多慮了餐牌選擇不少，同時亦有供應Set Dinner，不過今次草根想多試點食物，所以就單點好了炸香草芝士條 ($49)Herbs & Mozzarella Cheese Sticks外層炸得非常鬆脆，同時炸漿好薄，帶有香草味，一咬開不但能夠拉絲，更有芝士的咸香，確實不錯，放涼後會變韌，所以影完相要盡快吃啊!!一客6條，適合與人分享龍蝦汁海鮮意大利飯 ($109)Seafood Risotto w/ Lobster Sauce意大利飯非港式軟腍口感，但又非最傳統生米嘅質感，有點咬口，同時港人又輕易接受，此方面拿捏得很不錯。龍蝦汁味道濃郁，每一口飯都帶有蜆、魷魚同蝦，異常足料，實屬意料之外。飯面2隻大蝦更是一大亮點，煎香了表面，蝦肉新鮮實肉，吃完口腔仍留有強烈餘韻，若要挑剔就是青口鮮味不足，而帶子也可多作調味。但整體味道豐富，份量足，好吃無誤。果醬九宮格多士 ($49)T

果醬除左就咁食，揸多士食，原來仲可以同埋啲肉一齊食架！朕今日出巡到尖沙咀，同隨從黎到呢間《一起果醬》，黎到呢度就緊係食Jam啦，仲要係手工Jam添！為左試清楚唔同Jam既味道，朕就叫左個九宮格多士，一次過試哂九種味道，呢度既手工果醬，唔似一般既現成果Jam咁甜，仲有好濃既果香，同埋大量既果肉，入口鮮甜，多士香脆可口，仲要有九種不同既味道，滿足唔同既需要！跟住黎多個小食 － 玫塊蘋果醬單骨雞翼，食落有淡淡既果香同甜味，外皮香脆，肉質嫩滑，開胃小食！最後就緊係到主角出場啦！士多啤梨燒豬肋骨，士多啤梨同豬肋骨出奇地夾，可能因為士多啤梨有果酸既關係，令到燒豬肋骨既肉質特別腍身，而豬肋骨燒到外皮有少少焦香，而食落入面郤異常地嫩滑，亦滲出士多啤梨既香甜，一啲都唔硬亦唔會太散，水準之作！最後就緊飲多杯香濃幼滑既Mochafreddo作結，滿足既一餐！！！－－－－－－完－－－－－－

一直認為，市面上自家製既果醬只係生果加大量砂糖熬煮而成，甜到漏但今次女友帶左我黎呢到食早餐，令我對果醬從此改觀原來果醬都可以有咁多款咁有特色門口亦都擺放售賣既果醬款式每個set lunch都奉送前菜沙律新鮮既沙律菜拌上果醬同灑上芝士碎微酸既果醬更令沙律菜顯得清新英式早餐份量都唔細，仲有我喜歡食既紐倫堡腸炒旦嫩滑至於亦有旦汁菇類用牛油炒過，簡單地用鹽同黑椒調味，香味撲鼻一般食英式早餐，茄汁豆永遠都係凍冰冰但係呢到廚師好有心，將茄汁豆加熱，令人食完有滿足感多士烘到脆脆，配上自選既果醬就係呢個叫“熱帶風情”既果醬令我改觀，小小酸帶微甜，配上脆脆既厚多士，令我不知不覺咁食完整塊drink list有款叫“真。紅豆冰”就order黎睇下點“真”法飲落有奶香，帶有碎冰每粒紅豆都飽滿整杯飲完都唔覺得膩

今日同幾位好姊妹一齊tea身為文青嘅T就suggest咗呢間叫做<一起果醬>嘅cafe喺食之前大家都做好準備上openrice睇下有咩必食之選見到食評咁多like難免會有點期待不過現實始終同f f有點距離坐低後我就點咗個parma ham egg Benedict $99另外加咗一個scone$12再叫多杯桂花雪梨梳打$44個溫泉蛋egg benedict賣相真係有點嘔心配埋個荷蘭醬 睇落有啲似嘔吐物不過味道還可以杯桂花雪梨梳打搞完一場大龍鳳 先倒出嚟梳打蝕曬汽桂花雪梨又淡茂茂完全飲唔出有桂花糖雪梨味同友人杯蘋果茶嘅甜 形成強烈嘅對比至於最期待嘅Scone就令人失望Scone size細不特止想將個jam轉為cream又話唔得下下講錢 要加12蚊算吧 無謂妹仔大過主人婆就淨係試咗士多啤梨果醬一入口 嘩~ 勁甜甜到真係有啲漏搽唔曬咁多果醬諗住散叫塊多士唔好浪費啲醬又話冇得散叫食咁多甜野都唔知會唔會糖尿病題外話呢度嘅侍應服務態度真係麻麻每次落order都黑口黑面唔係話要你賣笑但咁嘅態度真係會嚇怕咗唔少食客希望餐廳負責人可以改善一下

同好友相約共聚，俾哩間餐廳將成個心情 拉下去 ，d jam甜到想死... 唔知Why d 食評可以無一個人係bad comment, 但我地4個食，4都覺得超甜。。仲有難飲到爆嘅果茶。。要拎兩次水先averge到杯野既甜度。。小店？ 完全唔覺，一嚟冇人情味，二來冇flexibility，scone 係幾好食但細粒，但d jam太多，我地想叫淨toast ，食埋d jam, 佢話無。。想攞走食剩既一小樽jam, 又話要俾$50按小樽既錢。。好似唔想人攞咁。。我地只係唔想浪費廚C煮既野同心機。為左可以食埋淨返既果jam，於是又額外叫個scone set.. 希望將個set入面既Jam轉做creme，但又唔得！！要再另外加$12⋯最重要既係。。 白色衫長頭髮嗰位服務員, 塊面黑過隻鑊撈，問佢攞杯水，塊面即時變得更黑，唔係甜到死我哋使乜囉呀。。另外嗰個 黑衫嘅放碟scone落嚟好似放狗糧咁.. 真係食到我哋好唔開心.. 自己都係做服務性行業，真心覺得店員咁嘅態度， 不如轉工啦，希望店主見到嘅話，就train下d員工啦！埋單7舊幾水，一d都唔平，仲要食到一肚氣！無下次！

Weekday放假想好好享受一個美好嘅下午，唔少得嘅當然係歎返個下午茶啦呢個果醬奶油英式鬆餅一客有3件果醬係Homemade，可以自由選擇。雖然細細樽不過其實已經夠分配嚟食，奶油忌廉味非常重帶微微奶香。淡淡哋無甜味，主要甜味嚟自果醬。英式鬆餅上枱暖笠笠，感覺好新鮮。而且食落唔會好乾。本身奶油係雪櫃攞出嚟質地比較硬。不過因為鬆餅暖暖哋，奶油放上去就無咁硬容易拖開。Latte無咩特別，奶泡都多不過飲落唔夠滑