一起果醬 (已結業)

呢間餐廳用果醬做主題，由沙律、主菜同飲品，都用左佢地自家製果醬🙊💓💓 . 🍓#士多啤梨醬豬肋骨 $229set 包了餐湯、沙律、同飲品👏🏻 餐湯好好飲，蘑菇味好香，好足料呀！ 士多啤梨醬同豬肋骨好夾，甜甜地嘅果醬令到豬肋骨清新啲，冇咁濟，豬肋骨肉多汁嫩，而且可以輕易切開，薯角配果醬都好好食，炸到好香脆👅👅 . 🍝#黃金軟殼蟹意粉 $109 呢個意粉好好食😍，忌廉味幾creamy之外，仲有微微既咸蛋黃碎，食落帶咸香，軟殼蟹多點會更好！. 🍊#果醬九宮格多士 $49 好期待食呢一個多士，因為佢用咗九款唔同嘅果醬🤭，多士好厚兼很軟熟～每款果醬都係佢哋自家製，味道天然亦很出色，有玫瑰蘋果、藍莓、士多啤梨、黑糖四物、桂花雪梨、玉桂蘋果、菠蘿、木瓜雪耳，必點呀～😍🤤 . 餐牌 一起果醬地址：尖沙咀松山道15-17號地下D舖

朋友係一個好鍾意食果醬麵包嘅人，偶然見到有人post左一張果醬多士嘅相，搞到心郁郁好想食！晚餐可以單點叫套餐，我哋就叫咗士多啤梨醬豬肋骨套餐同黃金軟殼蟹意粉！💓💓套餐嘅沙律同，餐湯都好好食，餐湯係蘑菇湯，入面仲有粒粒嘅蘑菇蓉，好香，沙律就用左果醬調味～黃金軟殼蟹意粉好好食，有啖啖蟹肉同咸蛋黃碎，唔會太膩的！💓💓💓 仲有豬肋骨幾入味，以為配士多啤梨醬會好奇怪，點知味道反而幾夾呀！ 我哋認為多士係必食，因為每一款果醬都好好食！

見到餐廳成個餐牌都俾果醬佔據哂😳，好奇甜甜嘅果醬點同鹹食嘅西餐融合一齊，一於就試試佢！推介⭐️果醬九宮格多士 $49全自家製嘅果醬搽麵包，一定冇得輸啦😍果醬果香味好重，最中意九格入面嘅水蜜桃味（期間限定）、士多啤梨味同鹹蛋菠蘿🍍，食完好想買一罐返去慢慢搽麵包食！慢煮黑毛豬扒配肉桂蘋果汁 $169黑毛豬肉質腍，伴隨着少少肥肉嘅油脂，配埋果醬食，好食😋！本身唔太鍾意玉桂味，但呢隻汁偏重蘋果味一啲，更易入口呀！推介⭐️薯角配士多啤梨燒烤汁 $45薯角炸到脆卜卜咁，原本以為士多啤梨汁會好甜，點知加咗燒烤味，即刻惹味哂，又甜又鹹咁，夾哂👍🏻！熱帶風情果醬奶昔 $42 果醬奶昔有幾款果醬可以揀，本身諗住揀一隻特別啲嘅味—鹹蛋菠蘿，但店員私心推介呢杯熱帶風情😛，飲落好清爽，果香味濃，不過略嫌細樽咗啲🙈，唔夠喉！黃金蟹肉軟殼蟹意粉 $109🦀擺盤好靚，望見都流口水🤤！蟹肉足料，配上洋蔥粒，每啖都大滿足呀！整體嚟講好唔錯☝🏻，果醬同西餐配合得咁好抵讚，食完知道點解佢咁好評🤩，要encore試埋其他果醬先得！好味指數（5粒最高）：

其實我男朋友好遷就我☺️我成日想去試唔同既餐廳，盡量避免重複食🤦🏻‍♂️我地之前都幾常食呢間餐廳，佢提議過幾次再食我都拒絕🙈我之前都介紹過，發現岩岩好係一年前既30號🎉(食既野仲要都一樣)-🔹果醬九宮格多士($49)⭐️8.5/10每次都必食既多士‼️完完全全可以滿足我貪心既胃，可以一次過試9款口味既果醬🍯仲有好好玩，逐格去估係咩味👻雖然未係可以試哂所有口味，佢太多款果醬了😍我最鍾意係玉桂蘋果同丁香香橙🍊天然自家製，味道好突出，我之前仲買左幾樽果醬返去搽麵包、送餅乾、沖野飲🍹-🔹黃金蟹肉軟殼蟹意粉($109)⭐️7.5/10意粉既醬汁混合好多蛋黃同蟹肉🍝意粉偏軟身，雖然用蛋黃，但唔係鹹蛋黃，所以唔會太重口味🐣上面插左半隻軟殼蟹，都炸得幾酥脆🦀-🔹油封鴨脾配丁香香橙果醬($219/餐)⭐️7/10我又係特別鍾意食油封鴨脾，每次都叫😝外層煎到超脆，有點硬，好彩裡面啲肉好滑，又好多汁👍🏻好喜歡裡面啲肉仲keep到啲油同汁💦配埋丁香香橙果醬，估唔到係出奇地配合，酸酸甜甜既果醬令整道菜生色不少👅▫️晚餐有沙律、餐湯、甜品🥗比較欣賞餐湯，忌廉磨菇湯，非常濃郁👍🏻甜品係芝士蛋糕🍰-🔺果醬奶昔($42)可以自選一款

終於到星期六！ 一定要好好享受下呢間小店已經聽過好多朋友推介，但以前只有西貢有所以就沒什麼機會去，而家尖沙咀都有實在太好了！好方便🙌🏻今日約左朋友一齊黎呢度食個悠閒下午茶☕️一入到去即刻有幾分置身田園的感覺，左邊的牆是用綠色的假植物鋪滿的，餐桌椅子都是木造的，感覺十分相襯。不過綠色牆旁邊已坐滿客人，唯有坐另一邊近門口的位置。🌲🌳🍃🍀🌿一坐底我地就急不及待叫食物-煙三文魚沙律配熱情果油醋汁有我喜歡的煙三文魚🤤 個醬汁酸甜適中，仲有淡淡的熱情果香，非常開胃！-九宮格果醬多士可以一次過試哂九款特色果醬有菠蘿、藍莓、玫瑰蘋果、黑糖四物、桂花雪梨、肉桂蘋果、橙、士多啤梨、木瓜雪耳（希望無記錯😝）印象最深刻係桂花雪梨+肉桂蘋果其他都是比較相似的味道，有點分不清哪個是哪一個醬-玫瑰蘋果單骨雞奕這個菜色令我有失望，雞奕太乾，玫瑰蘋果的香味是有的但沒什麼醬汁的味道，不太推薦-桂花雪梨茶+玫瑰蘋果茶兩杯都濃淡適宜，果香洋溢。總括來說，下次會再黎，因爲有很多獨有的果醬菜色還沒嘗試，還有所有果醬香味和味道都很吸引，是天然蔬果製造無添加，買返兩樽做早餐果茶一流題外話，餐碟同餐杯都好靚，好elegant既感覺，成間

是日睇完戲，諗住搵下西餐食，想飲杯啡咁。朋友就好想食All day breakfast，行左幾間都唔太啱咁，就上網睇下啦，見過兩個街口有呢間，所以就入嚟試試佢。最初睇到佢menu見好似好多野咁，仲怕食唔晒，但個set一嚟到，我同朋友都即講左句「一定食得晒…」😂😂😂望到個樣時的確有少少失望，再食落去其實都唔太覺有咩特別。個炒蛋聲稱係芝士炒蛋，但食落去冇芝士味，更加冇奶味，同埋好似有點overdone，乾身左少少。煙肉都一樣，煎得太乾，好硬…不過啲菇就幾好食，應該唔係平價菇~但價錢要成99蚊，真心唔值。朋友食左個deluxe all day breakfast，佢個豬扒就不錯，整得幾林~呢間餐廳最值讚係店員服務好、有禮貌、反應都快~仲有一樣係佢主打嘅果醬，真係有好多款可以選擇，都幾特別。咁啱佢嚟緊想出隻新果醬，仲會俾客人去試下！如果佢煮野食技巧再好啲就更加好喇！

Let’s Jam小編已經聞名已久，今晚可以同閏蜜試試啦👱🏻‍♀️首先要試最出名既🍞果醬九宮格多士($49)，因為呢道主打果醬，而個多士就有齊晒九款果醬啦😍分別有桂花雪梨、玫瑰蘋果🍎、肉桂蘋果、熱帶風情、蛋黃菠蘿🍍、黑糖四物、士多啤梨🍓、木瓜雪耳和藍莓！多士外脆內軟，小編好愛肉桂蘋果既香氣，蛋黃菠蘿好fresh好開胃，藍苺就係最香甜的！.士多啤梨燒豬肋骨🍓🐷 $169呢道菜好出色呀👍🏻豬肋骨好大份，燒得好香面層搽左層蜜糖🍯，配菜有薯角，炸得非常之不錯😃重點在士多啤梨果醬，果味好香好天然既strawberry味❣️點薯角超夾！.玫瑰蘋果單骨雞翼 🌹🐔 $39好精緻既一道小食😌涂上玫瑰蘋果果醬，味道唔會太甜，微微果香，對於唔鐘意濃味既朋友都係一個好既選擇。.黃金蟹肉軟殼蟹意粉 🦀🍝 $109好欣賞意粉個汁❣️挺creamy啊佢落左少量鹹蛋黃變到超香，加埋好多蟹肉，食落成個感覺好豐富😍反而軟殼蟹特色唔算大，可以調味多少少，炸得再香身啲🙃.果醬沙冰士多啤梨🍹 $44果醬沙冰可以選你喜愛既果醬，例如朋友喜愛士多啤梨果醬，咁打出黎就會變左lady pink💕飲落個味好鮮呀唔會有藥水味，用料好足！👍🏻

又一間bookmark左好耐終於黎到既cafe😍位於尖沙咀既let's jam，佐敦站出口會比較近，大家唔好係尖沙咀出😉🍓士多啤梨燒豬肋骨 ($169)以前會覺得主茶配生果有d奇怪，所以點菜都儘量避免唔叫。一場黎到果醬做selling point既餐廳，當然要叫番有果醬既main course啦😉估唔到士多啤梨同肉類會咁夾，豬肋骨肉質新鮮，完全唔鞋，食落有少少肉汁再加上甜甜地既士多啤梨味好清新😋粗薯條炸好熱辣辣，點果醬都好match😍🐮慢煮厚切安格斯西冷牛扒配玫瑰蘋果汁 ($179)牛扒好厚，肉質仲係粉嫩的，唔會煮得過熟或韌😉醬汁有微微玫瑰花香味，而且唔會太甜。伴碟仲有幾粒薯仔。🍞果醬九宮格多士 ($49)登登登登❤期待已久既九宮格多士😍既然果醬係signature，咁當然要試多d果醬味啦。全部果醬都係餐廳人手製造，好天然，而且有d味道唔係出面食得到。呢個九宮格多士一次過滿足曬9個願望😋我覺得應該係肉桂蘋果，桂花雪梨，香橙，蛋黃菠蘿，木瓜雪耳，雜莓，同黑糖西物😍個人最鍾意肉桂蘋果，以後早餐食麵包都可以擦jam la😋蛋黃菠蘿聽落怪怪地，不過味道又唔錯啵，菠蘿既酸甜可以中和蛋黃既膩。🍵桂

之前聽講佢個多士幾得意，特登黎試下。主菜點了黃金蟹肉軟殼蟹意粉，好有蛋黃味，蟹肉亦算多，另外點了龍蝦汁海鮮意大利飯，相對份量較少，但個汁幾好味。主角當然係九宮格多士，有九款果醬係每一格，有一兩款係ginger,蛋黃就有D唔中意，其他都係正常水果味，都唔錯，多士算厚同暖，唔會凍唒上枱。

Let’s Jam這間餐廳位於柯士甸和佐敦附近，經過一條斜路才會到達，餐廳的環境優美，很適合朋友仔聚會和坐下歎杯咖啡，聽餐廳名就知道，果醬係佢地既招牌生意，但係我無叫到佢地既甜點，例如：果醬九格果士、鬆餅，聽聞都係非常出色。不過今日食既正餐都非常好味。黑松露野菌意大利飯$89濃濃既黑松露醬汁，估唔到除左果醬，都咁出色。玫瑰蘋果果醬單骨雞翼$39呢個小食都算係試左佢地既果醬，果醬非常配合雞翼的味道。整體既價格都好合理，都好抵食

尖沙咀-一起果醬：油封鴨（hk$159/set:$219), 慢煮極黑毛豬扒（$169/set:$229), 果醬梳打（跟餐$22），果醬奶昔（跟餐$21），甜品轉蛋糕（+$15），+10%大餐廳食得多，有時都想試下特色小店😋一起果醬的賣點係自家製果醬入饋，有好多款特色果醬呀，例如咸蛋菠蘿真係好想試，可惜落唔到飲品試唔到！油封鴨配丁香香橙醬，無得輸，好夾！但真係估唔到豬扒配玉桂蘋果仲夾。份量都唔少，油封鴨有兩隻，可能叫一個肉+一個意粉share食更好，因為隔離桌既紅蝦意粉好吸引呀🙈食完覺得單點會抵過叫餐，雖然朱古力蛋糕同埋跟餐既芝士蛋糕超滑，不過都係覺得散叫抵d✌🏻

早上做完瑜伽，獎勵自己的辛勞。侍應好似唔休做咁，雖然人都唔多個，好唔情願咁樣先攞餐牌或者回答你嘅問題。(我哋係好友善有禮貌咁問)不過我都唔係為咗佢啲服務而來嘅，好好享受環境同食物。姜母茶應該係自己自製，有啲紅棗皮沈低，同埋有肉桂嘅香味，影相同飲落去都一樣有feelall day breakfast食材鮮美黑毛豬超正。九宮格比我想像中美味。all day breakfast toast佢會幫你揀開另外一隻味等你總共可以食到10隻不同的jam。呢個部份可以為服務爭返啲分。仲有另外一邊有啲花草牆，整體環境都係好值得慢慢喺度休息同享受。好似10點半之前早餐係$38，望落去都好豐富希望再有機會去食。話說呢一間野仲有好多新鮮果醬可買回家。除咗諗到用咁嘅方法滿足人哋想一次過食晒所有唔同味道嘅果醬之外，以前仲同中學搞咗crossover活動，真係好有生意頭腦。仲有好多不同嘅款式都想試吓，希望佢嘅服務可以做得更加好，咁樣或者我會經常來。

一直想試這間餐廳好耐，可惜位置問題，次次未有機會試試。今日終於跟朋友夾到時間，償了這個心願。「All day breakfast 配 玉桂蘋果果醬」分量對一位普通女士來說，適中。有番茄、煙肉、多士、黑椒蘑菇、雞肉腸、黑椒豬肉腸、茄汁豆 & crumble egg。玉桂蘋果果醬好好味，配熱辣辣多士，絕配！黑椒蘑菇的黑椒，對我來說重了一點。其他正常。「士多啤梨果醬燒豬肋骨（半分）」醬汁調校恰當，味道不錯，豬肋骨肉質接受。意外驚喜是配菜用了薯角，好味！「熱玫瑰蘋果茶」跟預期味道相同，好香，正常。「熱朱古力咖啡 mocha」味道正常，有玉桂粉喺面頭，冇驚喜。

離開公司走走突然心血來潮食個High Tea未有目標便亂逛著直到發現這家店子終於在他們的營業時間中路過了想了一下就先點個全日早餐吧-是黑毛豬有肥肉的但油膩的感覺卻是沒有特制的蘋果汁-旁邊有兩條腸腸應該是雞肉吧？-然後還有芝士入的炒蛋-炒雜菇。菇的味道甚是重的-茄蕃三粒-暖暖的茄汁黃豆-還有由厚多士轉成的鬆餅還有自選果醬在店員的推薦下選了肉桂蘋果醬嗯，有點甜不過幾好食整體而言不是好食（在下要求高。。）但一定不差再點一個什菌湯中和一下自己口腔中的甜味湯偏向水汪汪的味道不重小小一碗很快就被在下KO了飯氣供心後依舊點杯熱咖啡叫自己回魂放完假好像更累。。。。Orz

嗰日同老婆喺尖沙咀山林道唔知食乜好，行嚇行嚇見依間小店竟然坐滿人，心諗星期三夜晚依個位都竟然咁滿左一定有啲嘢嘅！於是我哋兩個就入咗去Jam 1 Jam.餐牌選擇幾多，我哋兩個揀咗黑毛豬同埋士多啤梨骨，兩碟都非常有驚喜！餐湯我哋思齊紅湯同埋白湯個人比較喜歡白湯多一啲但是兩款湯也不錯。講返正題黑毛豬煎得恰到好處，非常林新但不會太油膩。但我最欣賞嘅系士多啤梨骨，調味適中飲藥食到士多啤梨的香味值得一贊！有大餐廳的水準，絕對不是小店出品。今餐附送的芝士蛋糕也不錯，但眼見其他人的九宮格麵包和窩夫下次一定要來試試！