一起果醬 (已結業)

無訂位，諗住試吓walk in會唔會 lucky lol 好彩有人 no show，所以即刻有位! 反送中前已經成日嚟幫襯 Let's Jam ga la; 而家老闆咁黃，出心出力幫助抗爭者，梗係要多多支持!!! 我哋兩個人嗌咗兩個 set dinner + special drink.Set salad - 個 homemade jam sauce 好清新開胃!Set soup - 有紅湯同白湯選擇。我揀咗蕃茄雜菜湯；友人揀咗蘑菇湯。好味!Main course 1 - 黑毛豬Main course 2 - 牛黑毛豬好食過牛Set dessert 有驚喜！綠茶 mochi 成間餐廳都係文宣～超黃！

一個星期六下晏想同朋友見個面但大家都食左野 結果就黎左食少少野🤣 對於佢寫係自家製果醬吸引 平時好怕太甜🤦🏻‍♀️總括: 價錢唔算十分抵食 但如果鍾意食唔太甜果醬值得一試 + 環境舒服可以坐一陣傾計 (不過出面一路都有人排隊🙈都唔好意思太耐)由於2個人去食既關係 輪候時間唔算好耐 大概20分鐘 (不過大熱天時過到去都有d汗🙈)見到好多食評都推介九官格 又係黃牌 所以叫左黎試！因為環境相對暗，對果醬唔係好熟悉，就算望住餐牌都唔知邊隻果打邊隻味🤣🤣值得一提係 個多士厚身得黎好夠脆！😋不過$55 一塊多士 就真係俾黎食d自家果醬🤪另外叫左一個果醬配 scone 個人鍾意呢個桂花jam多d😋 食落fresh d個scone 都係外脆內軟 淡淡牛油味 配個果醬岩岩好另外有一個set 係有3個 會抵食d

警告🔥: 呢間店非常黄，由外至內，甚至天花板都係 memo 紙，若你錯手帶咗非常💙嘅朋友去，未開餐，應該已走咗！環境:如果你係 💛，舒服，枱與枱距離恰當。今天大雨，6:30 來到很少人，7:00 已坐滿，走時，仍有不少人在外等。另，我的位置有少少冷氣機滴水。服務: 細心，勤快，竟有提供口罩袋。用膳時間只限 90 分鐘，但服務員無趕過我地，仲俾我地坐多陣，飲埋杯野先走！👍食物及飲品🍹🍮: 份量幾多同味道唔錯，除咗隻豬肋骨，D薯條新鮮炸，好香口，但隻 🐷 有D硬，同埋完全無味，要用佢自製嘅果醬一齊食先得，唔知係咪專登咁做呢？價錢 💰: 晚餐算ok，唔貴。

第一次嚟到lets jam食嘢，好彩有早到，見到之後都好多人排隊，大家嚟前記得book位唔洗等太耐。今次一共叫咗三樣嘢食，分別係黃金蟹肉軟殼蟹意粉，龍蝦汁海鮮意大利飯，同埋見到好多人都會食嘅果醬多士九宮格。軟殼蟹香脆，但唔太食得出有黃金鹹蛋味，呢樣值得改進。海鮮意大利飯嘅蝦好大隻，而且有燒烤味，都有唔少海鮮喺入面，份量唔錯。對個九宮格多士就有少少失望，因為個多士其實唔平，只係有唔同味道嘅果醬，試一次就OK。

點解叫系潮聖？你知我知就得架喇🤪牆上呢d紙仔勝過望住維多利亞港食野由於我同我老公要戒牛 呢排佢叫雞（食）食到驚 所以老公叫左呢個 不過對於豬佢又好驚有豬臭味 好彩佢話呢隻豬好juice 好冧 冇豬臭味 薯角都炸得好香脆 最特別系個醬系有燒汁既味道但仲夾住d吾知系咩😂🤣而我就叫左黃金軟殼蟹意粉😝好好味 有d一粒一粒 硬硬地既咸蛋黃 增加左個口感 軟殼蟹即炸既 所以好卜卜脆 所有野都好睇又好食 仲可以支持🟡店經濟💪🏻

朋友話呢間黃店高質就一直好想試。但次次見到個map好飲有啲遠就放棄左。但今日係尖沙咀真係諗唔到食咩就終於的起心肝去食😤。其實佢係近佐敦果頭多啲既。因為冇訂枱，所以去到都驚會full左，加上限聚令，搞到更少枱available.可能果日去到都比較夜，所以都岩岩好有枱。一入去見到啲文宣痴得好靚好整齊，亦都唔知點解覺得好配合餐廳本身既裝修。嗌左個蟹肉沙律，都幾多蟹肉。上面仲有啲芝士碎，食落好match.野飲就嗌左個桂花雪梨茶，好fresh好好飲，唔飲凍野既我都偷飲左好多啖。呢個黃金軟殼蟹意粉真係不得了，雖然睇落份量可能有細，但食落又覺得岩岩好，始終咁好味又邪惡既野都唔敢食太多。🤪如圖會見到一粒粒金黃色既鹹蛋黃，超好味！

九宮格多士 $55.哩間黄店除左連儂牆。最出名一定係哩個手工果jam多士😊.每一格都有唔同味既果jam 最深刻一定係蘋果蓉味😋 其實仲有橘子 桃味個d 再配上一塊烘過幾厚下既牛油多士.我覺得塊多士就普普通通 有d硬 但d果jam幾好味既 咁有創意打卡一流抵俾佢賺啦😎仲有我欣賞佢真係有1.5米距離 同有口罩紙袋提供 好過用紙巾包住😆😆😆😆烤杏仁鮮奶咖啡$45. 成日飲連鎖店咖啡 今次試下黄色小店既😳😳😳😳.平時飲開mocha 今次試下烤杏仁 明顯地咖啡味都幾香濃 冇咁甜 仲有有朵花花拉花 價錢上都接受到☺️用透明膠杯裝都幾靚.仲有每張枱真係有1.5m距離 好安全🥺各位緊張大師可以安心食用.黄金蟹肉軟殼蟹意粉 $119.望落細碟 但其實食落都幾溜下😙.我以為黄金係乜 原來係咸蛋黃既味道 我都係第一次食咸蛋黃意粉 原來都幾夾😻.餸就唔多 都係d蟹肉絲同一舊炸軟殼蟹 意粉唔會煮得太淋 沾滿晒咸蛋黄同忌廉味 整體較我想像中好 唔怪得咁多人排隊啦😙有原因既係.

食物水準不錯的cafe,但其中一名長頭髮男侍應態度惡劣。點餐時要按着他的節奏，說太快兇兇要你停，不敢再繼續，又不給你示意什麼時候可繼續，要你請求主動問才可繼續。因為第一次去不知道可在那裡睇果jam的選擇，禮貌的問他在哪裏看，他大聲呼喝“在側邊”,但我不知道什麼是在側邊，便再詢問一次，他再大声呼喝回答'在側邊”,但並沒有指示在哪裏，只大聲呼喝回答。唉！當時很想馬上起身離開。太受氣了。

經Openrice book左夜晚黎食飯，係一間值得香港人大力懲罰既店黎! 一入門口裝修好舒服，貼滿令人順眼既海報同Memo紙之餘，冷氣夠凍，檯與檯之間既分隔都唔錯! 黃金蟹肉軟殼蟹意粉味道OK! 意粉唔會令你好驚喜，但都叫做可以接受，軟殼蟹香脆乾淨，意粉份量都夠大!手撕烤豬肉沙律好食! CP值高，烤豬肉唔會太老，味道岩岩好，建議可以一試!果醬奶油窩夫配鮮果（玫瑰蘋果果醬）(Full)窩夫反而好好食，佢上檯之際仲係熱熱的! 雲尼拿雪糕有雲尼拿籽，又幾香，配窩夫一流! 我個人都都幾鐘意雪糕X果醬X窩夫呢個組合，感覺新鮮又好夾! 可惜因為叫左Fullll冇機會試埋鬆餅，下次再試!  另外仲叫左個玫瑰蘋果果醬熱飲，味道少少酸酸甜甜，都係呢間店值得試既classic drink!

六月開始罷市又有捐錢又有提供地方又有連儂牆嘅大黃店💛本身係想係行山之前食西貢嗰間分店㗎 耐何佢實在太多啦 我哋唔想咁遲先開始行山就冇食到😭😭所以之後我哋就搵左一個weekend去咗尖沙咀食brunch🥰·全天豪華黑毛豬扒早餐 $139呢個都幾好味既 尤其欣賞佢個炒蘑菇好好味🍄個蛋就炒得老左少少 所以無咁滑🤭🤭個黑毛豬扒肉質都幾好 而且都有三四塊😎個scone我就有少少失望啦 食落比較粉 口感麻麻地 可能都係食多士會好味啲 不過佢自己製啲果醬真係好特別 我個玫瑰蘋果果醬個味好出 食完都覺得自己優雅左😂😂🌹·大啡菇沙律配玫瑰蘋果油醋汁 $79因為我哋唔想行山咁大負擔 所以就嗌咗個沙律 佢個沙律都唔錯嘅 個汁都幾好食 不過 不過佢個大啡菇係凍㗎😭我自己覺得凍嘅大啡菇真係麻麻哋好食 我都係鍾意熱辣辣多啲🤭·

朋友們為了正餐及甜品可以在同間餐廳食到，就要求到「一起果醬」吃晚餐，就立刻在OpenRice 訂位今次order 了以下的菜式：1.炸香菜芝士條2.意式青醬雞肉意粉3.黑松露野菌意大利燴飯4.士多啤梨醬燒豬肋骨5.白酒忌廉煮青口6.果醬雪糕窩夫餅7.果醬九宮格多士整體都是ok，雖然個人都比較喜愛甜品，窩天餅無得輸

Came here on a Saturday, I suppose for lunch.Despite it being 30 degrees out, there was still a reasonably long line. I’d say the wait for two people was about 25 minutes; bearable but still considerable.They have a lot of options here so it might be good to look up what is popular beforehand. I got the all day English breakfast, which is pretty basic but not bad. They give you two different kinds of sausage, and allow you to pick what kind of jam you want. I opted for the apple jam, and though

個人十分喜歡食薯角，但沒有試過用果醬配搭，第一次試玫瑰果醬薯角出奇地好吃，推介！！！玫瑰雞翼也不錯，很細心已經切開單骨，女生食時好方便，不過個人覺得薯角配玫瑰特別d, 伴碟的沙律菜也比其他餐廳多，性價比高值得一試！

第一次黎lets jam, 係openrice book左枱, 所以唔洗等直入！叫左一個salad, 一個risotto , 一個 pasta, 一份雞翼同埋兩杯飲品。Smoked salmon Salad 幾清新 加埋果醬好特別 酸酸地Risotto 味道唔錯，仲有好多菇Pasta 好多蟹肉，唔錯雞翼係玫瑰味 有淡淡既玫瑰香一杯係Apple and cinnamon , 另一杯唔記得名😂兩杯都清新，但淡左少少Overall黎講唔錯，員工有禮，而且店內環境好好，又乾淨。推薦！

因為太耐無食甜品，本身約朋友食pancake。突然係網上見人整scone，我哋就話不如食scone喇！之後就搵到依間黃色小店，驚人多馬上訂位！當日我地早到立即可以入座店鋪內外都貼滿大家既心聲同願望，店內燈光暗黃，而且當日人唔算多唔會好嘈吵，非常舒服因為未到下午茶時間，所以我地都再研究一下menu。手工果醬有好多口味可以揀，最特別係佢嘅果醬仲可以整成飲品！我地都揀左唔同味既果醬可以一齊分享。唔知係傾得太開心定係佢哋真係快，好似唔洗好耐就上餐！我點aloha味既果醬，其實大概都預計到係熱情果百香果之類既口味 。影完相二話不說就開吃！暖暖嘅scone好香牛油味！外皮鬆脆，不會過硬。中間濕潤度適中，唔會過乾似曲奇，都唔會過濕過鬆軟似蛋糕雖說時下要食得健康，好多甜點都有低糖鹽油或無油無糖。但scone要少油鹽糖就真係唔同感覺！酸酸甜甜既果醬加上clotted cream，口感好豐富！其實要讚一下依度提供clotted cream！因為食過好多地方都係提供牛油或cream，非常失望又失色。至少朋友揀既蘋果玉桂就係大家認知嘅味道！至於只可以飲熱茶嘅我，就揀咗中規中矩既紅茶☕️一set 3個scone非