黃金蟹肉軟殼蟹意粉
味道OK! 意粉唔會令你好驚喜，但都叫做可以接受，軟殼蟹香脆乾淨，意粉份量都夠大!
手撕烤豬肉沙律
好食! CP值高，烤豬肉唔會太老，味道岩岩好，建議可以一試!
果醬奶油窩夫配鮮果（玫瑰蘋果果醬）(Full)
窩夫反而好好食，佢上檯之際仲係熱熱的! 雲尼拿雪糕有雲尼拿籽，又幾香，配窩夫一流! 我個人都都幾鐘意雪糕X果醬X窩夫呢個組合，感覺新鮮又好夾! 可惜因為叫左Fullll冇機會試埋鬆餅，下次再試!
另外仲叫左個玫瑰蘋果果醬熱飲，味道少少酸酸甜甜，都係呢間店值得試既classic drink!
