一福 (已結業)

為左慶祝好朋友升職，放工後一齊來食日本野慶祝一番。齊齊慶祝～而這餐廳的餐牌食物很特別，有自選食材，好似啲車仔麵咁不過，佢係日版，自選配料，自由度極高，真係好好，唔會迫住要，而我就揀咗三個餸，其中有海膽，巨型蟹柳，龍蝦沙律，上到枱，賣相相當唔錯，海膽唔會得個小小，都幾多下，個龍蝦沙律都幾足料，而個巨型蟹柳，佢就幫你切開咗兩份，仲有其他其本配料，都唔錯👍。仲有我地叫左個豚肉拉麵，依度嘅豚肉簡直係香港人嘅至愛，我肯定我會再嚟多一次，仲有佢嗰隻蛋，我仲額外叫多咗，因為佢嘅味道啱啱好。之後我哋仲叫咗$99任揀三款，今次我哋就揀咗，軟殼蟹，佢嘅軟殼蟹同出邊比簡直冇得比，佢嘅軟殼蟹仲有啲膏，簡直係一流。仲有牛肉餅同海膽燉蛋，偶餅都幾香脆，個海膽燉蛋簡直係冇得頂，海膽燉蛋全部極鮮味，佢裏面仲有少少唔同嘅配料，口感豐富。

深水埗越黎越多好嘢食，而家大多又平又好食！今日同男友黎試新開呢間日本嘢，裝修格調明亮簡潔，而且座位亦坐得舒適！見到佢有個小食$99任選3款相當抵！海膽蒸蛋蒸蛋吃起來柔滑 細嫩 ，加上海膽的鹹鮮味，而且仲係入口即融，海味十足！火炙鮭魚沙律鮭致半生熟，唔太好魚生既我都覺得炙後無刺身果種好生嘅感覺，但仍能保留到三文魚的油份，幾易入口！而沙律配搭新鮮的青瓜同蕃茄仔，清新又爽脆！和牛薯餅薯餅炸到金黃色熱辣辣，除咗有牛肉香味外，仲好有濃厚牛油味，外脆內軟，牛肉粒亦多！一福黑豚肉角煮叉燒拉麵豚角叉燒肥瘦同厚度適中，介乎半肥瘦間，食落唔會乾亦有少許油份，但一啲都唔膩！而且湯底幾清，食完唔會口乾乾。

呢間深水埗嘅日本菜都唔錯，幾好食。人流都明白事理，坐得舒服，地方都好大。卷物方面我哋點左份鮭魚忌廉芝士卷$38三文魚是經過嗰隻的，入口特別甘香和鬆軟，加上飯的large size，又好食又抵食。配上味道酸酸的沙律醬，好食小食叫左春雨餃子$39食落唔算好油，裏面包着粉絲、雜菜等等好足料，外皮香脆，配上酸汁一流。主食叫左特盛黑豚叉燒玉子丼$82，叉燒嘅調味，食落去啖啖肉，肉質軟熟！！丼飯夠熱。朋友點了一份一福特盛黑豚角煮叉燒拉麵$95，很足料，大大碗，食得滋味。

福榮街開左勁多新食肆，今日去左試呢間日本料理餐廳新開業所有野都好乾淨企理，裝修靚，地方闊落比佢呢個自選魚生丼吸引左，價錢唔貴又可以揀自己鐘意既魚生🤤估唔到既係會送個咁足料既湯，三文魚都有4舊，好飲🤤我嗌呢個齊頭100蚊既自選丼飯，油甘魚好肥美，帆立貝都好好食，係芥辣八爪魚略嫌同個飯唔夾😂嗌完有啲後悔！我最欣賞係佢個飯配料都好足！有好多漬物、青瓜同玉子墊底，超級豐富😍友人叫左呢個80幾蚊，左口魚裙邊普通，三文魚唔錯，但係呢條穴子真係不得了！口感同味道都一流🤤最重要其實佢啲魚生唔似其他做得差既舖頭，一大朕雪味，唔新鮮兼無口感👍🏻😍呢間除左日本野之外好似都有好多精緻甜品set，價錢都相宜，好少日式餐廳做埋甜品埋單發現原來唔需要加一！！下次要再黎試下😙

今日同男友行街街，行到咁上下肚餓，大家想搵個地方食晚飯，咁岩行過一間新開既日本料理*一福*，我地決定試下。店鋪新裝修，燈火通明，而且乾淨首先我叫左一福叉燒拉麵，湯底豬骨味，香濃無比，唔太膩，好飲。叉燒好大塊，肥瘦分明，好好食，溏心蛋醬油味濃，蛋味夠，流心都多，加上掛湯能力高既拉麵我男友出名大食，丼飯岩晒佢，和牛漢堡係手打，有彈性手，而且牛味重，好食！炸餃子即叫即做，夠晒熱脆，配上黑松露醬，好味炸軟殼蟹卷又係即叫即做，軟殼蟹夠大夠脆，配上多多既蟹籽，感覺微妙丫我地食到好飽，埋單先$275，原來唔收夠一，嘩，真係估唔到！

首先果日行完特賣場，同男性朋友就是但搵d野食，點知就見到間日本料理餐廳好似幾新淨，便進入，服務員非常有禮照呼客人，安排我地2人坐四人位，兩個大男人坐得好舒服，唔講禁多，各位朋友自己去feel 1 feel.....地方環境新凈，唔似其他d日本料理餐廳。有海膽，拖蘿蓉海膽，生蝦，北寄貝等等，全部都是大大片，我地見左個$188，一福拼盤，好靚同新鮮之後再散叫多幾件3文魚同帆立貝壽司d海膽食落冇臭味，仲有魚籽滿滿的。需然我地冇叫$99任選3餸，但見到唔少客人點，所以我特別影低下次再去的時候食。之後我地都覺得應該配返杯啤酒，所以叫埋兩杯（日本三得利）黒啤，配壽司真係一絕。最後我地埋單都係366，又有新鮮壽司又有黑啤，環境又乾淨，同朋友吹下水，確係樂事，下次再食機會幾高。

跟老公行完充滿男人味的黃金商場之後，心情已經燥底，一出門口見到對面有間日本野，門面幾好睇，一見有位即刻衝入去坐低。點員首先推介一下優惠，$99 可以揀三個小食，咁又真係幾抵喎！我自己就揀咗火炙鮭魚沙律，賣相都幾靚仔，三文魚用火炙香味更加濃，厚切肥美，沙律醋汁酸酸甜甜好開胃。男人鍾意食拉麵，佢自己獨食 一福特盛黑豚角煮叉燒拉麵 $92，叉燒肥瘦均勻，肉味香甜，流心溫泉蛋十分好味，拉麵爽口彈牙～口感軟硬適中，配合濃郁湯底更顯層次。我就左點又點自製左一個壽司拼盤，價錢平質素有驚喜。尤其是海膽軍艦 $29，肥美甘香無腥味。油甘魚壽司十分新鮮不會太肥，有魚的鮮甜味道。同埋一般居酒屋嘅甜品係冇咁豐富嘅，呢度就有好多選擇仲要睇相已經覺得好靚，我叫嘅係和風白玉厥餅軟雪糕 $52，仲平過喺出邊食甜品！厥餅 q彈，白玉口感軟硬適中，軟雪糕係巨蜂 味道有驚喜！香濃幼滑！下次再跟老公行深水埗，我都可以有個地方品嚐好東西了。

晚上逛完深水埗，另一半突然想吃魚生、壽司之類的，碰巧在電腦商場一出對面就有一間日本餐廳。看看門面和餐牌，感覺這間頗有日本特色，價錢尚算是平民級別的，就一於試試「一福」。門面非常吸引，而深水埗一向主打平價抵食，這間都不例外。一福有各種壽司、魚生、丼、拉麵等等日式食物選擇，而且價格不算太貴。單看餐牌和價錢，其實有不少選擇。我倆想了差不多十分鐘，最後決定點一碗刺身丼、一碗拉麵、五件壽司和兩份手卷。⤠ 1. 刺身丼 (三文魚、鰻魚、左口魚裙邊)｜ ($78)$48一碗刺身丼，之後按刺身追加，可以隨自己喜好挑選。我就選了三款刺身 — 三文魚、鰻魚和左口魚裙邊，這三款都是我的最愛。刺身丼飯底份量足夠，除了刺身之外，還有充足的配料。相對來說，這個價錢能食到三款刺身的魚生丼，感覺倒是不錯的，性格比高。⤠ 2. 軟殼蟹手卷＆蔥拖羅手卷｜($22) & ($26)軟殼蟹炸得金香，而且很大份，一口咬下，蟹肉和外層軟殼的香口快感是我最為喜歡的。至於蔥拖羅，吞拿魚腩蓉加上蔥花輕輕減輕了肥膩感。然而，如果紫菜和壽司飯更加乾身爽口就非常完美了。⤠ 3. 一福特盛黑豚角煮麵 ($92)拉麵口感很好，既不會軟身又不硬乾

有一次經過這間日本餐廳已想試，但嗰次趕住走無食，今日終於有機會試！ 北海道濃厚甘海老味噌拉麵 $89 豚肉拉麵周圍都係，全蝦湯麵比較少有，蝦湯底係鮮甜的， 但蝦味濃厚程度就唔係人地話滿口蝦香咁勁，麵質彈牙，而且食到麵質夠新鮮！加埋啲粟米，葱粒同紫菜，份外滋味！ 3款一福自選刺身盛 $59 係赤身，葱花吞拿魚蓉同左口身裙邊。 赤身係鮪魚嘅背部，油脂較少嘅部份，啱曬我依排唔想食咁肥，這赤身仍然咁有魚香味，左囗魚裙邊好夠肥美，厚身，油份重，魚油簡直在口中溶化，充滿囗腔。 日式梳乎厘軟雪糕 $58 以為係梳乎厘係普通梳乎厘，原來係勁正，都很吸引大家嘅梳乎厘班戟！等了一陣才有得食，因為製作時間大約係20分鐘，班戟外表已經引成人之餘，仲有“實力”，內裹暖暖綿綿的，唔太甜，一啖班戟一啖雪糕，食完好滿足！ 這餐廳性價比十分高，再嚟嘅機會十分大呢，尤其掛住佢嘅甜品吖！

行完腦場要搵食，成條街都有好多選擇，行過這裡見到個雪糕比佢吸引了，於是入去了，當然這裡並不只是食雪糕，還有其他選擇，望望餐單選擇十分之多，而且價錢都夠便宜抵吃，所以店內都有好多食客，我就點了個漁師風雜錦刺身丼$128，樣樣有啲啱晒口味，樣樣都可以試吓，除此之外見到有推介嘅和牛薯餅，同炸軟殼蟹，都一齊點了，個丼就十分足料大碗，還有海膽、蝦、魷魚、希靈魚、三文魚等材料，感覺真好，真係啖啖都有不同嘅刺身入口，而個和牛薯餅就好似在日本超市內賣嘅薯餅相似，但呢到就再大塊啲，外脆內軟，有香濃嘅蕃薯茸，而隻炸軟殼蟹都好香脆，完成了個飯同小食，當然就係心想好了嘅雪糕味道！日式梳乎厘軟雪糕牛乳8.0，制製需時，記住自己食到差不多尾聲時就要落單，如果唔係就要等了，個梳乎厘十分軟熟香滑，蛋味香濃，而跟埋個牛乳8.0，奶味香濃細滑，真係同平時食開有啲唔同，食完有氣有力，還可以再行埋去鴨記...!

深水埗真心多平民價日式食店。一福平時冇留意，可能係新開，見到裝修比較新。店內設計以日本食店為本，有bar 台，亦有普通坐位。餐單無圖，感覺似日本壽司店，有種信任師父的感覺。叫左個2人餐（$398) . 先黎刺身生蠔五款，夠新鮮。生蠔肥美飽受，調味漿汁野味。簡單如麵豉湯亦見足料，可見用心制作。壽司拼盤有驚喜，海膽同吞拿魚腩碎軍艦甜美，更有大toro!炸薯餅，外脆內軟，薯蓉加入忌廉，好香口。今晚重點竟然係港人最愛的蘿蔔牛腩？ 其實係牛肋骨肉。外國食開燒beef ribs, 第一次食日式慢煮。第一口蘿蔔，好淋！好入味！識選用牛助骨肉，師父都應知道夠淋香口。推介（唔知有冇得單點）大Toro 不得了，入口即溶！整體唔錯，對得起呢個價錢。滿足的一晚！下次再來單點其他菜式。

現在我確實喜歡網購，但有時唔想俾到付費用，所以只有去人地舖頭拎，今次響深水埗，就係依個一年一度的Kanahei 月曆！ 之後我地去左福榮街揾飯食，見到依間新開嘅日本餐廳裝修得幾好坐得ok舒服，所以入去試試！ 食物種類好似簡單，但其實好多選擇！首先選左一盤壽司，我地點左鮭魚，鮭魚腩，左口魚裙邊，鰻魚，花之戀，火炙帆立貝，明太子軍艦。壽司上的刺身都十分新鮮， 價錢很公道！鮭魚壽司只是7元一件，鮭魚腩只是9元一件，鮮魚片都幾夠大片。帆立貝大粒又夠厚身，火炙後帆立貝係更香口，十分滿足！最驚喜係有明太子壽司，仲要係真材實料，明太子嘅咸香味很出衆，加埋壽司飯食平衡返個咸度，大家唔好錯過！ 和風白玉厥餅軟雪糕 $52 甜品方面都很豐富，厥餅並沒有過甜，白玉子軟硬度適中，重點係個軟雪糕真係有驚喜！個牛奶味好濃好香，而且滑到不得了！十分欣賞這甜品！ 開心在深水埗可以食到這麼高質的餐廳，下次都會再去！！

今晚同女友去深水埗行街，行行下肚餓，想試下日本野，係網上搵到一間新開既日式料理 - 一福，睇落唔錯，我地決定試下。店內新裝修，環境清潔店內裝修以招財腦做主題，簡單而華麗。主菜終於到，黑蒜油豚骨拉麵（+左半蛋），叉燒肥瘦均勻，鮮嫩美味，而溏心蛋流心程度唔錯，有醬油味，而拉麵夠彈牙，冇皂水味，高質麵鼔湯夠熱，唔鹹，正常味道我地仲叫左《一福壽司盛》，好多款，用料新鮮，仲有海膽，海膽鮮甜軟錦，好食，最突出吞拿魚腩入口即溶，帶子鮮甜有口感！而飯入面加左些少醬油調味，所以就咁食都可以，唔洗再加醬油啦我地食左咁多野先$283，而且唔收加一，都幾抵食，下次會再黎食。

抵食又好食@一福 早幾日行完黃金廣場之後在附近搵食，行街行得太累了，想在深水埗福榮街那邊想搵個舒服的地方坐下來食飯，幾乎無可能 朋友帶路下到了一福 食日本野，餐廳就在大街，非常易搵， 重點是好乾淨又空間感十足， 職員好有禮貌，食物價錢又不貴 ，想飽肚一點的，叫個定食或者是拉面之類，都是幾十蚊的事 下單用點單紙直接下單就OK了 想食好D，也可以散點刺身壽司之類 有生啤供應~ 黑蒜油豚骨拉麵$85 天氣涼涼地，最好就是食碗拉面! 上菜速度超快，我想大約是5分鐘左右就上桌了! 未食已經聞到黑蒜油陣陣香氣 我好鍾意這種彈牙稍硬口感的拉麵， 很有口感，而且好易掛湯，那口湯底也很不錯，夠濃香而不會很咸的那種 夠足料也很抵讚，有溫泉蛋也有3大片叉燒，加上芽菜和紫菜等! 友人點的五色刺身飯(送面豉湯)$108 即是用上五款不同的刺身做的 送的面豉湯令人驚喜! 看起來無特別，點之飲了一口馬上知好野! 原來用上了三文魚和大量的羅白和食材去煮，夠熱又鮮味 每款刺身都好新鮮，而且切得很厚，絕對對得住這個價位 平時出面食的都是用白飯，至多就是用上醋飯，而這裡更加上了飯素，既好食又好