一福 (已結業)

呢間日本餐廳開業不久，我已經食過兩次喇。選擇亦好多，價錢都由60蚊至百二蚊不等。第一次去食時想食拉麵，仲有小食俾你揀，送埋枝裝汽水呀。如果你同我媽咪一樣，唔想飲汽水，可以揀樽裝水，呢個真係好貼心！不過不失咁啦，但塊叉燒真係薄到乜咁，冇記錯好似得兩塊。第二次光顧就嗌左呢個冷烏冬，顏色好靚咁，其實都係好普通嘅配菜啫。我個人就覺得芝麻醬實在太多喇，如果可以另上自己撈就好。整體黎講都ok，我覺得午市價錢都還可以，不過如果拉麵嘅選擇再多啲就好！

睇某雜誌在社交平台的廣告片，拍到好吸引咁，以為有懚世日本菜，响門外看點餐纸其實都覺得伏伏地，但廣告片又真係吸引，就試－試！大阪風尤魚肝汁炒烏冬＄75好細碗，＂聲＂到爆炸！我地３個人食左三條投降！呢Ｄ唔通係大阪風？大阪邊區有Ｄ咁野呢？咁Ｄ壽司就冇乜野，一定好過隔離金Ｘ郎。Ｄ價位就好飄啦，有Ｄ就親民如板Ｘ，有Ｄ就突然升呢。咁點解我唔去番Ｘ氣／板Ｘ呢，起碼人地有熱茶熱水，唔會焗我飲Ｄ我根本唔飲既野，或者乾哽囉！

上網睇到呢間餐廳的介紹，趁星期六放假去試下，雖然三點幾四點先去，但仲有lunch menu，平平地又無加一。叫咗一個刺身，仲有壽司set，包埋小食同飲品。小食試咗炸蠔同可樂餅，個人比較鍾意可樂餅。飲品有幾款汽水揀，有幾款都係玻璃樽裝的，亦可加錢轉甜品，但我都係俾樽裝汽水吸引咗。刺身飯選舉擇咗平啲果款（刺身無得自選果款），但都有幾片海膽，味道同賣相都唔錯。壽司set即叫即整，有10款壽司，真心覺得好食。感覺我會再次去食，下次會試下拉麵，因為見到隔離幾檯都有叫，望落幾好食。

叫左個lunch set-漁師風刺身丼(後尾先知係set)，足料！三文魚、海膽、魷魚(唔會係平時食到個啲硬、腥、冇味)等...係新鮮！米飯係用赤醋製成！食到日本味道！起初78蚊我以為得個飯，點知原來仲有埋前菜-鳥唐揚同一支玻璃樽裝嘅zero，真心冇得頂！之前見有post鬧佢啲飯唔係白色真係得啖笑🤷🏿‍♂️之後我再加埋焦糖布甸，都係有心之作！正！甜度又適中！最後叫多個白桃雪糕，唔錯，加埋晒都唔使100蚊！超值！抵到爛！推介！良心小店！

行完腦場已經3-4點,正好肚餓,見到一間似乎係新開嘅拉麵舖,就諗住食碗拉麵醫下肚.入到去鬼死咁口渴,叫餐之前問侍應攞杯水,點知啱啱水機壞咗,無水無茶.是但啦咁就叫哥黑蒜油叉燒拉麵,反正跟餐有嘢飲.黑蒜味唔算濃烈,有少少失望.肥冧冧一向係拉麵嘅特色,都預計咗㗎喇,不過今次好似真係油膩咗啲喎.差燒只可以話唔算鞋,肉味都唔錯,起碼無被湯底遮蓋.有驚喜嘅係,餐牌明明無寫話有糖心蛋,但係竟然有,而且質素仲唔錯.蛋黃係甜甜地,綿綿地,感覺唔滯.小食選咗炸蠔,炸蠔本身唔算細隻,但原來後厚既係粉,真正既蠔肉其實好細。咬一半，裡面幾乎睇唔到蠔肉.食完蠔先發現原來有汁,但放係碟底仲要畀菜遮掩。由上至下係先放蠔,之後菜,最後係醬汁.菜完全遮著醬,食完蠔,夾起條菜先發現有醬舖底,浪費晒醬汁.

見到Openrice D相都好似幾吸引，尤其是個北海道濃厚甘海老味噌拉麵見到人地張相佈滿多多的蝦仔，賣相甘靚但一黎到，點解唔同人地食果碗既唉，湯底都有蝦味，有兩塊肉，唔大塊，味道好一般黑蒜油豚骨拉麵 ，湯底幾淡，又無乜黑蒜味唔好食既叫左兩件火灸芝士珍寶蟹棒壽司同軟殼蟹手卷都還可以啦 而鰻魚都幾好味不過放一件手卷唔知點解要比甘鬼長既碟，阻住晒d位最後要左個甜品，上網睇話期間限定 一福甘味盛盒又有我鐘意既蕉糖燉蛋一黎到，賣相係幾靚既，但燉蛋已經變左紅豆抹茶奶凍唔係呀化，甘快轉左？好失落！心太軟仲搞笑，我都未食過個心太軟個外皮薄得可憐.......想點最後問佢拎兩杯水，正如之前Openrice有人講過，都係水機壞左仲同我地講，有一枝枝既水買，緊係唔買啦都唔知係咪特登唔想比水人呢埋單$337, 一D都唔值，唔黎再黎！

餐廳裝收環境不錯，食物味道也很好。而且食物貌相很吸引，絕對值得相機食先。唯一是份量不大，想大口大口吃到飽就不是這地方了。是一個一班朋友星期日午餐輕食和吹水很好的地方。

經過深水埗，見到有間新開既拉麵店⋯就同朋友入去試試！店內裝修簡約舒適，價錢大眾化！同朋友叫左兩碗拉麵，分別 黑蒜油豚骨湯拉麵 及 濃厚蕃茄湯叉燒拉麵，套餐更可配小食一款及飲品！😋蕃茄湯湯底濃厚，麵質軟硬適中，味道不錯！而黑蒜油湯底口感獨特⋯淡淡湯底中充斥著黑蒜味，都不錯！店員態度亦很好，坐得舒服，食物亦有水準，希望可以再繼續做好，值得一試！👍🏻👍🏻👍🏻👍🏻👍🏻👍🏻👍🏻👍🏻

星期一同老公去黃金買完野去福榮街搵食！行行下發覺有間門口仲用紅紙遮住招牌既舖頭！先叫個拉麵再叫個日本蕃茄叫個金海老味噌拉麵再叫個明太子飯同個小食！好好味喎！一定會再返黎！下次再試壽司刺身😋😋😋😋

吉列蠔幾香，雖然細細隻，脆皮脆黑蒜油义燒拉麵同我平時食既味唔同，講唔出係有咩分別，但OK拉麵配料既餸（粟米，荀絲，木耳）分量都幾多。最正係有玻璃樽既coke ^^不過水機壞左無水飲

見新開一排終於有機會試下，本來15 16 見食評麻麻，點知又幾有驚喜，首先外賣盒裡面已經包埋酸薑，另外芥辣似係新鮮即磨果隻，講返壽司，食材大部分都好新鮮，食落無腥臭既味道，醋飯係用赤醋，裡面已經塗埋芥辣。$148 呢個價比到呢個品質收晒貨👍🏻

其實都吾諗住寫食評 ，不過見到樓上有人寫 話d野難食，跟住仲要比人用粗口回應 有d睇吾過眼 每人都有吾同意見 ，洗吾洗講粗口 講番正題 呢間野我食過3次 次次去親都話水機壞左 無水供應第一次去見佢lunch 個拉麵餐好抵 又包野飲又有小食個叉燒拉麵 d叉燒好厚好大塊 好好味 有兩大塊咁多第二次去 d叉燒 簿到紙咁又係兩塊洗吾洗咁 第三次去夜晚食壽司 🍣好足料 塊魚生切得超厚 又生鮮 又吾貴 衰在d飯 包得超細舊飯 仲要啡色 我知加左醋 但真係好樣衰 d壽司 仲要好入味 ，入味到超難食 超超超難食

經過幾次眼見裝修普通，食客也不算坐無虛席，OP嘅Comment又一般，心裏已經有一定嘅分數，是晚即管一試，店內氣氛，裝修很港式，目測食材有很多日本進口的，店員服務態度熱誠，有禮貌，我們點了刺身拼盤，黑豚肉叉燒拉麵，黑松露烏唐揚丼，白桃梳打汽水，日式梳乎厘軟雪榚。先嚟拉麵目測一層薄薄的油蓋面，清香撲鼻，二話不說先喝一啖湯，這啖湯另我即時對這店改觀了，湯底濃而不膩，值得一讚麵底韌度適中兼沒有鹼水味，叉燒尚算厚切，半熟蛋半熟程度剛剛好，接著嚟唐揚丼，炸雞的粉略為厚了一點但不太油膩，飯較為爛了一些，配撘沙律醬味道尚算可以，之後就是我們的重頭戲⋯⋯刺食拼盤，有7款魚生，全部厚切㗎，158蚊竟有吞拿魚，海膽⋯⋯，另外提漏咗白桃梳打汽水，甜度適中，是日本貨嚟㗎，最後等了約20分鐘的即制梳乎厘雪榚送上，梳乎厘不太甜，是日雪榚是白桃味，店員說是日本空運來的，並且每星期都有不同味道，是晚整體上不錯，二人三佰多元有這樣質量，性價比高

一向喜歡日本菜的我 無論高價或是大眾化食店 我都會去試試看 ... 我選擇了壽司set 魚生新鮮 飯底用了特別調味 朋友選擇了魚生刺身set 魚生片厚切同很多 性價比高 甜品出色 尢其梳乎里班戟同北海道牛奶雪糕😋 好味呀 以大眾化價錢來說 超值👍🏻

眾所週知，深水埗區起碼五六間正常既拉/沾麵店，黑岩，一京，隱家等等，諗住呢間野夠膽係深水埗開店，唔會差得去邊啦，點知就係中大伏，而且呢間野新開張免加一，緊係快手試左先，呢個決定真係令我後悔莫及🤮一福豬骨拉麵，硬膠麵質，無乜味既味精豬骨湯，食味千，五十嵐，或者自己煮個出前一丁豬骨味都絕對絕對好食過佢，起碼唔洗比$75食呢啲野先啦。叉燒飯，65定75蚊，連珍珠米都唔係，無味叉燒，CLS，唔知食緊乜。佢啲小食拉麵店黎講都算係中上級價錢，所以諗住佢啲野好食先再叫小食或者雪糕，唔洗啦，食完即刻走人掃下街填飽返個肚。等左咁多日終於係openrice search到佢啦，即刻寫返個食評先，未試過食到咁嬲。