一福 (已結業)

為左慶祝好朋友升職，放工後一齊來食日本野慶祝一番。齊齊慶祝～而這餐廳的餐牌食物很特別，有自選食材，好似啲車仔麵咁不過，佢係日版，自選配料，自由度極高，真係好好，唔會迫住要，而我就揀咗三個餸，其中有海膽，巨型蟹柳，龍蝦沙律，上到枱，賣相相當唔錯，海膽唔會得個小小，都幾多下，個龍蝦沙律都幾足料，而個巨型蟹柳，佢就幫你切開咗兩份，仲有其他其本配料，都唔錯👍。仲有我地叫左個豚肉拉麵，依度嘅豚肉簡直係香港人嘅至愛，我肯定我會再嚟多一次，仲有佢嗰隻蛋，我仲額外叫多咗，因為佢嘅味道啱啱好。之後我哋仲叫咗$99任揀三款，今次我哋就揀咗，軟殼蟹，佢嘅軟殼蟹同出邊比簡直冇得比，佢嘅軟殼蟹仲有啲膏，簡直係一流。仲有牛肉餅同海膽燉蛋，偶餅都幾香脆，個海膽燉蛋簡直係冇得頂，海膽燉蛋全部極鮮味，佢裏面仲有少少唔同嘅配料，口感豐富。