一生懸麵

營業中

休息中

因為上次勁多人排隊，所以今次專登6點就過來食。叫左濃香櫻花蝦拉麵，硬度標準，櫻花蝦鋪滿碗麵，所以每食一啖充斥住蝦既口感, 湯底濃稠,湯底掛湯力唔錯,叉燒用火槍燒過,肉好鬆軟好食,加埋溏心蛋,筍乾同其他配菜,味道簡直一流!大概7點走,已經有頗多人排隊,如果唔想排咁耐的話建議旱D去食喇!

🇭🇰#香港捐窿捐罅記 #菠蘿王子經濟圈Instagram: foodkiller_dk真香港人專用沾麵店🤟🏻超濃湯底食足一生😯前兩日唔適合出post🙃所以等今日先出😂今日間黃店位於旺角，主打沾麵同拉麵😃餐廳本身深黃😂已經加入咗飲食界🥰希望可以選一個有良心既議員🙏-🍜 #特濃豚骨沾麵 🍜 （$78）叉燒夠肥同淋🤟🏻但係個湯好咸😅濃同咸成日都只係一線之差😂加少少水可能好d😂 隻蛋都幾流心😌D筍幾爽口😀好彩冇牙菜😌.🦐 #辛辣沾麵 🦐 ($93）加麵湯底夠辣🤟🏻啱晒我呢d愛辣人士😌比上面果個好食😂而且仲加咗麵好飽😂其他餸味道都同上面差唔多😂總結來說 好食黃店沾麵 go go go -🎈 旺角通菜街73號地下平均傷害：$85好味值：7/10...

好耐冇食過沾麵啦，見到門口有10幾個人排，都應該好食掛。排左大約15分鐘，店員已經比定紙仔填定食咩，一入到去坐低好快就有野食。➡️ 濃香櫻蝦沾麵個湯佈滿左櫻花蝦，又香又濃，配埋個豚骨湯底，果然幾夾👍🏻 麵質方面就正常，比較幼身➡️ 唐揚炸雞4大舊炸雞，炸得啱啱好，d肉仲好嫩滑➡️ 特濃豚骨沾麵賣相冇櫻蝦嗰碗咁好，但半熟蛋整得啱啱好，叉燒就偏肥，瘦d應該會好少少一生懸麵 地址📍: 旺角通菜街73號地下 .............................. 味道😋: ⭐️⭐️⭐️💫 環境👀: ⭐️⭐️⭐️ 服務👨🏻‍🍳: ⭐️⭐️⭐️ 抵食💰: ⭐️⭐️⭐️💫

男朋友帶我黎食呢間一生懸麵，話係好多人都好評既一間黃店，果然冇黎錯！因為我大概6點左右到，唔洗等位就入座了，店員有做好防疫工作，探熱同消毒，又隔開哂客人座位，非常周到！我揀左期間限定柚子沾麵，男朋友就揀左豚肉沾麵，仲加多左章魚小丸子，本身呢個時候我地約左去日本旅行但疫情關係，唯有響香港食沾麵了！上菜了，賣相非常吸引，豚肉好入味，而我柚子沾麵都好有柚子味，不過相對日本拉麵鋪係有啲遜色，但響香港食到呢個價錢呢個味道都已經相當抵食！

放假梗係要搵好西食😝 咁岩約左朋友去旺角又想食日本野，開下open rice 一search到呢間，記得有朋友話話好好食就去試下😛星期六12點9黎到都已經要排隊，不過個turn over rate都好快，排左3個字就有得食😝😝上菜時間好快😝👍🏼 我地兩個人，叫左特濃豚骨湯沾麵同魚介湯沾麵，兩碗湯都好濃郁😍😍夠曬咸，岩晒重口味既我🙊👍🏼 湯都好夠熱 ，15分鐘內ko晒啲面碗湯都仲係熱既😎😎👍🏼 個叉燒肥瘦適中，唔會好膩，女仔黎講食兩塊岩岩好😋😋👍🏼沾麵黎講，$78性價比超高，難怪咁多人排隊😛👍🏼

今日係旺角行街行到咁上下，又係時間揾下有咩好食啦😌平時諗唔到食咩，最鐘意就係嚟女人街🙈因為餐廳選擇夠哂多！見到呢間黃店當然要支持下啦💛要留意翻嘅係都多人排隊㗎，所以都要等一等位😛我選擇嘅係濃香櫻花蝦沾麵🦐湯底果然夠哂濃味，但絕對唔會偏鹹😚而且仲有大量蝦油同櫻花蝦😍好吸引啊😋沾麵嘅軟硬程度適中，而且掛湯能力唔錯，每條麵條都會沾沾到少少嘅櫻花蝦🥰豚肉會先燒一燒，帶有少少油脂，煮得啱唔好😆好滿足😇

啱啱開門的時候入到去食，坐咗半個鐘已經要等位高質素的拉麵，重點在個湯濃而不膩，個兩塊豚肉烤過，有少少燶好好食配料有大量蔬菜，另外仲有蒜頭，食完好似好健康咁😂叫多左個南蠻炸雞，個脆漿剛剛好，配埋蛋黃醬，令到雞肉的鮮味更加出下次一定會再來

🍜好嘢唔怕一推再推！☺️又係一生懸麵之今次係柚子沾麵！🤤最特別嘅係佢仲附送2塊檸檬🍋如果你同我一樣鍾意食酸嘢，就可以自己再唧酸啲！而佢嘅沾麵唔係齋柚子味，都係魚介底！👍🏼佢啲麵勁多，唔知點解食極都仲有，真心抵！仲有我每次去食都必定會嗌雞軟骨棒！超鍾意食呀😍

旺角沾面都無乜幾間，之前經過都見到好多人食，好多人排，咁應該無乜伏啦，叫左個濃香櫻蝦沾麵，好多櫻花蝦，有誠意，溫泉蛋同叉燒正常水準，湯底最重要，都算濃，好有層次感，價錢合理，唔錯

💛💛💛💛💛💛必食黃店之一呢間拉麵店黃到發金今次叫左兩碗沾麵分別係櫻花蝦豚骨沾麵同埋期間限定的柚子檸檬沾麵兩個都揀左硬的沾麵櫻花蝦沾麵加左紫菜沾麵汁上全部都係櫻花蝦 食落好香麵軟硬適中 份量岩岩好鐘意食海鮮風味既必點另一款期間限定的柚子沾麵沾麵配料除咗叉燒仲有好多椰菜沾麵汁食落酸酸地 非常開胃食完唔覺得膩個人推介櫻花蝦口味👍🏻👍🏻

在旺角，見到彷似代官山的商場，忽然懷念日本吃過的麵，就來了這家店。疫情當中，附近的食店都水靜河飛，但這兒門外仍要排一條短短的隊 （當時還未有什麼1.5米距離的規定，可以全場滿座）。可想而知，疫情未發生前，大概要等一個鐘才可以吃一碗半小時就吃完的麵吧。見到有比較少見的沾麵，就叫了濃香櫻蝦沾麵。上枱時見到湯碗裏堆成一座小山的樱花蝦，很是吸睛，忍不住呷了一口。沾麵的湯喝下去一定是過鹹，但樱花蝦的海洋鮮味，和濃香的豬骨湯底，入口有點黏黏的骨膠原的感覺，是真正熬出來的高湯，實在想再多喝一口呢。用正常的吃法，把麵浸到湯裏再撈出來吃，麵條掛上了樱花蝦和湯汁都很美味。配菜也做得認真，义燒是恰好的半肥瘦豬腩肉，切得夠厚，火灸燒出油香，滴上靑檸汁令口味清新一點。半熟蛋煮得入味，半溶的蛋黃配麵條一流，可是切得不太小心，邊緣有點崩了，漏了些蛋黃出來，少少美中不足。食肆的經營環境越來越困難了，希望有實力的小店挺得過天災人禍，我們還可以吃到用心去做，物有所值的美食。

有朋友介紹嚟呢間餐廳度食，見到好多人都推介話好好味，就一於試吓。幫襯嘅時候係下午茶時段，但係都要喺舖頭外面等一陣，原來都咁受歡迎😯叫咗濃香櫻花蝦沾麵，見到碗上鋪滿櫻花蝦，但係味道唔算太重蝦味，反而飲落同豬骨湯底唔係太大分別，掛汁能力亦都普普通通，要讚嘅係叉燒有用火槍燒過先至上，食落好香，如果分量更多就會更加好😬 雞肉棒就不過不失，感覺咬落比較淋都OK嘅😬😬

未寫過食評 今次真係唔寫唔得 見到呢間拉麵店好評幾多就去左試，去到店鋪門口有十幾個人排緊前面，心諗應該無伏喇今次。而且店員都好貼心咁幫排隊中嘅食客量體溫，門口仲貼左張紙寫住不招待內地人士。係呢個疫症時期確實係一個清泉。（好污糟）但原來我錯左，入到去叫完野，由於佢個廚房係開放式，我見到整拉麵既員工徒手拿起啲麵去淥，淥完都係徒手將啲麵放入碗到，係我用完餐後，我竟然發現該位員工拉低左口罩用拿麵隻手係度捽口鼻（手掌包住塊瞼咁樣捽），當下佢可能發現左我望到佢，佢行左埋去水喉位洗手，但好遺憾，佢只係沖左水2秒 係2秒！然後就繼續工作。其實前線員工咁努力把關有咩用？佢既廚房員工完全冇衛生意識，咁會唔會有啲本末倒置？（沾麵淡而無味）入到去點左個魚介沾麵，個沾麵湯汁，除左有少少魚介味之外，成碗沾麵汁淡而無味而且稀到水咁我直情覺得就算佢用作為拉麵湯都等如清湯麵一樣，可想而知佢呢碗沾麵係食到人口寡寡！只能說我好絕望，係我食完碗麵後先發現呢碗麵原來係拿喳麵，如果早啲發現我應該塞唔到落口。想像到啲麵充斥住該名肥仔員工瞼部嘅分泌物同油脂（希望無病啦佢）我真係飽了。

It has been quite a while since my last Tsukemen experience in Hong Kong. This ramen shop has always got its serpentine queues like most of the 'yellow-ribbon' eateries.💛 To avoid the crowds, we arrived in the shop at 1800 after work. Every customers were required to take temperature as they entered the shop, which was a good practice amid the COVID-19 outbreak. We ordered the signature Tonkotsu Tsukemen with cold noodles, including half a soft-boiled egg, two thick slices of chashu pork & some

突然想食沾麵就想試下新餐廳，排隊等左約15分鐘。特濃豚骨沾麵($78)半隻半熟蛋賣相超吸引，食落偏咸，應該係有落左鹽或豉油調味，不過我喜歡。叉燒有2塊，肥既部位夠肥，但瘦既地方偏硬，再煮腍d會更吸引。食沾麵我都係鐘意食熱麵，至於麵既硬度就揀左軟麵，口感岩我口味。湯底味道夠咸，岩哂重口味既我。湯底上菜時係熱，但唔夠滾，食到一半都涼哂，扣左少少分。(個人口味S: 3.2/5)濃香櫻蝦沾麵($83)+紫菜($10)"友人"同我一樣都係揀左熱麵。至於硬度就揀左標準，但佢覺得偏硬。半熟蛋無我個碗咁靚，"友人"反而覺得叉燒燒得好腍，帶有少許火炙味，好食。湯底有d蝦味，夠咸夠濃味，幾好食。另外加$10有3塊紫菜，浸湯好味。(個人口味E: 3.5/5)- 鋪頭空間唔大，枱與枱之間好近，完全聽到隔離枱講咩，音樂偏大聲。- 如果有機會再食，我都會揀原味而唔揀櫻花蝦。- 如果要排隊就不作考慮。