一生懸麵

營業中

休息中

想試超耐，但次次見到都係排曬長龍！！今次專登2點幾3點先黎，等左一陣就有位，終於比我試到一生懸麵！！我見到佢有個名古屋撈麵好似幾特別，仲要又無圖，好似幾神秘咁，但價錢又唔貴，所以決定挑戰一下，另外都想試下佢地嘅唐揚炸雞(咁難得排到就想試多d野）首先到嘅係唐揚炸雞，係剛剛炸起，個皮好脆，炸粉好薄，雞塊非常juicy!! 但個人覺得唯一小小不足就係有少少唔夠入味。朋友點嘅係櫻花蝦沾麵，櫻花蝦都好足料，同埋好中意佢d拉麵夠粗，口感好好但個人都係覺得個湯有少少偏淡味之後就到我叫嘅名古屋撈麵！簡直係非常非常好食！！！！超抵食！有叉燒又有溫泉蛋，另外仲有蒜，蔥，紫菜，肉碎，同少少湯汁，撈埋一齊簡直不得了非常惹味！大家如果中意食蔥蒜依啲味就一定要試下（隻蛋係我唔小心插爛左先記得要影相）另外一個好抵讚嘅位就係，佢地嘅拉麵真係好足料！大大碗！一定食得飽！

好！好！食！🥰🥺♥️叫左櫻花蝦湯拉麵🥰個湯超正！麵又好吸湯味 肉都好好食！！！！唯一嫌嘅係唔夠熱 熱啲會開心啲🤣等我下次試下佢個沾麵先😋😋聽講都唔錯㗎～

本身呢間拉麵都好想試，但奈於平時都好多人排隊，所以放棄等待。難道今日路過見到可以5洗等，馬上入去食晚餐！由於拉麵食過5少，加上天氣較熱，所以轉食沾麵。涼涼地又易醒胃。我揀左凍食辛辣沾麵，份量都5少。麵既硬度係標準。首先，湯底濃郁細膩，凍既拉麵沾上湯汁，更易帶出醬油香味。加上豚骨淆制，睇到表面層油脂就知用料十足係湯底。微辣一直刺激食慾，少左食拉麵既熱騰騰感覺，多一分舒服既寫意。而因為麵標準既硬度，配上嫩滑既叉燒，正好口感分明。仲有半隻唐心蛋。可以刺穿蛋黃配上麵再沾湯底，更有一番風味。

呢間算係知名度較高嘅拉麵小店見到menu有沾麵選擇 因為香港比較少舖頭賣 點都要試下有幾特別 所以叫咗豚骨湯底嘅沾麵🍜首先要讚半熟蛋賣相👍🏼👍🏼麵條幾有麵粉香味 但口感唔會一舊舊好似發水麵包 對我嚟講有驚喜😬另外叉燒見到有用火槍燒一燒的痕跡 食落另有風味 叉燒咬落都幾腍 肥瘦適中 食落同湯底都好夾☺️唯一要評嘅係 雖然知道沾麵湯底向來偏鹹 但呢款對我嚟講真係好鹹 超級濃味😅😅我諗中意重口味的朋友仔可能會更中意～～會更享受呢碗沾麵～～唔中意沾麵嘅朋友可以考慮點拉麵

每次經過都一定有人排隊。食物高質，仲要係黃店，梗係好多人啦。沾麵嘅份量幾多下，以麵多為主，叉燒唔算好厚。但係個沾汁好濃郁，真係幾正，我會偏硬嘅麵底，會更加有筋道。

高CP值美味豚骨拉麵！支持良心黃店！前幾天看了毛記電視的片段，介紹這間黃店，所以昨晚就來到嘗一嘗～☺-我叫了一碗 #白湯豚骨拉麵(HKD 68)，先不評論好不好吃，這個價錢能香港吃拉麵當晚餐實在是難得！我還加了叉燒(HKD 12) 和雪碧 (HKD 9)，總數才HKD 89！😱😱-拉麵可選軟硬程度，我雖然選了軟麵，但咀嚼時可感受到麵條的彈性，還有淡淡的麥香！🤩豚骨湯底鮮甜濃郁🤤，喝得出是真材實料，吃完也沒有很口渴～叉燒肥瘦適中，肉質鬆軟，加上店家應該用火槍燒過，入口脂肪的油香再加上炙燒的香味，實在令人回味！😍😍 這碗拉麵不算是頂級，但在香港，以這個價錢能達到如此高質素，實在是極少！🥰-希望大家有空就去試一下，這間高質黃店值得大排長龍！記得加料加小食加飲品，用錢大大力懲罰良心店家！10個印花就送一碗麵！😉-黃店 💛-🔻 一生懸麵 🔻評分: 109/10 (黃店+100分)等候時間: 15 mins地址: 旺角通菜街（女人街）73號電話: 2748 1001

依間我係星期五夜去食溫馨提示大家千記唔好學我因為我排咗成一個鐘先入到去食不過好彩係值得等叫咗一個二朗系拉麵加咗木耳同一隻蛋本身個麵有椰菜/叉燒同芽菜係入邊好欣賞佢個叉燒係有用火燒一燒啲油脂燒香咗少少味道真係好正個湯底好濃油香都濃不過要提一提佢啲蒜係生蒜嚟會比較辣口，同埋食完會口臭怕的話可以走咗佢或者係拎起少少另外我仲叫咗一個餃子同雞軟骨串但唔記得影相個人覺得雞軟骨串可以一試餃子就個人喜好了二郎系拉麵：$73加木耳：$10加半熟蛋：$12餃子／雞軟骨：$28

近排疫情嚴重返好多 但我盡量都要避免外出呀!!🤕 介紹咗嘅餐廳可以bookmark左 遲啲先去☺️ 今次介紹呢一間旺角拉麵店 仲要係黃店呀💛~~🐟魚介豚骨沾麵 $78麵可以揀凍或者熱 識食梗係揀凍啦😛麵質正常 唔算話好彈牙嗰種呢個魚介湯底都加咗幾多魚介粉🧐 食落真係有啲太過鹹🤭 不過豚骨味道都飲得出叉燒有兩塊 輕微炙過 味道都幾香👍🏻 不過偏肥糖心蛋就正常 不過不失.🦐濃香櫻蝦沾麵 $83呢個湯底佈滿櫻花蝦 好吸睛🤩味道都係偏鹹🙈 可能重口味嘅人先會鍾意但蝦味真係重 好足料👍🏻 每一啖沾麵都掛到櫻花蝦但我同朋友都覺得 呢間份量比其他拉麵店少大食嘅朋友可能唔夠食🤭~~總結1）不過不失嘅沾麵 鍾意濃味嘅湯底就啱啦~~評分📈味道 6.5/10環境 7/10性價比 7/10

🌸喺旺角行行吓唔知食咩好 發現咗呢間沾麵😍今次一個人去淨係叫咗碗櫻花蝦沾麵-一上枱就見到隻好靚嘅溏心蛋食落去好香蛋味 蛋白好軟生熟程度啱啱好 麵揀咗硬麵 食落會比平時食到既會再硬啲 我個人幾鍾意-沾汁就要咗熱湯 入面係滿滿既櫻花蝦🦐🦐🦐個湯係勁濃蝦既鮮甜味 仲配有幾粒叉燒粒另外重有個青檸 加埋就即刻冇咁肥膩 令成碗汁清爽左不過個汁有啲稀 令到個麵唔可以好平均咁沾上麵汁😭-值得一提 係兩塊叉燒肥瘦均勻經過火炙後 焦香味令叉燒味道更有層次 幾高分😆👍🏻好味評分😋：4/5🌟🌟抵食指數🤑：4/5 🌟🌟餐廳環境 🤪： 4/5🌟🌟價錢💰：$83地址📍：一生懸麵 旺角通菜街73號地下

夜晚食完之後 覺得呢個食評唔寫真係對唔住自己...6:15去到等位6:45坐低兩三分鐘後就有野食碗麵少已經算 揀硬麵底就硬到成口粉咁都算 湯底稀又唔夠味都算 就唯獨嗰兩塊叉燒就真係好好食 7:00煎餃上埋枱 7:06我食完已經收走我碗麵 餃子都未食完已經收起曬筷子碗各樣個職員收起曬D碗碟之後就企係我地張枱隔離 水都未飲完已經收走壺水 大佬呀半個鐘都冇！不停趕我地走！最後飲完杯水即刻叫我地埋單 嗰時係7:10 已經係我地未起身嘅情況消毒張枱清潔張枱 唔夠半個鐘就趕我地走！真係差到爆 麵質差 醬又稀又唔夠濃 根本就稱唔上係沾麵 只係麵同湯分開嘅拉麵 唔夠半個鐘就趕客走 黃店都係咁話 永久blacklist！

🍜好耐冇食沾麵 話晒以前食沾麵上癮到一星期食一次😂✨櫻花蝦沾麵 🦐hk$83✨魚介豚骨沾麵hk$78沾麵性價比好高👍🏻櫻花蝦沾麵面頭有滿滿嘅櫻花蝦乾～發覺落咗蝦係香濃好多!重口味嘅一定要試櫻花蝦!配料有叉燒 荀片 半隻流心蛋💛叉燒炙燒過好香 又半肥瘦唔會乾柴 麵可以揀熱同凍 我地都揀食熱同正常硬度 麵嘅質感都好有咬勁彈牙👌🏻湯底味道係夠 不過我覺得比較稀 啲麵掛唔到湯 通常沾麵係會最後加水可以飲湯🤔

去開旺角想食拉麵 經過見到間拉麵店 係個friend之前食過好食之後推介我去食 今次到我試下係咪真係咁好食 😋 我就試左個櫻花蝦拉麵 （價錢大約83蚊）宜間拉麵店同其他唔同 可以選擇麵嘅硬度溏心蛋半隻同日式叉燒做配料簡直係完美嘅配搭加上湯底有夠濃郁嘅豚骨湯差唔多淡淡都係櫻花蝦 鮮味十足仲要係黃店嚟添😋💛

一生懸麵又是另一家武漢肺炎疫情下, 依然客似雲來的黃店. 話雖如此, 她們的沾麵是最近吃過比較失望的一家. 先說要表揚的部份, 就是麵本身的口感夠爽硬, 而且中間的麥粒除了增加層次, 也令麵本身帶麥香, 有點似”彩”的麵身. 其他元素真的要改善, 首先說其湯底, 魚介豬骨沾湯質感和味道不夠濃厚, 似吃湯拉麵多過吃沾麺, 由於湯汁濃度不夠, 也令麵不夠掛湯. 叉燒有炙燒的外表但缺乏炙燒的焦香, 肉質柴口而乾寡 而雞蛋流心度少, 吃下去如吃烚蛋一樣. 冒著三十多度的高溫等待半小時, 結果如此質素, 不是一句支持黃店, 就可以將我的失望完全抒懷呢!

繼台風拉麵後 又發掘到一間有名氣又好食嘅香港人拉麵店😚「一生懸麵」店名係老闆由日本一個詞語「一生懸命」改編而成 想帶出老闆自己都會好努力 堅持嘅精神去經營呢間拉麵店 好有心思～.👉🏻特濃豚骨沾麵($78)麵條質感偏軟同粗身 有啲似烏冬 但都可以接受個豬骨湯底好濃郁 掛湯能力可以話係中上叉燒厚度適中 食得出有用火槍燒過 幾香！.👉🏻名古屋二郎拉麵($73)配料好豐富👅有叉燒、菜、筍同埋大蒜個湯底一樣都好濃———————————-一生懸麵旺角通菜街73號地下

疫情期間冇得響日本食拉麵，咁就喺香港食，都非常好，因為香港嘅日本菜之中，以拉麵水準為最高。今日喺旺角，又想食拉麵，記起朋友介紹過呢間拉麵店，就即刻行過去。拉麵同沾麵我都鍾意食，即管問吓店員邊樣好食啲，都估到佢嘅答案係模棱兩可😆，咁我就叫咗「特濃豚骨沾麵」再另加叉燒。沾麵賣相幾好， 四塊火灸叉燒鋪喺面，擺得幾靚；食一啖，半肥瘦叉燒好滑頗有豬肉味，正。再夾起一注沾麵放入濃湯中，用吸啜slurping方法連湯連空氣送入口中，味道相當唔錯，麵身夠晒硬好啱我，濃湯有豬肉豬骨鹹香，好。食完之後再請店員姐姐加熱水入濃湯中，飲咗兩啖，幾好味。記住食完沾麵要飲湯呀😊朋友冇介紹錯😋