一生懸麵

營業中

休息中

係日本返黎之後，就一直好掛住果到食過既一碗掛湯力強、麵質彈牙既沾麵唯有係香港揾返間日本人做既餐廳頂住癮先～order左特濃豚骨沾麵同魚介豚骨沾麵其實兩碗麵既配料同麵底都相同，只係湯底唔同我就覺得兩種湯底既味道大同小異，如果中意食濃味啲既朋友就推薦特濃豚骨湯，而淡口味既朋友就會中意魚介豚骨湯。同埋特濃豚骨湯浮面既油脂相對較魚介豚骨湯少。湯底味道唔差既，食完唔會頸渴，食到最尾都唔會太膩，湯入面仲有兩舊肉添，肉質幾嫩嫁，湯底表現算唔錯既哩到既沾麵選用既係小麥拉麵，同我係日本食既係一樣嫁！(哩個係我想試哩間沾麵既最主要原因)當然，哩到既麵質冇日本食到既咁好食。我中意食彈牙爽口既麵，所以叫左硬身果種，但黎到啲麵好似煮耐左咁，漿住左，可能無過冷河，成塊面餅咁。食落麵質無口感，無特別其實都幾失望，因為我最期待既係佢既麵質～配料方面有溏心蛋半隻、兩片叉燒同四片筍溏心蛋普通，蛋白唔彈牙、蛋黃過熟唔流心，蛋係無味嫁，嚴格黎講唔可以話係溏心蛋，只可以叫半熟水煮蛋叉燒係半肥瘦叉燒(油脂其實較少，瘦肉部份佔多)，因為上台前用火槍燒過，油脂既香氣逼出黎，多左炙燒既香味，加上瘦叉燒肉肉質嫩滑，幾好味！平時見到半點肥

家人去左大陸旅行 ~~ 我地既午餐就要自己攪掂 !! 又有機會俾我寫下食評 !! 今日我地買左飛去 MEGABOX 睇戲 ... 睇左好耐可以去邊食午餐呢 !!隻佬選左過黎得寶呢邊 ~~ 上次黎食過 FOOD COURT !! 今次食拉麵 !!我今日好增扎食沾麵好定食湯麵好 !! 最後叫左 豬骨湯麵 !! 隻佬叫左個白湯豚骨拉麵 !! 個湯好好味 ~~ 睇佢好似好濃咁 !! 但係唔會覺得油膩 !! 個豬好淋 ~~ 仲好多菜 !!而我叫左 二朗系拉麵 !! 我其實食唔出兩者間有咩分別 !! 但係我冇留意冇半邊蛋呀 !! 哈哈 ~~ 搶番隻佬半隻黎食 !!我呢碗個湯都好正，清哂D湯，我覺得呢碗同佢有咩唔同係...我呢碗勁多菜 !! 我好愛 ~~ 呵 !!仲加左 雞軟骨捧，好特別呀 !! 入口好爽口，雞肉都好甜 !! 

放左工同另一半去左得寶食依間沾麵叫左魚介沾麵，佢叫左特濃豚肉沾麵，個麵份量比較少，麵幾好食，有咬感！加底要多$15，建議可以加底，我女仔食麵唔是好夠塊肉好明顯係燒過，所以好好食唔咸，如果厚少少或加多一塊會好d認真我覺得仲好食過一x,仲要平差不多一半湯底有少少豬肉，咬落塊好「林」，又唔會好咸，放麵去食都唔洗狂飲水叫左個小丸子，可以唔洗叫，$28/5粒唔值，個涵太少，有一粒章魚但菜好少，好似食緊空氣咁

夜晚經過得寶商場，見到依間門面唔太起眼，卻有好多人食既拉麵店。睇到個menu, 俾個沾麵吸引住，決定試一試。店舖唔大，大約廿個位置，開放式廚房，可以睇到師傅努力整野食既樣。今次坐bar枱，張椅子有d高，枱面放晒餐具，調味料同水。同男人叫左2個麵同一個餃子，可以選擇麵既軟硬度，同另加配料。白湯豚骨拉麵，湯底濃郁，標準軟硬度既麵剛剛好，豚骨夠入味，夠淋。特濃豚骨沾麵，剛先白湯已經夠濃郁，依個特濃更為是，如果直接飲，濃到有d咸。不過配合沾麵來食，剛剛好，有另一番滋味。豚肉係無湯浸住食既情況下品嚐，更能食得出佢既炭香味，一流最後叫埋個煎餃子，煎得剛好，配合餃子汁味道唔錯。

一生懸麵在九龍東是穩陣拉麵之選，至少我呢類中年阿叔認為係，價錢相宜美味又飽肚。上次來光顧是5個月前，2017年11月，當時吃了個特濃豚骨沾麵，也寫下了食後感，今次我是和朋友來。友人點選了濃香櫻蝦油拉麵，滿滿的櫻花蝦散放在碗面，點點兒的蝦香，友人表示豚骨湯夠濃亦有蝦味，不過卻要頻頻飲水解渴。我則點選了松葉蟹沾麵，雖然眼見是限定拉麵，但我在openrice見其他食客的食評冬季及春季一生懸麵都有這款拉麵。其他很多拉麵店都有提供松葉蟹沾麵，但蟹肉份量總是來得很少，通常一兩條蟹肉柳，豪氣的可能會找到蟹腳。而一生懸麵的松葉蟹肉是一小堆蟹肉，如上圖所示，份量足夠，再加上雞肉、半熟蛋及露筍，$98啖啖肉又飽肚確屬不俗的選擇。沾汁內亦混入蝦油，味道俗，濃度不稠。沾麵用的麵條和湯拉麵使用的相同，掛湯力還好。小食我們叫了兩碟煎餃子，形狀略小一口一隻，餃皮較硬身，味道還可以。一碟章魚燒，丸子較細粒但用了沙律醬而非燒汁，又是一口一粒，這個較餃子好吃。至於一生懸麵我最喜歡的小食一定是雞軟骨棒，啖啖肉大件又燒得表面香脆，極力推介這個。兩個肥佬吃了1個濃香櫻蝦油拉麵、一個松葉蟹沾麵、雞軟骨棒x2+煎餃子x1+章魚燒

有日經過九龍灣 記得個頭有間拉麵店即刻去試下比侍應assign坐左係bar 枱到 覺得有啲尷尬 因為舖頭係開揚式設計行人可以直接望到啲客食麵咁唔緊要啦 黎到都要食叫左個櫻花蝦沾麵個麵好有咬口 又掛湯個湯都好厚好夠味但食到一半已經凍左總括而言 以呢個價錢可以食到呢個質素既沾麵係幾高質既

第一次食沾麵， 個豚骨湯底十分濃郁，夠「結」。 個糖心蛋睇落冇乜色水，但原來都好夠味，又唔會太鹹。個叉燒 燒過來好有戈啲鍋氣味，同埋啲肉都夠嫩同淋，唔會食到有「渣」。 一層肥一層瘦，配合得好好。 一個沾麵$68 價錢都尚可接受， 食完超飽！可以回頭，好好食！下次試下拉麵先。

平日很少到牛頭角, 這天要去, 當然又搜尋一下美食.... search到這個結果原來跟牛頭角站相距甚遠, 在九龍站出了還要步行一段路~按着google找到了, 剛過lunch time不用等位, 小小的店一眼睇晒, 兩張方桌明知不是為我這類獨食的人而設, 於是就 坐吧枱~ 一列長吧枱前就正是此店生產的重地.... 切菜備料煮麵洗碗一目了然~我點了櫻蝦拉麵 ($70+).... 因為想試最多的味道而這個就有叉燒+櫻蝦... 沾麵本人一向不好, 於是就點湯麵~蝦很多, 端上來就是豐盛的一大碗, 有兩片叉燒, 加一隻糖心蛋........先來一口湯, 跟眾多拉麵店一樣, 湯總是稍咸(對我來說~), 但此碗總算滲着蝦的鮮香麵質彈牙有嚼勁, 吃起來不像現成貨... 麵身比一般的幼細, 因此沾上的湯較多, 湯濃而不算油膩, 吃罷一整碗都不會太撐總括來說是中上之作, 碗由廚師親手送上, 放下時說了句日語可惜我不懂~是家有心做好的拉麵店。 

同事知道小人酷愛拉麵，由他提議下班後去吃拉麵，小人沒有反對的理由。同事叫的是白湯豚骨拉麵，說實在的白湯不怎麼白，不過豬骨味勁濃，有漿口的厚重感，可以收貨。同事要的軟麵，不大合朕意，但看他吃得津津有味味的樣子；正所謂「鹹魚青菜，各有所愛」，對於這點小人是尊重的。叉燒、紫菜、荀、溏心蛋和白蔥等等，一碗正常拉麵都交足貨，是不差的。至於小人的名古屋二郎系拉麵，爽甜的芽菜、椰菜以及大量的蒜頭和著豚骨湯，單是湯底已是非凡。硬麵的質感恰到好處。叉燒勁厚勁大塊，唯一的是脂位較多，燒得未夠香，有點過膩。總體而言，是相當滿意的。

知道呢度開左間拉麵店前兩日終於試左店員有禮招呼入座鋪頭細細但乾淨企理同時亦睇到師傅煮食過程今次試既係魚介豚骨湯沾麵一上檯睇落好正不過沾麵湯與我想像中有出入 比較稀身 魚味亦欠奉 但勝在湯夠熱麵條彈牙 唔會好重鹼水味份量足夠女仔食男仔做正餐應該要加小食 配料當中筍都幾多 2片豚肉入口即溶 勁好食!!! 溏心蛋都好正整體感覺唔錯加上呢個價錢食到呢個質素一啲都唔貴下次諗住試櫻花蝦果款 😍題外話：進店時，店員會講 いらっしゃいませ 歡迎光臨，上檯時， お待たせしました 久候了離開時，ありがとうございました 多謝 因本人亦懂日語，所以入鋪時聽到店員講日文既發音都唔錯 (唔似某啲''日本餐廳'' 亂讀 = ='' )食緊既時候聽到日籍師傅與一男店員閒聊，男店員可以一邊工作一邊訓練日文👍👍👍

早半年前發現呢間一生懸麵，之後平均每個月都要食一次，觀塘/九龍灣區好食沾麵寮寮可數，拉麵/沾麵小店也不常見，所以一生懸麵絕對是這區最佳沾麵！今次到訪日期是 2 月 7 日晚上 8 點 45 分左右，平日晚上本以為人沒有太多，豈料都有食客在等位，尚未被大肆報導就已經要排隊，雖然等了五分鐘就可入內。店內 Bar 枱跟卡位數量相約，不過 20 個位子，但拉麵店都不預期客人會在席間閒聊，所以大部份人食完都係快快離開。侍應有日本人也有香港人，估計老闆也是日本人。每次都點特濃豚骨沾麵，麵條粗而掛湯，可選冷/熱麵條，點冷麵條入口更佳，熱麵條難免癡實晒，份量的話成人一碗剛剛好，除了本身的叉燒，沾麵汁內也有放數塊豚角煮，肥豬肉當然入味兼美味。美中不足是雞蛋只有半隻，而且溏心蛋來說不夠入味，蛋黃沒有讓人驚艷的感覺。$68 一碗的沾麵在香港不算貴，拉麵的話最平 $62 就可以埋單。無加一收費，侍應服務態度很好。之後都會繼續去食

公司附近，所以過來食下，環境幾為特式，很像日本屋枱的感覺，美中不足是位置太小，只要兩張枱小弟叫了一個魚介豚骨沾麵，再外加一份煎餃子，同事叫了雞軟骨棒，速度滿為快雞軟骨棒非常好食👍🏻麵口味比其他鋪不太重，適合我食基本上沾麵要點湯的，所以口味可以算是自己點的地理位置亦算方便，由九龍灣地鐵站行過來，只要10min的路程，食完還可以到附近行街，但美中不足是，坐位，店鋪太細間，可以會有等位的可能性🙈🙈🙈

凍冰冰嘅晚上，胃子極需要溫暖，去完順豐寄件，速速捃食醫肚。在德寶去牛下新城兜圈，無乜啱食，反而在附近見有拉麵，凍凍地除咗打邊爐同煲仔飯，食一碗熱辣辣嘅拉麵係不錯選擇。一眼望去有一排背向外嘅吧座，啱嘅晒我，又可邊等時邊八卦廚房情況。有沾麵又有麵，咁凍梗係揀湯麵🍜啦。有辣有唔辣，我想飲湯所以揀了名古屋次郎系。熱呼呼拉麵來了，第一個感覺係⋯好清簡看相的豚肉是圓的，現實是長條先喝湯，無過鹹無過濃拉麵我揀的是硬身，但似適中多一點，但仍可接受。整碗份量剛好，這拉麵較適合正常胃口嘅女仔，如果男士可能要加碼了價錢和質素成正比

一直都想係觀塘區搵沾麵食，但好多時都係搵到啲連鎖店，點知最近搵先知道得寶入面開左呢間沾麵小店！😆 其實本來都係抱住試下既心態，唔會抱太大期望，但無諗過呢次都有驚喜！👻 -叫左一碗熱既濃香櫻蝦沾麵食，雖然價錢係咁多款最貴，但都係會覺得幾值！食落口有好香既蝦味又唔會好油膩，除左有兩三舊叉燒之外，仲有半隻溏心蛋同竹筍。🍜 我自己唔太鍾意好稠既湯，而呢度算係稀同埋唔算好鹹，所以呢度既濃度同質感對我黎講啱啱好🤤 同好多舖頭一樣，呢度都係有得俾客人揀麵既硬度，我自己就揀左標準，但都係覺得有少少硬，要浸稔啲先食～ -服務方面，枱上面有齊紙巾、水同各式調味料，任君選擇🙌🏻 一個女仔唔太大食既話份量我覺得啱啱好，但可能男仔會略嫌細份😝 上碟速度算快，唯一覺得唔太好既係鋪位實在有啲細，卡位得兩張，其他都係bar凳，所以晚飯時間都要等下先有位👻-P.S.上網search先知一生懸麵呢個店名應該係同日本有句quote「一生懸命」有關係，意思係做事好認真執著同努力既態度，食完之後都會認同呢間店既質素係值得多啲人試😋♥️

那天晚上忽然想吃拉麵就來到九龍灣這一家小店店內位置不多大概只能容納十多個客人(其中數個是吧枱位)叫了白湯豚骨拉麵($63), 魚介豚骨沾麵($68), 還有章魚燒($28)最好吃是魚介豚肉沾麵,湯底味道濃郁有驚喜,份量夠,麵質軟硬適中; 另外的拉麵則不過不失; 章魚燒則有點失望,外皮太軟,裡面的章魚粒亦很小但店舖內有一位日本師傅座陣,拉麵做得跟日本地道的拉麵一樣,加上店舖設計很有日本拉麵店的風格,風味十足!👍