一生懸麵

營業中

休息中

屋苑商場裡的小店雖然空間感唔大 但就係因為甘好有日本拉麵小店的感覺走簡約的和風裝橫 風味十足比起其他拉麵店鮮艷花巧的設計 感覺更自在小店的食物選擇不多 有拉麵和沾麵可選我選了特濃豚骨沾麵豚肉是燒過的 因為少少燶面的豚肉把肉汁留住 比一般拉麵店的是的確好食 可惜只有兩片 食完一片都唔捨得食第二片麵與其中可以選擇硬度(有較硬,標準,較軟硬) 而且還可選冷/熱另外也可選不加蔥不加荀等等我點的是普通硬度的冷麵 麵質不錯美中不足是湯底偏濃 同行的重口味朋友覺得是可以接受的我想應該好適合重口味人士

返左一個星期工，終於都到星期五，好攰😞唔想去得遠就近近地搵間拉麵店食算啦。店面好細，2張4人檯+10個吧位，吧位啲櫈會偷偷地自己縮矮🌚野食唔多揀，但做得好食真係幾款就夠。仲有一款期間限定，見到海膽係想食既，但一諗到响香港伏過幾次海膽，都係食返啲普通野算喇。自己填order紙，可以揀麵既硬度，要唔要䓤/筍等等。睇之前啲食評話個湯好鹹，原來張order紙都有講口味會比較濃，要淡口可以出聲。店員指示青檸汁唧落麵，湯汁攪勻就食得👍🏻我食麵一向第一啖都係試啖湯先，可能你覺得我廢up ，但魚介真係好有魚味，櫻花蝦真係好有蝦乾味🤣 叉燒夠淋身，麵我地都係食開軟麵，夠煙韌😋整體味道係好味，湯亦的確偏鹹，但美中不足係沾麵既湯汁唔杰身，掛湯方面可以改進一下。埋單時聽到原來可以轉粗麵，不過諗諗下唔係好掛湯情況下，我都係揀返幼麵算。

今次同朋友係kowloon bay 到shopping 緊，突然個friend 話想食拉麵，咁真係上oprnrice 搵搵先啦，見到呢間既食評同d 相都影得幾吸引我地，反正係附近咁就試下先啦當然，間鋪頭雖然細仲要排陣隊不過好快到我地，我就叫左個豬骨拉麵同加左叉燒，食落口 d 豬肉入口即溶，仲要係煎過黎十分美味，咁餐廳都有唔同既麵既硬度去比你選擇，我就揀左標準係店舖推介，夠彈性同埋個湯底真係夠濃好入味，下次一定會再黎食過，再加上有印花儲。

平日很少到九龍灣，行到得寶商場正是午餐時間，這間拉麵店名叫”一生懸都”，單是餐廳名已相當特別，餐廳面積不大，有吧檯及兩張4座位選擇，剛巧不用等位所以決定入店試試。食物種類比較簡單，主要是拉麵及沾麺，3款小食及飲品。大部份食客都是吃沾麺，想必是招牌菜，但這天有點涼，好想吃一碗熱騰騰的湯拉麵，最後點了兩碗拉麵，分別是辛辣拉麵及濃香櫻蝦油拉麵，還有一款小食章魚燒。辛辣拉麵 $73 – 微辛辣的拉麵很刺激，湯頭濃郁， 溏心蛋嫩滑， 剛好半熟， 有兩大塊肥瘦相間的叉燒， 叉燒表面用火槍燒，帶出油香，配粗身麵條 (另外一碗的濃香櫻蝦油拉麵的麵條較幼)，想不到這間店這麼細心會為不同拉麵配搭不同麵條。濃香櫻蝦油拉麵 $78 – 滿滿的櫻花蝦賣相十分吸引， 湯頭濃郁之餘帶蝦香氣， 配幼麵條，掛湯能力高。章魚燒 $28 – 有 5粒， 尺寸略細但勝在新鮮製作， 熱辣辣的。另外，可以加少訐醋去油膩感，別有一番風味。

路過德福，睇openrice話呢間野好好食就黎左食。一生懸命係日文解拼命咁努力，就睇下碗麵係咪真係下左咁多努力啦。叫左個白湯豚骨拉麵，配料有紫菜，蛋，木耳，叉燒同筍。湯頭白色起泡，證明長時間造好，飲落味道複雜，各種味東奔西跳，雖然混亂，但好好味，而且飲完唔會成嘴油，不油不膩。叉燒好好食，製作得唔會入口即散，有咬口，真係有燒過，食得出好香口，而且肉心部分都好有味，唔會淨係得外層有味，值得一讚。但拉麵個麵本身可能口味問題，唔太鍾意，但係好食嘅。拉麵麵味唔多，要靠索個湯黎食就好好食，麵質較冧，連湯食就一流。食到咁上下，可以加醋食去油膩嘅感覺，別有一番風味，但係呢度嘅醋比較酸，加少少好啦。整體黎講真係算好食之選，係呢頭真係冇得輸。用餐日期:17/2/2019是餐費用:$68味道:9/10環境:7/10性價比:7.5/10

睇完戲食晚餐，餐廳位於商場入面，舖頭細細，裝修典雅，有兩張四人枱和幾個吧枱座位，座位較迫。店員有笑容，服務都唔錯。名古屋二郎系拉麵，68元，有兩塊豬腩肉，厚切燒烤，肥美惹味，麵質口感唔錯，配有椰菜，湯底好咸。白湯豚骨拉麵，68元，明顯較名古屋二郞系拉麵抵食啲，同樣有兩塊豬腩肉之外，還多了兩塊紫菜、半隻蛋和少量黑木耳，不過無椰菜。有凍水供應，免費飲用。不收加一服務費。結論：適合唔怕肥和重口味的食客。

今晚左食魚介豚骨沾麵+叉燒(2塊)($85)😍第2次去呢間食呢次試下食沾麵店員溫馨提示將舊青檸唧落碗麵再攪勻個熱湯將麵擺落湯就可以食我揀左凍既拉麵擺落湯食原來好爽口彈牙😍叉燒好好味我鐘意佢叉燒燒到香口既味道個麵上有幾條筍都幾好食食食下麵期間發現有冷氣機滴水落我碗麵😱😱😱即時轉去坐隔離個位女店員見到無咩反應知道我碗麵滴左冷氣機水都唔幫我換左佢個女店員只顧著拎條布抹枱上既滴水同我剛才我坐個位上面櫃上既冷氣機水我心諗應該無事既😥如無意外應該係。。點知返到屋企連續肚痾左2次😥對呢間小店真係好失望下次應該唔會再黎幫襯

這間拉麵店的店面很小，只有數張吧枱位及兩張四人枱，但樓面卻站了三個人，令店面有點擁擠。當天不到晚上六時到達，當時只有兩名客人，店員安排我跟朋友坐在四人枱。這裡食物的選擇不算多，我們二人點了特濃豚骨沾麵、魚介豚骨沾麵、煎餃子及章魚燒。我點的是魚介豚骨沾麵，店員建議加點青檸汁以提味。呷了一口湯，實在鹹得緊要，基本上喝不到魚介湯味，全被過鹹的豚骨湯味覆蓋。朋友點的特濃豚骨沾麵湯底則一般，沒有魚介豚骨湯般鹹，就只是普普通通的豚骨湯底，味道亦不算香濃。麵條方面我選了凍麵，硬度選了較硬，因為硬的凍麵一向比較彈牙有咬口。可惜這裡的硬麵仍是軟軟的，跟朋友點的普通硬度差不多，口感欠佳之餘掛湯力也不足，有點麵和湯分開吃的感覺。要讚的是叉燒燒得香口，味道不錯；溏心蛋不會太生或太老，煮得剛好。我一向對拉麵舖的其他小食不會抱太大期望，這裡的煎餃子中規中矩，$25五隻餃子算是實惠。章魚燒熱辣辣，可惜燒得不夠，外皮過軟不夠挺身，內裡也吃不到章魚，只吃到整顆軟身麵團加醬汁，不建議點這道小食。整體來說，如果點特濃豚骨湯底的話還可一試，畢竟在香港吃拉麵沾麵消費不低，以這個價錢在香港吃沾麵的質素來說可接受，CP值算不錯。但

今日又到屋企附近找尋拉麵，無意間發現一間新的叫一生懸麵店名很特別，見到店面很細但十分多人排隊所以就嘗試一下🤣叫了魚介豚骨沾麵，出奇地幾好食😋😋不過魚介湯係魚既湯🤔嘗不出魚味不過有很濃豬骨味👍

朋友話呢間拉面好食，所以搵一日中午黎試下。叫左兩個白湯豚骨拉面，68蚊一碗。在等待食物黎既時候，觀察下廚房環境。都算乾淨的。之後好快就送來兩碗面，食面之前，一定要試啖湯底先，一飲之下，勁鹹而且非常油膩，完全沒有意思再有飲多一淡既衝動。對我黎講，真係得個鹹字。試下塊紫菜，冇特別，skip。再試下半邊溫泉蛋，都合格的，做到基本野，夠滑嫰。到試個拉面，揀左個適中硬度，正正常常拉面有點咬口。而舊腩肉，就真是唔掂，冇肉味，又實又硬，完全唔嫰滑，而且得兩舊細細舊。總括來講，冇下次。埋單!

雲丹拉麵 $93雲丹係日本人對海膽既叫法 其實呢個係海膽豚骨拉麵🤩海膽預先炙燒過 新鮮甘香 完整一片片唔易鬆散 一啖麵加少少湯再加片海膽食好幸福😭💛湯底愈食會愈重海膽鮮味 而拉麵既掛湯力都好強 可能係因為拉麵偏幼身 但亦都因麵條煮得過淋而欠缺彈性評分：8/10.魚介豚骨沾麵 $73本身諗住魚介豚骨湯底味道會多層次啲 可惜呢碗既魚介粉唔夠 魚介味被豚骨味蓋過😕但湯底濃郁得黎唔會死鹹 亦可隨意落青檸汁吊味 沾麵麵條掛湯力還可以 可選冷/熱麵同軟硬度 小編認為麵質偏淋 想有韌勁啲可以揀偏硬💁🏻‍♀️半肥瘦既叉燒燒到帶焦香🤤不過溏心蛋就熟左少少唔夠流心啦🙁評分：7/10.煎餃子 $25煎餃一共有5隻 餃子皮偏乾硬 餡料胡椒味重 但食落唔係好juicy 睇黎都係專心食麵好啲🙈評分：5/10

呢間拉麵鋪係得寶開左一排鋪位係好細間既會有D高枱既位係果到就會睇到師傅煮麵既情境呢一點都好有日式拉麵鋪既感覺我就叫左最BASIC既豚骨拉麵拉麵既份量都OK 係夠食既麵都好彈牙 肉既肥瘦度都適中而日式拉麵黎講湯底就係最重要架喇而佢既湯底就做得幾濃郁不過食完都幾口渴而呢到都好似其他日式拉麵店咁係會有凍水提供番既

記得上次食沾麵已經是一年前，今次同朋友光顧的一生懸麵 ，我個人覺得比上次有點名氣的沾麵店更好食。店舖同時供應拉麵和沾麵，還有幾款小食和飲品。我點了魚介豚骨沾麵 （HK$ 73)，有幾片荀絲，半隻溏心蛋和2塊燒過的叉燒，還有一小片青檸給加進湯𥚃提升味道。我自己是吃不出有甚麼分別，因為湯底本身已經很濃。麵好煙韌，感覺會好飽肚。朋友的濃香櫻蝦沾麵 （HK$ 78)，配料和我的一樣，但多了滿滿一層的櫻花蝦！我試喝了一口，濃濃的蝦香在口腔内爆發！於是我不停偷喝朋友的櫻花蝦湯底⋯我們都不約而同地表示如果最後有碗白飯給我們用來撈湯就好了😝

九龍灣其實好大 想搵好野食選擇都算多 但唔知有幾多人識得黎得寶商場搵食呢？今次介紹既就係呢間沾麵店餐廳名玩食字 一生懸‘麵’ 幾過癮 其實除左沾麵都有拉麵選擇 我就揀左櫻蝦味坐係吧枱位 可以睇住師傅整餐廳唔算大 目測得十幾位 有吧枱同兩張普通枱黎到主菜 櫻蝦沾麵 賣相好得 以為隻蛋白雪雪無味但其實相當有味 塊叉燒仲有炙燒過 荀都相當入味 櫻蝦湯唔會話太咸 岩岩好 個汁好濃 好易掛到落麵 最後仲有胃口 試埋章魚燒 我覺得麻麻地 可以唔洗試

特濃豚骨沾麵 ($68)魚介豚骨沾麵 ($68)辛辣沾麵 ($68)雞軟骨棒 ($25)魚介豚骨沾麵麵質可選軟硬度 (我就鍾意食硬D既，而呢個硬既硬度非常好)麵既話，我會想再粗身D，純個人喜好，同埋我覺得麵既掛湯力有進止空間半熟蛋我表示唔錯，但荀片好淋，煮得耐左啦沾麵湯如店舖所言係偏濃味的，不過因為佢講定，所以都係可以接受到的程度 (特濃豚骨沾麵/辛辣沾麵偏濃味，魚介豚骨沾麵就正常既)(anyway周月暫時仲係史上最重口味)叉燒肉有驚喜，食落勁香，仲會用火槍燒過個面呢碗偏濃味的沾麵係無味精feel，食完不會話要狂喝水，所以係唔錯既雞軟骨棒醬汁惹味，肉質夠嫩再混左脆既雞軟骨，唔錯，叫得過