一生懸麵

營業中

休息中

本身約咗朋友食飯 但朋友臨時有嘢做甩底 咁放工之後就唯有獨食啦覓食既時候經過呢間舖頭 其實之前lunch經過已經想試下 但真係坐滿晒人所以就放棄 今次竟然冇咩人應該就係因為過咗晚飯時間 於是就決定一試啦店面非常細 位置唔算多 所以如果繁忙時間黎 應該都要等一段時間有幾款既拉麵同沾麵可以揀 咁我就揀咗白湯豚骨拉麵同埋煎餃子坐低左冇幾耐 碗熱辣辣既拉麵就黎啦一黎就試咗嗰湯底先 嗰湯底真係超超超濃味啊雖然食得多嘅話可能會覺得小小咸 但呢度好貼心 有提供水比客人自己斟嫁麵質我就揀咗標準嘅 幾好味唔錯唔錯 咁仲有叉燒 略嫌有啲肥 不過咁樣先好味總結黎講 幾推薦呢碗拉麵餃子就有啲普通 同埋覺得唔係好夠肉汁不過好彩碗拉麵補返數下次應該會再幫襯試下其他既麵

自己一直是沾面的超級fans，所以經常尋找隱世拉麵店，今次剛巧經過，見到店鋪人山人海，決定入去一吃！結果好驚喜！松葉蟹沾面（$98）沾面一來到時，已經不禁感嘆十分足料，蟹肉真的是啖啖肉，而且肉質鮮甜，入口即化！而且配上海鮮味濃郁的湯底，真的十分配！而沾面最重要的面條，不但軟硬適中，份量更是很多，真的是平靚正，十分推介！章魚燒（$28）想不到這間隱世拉麵店，竟然有章魚燒，章魚燒本身外脆內化，而且配上美乃滋，熱乎乎的入口即融，冬天吃絕對一流！整體上，店員都幾友善，而且店面本身是開放式格局，能夠看到師傅是如何製造出美食的，十分特別！下次經過，一定會再幫襯！

老公呢排工作越來越忙，開始要加班，所以呢晚決定簡簡單單食個拉麵，俾佢來個輕鬆食。除咗有固定的4 款拉麵之外，仲有個期間限定 松葉蟹沾麵。不過見天氣較凍，都係食番個暖暖的拉麵，如果天氣好番 D 而期間限定未完的話，我會再來試試這個。白湯豚骨拉麵濃濃的豚骨湯底，被軟身的麵底索咗唔少，食起上來好入味。而日式叉燒又夠厚身，咬落啖啖肉，而半隻蛋也頗流心。濃香櫻蝦油拉麵櫻花蝦鋪滿整碗麵，好像一片蝦海。而且可以見到有些少油在蝦的中間，食的時候更添香滑，連埋黏在麵上面的蝦一齊食，增加了不少咬口。章魚燒一咬入口，感覺是暖暖地，帶有少少甜味，口感鬆軟。

去到牛頭角得寶商場，竟然會日式拉麵食，btw個商場嘅裝修都幾特別，有舊香港風味嘅設計。店舖間叫大，職員就有三個，服務都唔差，幾有禮貌，但就係迫咗少少，不過香港寸金尺土，所以唔緊要啦。葉松蟹沾麵 $98都幾多料，除咗有蟹腳之外，仲有紫菜、魚籽、露荀同叉燒。麵就要咗凍麵，食落比較有口感，同沾上熱湯嘅時候，一冷一熱，幾有趣。蟹肉幾甜，唔腥，都幾新鮮，叉燒係燒過嘅，食落好香口，多餘嘅脂肪都會燒走，食落冇咁油膩。湯頭飲落唔夠厚，雖然夠味，但口感上爭咁啲，唔係幾沾得上麵到。

係香港，想食碗真正的‘拉麵’真係好難，中伏無數次後，我已經好少再係香港食拉麵。不過，凡事都真係有例外。友人約食飯，指明要食呢間，試下無防，我最鍾意試新野。原本跟友人一樣，揀櫻花蝦拉麵，但個靚仔店員介紹我食松葉蟹沾麵，對於靚仔俾我嘅suggestions, 我從來都不會反抗。兩個熱辣辣嘅拉麵上枱啦！天寒地凍食拉麵真係最佳選擇！櫻花蝦拉麵真的是滿滿的櫻花蝦，個陣獨特嘅香氣直捲入鼻！未食已感受到個拉麵唔係普通料！我都試左一啖，麵質可以喎係香港真係好少食到好嘅麵質，呢間做到了！我的松葉蟹沾麵，好好味！麵條揀左熱的，松葉蟹份量超多！湯底好濃郁，需知道沾麵如果湯底唔夠濃，真係可以好難食！所以一般會比拉麵湯底濃少少，呢個湯，剛剛好，perfect!最後試多個小食，餃子皮脆餡料多，唔錯！總括，呢間小店性價比極高，店員有禮，拉麵相當有水準，一定會再黎！

天氣轉冷，所以約了朋友去吃拉麵。雖然最後大家都選擇了吃沾麵！每人一碗沾麵，份量多，使人十分滿足。我吃的是松葉蟹沾麵（$98），蟹的份量不少，而且全都是肉，啖啖蟹肉感覺很爽！麵條我選了正常的軟硬度，我覺得偏硬了一點，麵條味道香甜，沾上濃郁的湯，味道更佳。湯的味道很香濃，鮮美，可惜，略嫌不夠熱。因為天氣太冷，吃到最後湯都冷卻...朋友的濃香櫻蝦油沾麵，湯汁味道比我的鮮，叉燒肥瘦適中，不會鞋，亦不會太油膩。這家的沾麵是令人滿意的，值得再來！

今日去九龍灣淘大花園行街，附近既餐廳大部分都食過。朋友話想食啲有質素既拉麵，行返過去德福又太遠，所以就揀行過隔離既得寶商場！今次係我第一次入去，原來個商場外表只係殘舊，入面好新淨，仲有好多唔同既餐廳。下次會試埋其他！我地跟住OpenRice 搵到餐廳。佢有吧枱形式同埋雅座形式。餐廳唔算大，但感覺夠日式！多人可以坐卡位雅座。坐得比較舒服！坐低之後就睇下個menu!基本拉麵有八款，另外有一款限定款。麵既硬度、配菜(葱、荀、椰菜、蒜)都可以選擇。而且價錢仲好平添。即刻睇下好唔好食！首先我地叫左個濃香櫻花油拉麵($73)一上到枱，見到啲櫻花蝦咁多已經加左少少分！之後放底個麵既時候，啲油香隨著湯既熱力散出黎。係一股好濃既豬骨香加少少海鮮油香！個麵有溫泉蛋、叉燒等主要配菜。第一啖即刻試左個湯先。一試完個湯我就知道，依個拉麵水準絕對屬於高！個湯底好夠濃，係杰身既湯底。要做到湯底咁杰身但又唔會太咸已經好難。仲要飲完冇口渴感覺，冇落味精！講返配菜，叉燒係半肥瘦，烤得岩岩好，配埋個湯完美！依個麵我比9分！下一碗我叫左個限定拉麵松葉蟹沾麵($98)沾麵可以揀凍麵、熱麵。推介大家同我一樣食凍麵。因為將凍麵沾落

今日黎開牛頭角,就同朋友約埋去食野,聽人講得寶個邊都好多野食,咁就去食下喇第一次行個場,都幾多鋪頭,行下行下聞到拉麵味,咁呀食啦入到去坐得飲杯水先,有檸檬係好似D既跟住睇下餐牌有期間限定就一定要點期間限定,我地兩個都選松葉蟹拉麵,再加左個章魚燒仲有D調味料,一陣可以加喇望住廚師煮麵都幾正等住食好似細路仔咁望住廚師煮野食松葉蟹拉麵--個湯都幾正,溝埋落麵度食一流呀有溫泉蛋,紫菜,蟹肉,魚子,竹筍,豬肉豬肉少少肥岩岩好呀.蟹肉好香好正,竹筍鮮甜既味道D麵既軟硬岩岩好章魚燒--熱辣辣好好食,入面有章魚咬落去又好正,熱食是必須的

放假同友人去開九龍灣行街，行行下行到肚餓，搵到依間一生懸麵，見到門面十分有日本拉麵店嘅風味，身為日本迷嘅我當然要入去試下依到嘅拉麵。一入到去發現原來師傅都係日本嘅師傅，十分有風味睇一睇餐牌有八款拉麵同埋一款期間限定嘅拉麵，選擇都唔算少，仲有兩款小食可以選擇。首先我就揀咗期間限定嘅松葉蟹沾麵，一送到上嚟就見到成堆拆好咗嘅松葉蟹肉，蟹肉唔會有雪味，食落啖啖都有好鮮嘅蟹味，同埋蟹肉嘅份量都好充足，夠食曬成個麵有突。而個叉燒師傅用燒火槍燒到有少少微焦十分香口。溏心蛋煮得啱啱好唔會太熟，入口即融嘅感覺。拉麵嘅麵質啱啱好，係依照咗落單紙上面嘅麵質。而沾麵汁就係正常嘅醬油沾麵汁，同蟹肉同個麵都好夾。而友人就揀咗濃香櫻蝦油拉麵，蝦嘅份量好足夠，每一啖都可以食到蝦同埋麵，加上師傅會先烘一烘啲蝦，令到蝦味好出，豬骨湯味好濃配搭埋櫻花蝦嘅蝦油，味道好夾。我地仲嗌咗個雞軟骨棒做小食，個照燒汁同個雞軟骨棒好夾，食落幾有口感幾特別。埋單兩個人夾埋都只係196蚊，平均一百蚊都唔洗一個人，有一個麵同埋小食，依個價錢算係超值！

同事講起牛頭角得寶開左間拉麵店好似唔錯，誠邀我放工一齊去試，我當然唔會推啦!得寶商場細細地，原來都有唔少野食！我地去到餐廳已經見到有十多個人等緊位，咁應該真係幾好評，哈哈！餐廳好日本feel，有bar枱位同4人枱，約有十幾個位！等位期間，店員俾左張點餐紙我地先睇睇，有位就可以即時入單，咁就可以加快速度，快啲有得食，店員真係貼心！睇一睇menu ，原來有拉麵同沾麵選擇，又可以揀麵既硬度 (硬/標準/柔），仲可以選擇熱/凍，又幾好喎！ 名古屋二郎系拉麵，同濃香櫻蝦麵都好想食，望一望牆上，見餐廳推介松葉蟹沾麵，期間限定的啊！ 一於試呢個啦！我揀左標準硬度，熱食 （因為會比較香），再加叉燒，個麵一黎到就勁香，先試啖湯，湯底好濃郁！蟹肉鮮甜又豐滿，好食！連埋啲蟹子一齊食更加鮮味！至於個沾麵，其實我真係冇食過沾麵，今日試過先知原來沾麵係同湯分開，一啖麵一啖湯，真係幾好味！ 仲有半隻蛋，蛋味濃厚，一隻太多，半隻岩岩好，份量預得幾好！另加既叉燒，估唔到有四塊，只需加$12，真係好抵食！塊塊叉燒都幾厚身，咬落去軟淋淋，係我最鐘意既口感！正！仲叫左個煎餃子🥟，煎得幾好，幾脆口，好食！

放工約埋同事係九龍灣按腳, 未夠鐘就去醫肚先, 醒起附近有個得寶商場內的 ,反正同事未食過, 一於去食。係得寶商場地下, 乘搭港鐵係九龍灣站B出口,過左天橋過埋對面馬路就到, 而且商場地下有個 ,充滿懷舊味道, 影相都唔錯。餐廳之前食過, 雖然地方佔地不多, 但經常坐滿 ! 一坐低就睇下有乜食, 餐牌除左指定必有拉麵外,今次仲有新款拉麵 - 最後和同事點左以下 : 1) 松葉蟹沾麵 $982) 濃香櫻蝦油拉麵 $733) 章魚燒 (5粒) $28松葉蟹沾麵 $98價錢係全店最貴的拉麵, 上枱賣相真係絕不欺場, 有大塊紫菜,半隻蛋, 露荀, 松葉蟹腳,煎香的日式叉燒。因為係沾麵, 附上一碗熱辣辣的湯。拉麵沾上熱湯, 的確好味好多, 拉麵軟硬適中, 松葉蟹肉十分鮮甜, 份量又多。味道真係好夾。濃香櫻蝦油拉麵 $73之前曾經食過, 比海量的櫻蝦吸引。共有兩片的豚肉, 豚肉易入口,質地好滑。櫻蝦味道較淡正好配合濃香的味道一齊食。章魚燒(5粒) $28價錢夠平, 而且睇住職員即整, 而且一定要熱辣辣食。加上表面的醬汁紫菜碎令到整粒章魚燒味道提升餐廳唔駛加一, 就算唔飲野都有一樽檸檬水比你慢慢飲。

約左友人食晚飯，係淘大行左幾圈都諗唔到食咩，突然諗起得寶有多野食，去得寶行左一圈，有好多野食，最後揀左呢間日本拉面，好有日本feel既裝修，有巴台有普通台，其實大概得1x個位，我地早到，岩岩好有張台，可以即刻坐低，真好彩！我叫左名古屋拉面，會有粗既蒜粒，加埋個濃厚既湯底，好襯！叉燒同出面食果d有啲唔同，比較厚，但肥肉都比較多。加左個餃子，$25蚊有5粒，都幾抵食，但個皮就有d唔係好夠脆，硬左少少。友人叫左個沾面，辣湯底，個湯底好厚身，加埋面岩岩好呀！整體黎講都好食既，但佢既拉面係粗面，同我想要既幼面唔一樣，如果有幼身拉面就好啦！

今天是第二次來吃第一次是因為這店在我家附近以往吃沾麵不是要去尖沙嘴就是銅鑼灣抱著試一下的心態來的店面不大 兩張四人桌+九張個人位第一次試的是特濃豚骨沾麵（$68）選的是熱湯 軟麵身掛湯能力不錯👍🏻就是豬肉稍微老了 但是整體味道很對我口味cp值也很高 相對我以前吃的幾間差不多的水準一半的價格今天是第二次試的是期間限定松葉蟹沾麵（$98）說是啖啖蟹肉 真的沒錯！一如既往選的熱湯軟麵身還是沒辜負我期望推薦這個期間限定沾麵喜歡沾麵的朋友可以來試一下當然人人口味不一樣 這食評只代表了個人意見～第一次食評獻給這店了

很久沒有來九龍灣得寶商場，今天探完朋友過來逛街，被這個充滿懷舊色彩，令人感覺煥然一新的商場吸引，不經意地發現這間充滿日本風情的小拉麵店，驚喜！餐廳裝修雅緻舒適，雖然地方不大，座位也不多，但這正是日式小麵店的特色。這以沾麵為主打，亦有拉麵。"期間限定" 是 "松葉蟹沾麵" , 一定要試！果然名副其實，用料豐富，除了蟹肉份量十足，啖啖鮮蟹肉外，還有肉腍入味的日本叉燒，糖心蛋，紫菜及非常特別的柚子，平衡油脂又增加口感麵質軟彈煙韌, 自選軟硬情度夠體貼。湯底則是靈魂所在，蟹味濃郁，帶點膠質黏感，惹味非常！另一碗"魚介豚骨沾麵" ~ 湯底較清甜，豚肉肉香四溢，油脂均勻。小食"章魚燒"也有一定水準, 章魚丸經燒烤後外層略帶脆香，內裡章魚肉保持嫩滑口感！ 日本水準但是街坊價錢，果然 ！

今日經過得寶，知道入面好多美食，緊係入去發掘下行行下見到呢間新開的拉麵鋪，店內由日本師傳烹調，就比佢吸引左入去一入去就比佢期間限定既 松葉蟹沾麵吸引到，二話不說就叫左，而友人就試左櫻花蝦沾麵除左沾麵仲有拉麵可選，要由客人自己落手寫，客人可以在紙上因應唔食既野剔走，如蔥、荀沾麵可選凍食或熱食，夠貼心我既蟹沾麵就要左凍，朋友就要左熱沾麵一上枱就聞到勁濃魚介味，面上有新鮮既熟蟹肉及豚角。先講麵質，不算太粗，但掛到湯汁，麵身夠硬，好食。蟹肉新鮮有蟹味鮮甜，唔會一夾就散哂，食落口好滿足。溏心蛋雖然睇落無咩色，但其實食落係十分入味！最滿意既係沾汁，沾汁勁濃魚介味，放麵落去時好似漿糊咁吸實，夠濃夠味夠正宗！而朋友既櫻花蝦沾麵就放滿左櫻花蝦，每一啖都食到勁濃的蝦味。叉燒亦用火炙過，陣陣焦香，十分滿意當日仲叫左雞軟骨棒，雞肉混合左雞軟骨，咬落去啖啖雞肉又脆卜卜，秒清左！