一樂日本料理 (已結業)

話說星期五原先諗住去食「殿」既，但上網見到呢間放題新開將，仲好似幾吸引。咁即刻試下問有冇位啦，又有喎，咁就決定食呢間啦，點知就中蕉。話說我ｂｏｏｋ左２０：４５，咁我準時到左，要排隊等入座，都唔緊要，入座前要俾左錢先。可能小弟孤陋寡聞，未試過未食就先找數，都算啦，一心黎試下新野。一入到去，安排左張圓枱俾我地，都闊落既，我地兩條友，俾左張５人枱我地。一座低個ｓｔａｆｆ就叫我地揀左龍蝦先（晚市一人一隻龍蝦），咁我揀左明太子焗，我個ｆｄ揀左海膽焗。，之後就介紹點落單，放題黎講唔算多野揀。（用ｗｅｃｈａｔ　ｓｃａｎ　ＱＲ　ｃｏｄｅ）有部份野就可以自己出去拎既，有生蠔、少量冷盤（完全揀唔落手）、野飲（一般放題野）、雪糕等。首先講生蠔，唔係即開，食得出唔太新鮮，同冇咩味。跟住ｏｒｄｅｒ既剌身到喇，一般放題會出現既唔足款都有出現。剌身一般，都算新鮮，油甘魚同池魚好食，吞拿魚完全唔得，０味道。跟住隻明太子焗龍蝦到喇，買相唔錯，一食落去就知，佢唔係唔新鮮，而係唔識煮。佢係將隻龍蝦整熟左，先再拎去焗，完全唔得，啲肉梅既。好喇，跟住到另外一個推介既係所謂雞包翅湯，我個ｆｄ嗰碗都仲搵到翅，我嗰碗係冇既，再飲埋啖

放題多得香港人的捧場，十年熱情未曾減退。食得多就知道幾間不同名的舖都出自同一老闆。今晚食呢間睇價錢就知佢主打蠔/豪！食物要用wechat落單，對於上咗年紀嘅人嚟講有點困難。不過見職員都好熱心，而且店舖有提供免費wifi唔怕爆data。因為太肚餓 我哋一入去就自助拎小食。設計好似酒店buffet，七八個熱爐排排隊，仲有即叫即整嘅意粉或菜。 最鍾意有薑醋食 ，炆得好淋，仲有好精緻嘅魚生沙律，唯一係蒜泥白肉缺少醋味，所以未算入味。跟住我個芝士龍蝦就嚟啦， 蟹鉗巨型，拍得住酒樓質素 ！芝士汁好食到我想撈烏冬，超濃味。 後來睇banner先知龍蝦係新張優惠，可以訂位時問下職員仲有無。Display既龍蝦應該就係我哋食嘅龍蝦，完場前已經清空。 蠔我冇食到，只見好大隻。每次食放題必食刺身，三文魚超厚切，油甘魚 好爽口。食到中途職員話有嘢食攞，原來係寶雲酥羊架出爐。因為一次只有十件左右，所以想食要動作快！食菜都幾刁鑽，可以揀菜類同埋煮嘅方法 。我同朋友揀咗xo醬西蘭花，order好廚師畀個牌我，當佢震就可以出去拎啦。燒菠蘿用香水菠蘿，除咗香之餘仲冇渣，超級甜，忍唔住食多幾件。終於食到呢支韓國芝士蛋糕雪

好耐都冇食過放題，睇到尖沙咀新開放題有生蠔任食，心思思就同老公去撐枱腳兼且撐爆個肚星期日八點半到達已經出現準備開餐既人，餐廳預備好就安排入座，每位都係門口先付款後消費，蠔吧擺正門口，師傅已準備開蠔，轉向右手面有廚房現煮意粉及炒菜，左手邊就係自助雪糕、甜品同飲品，由侍應帶位入座及介紹用微信點餐，慳紙又唔洗等侍應行過再遞紙未坐暖就先出去攞生蠔，每次限兩隻，好彩當晚唔算多人，我地每人都食咗十隻，蠔肉爽口冇腥味，清甜但冇海水味刺身種類多，最愛赤貝、池魚同帶子手卷足料，紫菜夠脆食食下待應行埋嚟話羊架新鮮出爐可以出去攞，好大件既羊架腍滑肉質，有我愛既羊騷味但唔會過火色彩繽紛既壽司，好睇又好食炸鮮奶皮脆，吉士滑捋捋必食鵝肝壽司油份足又有鵝香，入口即溶燒牛舌有豐富油香，牛柳軟熟燒得惹味多春魚冇春既乾爭爭，hehe蠔沙律醬味道，我都係鍾意生蠔多啲食到好飽，發覺佢呢款烏龍茶好好飲，茶味濃又唔澀，消滯一流今次係食過之中最多選擇，連橙汁都以機器自動鮮榨，仲聽到伙記話今日輪到邊個洗，確保衛生唔食蠔既朋友俾呢個價錢入場都幾貴，雪糕有movenpick同韓國雪條任食，唯有食返雪糕補數服務方面職員收碟都快過人，上菜快

預訂這家放題是為了這個-生蠔任吃!生蠔吧設置於大門附近，非常方便大家一入座就搶吃排隊時師傅不停洗淨蠔殼，如果不想等的話旁邊也有兩盤已開的蠔可取，而且是大大隻！雖然沒有標示蠔的來源地，但食出海水味，不腥很滑溜。回本之作。大推醬汁，選擇比酒店buffet選擇還要多，tabasco、刁草、紅酒、cocktail、蕃茄沙沙、青檸等等。刺身擺盤零舍精緻還有雕花。特別推介三文魚刺身非常肥美又厚切，甜蝦亦比一般放題大隻 掛著一堆蝦子。另外伴碟的檸檬青檸日本芥辣，可以中和肥膩感。烏冬需要自助取湯，鰹魚汁配上平平無奇的麵條非常好吃。炸物選擇特別，我最愛吃炸香蕉。高溫處理過的香蕉甜度增加不少，作為飯後甜品一流。這裏也有供應酒樓才有的炸鮮奶，炸漿薄皮。上方的涼拌豬脆骨是甜醋豬耳，不妨一吃。下方是牛肉粒肉汁不俗，唯獨蒜蓉未夠脆。當其他放題店的movenpick只限一杯，一樂可以歡迎任吃。當日味道有三款分別是咖啡、士多啤梨、朱古力，也有韓國的雪條供應。價錢方面晚餐或宵夜時段價錢相同，但宵夜時段特長差不多有三小時。

今次同朋友嚟到一樂放題😋新開張質素一定有保證，我地先行做敢死隊呢間鋪頭位於尖沙咀寶勒巷，見到馬會個條街就對啦店內裝修唔錯，座位舒適放題分咗2個時段 18:00-20:30同埋20:45-23:30兩個時段無重疊所以唔洗等位入左去喺門口排左陣等侍應帶入座，職員提醒我哋需要先俾錢後入座，包保我的豬朋狗友無藉口食食下走數😏店內環境唔錯 坐咗一陣就可以每人點一隻龍蝦 龍蝦原隻上 好大份😨特別推介海膽黃金燒龍蝦，兩種貴價材料一齊食無得頂！之後我哋就開始用微信落單呢度嘅嘢食幾特別推介土梨天婦羅，清甜潤喉岩哂呢個天氣汁燒鯖魚大大條唔腥 油脂味重縮骨蒜爆牛柳粒，聽個名已經笑到肚痛即係避風港塘牛柳，估唔到牛肉粒又幾冧又入味我覺得最特別就係蘋果鰻魚 感覺好新鮮 鰻魚底部唔係用飯而係用咗米餅 所以食落去脆脆地🙈另外最值得推介嘅係鹽燒海蝦，鹽粒剛剛好 用口咬殼都唔會鹹啊，蝦肉仲好甜鮮蟹粥 食落去真係好好味，有半隻蟹身浸住鮮蟹粥係用石鍋裝住 所以能夠保持熱度明明飽到不行，同朋友一次過食咗三碗添😂超多雜菜粥底清甜，無誇大架除咗餐單上面嘅食物之外 店內亦都有熟食提供 不過食粥食到太飽，都係下次先試 始終限定一晚兩場

剛過完聖誕等，成個月已食了幾次放題，朋友又约了食放題，本來已很不想再食，點知到了尖沙咀這間叫一樂嘅放題，竟然有驚喜！一樂有酒店自助餐嘅生蠔，而且仲非常肥美新鮮，我食咗十隻，正！最特別嘅係每人仲有一隻龍蝦，不但很大隻新鮮，還有多種味道選擇，仲係即燒，熱滕滕！還有即烧羊架，超讚！食到這裡本來已回本，但其實佢仲有一般日式放題嘅魚生、天婦羅、串燒…………真是應有盡有，集酒店自助餐及日式放題放一身，值得推介！

食放題食得多，有生蠔嘅放題都係第一次，一去到同老公第一時間每人取半打先，D生蠔鮮甜肥美，可媲美酒店嘅级數。餐廳環境係全梳化位嘅坐得好舒服，當然最緊要係食物夠多選擇。龍蝦有好多種味選擇，我同老公選了明太子、海膽好新鮮好大隻好味，yummy!我見個個都叫了石頭鍋蟹粥，所以咪叫了一個來試吓囉！個然真的很鮮甜好有蟹味。值得讚嘅係即炸鮮橙汁，啲橙一個一個喺部機度即炸出來，保證係新鮮橙汁。當然唔少得壽司、魚生、串燒喇！成晚食得很飽，很滿足！

早幾日過左去食 整體而言都吾錯 系有點兒貴。今日上佢哋個page睇到又再折 早知遲多幾日去平成舊水🧐.本人好中意食生蠔 如果吾加醬就淡得劑。串燒方面 一上枱就有位女同事過左黎同我哋講叫我哋食左先 凍左會冇咁好食 服務幾好. 入左去半個中左右出面就有羊架開 想全熟嘅可以叫師傅煎熟👍🏼. Lastorder之後就有位應該系總廚嘅人出黎枱枱問意見 感覺到依間公司系有心做好佢.希望貴公司可以出多啲除左羊架其他嘅驚喜.繼續努力💪🏻

係尖沙咀開左呢一間新放題，非常特別，因為佢係用微信落單的用微信落單，一黎大大減少了員工的負擔，從而減少會出現漏單的情況，二黎非常環保，又可以方便地落單，呢種落單方式應用係放題上，真係抵讚講返食物，其實已經係應有盡有了，而且生蠔係任食！有種食緊自助餐的感覺而且仲會送一客龍蝦，我就揀左芝士焗龍蝦，啖啖肉的離開座位走走，仲發現有廚師即場切羊架，此外仲有人炒菜，煮意粉，食物種類繁多我就喜歡呢度的鮮橙汁，因為真係不斷用鮮橙榨出黎，酸酸甜甜而佢地既熟食 比起其他的放題，選擇上係有更多的，例如燒豬膊，比較少見而高質雪糕就任食，我真係會狂食！呢一間放題仲鼓勵食客將食唔哂既食物帶走，不過就要收返錢，以磅計

聽朋友講尖沙咀有間新嘅放題好正，於是特登同女朋去試下。可能新開無乜人知，好順利book到位，我地6點幾去到都未見平時放題見慣的人潮。這間店比一般放題價錢略貴，聽朋友講食物質素亦比一般放題高，但勢估唔到，一入門口已經有驚喜，原來有生蠔任食！生蠔算係中等size, 雖然唔係即叫即開，但都好新鮮，唔鯹又有甜味，仲有好多款醬汁俾你揀，試過幾款醬汁都做得好好跟住另一大賣點：每位一隻龍蝦！一坐低就會俾你揀唔同的煮法，即叫即整！我就揀左蒜蓉牛油焗，好香而蝦肉都好鮮甜之後就諗住剔紙仔叫野食，點知係無紙仔！原來係要用WxChxt落單，台面有指示教大家點操作，員工亦都好有耐心講解。用落都好方便，唔使下下等人黎收紙仔，㩒幾個制轉頭就有野食，最重要係夠環保唔使嘥紙我地被安排坐左個半圓梳化位，好舒服，夠晒闊落，每一枱都有少少裝飾阻隔，枱之間亦唔逼，唔似其他放題，感覺似高級日式料理，而且裝修都好有心思，情侶黎撐枱腳都得。野食好快就到，刺身有好多平時放題見唔到嘅靚貨色，有池魚，帶子，仲有我最愛的赤貝跟住侍應同我地講羊架出爐，可以去chef station攞，出到去又有驚喜，原來係保雲酥羊架，師傅即切完仲會擺埋盤先俾

昨晚去尖咀接人放工後搵食，去寶勒巷因多選擇，見到易拉架大大隻寫住Grand opening 晚市半價優惠，見日式放題，折後價錢都ok，就上去攞位；入到去地方唔細，枱與枱之間濶落，坐得舒服。門口有師傅專人開生蠔，洗埋生蠔送上碟俾我攞，醬汁同埋檸檬都有六款俾我揀，問師傅D生蠔邊樹嚟，佢話日本🇯🇵飮品選擇多，單係雪柜內都起碼有成二十款以上，加上即炸橙汁機及茉莉綠茶，見到已經好雀躍；我揀左地X牌嘅黑糖薑茶，好夠薑每位都送一隻龍蝦，做法有五款揀，我揀左上湯燴龍蝦值得一提係有熱盤可出去自取，每日有唔同烤焗食物，今次係烤羊架及烤芝士年糕，個年糕好好食，都係自取放題食物差不多樣樣都好食，恕不能盡錄，但飽到醉都要講講甜品，雪糕係瑞士M字杯裝雪糕，有兩款口味，雪條有四款，我好後悔無留多D胃嘅空間向D雪糕雪條度，我只食到韓國做嘅粟米雪條，非常好食👍🏼

放題去過唔少，但呢間坐得好舒服，一啲都唔逼，枱同枱之間有好多空間，唔單止個裝修完全日本feel, 落單仲好電子化，喺自己用wechat落單，好快服務員就將你落order嘅美食放喺你面前，呢度啲美食絶不欺場，每款食物嘅presentation 都做足細節，伴碟嘅新鮮沙律菜丶蘿蔔一絲不苟，滿足食嘅口福之餘仲享受埋視覺效果，天府羅夠熱夠香口，串燒啲肉大大塊，我特別鐘意串燒牛肉丶牛舌丶同埋海鹽大蝦，刺身上枱時成個擺設好靚好吸引，睇住靚嘢零舍開胃，食落口啲刺身夠晒新鮮，佢嘅粥好棉，因為用石窩嘅關係，慢慢食都唔會變凍同埋出越食越出水，個魚翅湯大大碗連蓋上，飲落去好好飲，同埋裡面真喺有唔少魚翅，貨真價實，咁多款壽司中我最喜歡鮮蝦豆腐壽司，有創意又靚又好食，喺呀喺呀，個starter嘅新鮮生蠔同埋龍蝦(可以自己揀唔同口味做法㗎，我揀左海膽焗龍蝦)，仲有自助形式嘅好多好多款飲料，最特別嘅喺新鮮即榨橙汁，啱曬鐘意新鮮嘢嘅我，甜品都有好多款，雪榚丶雪條丶榚點丶慕絲等等，我個胃容量有限，剩喺食左芝麻蛋糕、朱古力慕絲同埋MovenPick嘅朱古力雪榚，食完真喺飽到上心口，下次嚟仲要食佢嘅手捲丶即炒意大利粉丶羊架

尖咀有間新開放題，約埋朋友一齊去試新嘢，有驚喜喎一入到去，環境十分之好，坐得闊落兼舒服，唔洗好似一般放題店咁迫住食。佢好似酒店buffet咁，有啲自助bar，當中最驚喜係有任食生蠔，仲要新鮮兼大隻自助bar，有得叫即煮多款蔬菜，即煮意粉，仲有多款熱食冷盤，真係十足十自助餐style叫嘢食既方式都好新潮，係用wechat，再掃QR code落單，十分讚，夠晒環保，而且又有記錄，追單都方便啲食物種類夠晒多，基本放題既款式種類都有講一講啲刺身，真係好肥美，勁厚切。而且，有"深海池魚薄切"，正喎一開始，每人送一份龍蝦，好大隻食食下，有羊架，去自助bar攞，一人攞一份，又係十分高質素雪糕有任食既movenpick，有士多啤梨，朱古力兩種味飲品有原隻鮮搾橙汁呢間放題真係值得一試，高質素

經過飲食男女介紹，而且價錢又唔算平，應該實冇死啦，一去到即刻排隊等生蠔，結果超級失望，生蠔雖然大隻，但係隻隻都係死架囉，又無海水味，超級唔新鮮，平時最少食一打先收手，今日食4隻已收手，另外其中一個賣點係每人一隻龍蝦，一行五人，每人叫不同味，但可惜龍蝦係梅既，又係唔新鮮，跟著叫左不同款或刺身，有三文魚，帶子，吞拿魚，魷魚，北寄貝，甜蝦⋯⋯但只有三文魚同帶子味道係ok,串燒冇特別，味道一般，天婦羅d粉好厚，好難食，諗住叫個炒雜菜實冇死啦，但味道不太好，而且落好多油又冇味，呢間值得欣賞只有雞肉翅煱，同佢d甜品，野飲選擇多，位比較寬，但真係唔值4百幾蚊一位囉、我食自助餐仲好，平時我都唔鐘意打食評，因為懶，但佢真係太難食啦，唔想再有人中伏，市面上2百幾蚊既放題質素好佢好多，所以幫襯前想清楚吧

我個屋企人好中意食生蠔，佢話近排有間放題可以生蠔任食，佢就叫左我同佢試下啦！入到餐廳，今期送龍蝦一份，我地就簡左海膽黃金燒龍蝦，隻龍蝦肉質爽口，加上海膽味濃郁，又大隻又鮮甜，真係幾正呢間放題都比較創新，係用微信黎order食物，我覺得呢個方法幾好，又夠環保，又唔洗怕溜單，又唔怕佢比多野食，最貼心嘅係，可能有老人家或者客人冇用微信，餐廳就會借部tap比佢地order 食物我地首先就緊係叫一盤刺身先啦！賣相真係好靚，影相打咭一流😂三文魚都好新鮮，帶子都幾鮮甜，甜蝦好爽口炸軟殼蟹都唔錯，又大隻，又夠脆，最重要係重有種蟹嘅鮮味鹽燒海蝦好好肉，又夠味，又爽口！焦糖菠蘿好甜又多汁我最愛嘅蟹子沙律，好足料，好多蟹柳同蟹籽，呢個真係放題必食手卷都好好食，紫菜好脆好香口，材料都好豐富，蔥拖羅海膽卷芝士魚腐雲吞，超香脆，好特別，口感唔錯！出面真係冇得食呢間飲品種類真係超多，汽水、果汁、啤酒⋯乜都有，最搞笑嘅鮮榨橙汁機都有，我飲左一杯，又真係幾新鮮幾好飲呢間放題唔錯，下次我都要帶埋男朋友黎食先得！