一樂日本料理 (已結業)

近排網上介紹左一間日式放題，話係有生蠔任食，我同男朋友睇到，都覺得好吸引，所以我地即刻book位食啦入到去，環境都舒服，日式裝修，員工好有禮貌，又有笑容，收碟收得快，好好服務一坐低我就即刻出去拎生蠔，生蠔係即開的，仲有多款調味料選擇！生蠔味道好濃，一d都唔腥，都好肥美，仲可以任食真係好抵，我男朋友食左成一打，都回曬本除左生蠔可以出去任拎之外，仲有好多熟食可以拎！我就試左XO醬炒翠肉瓜，d野菜好新鮮！創作壽司都唔錯，賣相好靚，又有創意，材料都好新鮮，由其係「一樂小舍」，用左三文魚腩整「壽司塔」塊帶子都好鮮甜，仲有我最愛嘅芒果花之戀雞包翅湯都好大碗，好足料，夠曬火喉北海道炸鮮奶係放題都係第一次見，外皮炸得香脆可口，裏面鮮奶好滑好香！我都忍唔住再叫多幾件！牛油粟米都好正，勁多牛油勁香，夠曬入味甜品方面，可以出去任拎，最正嘅係，movenpick 雪糕可以任食，平時放題最多都係比一杯，呢到可以任拎，好抵整體黎講，間放題食物賣相好靚，服務好好，水準真係好高！

朋友遲來的生日飯，甘啱又見到網上介紹，就黎試試!!! 說真的放題有新食新，初試一定唔會中伏首先黎呢度食，一定要有wechat!! 因為好科技化要用wechat 落單叫野食!! 一坐底已經送龍蝦，有幾款味自選，唔好以為送就送d平野，估5到好有水準的!!食完開始叫野食刺身反而中等有d失望，唔係預期甘肥美新鮮即開生蠔，好不錯!! 由每人2隻到夜d會問你要幾多隻壽司都幾好食尤其個鵝肝!!熱食，蟹粥係必食!!甜品有M名牌雪糕。。。仲有d奶凍同小蛋糕結論:每人3xx價錢係值得一去👍🏻

一樂日式放題裝修改名前係叫相撲手放題，食物質素同價錢都頗滿意，尤其記得每隔一段時間就會有鈴鈴提醒食客可以出去counter師傅度攞新鮮生蠔，所以都幫親過2次。見裝修完，所以同朋友一齊試一試新店既食物質素係咪比舊店更好。環境作為新店有好多地方都同舊店風格唔同，每一枱既空間闊落左，坐落比舊店舒服好多。埋單方式放題食得唔多，真係第一次體驗係餐廳門口比前台截停，要先比錢埋單or放低張信用卡然後先可以行入去坐低。唔係話呢個方式唔好，但入場時一大條人龍排係門口，即使準時到但都要塞住係門口無得即刻入去。落單方式要落單，要用“微信”，用微信add左官方個微信acc，然後click入去官方個acc就可以見到menu，剔剔剔，send。雖然每枱都有一本傳統meun係度，但我隱約聽到係一定要用微信先可以落單，傳統果D紙menu睇得唔落得（呢個唔firm，無特別去問）食物有D特別係每個人頭送一隻龍蝦。食物質素唔差，正常中等放題店水平，生蠔同舊店一樣都係要自己走出去counter位搵師傅攞，師傅會即場清洗生蠔放落碟。飲品選擇頗多，而且有部鮮榨橙汁機放係度，算係比健康人士多一個選擇，自己放橙，開機榨汁。價錢有D過

近年放題任食在港大放異彩，當然滿足到我同埋班高級餓鬼fd，不過間間都係鬥平，每次都係食類似既野都幾悶，而且質素同環境已經滿足唔到我地。尋晚有個出名奄尖fd推介尖沙嘴新日式放題，算係近年最畀到驚喜我既放題。呢間一樂裝潢走中檔路線，有新派日式格局，我最欣賞座位夠鬆動，唔似其他放題咁同隔籬枱背對背逼住坐。食物方面，主打送原隻龍蝦，煮法都有幾種揀，我同班fd大部份都揀左海膽黃金龍蝦，據聞仲有避風塘炒同明太子焗等新食法，可惜今日未見到有。抵讚方面，仲有任食即開生蠔，剌身係咁意試左幾舊，都ok，較特別係有幾款自創壽司，咩挪亞方舟、甘蝦蟹膏卷、DaDa卷等都幾特別，唔使食黎食去都係花之戀。即場炒菜夠鑊氣，仲有即炒意粉，絕對係打破放題界食飽肚野禁忌，好彩只係細細碟，我都忍唔住翻叫多一碟拿破侖炒意粉。整體黎講，食物同環境係有誠意，畀到我一種久違既日式精緻感。要彈位係buffet台花款唔夠多，中式冷熱葷各得兩款，喺等柯打之時，要黎攝下時間頂住肚先都ok。

午餐放題刺生很新鮮，生蠔很新鮮（有海水味-正）放題任叫，冇缺食物，雪糕好味，特式搾橙汁機，冰凍飲品多款座位舒服，有獨立房間，龍蝦唔夠熱，蟹粥麻麻（冇味）整體很好，可以再去食過。