169
18
18
港鐵尖沙咀/尖東站 N2 出口, 步行約3分鐘; 尖沙咀港鐵站A2出口步行4分鐘 繼續閱讀
電話號碼
31880447
營業時間
今日營業
18:00 - 23:30
星期一至五
18:00 - 23:30
星期六至日
12:00 - 15:00
18:00 - 23:30
公眾假期
12:00 - 15:00
18:00 - 23:30
付款方式
Visa Master 現金
其他資料
Wi-Fi
電話訂座
加一服務費
食評 (229)
等級4 2018-11-07
3552 瀏覽
今天和朋友一同在polyu 朝九晚九式的在趕功課。晚上九時後,為慰勞自己一天的腦力,便決定大吃一番。行經尖咀寶勒行,見到一樂放題,便決定試一試!見到宵夜時段268一位加三個鐘任食任飲,已值回票價見到門口環境不錯,餐牌上有十種不同種類食物,而每種食物都有五至十款食第可以任揀,選擇非常多一定要講的,就是依一個鮮榨橙汁機,從未試過放題會有新鮮橙汁飲。非常新鮮好飲。是我這晚主要的飲品來源。食物方面,講明放題當然要一試刺身。各類刺身都非常出色,吞拿魚的色澤一看便知放題的質素。壽司質素也非常出色。最好的是它的壽司飯大小是偏少,可以多試不同壽司🍣左口魚壽司沒有得輸第一次放題有雞燉翅,是真的有魚翅!!仲唔係抵食?串燒炸物都即叫即整,非常新鮮,沒有《淋》的感覺,非常香口。最後,一定要講羊架,絕對好食因為食一般羊都較為用力咀嚼但這間放題的羊,容易入口,燒得岩岩好,不會太老,必定要試用高質movenpick 雲呢拿雪糕做結尾這晚食得非常開心 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-25
6744 瀏覽
今日放假同老公去撐枱腳食番餐好既老公一向鐘意食生蠔所以特意搜索🔍睇下抵食又多野食既店鋪發掘到尼間一樂放題放題任食生蠔先每人另加$48加完之後職員會俾個枱號牌我地放去生蠔區俾師傅,每次開2隻保持新鮮,師傅開完會拎番去我地座位生蠔醬仲要好多款式,生蠔隻隻都好大隻老公食到好滿足另外不得不讚既就係佢既座位,每枱客人既空間都好大,吾洗同人搭枱,即使我同老公得兩個人都有4人卡位坐好有空間同坐得舒服飲品區好多款式,已經地方好整齊好大甜品🍮櫃好整齊擺放一杯杯都有紙碟放住每一款都好好味除左自助落單既款式外,仲有熟食區拎野食,有pizza, salad ,cookie...仲有中式豬腳薑等款式都算多尼到除左普通既雪條外仲有得任食MOVENPICK雪糕🍦尼到既放題可以用自己手機落單只要掃wechat QR CODE,如果無玩開wechat 本店亦有提供tab俾我地落單只要每次掃一掃枱號QR CODE好環保♻️尼到刺身好新鮮,而且件件厚刺,靚料而且每一款都靚仔咁上碟,天婦羅🍤同光物都好有水準,同續時單點既日式店一樣吾求其尼間店獨家款,炸香蕉🍌真係第一次食到,好好味推介炸榴蓮亦係大愛之一,有水準之作另一獨家野《黃金炸軟殼蟹》,不過個人覺得太鹹,而且炸到過左火尼到雖然吾算太多款式但就水準不錯同高質食材,而且服務好好,話想吾要冷飲,店員即刻幫忙拎左2支吾凍既茶俾我想坐得舒服😌同朋友傾計食飯可試試尼間吧 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-15
87 瀏覽
平安夜大餐後,當然是食聖誕大餐。不過,今次就有點中伏,失望。聖誕節大餐,選了位於尖沙咀的一樂日本料理,形式是放題。預先全數付款,就可以免加一,但當晚六點半時段,每位仍需308元。我一行四人,準時去到,由待應帶路的中途,我亦四周打量環境,中間是蠔吧,可加錢享用,餐廳四周擺置了一些雪櫃,放置各種飲品,但種類不多,另外還有一部橙汁機,可以放置鮮橙,即榨即飲。還有一些冷麵,以及一些自取食品。依照慣例,第一輪刺身為主。等候其間,先試自取食品,味道較佳的,只有兩樣,滷水五花腩,以及即叫即制的卡邦尼意粉,有臘肉的甜味。刺身,有點令人失望,新鮮度不足,特別是蝦類刺身,更腥,劣評,其他熟食,包括羊架,壽司,手卷,天婦羅等等,基本上沒有值得一提,只有兩款食物,比較有印象 醬油流心蛋,及苦瓜炒蛋,炒得很滑。中途還有一些小插曲,有幾張桌,埋單時,投訴還有好多食物沒有上齊,甩單情況嚴重。另外還有一張桌,埋單時服務員不知道他已經預付了。還有一張桌,在上壽司時,服務員用不友善的語氣,叫客人不要每次只叫一件壽司,一件天婦羅,因為要洗多幾個碟子,真有趣的服務態度。一樂日本料理 (尖沙咀) 人均消費 300-350元尖沙咀寶勒巷6-8號A盈豐商業大廈2樓初心為本,喜歡簡單用文字及相片分享我的味覺之旅,有興趣請follow~緣食魔宮。抵玩指數最高為三星,所有不用自掏錢包者, 將不給予任何指數。 繼續閱讀
(以上食評乃用戶個人意見 , 並不代表OpenRice之觀點。)
連續2日都系食日式放題, 但尋日就係男朋友生日,今日就慶祝朋友生日飯。新開張有優惠,294另加一,如果想再任食生蠔,可以每個人加多$48呢到系用WECHAT既QR code落單,簡易,環保,方便。 💁🏻如果沒電話,電話無電或者其實問題無得用wechat的話,佢地都會提供紙仔落單,多方面方便客人,不錯!📲我地加左生蠔,每次每人可以拎1隻,食完拎個牌去開生蠔個到,之後佢會連埋個牌同生蠔送到台面,生蠔好有海水味,即叫即開好鮮甜,但唔算好大隻,聽朋友講之前黎過,係大隻D。加$48生蠔都算幾抵食如果好鐘意同埋食得好多生蠔的話。前菜,小食,刺身,壽司,燒物,炸物,湯,粥,糖水,樣樣有🍮🍰🍡🍜🍱🥙🍗🍤刺身有三文魚,帶子,大頭甜蝦,吞拿魚😻好大個自助凍飲雪櫃,食物同其他放題差唔多雪糕有movenpick,超正,仲有脆皮條。但無影相😅仲有佢呢到有個鮮榨橙汁機,出面真係好少見到,新鮮橙汁榨出黎唔算好酸。好健康。好欣賞呢部機。哈哈有燉翅,花膠。我想講個蟹粥好好味,好綿好鮮甜。👍🏻原來呢到系無切餅費,又幫我地雪個蛋糕👍🏻員工有禮貌,好好服務 👎🏻但係我覺得.. 就算唔加生蠔,如果就甘食放題,係有D貴。因為尋晚去食個個磯燒海鮮加日式放題加埋一埋單都係260。 呢個唔加生蠔,就甘日式放題的話加埋一要$330,所以我覺得唔係話好抵。👍🏻免費Wi-Fi👍🏻放題黎講,呢間地方無甘窄,座位闊落,好舒服,同埋漏單佢地真系會跟,👎🏻上網見到有龍蝦,同埋好似多d甜品選擇,但其實唔覺有甘多款式。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-20
4649 瀏覽
食放題除咗旺角之外, 其實香港各區都有唔少選擇, 今次我哋就專登出尖沙咀嘗試一樂日本料理, 價錢只係三百零蚊左右, 就可以任飲任食2.5小時,價錢合理一於去試下。我們準時六點入座,由於時間尚早所以唔算太多人, 現場環境都幾舒服, 座位寬敞闊落, 唔似得出面其他放題店咁擠迫, 抵讚。這𥚃用手機Wechat 落單, 時尚新穎, 概念環保,簡單直接方便,值得支持。指定動作首選梗係食刺身先, 選擇很多包括有三文魚油甘魚甜蝦吞拿魚北寄貝帶子等等,質素新鮮, 最愛都係三文魚, 油脂豐富,入口即溶,勁正。壽司選擇都唔少 ,賣相精緻 , 最欣賞係鵝肝壽司鐵塔, 既矜貴又特別, 口感滑溜, 味道恰到好處,美味。海膽青瓜手捲,紫菜好脆,如果海膽份量多些會更加好, 現在略嫌有少少唔夠喉。各類串燒做得唔錯,香口惹味, 當中最正係蒜香燒牛舌串, 口感唔錯, 咬落去有嚼勁,爽口美味, 點完再點。吉品鮑汁野菌燴花膠, 呢款一定要食, 睇見都吸引, 食材一d都唔馬虎,裏面真係有大大片嘅花膠,加上湯汁濃郁,真係好好味, 值得推薦。一樂石鍋海鮮蟹粥, 上枱時啲粥仲係熱騰騰, 粥底軟綿而且鮮甜 , 唔錯。至愛的芝麻雞翼, 夠曬熱辣辣, 香脆惹味,好正。 而雪花炸鮮奶外型好似春捲,大大舊。食放題怎能夠唔食天婦羅, 唔油膩而粉漿略厚。汽水櫃選擇衆多, 各式其式任君選擇。雪糕雪條任食,仲有我至愛的movenpick,食多幾杯都番本,一樂真係豪氣。大滿足的日式放題,下次會再來。 繼續閱讀
(以上食評乃用戶個人意見 , 並不代表OpenRice之觀點。)