一本食堂

營業中

休息中

今次同朋友去咗呢間位於觀塘嘅「一本食堂」食火鍋放題，每位 $298 任食，有花膠雞鍋，個湯底超濃厚，雞肉嫩滑，花膠更令整個湯起哂膠，我忍唔住飲咗兩碗，感覺充滿骨膠原 🤭。另有牛盛盆同海鮮盆送，牛盛盆嘅牛肉質素唔錯，好有肉香。海鮮盆都幾新鮮，尤其是生蠔好鮮甜。另再上個剌身拼盤，亦都好新鮮。之後又上個荔枝蝦球炸物拼盤，有新意而且幾特別，味道亦唔錯。出面亦有個自助區可以任攞食物，生熟區都有，好多選擇，飲品種類非常多，仲有甜品雪糕好多款式，食得好飽好滿足。整體嚟講，環境舒適，裝潢帶有日本風，坐位寬躺，食物多選擇亦幾有水準，服務態度亦非常好，屬於性價比高嘅一間餐廳，適合朋友聚會或者一家人聚餐嘅好地方。