一本食堂

營業中

休息中

*星期六放假,朋友約我出街食飯,佢話今次帶我去觀塘一間日本餐廳試下,嗰間餐廳位於鴻圖道,餐廳非常寬敞,座位闊落,在設計上很有日本氣派,牆身有富士山和穿和服的美女作襯托,再加上餐廳播放着一些流行而柔和的日文歌曲,令人猶如置身在日本中👍👍*呢間餐廳嘅日本食物,種類繁多：有刺身、壽司、沙律、卷物、定食、鍋物、小炒王、拉麵、烏冬、天婦羅、串燒和一品料理等等...我哋叫咗兩款食物一齊分享：1）日式海鮮烏冬鍋$86*呢個烏冬好大煲,份量十足,裏面的材料十足,有虾、蠔、蜆肉、青口、墨魚粒和蟹柳,樣樣食材也非常新鮮,鮮味十足😋烏冬吃起來非常滑流和彈牙,再加埋濃郁的豬骨湯底,配合起來提升了整個食物的味道,令我食到舐舐脷❗2）海膽蛋白帶子炒飯$102呢啲飯炒到非常之美味,帶子份量十足,而且非常之鮮甜；舖在飯面的海膽,不但香口,而且甘香軟滑,令你食到停不了口,飯是用日本米煮的,因此有粒粒的飯香味,非常惹味😋*吃完飯後,店員送上兩個雪糕作為甜品,一個芒果味,另一個海鹽味,實在太開心了😃

餐廳環境非常大，而且佈置非常日式，仿如真係去左日本餐廳一樣，之後望一望餐單，佢所有野食價錢都唔算太貴，比較上親民，而且有做唔同野食既優惠，我叫左佢個赤貝刺身同做緊優惠價9蚊一隻既大赤蝦，重有抵到爛既68蚊一底海膽，再加多個海膽蛋白帶子炒飯，首先講下佢嘅刺身，非常新鮮又夠凍，佢個大虎蝦非常鮮甜，赤貝刺身鮮味十足，而海膽方面，雖然價錢唔算太貴，但質素一d都唔輸蝕，海膽海水味豐富，每食一匙，齒頰留香，之後我再叫多一個海膽蛋白帶子炒飯，呢個飯值得推介，每粒飯用蛋白炒到啱啱好，加埋帶子同海膽嘅鮮味，帶出咗成個炒飯嘅精髓，整體而言，呢間日本餐廳，價錢非常平民，包你有一個合理嘅價錢，又可以食到有質素的日本嘢同時又飽肚。

68蚊一板海膽超級抵食好食！有埋匙羹仔比客人細啖食，感受海膽個種滑溜既口感，呢款海膽海水味較淡但海膽既鮮甜仍有，中意食海膽既朋友真係必叫，刺身都係大平賣，阿根廷大赤蝦都只係9蚊隻，超級大隻，蝦頭既蝦膏非常鮮甜，識食一定食埋！赤貝刺身大片，沾wasabi豉油味道一流，佢地既火焰壽司都好出色，火炙既效果因而入口即融，三文魚同魚籽好好食，至於熟食我叫左雜錦魚生烏冬，魚生款有北寄貝，三文魚，吞拿魚，赤蝦，魷魚等等，多種類，湯底豬骨湯都幾濃味，幾好食

今日同家姐黎左觀塘哩間食堂食飯，哩到既環境日式，餐廳中間有棵仿櫻花樹。餐牌上面有好多食物可以揀，而且食物價錢非常抵，讚好社交平台同分享專頁，仲會送日本水信玄餅一份或三文魚刺身三片。🍣牡丹蝦原隻+鮮帶子四片+三文魚三件刺身 $68三樣刺身都非常新鮮，三文魚肥美，帶子大粒鮮甜，牡丹蝦同樣鮮甜彈牙。🦐珍寶赤蝦刺身（隻） $9赤蝦大隻彈牙，非常抵食。🦀️甲羅燒 $48蟹殼上面放有蟹膏、蟹肉、蟹子及雞蛋，燒熱之後將佢地撈埋一齊，之後塗上烘麵包，食落熱辣辣，有蟹膏香。🍢串燒炭燒雞腎一串 $13鹽燒雞軟骨一串 $13鹽燒牛舌一串 $23雞腎加上甜甜既醬汁，質感爽脆；雞軟骨鹹香惹味，非常好咬；牛舌係厚身嗰種，灑上胡椒同鹽，香口juicy。🍹🍑白桃果汁哩間日式食堂環境舒適，食物性價比高，可以一試。

一本食堂放咗工同同事近近地喺觀塘食嘢，想食日本野又唔想食放題，於是就揀咗呢間一本食堂，地方闊落，設計日式系，以滕織吊燈及櫻花為主嘅設計，服務員殷勤有禮，食物價錢亦非常之抵。火焰壽司拼盤六件$101三文魚，鮮帶子，吞拿魚，仿蟹棒，芝士甜蝦，佐口裙邊。帶子大隻，佐口夠肥美，而且飯嘅份量都多，一定夠飽。浜燒北寄貝$38有日式魚蛋、菇及北寄貝切粒，用日式漬物汁醃製，配料豐富。珍寶赤蝦$9隻赤蝦好大隻，而且新鮮，絕對係超級抵食。鹽燒雞軟骨一串$13外層炸到脆卜卜，有口感及咬勁，香口。鹽燒雞腎一串$13雞腎煙煙韌韌，唔會太咸，幾好食。整體來講好抵食，CP值好高，特別推介串燒幾好食，珍寶赤蝦好大隻。

一本食堂見到佢好多特價系列😍鮮甜刺身超高質！要左個刺身拼盤超高質，d刺新鮮甜之如好滑！滑到完全無筋，帶子大大粒放入口！口感好正😍$178生蠔超新鮮甜美，可以加檸檬或者醬一齊食～個人認為唔加都好好味 推薦清酒煮蜆都ok ga 有小小熱野食下甲羅燒$48 見到咁抵忍唔住要叫黎試下🥰上之前見到佢有埋蛋，蔥，蟹肉同蟹子，佢撈埋一齊再燒～ 燒完就放係小多士上面食😍好味好味 推薦火焰壽司🍣叫左9件火焰系列壽司😍同刺身一樣都好新鮮好好味😃串燒我地就叫左燒茄子，燒雞翼，燒牛舌同燒元貝茄子真係好好味呀♥️♥️好中意佢個燒汁牛舌唔會燒到太焦岩岩好仲要淋淋地9蚊一飯超鮮甜蝦！！勁抵食！！超抵60幾有一板海膽食♥️見到餐廳咁大，同隔離枱好有安全距離～問一問員工原來仲可以預先訂房！

餐廳店面好大，日式設計，有櫻花、富士山等嘅佈置，環境舒適，座位闊落~〰️〰️〰️✨🍱和牛粒鍋飯 $80 (包含前菜及麵豉湯)好足料！飯面鋪滿和牛粒，和牛粒煎到略帶金黃色，中間都仍然保持到好嫩好軟淋，一啲都唔韌~ 醬汁將和牛粒嘅香味再提升左😋 用個汁離撈飯食都好正，好滋味🥰另外，成個飯份量好多，一個人未必食得晒🙈〰️〰️〰️✨🍱燒鰻魚定食 $76 (包含前菜及麵豉湯)鰻魚厚身，沾滿香甜醬汁，燒到焦香，入口即化，好惹味😚 一啖鰻魚一啖飯，好滿足🥰🍚珍珠米粒粒飽滿，入口軟糯，值得一讚👍🏻〰️〰️〰️✨🥢鹽燒三文魚骨 $42三文魚骨燒到金黃色，都仲有唔少魚肉，咬落去三文魚嘅油脂香味出晒離🥰而且份量好多，有六大件🤩性價比好高👍🏻😆總括嚟講，性價比好高，好抵食，下次要再離試其他野食！

公司附近有呢間鋪都未黎過, 今日見佢好多特價, 所以黎覓食下。忌廉芝士三文魚反卷 ( $60 ) 估唔到咁大卷, 從來未見過夾咁大舊CREAM CHEESE, XD😂同樣地, 三文魚都好大舊, 男人既食量剛好!💪鹽燒冬菇串 ($13) 鹽燒牛舌串 ($23)我會形容呢到既串燒大件夾抵食! 出面好多地方最多都係3粒冬菇仔, 呢到俾夠4大粒!!😱牛舌一樣非常厚, 口感比較淋D, 唔會好乾好硬🤤松葉蟹味噌甲羅燒 (特價$48) 濱燒北寄貝 (特價 $38)見到覺得好抵食, 叫左呢2款黎試下。店員連燒烤爐上, 係你面前即刻燒, 不過要留意燒見佢地就走開㗎啦, 自己記得睇火。🙈甲羅燒好好食, 好多配料口感豐富又好香, 係滿滿一個㗎!!🤤🤤北寄貝係碎上, 味道都甜既, 不過唔係完整一大隻, 想叫既要留意番。食完準備埋單個陣, 店員問我地食唔食雪糕, 原來6點後既客人全部都會送雪糕, 開心。😋

餐廳距離觀塘站遠少少, 不過牛頭角過黎都算近, 附近有好多餐廳, 所以應該都係唔少人既尋寶之地。最近呢間餐廳做緊精選特價, 好多野都好平好吸引。😍刺身盤 ❤️❤️❤️❤️❤️阿根廷赤蝦 (特價 $9隻) , 三文魚近腩 ($53) , 油甘魚刺身 ($48)估唔到呢個價錢刺身咁肥咁厚, 顏色光澤都好靚, 仲有好多款刺身俾你慢慢揀!🤤🤤尤其係隻蝦, 超甜超大隻!京蔥拖羅茸手卷 ($20) ❤️❤️❤️❤️❤️超正, 我本身係一個超級拖羅茸FAN, 呢個手卷只賣20, 見咁平諗緊祇有超大舊飯, 點知食到底, 最後一啖飯都仲有拖羅, OMG!!😱廣島蠔肉鍋 ($71, +$12 烏冬) ❤️❤️❤️我地揀左中辣地獄湯, 不過湯都係偏清淡, 可能因為係日本菜。不過配料就大方嚕, 4隻蠔, 正常日本蠔都唔會好大, 不過呢到D蠔超肥呀!!!好有蠔味, 一個鍋都幾大, 好夠食。

落錯單, thankfully figured out early. 101 Hkd for 6 pieces of sushi, one of which is 蟹柳 . 冇乜誠意. 串燒唔好食. 好彩唔係嗌咗好多野食. 唔知D好評由那裏來的. will not visit again. really not worth the price. definitely will not come again. there are better alternatives elsewhere.

星期一平日晚與6位朋友仔到牛頭角附近覓食，有朋友好耐冇食過日本嘢，我地係樓下酒店lift口入去一去到發現原來平日晚唔駛book都有位，所以都坐得比較自在一啲，店員好快安排左我地係2張4人卡枱，開始寫紙點嘢食價錢唔算好貴，食材好新鮮，壽司飯都好好味，只係比較易散，整體好滿意單點壽司好大件，比一般大一倍食完仲有雪糕送(海鹽/芒果/朱古力)

餐廳環境舒適 空間寬敞 裝修日式 望落唔太新 但今次坐嘅位置係幾舒服 兩個人坐落好大松葉蟹味噌甲羅燒呢排推出甲羅燒真係估唔到 開頭有staff係旁邊幫手燒 份量唔錯 蟹蓋入面有蟹醬同一個蛋黃 staff會幫手撈埋 食落有蟹味 幾濃 好食仲有幾塊細細塊麵包俾你一齊食 最近特價 48蚊咋抵食清酒煮蜆 同朋友食晚飯 staff好細心見到我地兩個人 主動俾碗仔我地個份量都算夠 酒味好重🤣蜆味加埋清酒 味道清新 同埋都係特價48蚊 抵！燒鰻魚定食 一上菜覺得擺碟幾整齊 睇落真係幾有日本風味 鰻魚份量適中 燒汁調味合適 唔會太濃味 米飯用左珍珠米 口感正常 另外加埋一碗麵豉湯 個味中規中矩啦 炭燒雞肉串叫左一串好好食既燒雞肉 一串有4舊 個燒烤汁味好足 燒汁份量適中 聞落去仲有浸好似係炭燒既香味 雞肉食落唔乾 幾juicy 有驚喜和風燒茄子茄子既份量幾多 係一整條 一條好多肉唔係好瘦個啲 食落比較淋身 好似有啲軟 味道係偏清淡

係觀塘返工成日會同同事黎一本食堂，已經係常客既我，今日又黎飯堂覓食。鍾意呢度既原因係環境夠大夠舒適，食物款式選擇多，價錢亦都適宜。特價時令生蠔 $13/隻生蠔個頭不算大，但勝在鮮甜多汁，配上檸檬汁更加fresh。咁新鮮既生蠔都係$13蚊一隻咋，鍾意食生蠔嘅朋友仔可以試下。火焰親子卷 $76🔥火焰親子卷係新推出既產品，淨係睇相已經夠吸引，卷內包含青瓜條、玉子同蟹柳，外層包住厚厚的三文魚同三文魚籽，鮮甜美味，再加上自製沙律汁，酸酸地開胃又美味。三文魚煙肉炒飯$66炒飯粒粒分明，配料豐富，有蘿蔔青瓜入口爽脆，加上三文魚又夠營養非常好食，唔油膩，簡單健康一D都唔腥👍。鹽燒挪威鯖魚 $65🐟鯖魚係減肥既好選擇，所以我每次去日本餐廳都必點。鯖魚入味，口感不失彈性，冇腥味，皮脆肉嫩又多汁，非常美味。😋食到最後餐廳仲一人送一份雪糕，我地揀左芒果味，有飯後甜點真係正。🥰

* 鹽燒冬菇串 (HKD13)* 鹽燒車里茄串 (HKD13)* 迷你甜薯串 (HKD9)* 鹽燒牛舌串 (HKD23)* 大和牛粒串 (HKD23)* 汁燒帆立貝串 (HKD25)* 芝士焗半殼蠔 (HKD16)* 油甘魚壽司 (HKD18)* 松葉蟹膏壽司 (HKD20)* 日本處女蠔 (HKD28)* 阿根廷赤蝦 (HKD9)* 松葉蟹味增甲羅燒 (HKD48)觀塘裕民坊商場重開，逛完之後見到附近工廈嘅一間日本餐廳宣傳，食物好似幾吸引便決定上去試試😊 餐廳雖然裝修簡單但勝在夠寬闊坐得舒服，而且非常整潔感覺良好😌 餐牌超多選擇 - 有多款刺身、壽司、串燒、卷物、定食、鍋物等，亦有d時令菜色。我諗普遍嘅日本菜佢都有供應🇯🇵 原來餐廳主打相撲壽司🍣 珍寶牡丹蝦大隻鮮甜彈牙，只係賣HKD9真係好抵🦐 店員推介嘅日本處女蠔每日由日本直送，即開即食夠creamy同肥美🦪 松葉蟹味增甲羅燒一路燒已經聞到好香，配埋脆脆嘅多士黎食好正，如果可以撈飯仲好🦀 相撲壽司不論刺身同壽司飯量都好大，如果想試多幾款建議叫少飯💁🏻‍♀️ 串燒味道正常，值得一讚鹽燒牛舌夠厚切，簡單調味已經足夠🥩 整體而言性價比超高

今日放工去咗觀塘一本食堂食飯，因為知道佢嗰度有好多唔同種類嘅日本嘢食，有定食、鍋物、小炒王、炸物、串燒、拉麵、烏冬、小食、刺身、壽司、沙律、珍味卷物、一品料理等等都有。 呢段時間有期間限定做緊，所以我order咗珍寶赤蝦刺身兩隻、時令生蠔兩隻及清酒煮蜆。赤蝦只$9，生蠔只$13，蜆就$48，真係好抵食，而且 珍寶赤蝦夠大隻新鮮，生蠔亦都係，清酒煮蜆嘅清酒味就好濃，蜆就好大隻及多。另外我點咗櫻花蝦海鮮炒飯及串燒雞翼，櫻花蝦海鮮炒飯入面嘅海鮮好多，而且鋪滿日本櫻花蝦特別香口，炒飯份量亦多 一定食到飽。串燒雞翼 完全唔肥膩而且食得出有鹹香味，所以特別惹味。