一本食堂

營業中

休息中

我想食日本野，朋友搵到間好抵食嘅日本餐廳，地方超大，環境好日式，好似去左日本咁有各款壽司、刺身、熱食，任君選擇，選擇困難症嘅我揀左啲人氣美食同廚師發板甲羅燒 $48甲羅燒連埋個爐仔一齊上，蟹殼上面有好多料，包括蟹肉、蟹膏、蟹子、雞蛋同醬料，侍應好細心比我地打個卡，再幫我地燒，燒熱後撈勻，提醒我地趁熱搽上麵包到食火焰壽司拼盤 $101 （左起）有三文魚、帆立貝、吞拿魚、蟹柳、左口魚、芝士甜蝦，款款都係我鍾意食嘅壽司，經過炙燒嘅刺身半生熟，趁熱食會更好味廚師發辦壽司（ 10件）$240有拖羅、吞拿魚腩、吞拿魚、帆立貝、赤蝦、鮑魚、長腳蟹、、飛魚子、三文魚、鯛魚，款款都幾鮮甜，朋友大讚個拖羅嘅油脂好香，碟壽司擺盤亦好有心思地加左幾款不同顏色嘅花仔同綠葉

假日同男朋友喺觀塘搵新餐廳試，見到一本食堂係日本野，而家價錢幾抵，一於上去試下，餐廳好大好多位，唔怕要排長龍入座餐牌食物選擇好多，最後揀左以下幾款🌟甲羅燒（人氣推介） $48店員比我地影張相，然後幫我地燒👍🏻蟹殼內有蟹肉、蟹膏、蟹子同生雞蛋，燒熱後撈好，舀落烘過嘅白麵包上食，味道鮮甜，拍得住貴價日本餐廳🌟火焰壽司拼盤 （6件）$101 個人最鍾意食左口魚，油脂豐富，食落好香，其次係帆立貝，鮮甜厚肉🌟廚師發辦壽司（ 10件）$240每款壽司上嘅刺身都好新鮮，中間嘅拖羅最為出色，油花分布平均；帆立貝、蝦、鮑魚都有驚喜👍🏻另外壽司旁配有鮮花，好似一盤藝術品，賣相上值得加分推薦指數：🌕🌕🌕🌗🌑（5🌕滿分）餐廳寬敞闊落，設計非常日式，食物選擇多，價格親民，略嫌當日嘅壽司飯硬左少少

一本食堂 (觀塘).星期日仍然要工作，觀塘就係我同女朋友就腳搵食好地方。估唔到星期日呢間樓上日本野都非常爆場，如果唔係朋友介紹話平靚正真係唔識搵上門！.一黎到每枱已經有紙杯，好特別個紙杯下面有茶葉，上面仲有層網隔住，方便又衞生.時令白身魚刺身.先來吃刺身，見到$98有十片薄切已經覺得好抵食，上到枱食落都好給力，絕對對得住個價錢！.阿根延珍寶刺身蝦.見到佢$9隻我試試佢，果然好唔錯，平得來仍然入口肥美.炭燒雞腎，燒翠肉瓜，迷你燒甜薯.串燒除左雞腎比較細粒燒得over左少少，翠肉瓜好多汁，燒甜薯都真係切合其名好甜好綿!!日式海鮮烏冬鍋.女朋友叫嘅主食，好大鍋 ，烏冬都夠彈牙，海鮮有蝦，青口，蜆肉，蟹柳以及日本魚蛋，可選擇不同湯底，我地揀左豬骨，尚算濃確郁.盛岡冷麵.個人選擇主食，冷麵易入口，咬落煙韌.一本食堂 (觀塘)觀塘鴻圖道30號3樓

一本食堂 (觀塘).觀塘工廈區真係尋寶咁，今次呢間真係性價比好高，價錢又平！.▪️時令白身魚刺身10片▪️$98.薄切白身魚十片先$98，切得薄而透，入口新鮮爽口，配上特調酸汁，好吃！.▪️阿根延珍寶刺身蝦 $9隻▪.好似係期間限定menu，超平$9真係有手掌咁長而且好肥美(˶‾᷄ ⁻̫ ‾᷅˵)呢個價錢真係抵到爛！.▪️日式海鮮烏冬鍋▪️.因為今日唔太舒服所以想叫個熱鍋物食下，海量嘅蜆肉粒，大大隻青口，蟹棒以及大蝦兩隻，可轉蕃茄呀豬骨等湯底，配埋烏冬，不錯又暖🥰.▪️串燒▪️.按照個人喜好叫不同串燒類別，我倆分別叫左炭燒雞腎，燒翠肉瓜以及迷你燒甜薯，全部都好出色！ 翠肉瓜超juicy👍🏻.▪️盛岡冷麵▪️.可惜無白醋提供，但都好大碗而且好易入口，有啲泡菜大豆芽以及甜蛋作配料.📌 一本食堂 (觀塘)觀塘鴻圖道30號3樓環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️

今日walk in 黎到呢個平民食堂 入面唔多人 環境寧靜 可以慢慢食 慢慢休息🥰🥰雜錦壽司拼盤（20件）（$240+1）收據上冇寫加1既價錢 但店員最後會用人手計算加1 大家要留意番張單上面既價錢係未收+1講番食物先 件件壽司都份量十足 好大舊白飯 味道不過不失 足夠食到好飽 完全無需要再另外叫飯麵 唔係好大食既人 都係建議你叫番刺身或者單點想食既壽司 否則會食唔曬日式餃子拉麵豬骨湯 （$52+1）都係一個好大碗既拉麵 配有紫菜同蛋 係平時食到既味道 無咩特別之處 但勝在便宜抵食 又飽肚飯後 仲送左雪糕甜品 不過只得兩種味道🤣🤣選擇較少 冇我鐘意食既味道如果純屬想搵個地方醫肚 呢度係一個唔錯既選擇

老婆話想食生蠔，之前睇到朋友share 話呢間觀塘一本食堂幾抵食！趁住開心星期五就同老婆過嚟試下啦！率先被餐廳吸引的是桌上紙茶杯巧思設計，簡單加入熱水就能飲到一杯熱茶，方便衛生！生蠔優惠$13/隻生蠔產地雖無列明，但都幾大隻。食落海水唔算濃，蠔肉都鮮味，絕對抵食！赤蝦$9/隻 可以單隻叫無上限，赤蝦刺身食落都幾鮮甜！甲羅燒 $48設有爐仔即場由專人協助烹調，加熱過後蟹膏塗上多士上，更能食到濃郁蟹膏鮮味！卷物方面即點了香芒芥末脆脆卷，總共有8件，卷物頂上梅花間竹地沾上芒果沙律醬或芥末醬，除卷內脆脆外，亦舖上的鰹魚碎亦增加口感！串燒價錢幾相宜，點了幾串肉類燒得都不錯！ 雞翼燒得香口唔會乾柴，一口牛油脂感重，腩肉外脆內爆汁～驚唔夠飽點左個定食，滑蛋燒鰻魚鍋飯都幾大個，包前菜、沙律同麵豉湯。最後點了一款梳乎厘芝士蛋糕$38 店家還送一人一杯coco Berry 雪糕！

偶爾想食啲性價比高嘅日本嘢，就會去一本食堂。🍣芥辣八爪魚壽司$15🍣燒鰻魚壽司$23🍣蟹籽沙律腐皮船壽司$13🍣大甜蝦壽司$15佢哋嘅壽司份量超多，好飽肚。當中以燒鰻魚壽司最誇張，同筷子差唔多長，仲好厚肉。芥辣八爪魚唔會太辣，八爪魚爽口彈牙幾好味。大甜蝦壽司竟然有兩隻大大隻嘅蝦，都幾鮮甜。芝麻雞翼$37香脆又多汁。燒冬菇 $13食到菇菌嘅鮮味，鹽燒簡單蛋好夾。燒翠玉瓜 $13清甜好味，又唔會燒得太乾，配埋個醬汁一流。香蒜雞軟骨 $48雞軟骨好香脆，加埋避風塘炸蒜好惹味。

星期五晚老公係觀塘接我食飯，知我想食日本野但唔想食放題就搵左呢間一本食堂！入到去意外發現餐廳環境原來都幾寬敞，餐廳一角仲放滿各式燒酎清酒作裝飾。餐牌上嘅各款優惠相宜超好吸引，最重要是全部可以同時享有！餐廳供應嘅餐茶非常有驚喜特色、乾淨。茶葉早已封在杯底，只要倒熱水就能泡茶，好有頭腦嘅設計。香芒芥末脆脆卷 $48共8件，都幾抵食！芥末在卷物上方，仲有舖滿鰹魚碎，如覺得太嗆可自行調節，卷內脆脆配三文魚口感豐富。滑蛋燒鰻魚鍋飯 包前菜、沙律、麵豉湯$76雖鰻魚切片上，但份量都挺多，牛蒡漬物非常惹味，麵豉湯有齊海帶、昆布夠足料。今餐主角之一赤蝦$9/隻 生蠔$13/隻生蠔好大隻跟檸檬及cocktail source, 蠔肉鮮甜肥美，超抵食！赤蝦大大隻，蝦肉新鮮鮮甜會黏，蝦頭膏亦飽滿。甲羅燒 $48 配多士店員會即場為客人烹製蟹膏蟹膏配多士 超級無敵正。串燒肉類約$19-$23 火喉剛好，幾出色，特別是豬腩串外脆內有豐腴油脂，價錢超抵食！最後會送每人一杯雪糕，總共有沖繩海鹽同玄米茶口味，兩個人梗係全都要！兩款都非常不錯！

好耐冇黎牛頭角呢邊，都開左好多新既食肆，見到呢間特別吸引，menu好多選擇！餐廳環境舒適，座位寬闊，見到個menu，唸左好耐都唔知叫咩，樣樣都想試下，店員就推介一啲熱門既，例如生蠔，赤蝦刺身，同期間限定既白身魚，✨三文魚&大甜蝦刺身食材都好新鮮，三文魚厚切！食落更有口感，甜蝦淡淡既甜味，軟綿既口感✨各式壽司（三文魚，芥末八爪魚，油甘魚等等）壽司真係好大件！好抵食，✨鹽燒牛舌串/鹽燒三文魚骨🔥厚切牛舌，更有口感，鹽黑椒調味恰到好處，推介！燒過既三文魚骨，更香口，配上檸檬汁，清新解膩，✨和牛粒鍋飯（配湯，沙律菜，醃製小食）和牛份量好足料，粒粒都好juicy，大粒之餘唔會韌，都係好軟滑，椰菜鮮甜，飯就用左珍珠米，口感更有嚼勁！

一本食堂 (觀塘)📍觀塘鴻圖道30號3樓📢觀塘樓上日本餐廳，唔講都真係唔覺，今日男小編帶左媽媽黎食日本餐，入到餐廳坐底已經有個紙杯裝水，原來底層有茶葉格開左，唔會同d茶葉一齊飲，個設計幾貼心👉🏻松業蟹味增格羅燒$48六件薄脆多士，配格羅燒，即係炭燒網加醬料、蛋、蟹蓋、濃郁蟹膏，燒到出煙就放出黎配多士食😍😍頭盤不二之選😍😍👉🏻刺身拼盤冰鎮刺身，保住刺身既新鮮度，配有三文魚、海蝦、海膽、墨魚、希靈魚，共五款刺身各2件，餐牌也有其他優惠刺身配搭👉🏻阿根廷赤蝦 $9隻 超大隻赤蝦勁平，鮮味得黎夠凍👉🏻火焰壽司拼盤六件$101火焰蝦、蟹柳、三文魚、吞拿魚、赤貝、帶子壽司，每件都有火焰燒過，有幾舊有芝士配搭👉🏻時令生蠔 $13隻餐牌上有刺身、時令海鮮優惠大家可以留意真係幾抵😍👉🏻 加洲手卷有蟹子、玉子、青瓜絲、沙律醬、粟米 🌽 紫菜包住黎食 都幾飽肚👉🏻 時令白新魚刺身薄切10片 $98薄切刺身，有秘製醬料點黎食，越食越想食🤣 白新魚好少聽，配上醬料帶出一種別樹一格的感覺👉🏻甜品附送，有Cocoberry既香濃咖啡味同玄米茶茶味既雪糕🤍餐廳座位非常闊落，也有一個假櫻花樹俾大家打卡，另外也有室內房間

又在觀塘外賣宵夜，揾左一下想輕食個烏冬&手卷，發現一本食堂十點幾都有外賣，於是我就立即手機下單，再去餐廳外賣自取。去到樓下就按電梯3字。一出𨋢，就見到幾和風feel：餐廳門口都有寫左佢地是日特色推介既餐：推門入餐廳，發現都幾大：我到餐廳時個外賣都已經準備好了，放左門口既枱，店員檢查了一下，確保無錯，我就拎番屋企了。番到屋企我急不及待拎咗佢地出黎，稻庭烏冬既湯&烏冬係分開咗既，比我番到屋企先浸，唔駛湯浸住個烏冬浸到林哂，而粟米手卷呢個就用另一個獨立既盒裝住。烏冬味道唔錯，感覺都健康，清淡；而手卷都唔錯，係佢包住既紫菜在我番到屋企林左，吸左d飯氣。Anyways, 呢兩個價錢上都好抵食。

餐廳位於鴻圖道轉角位，走進酒樓旁，乘電梯上到3樓。平民飯堂定價，食物同高級日式餐廳相近，必須推薦✨廣島蠔肉鍋║麵豉湯底 ($71)有廣島蠔 (細鍋有4隻)、豆腐、日本魚蛋、粉絲、娃娃菜、小棠菜。湯底可以自選 (有7款選擇)，可加$12轉配烏冬。我們聽從店員建議配麵豉湯底，唔會太鹹而蓋過蠔的鮮味。廣島蠔大隻多肉，生熟控制很好，沒有縮水。其他材料份量也很多，最後飲埋湯底，鮮甜滿足😋(推👍🏻) 咖哩吉列豬扒║豬骨湯烏冬 ($62)豬骨湯底調味剛好，不會過鹹或太淡味，配烏冬特別入味。吉列豬扒是亮點 🤩 豬扒厚身，炸得外邊香脆內裏鬆化，日式咖哩汁放在底，沒有把吉列炸皮弄到過淋，水準幾乎跟高級吉列店相近，性價比極高✨串燒牛舌串 ($23)牛舌厚身，不會燒得太乾，食落有咬口，肉味濃。 鹽燒雞軟骨串 ($13) 鹽燒豚肉串 ($19)即叫即燒的皮脆口感，不油膩，調味適中。食完送雪糕🍨 多款口味：朱古力/雲呢拿/芒果/椰子/海鹽/焦糖餅 整體上價錢親民，味道中上，性價比高。餐廳座位多，佈置用心，和風裝飾隨處可見，播放日本傳統音樂，令人置身於日本街頭的平民食堂🎏

呢間日本餐廳原來已開業一年入口位係入間酒樓搭lift上3樓 樓上樓下都係歷史悠久嘅鴻圖樓入到去好大間 座得舒服闊落 黃黃柔和嘅燈光 以櫻花樹 日本傘 富士山 日本燈籠作為裝飾見到個menu好多好多選擇前後2大頁紙 定食 鍋物 炒飯烏冬 拉麵冷麵 一品料理 各式小食 串燒 天婦羅 刺身 壽司 沙律 卷物 珍味乜都有 .....再加枱上menu 仲有店內黑板上的是日特別推介 時下熱門嘅高品質廚師發板刺身omasake都有有選擇困難症嘅我諗左好耐 決定order呢d ~ ♡︎甲羅燒 $48 日本直送蟹殻 配上蟹肉 蟹籽 蔥 仲有新鮮鵪鶉蛋係你面前爐端燒 配上幾塊小小烤烘過的麵包 成個presentation好好睇 仲好好味 絕對係心機之作 必點♡︎清酒煮硯 $48好重清酒香 滿滿的一鍋 食完便醉了 出面食起碼一倍嘅價錢都要♡︎火焰花之戀 $34 大大件 三文魚入口即溶 火燒過更香呢 要用匙羹食先至食得晒 千祈唔好諗住一啖放落口 ♡︎汁燒茄子 $13 3件串燒 好香好軟熟 個醬汁醬汁配得剛剛好少少咸少少甜好味道 ♡︎珍寶赤蝦刺身 $9 鮮甜 好大隻 認真大件夾抵食♡︎生蠔🦪 $13隻見平平地試下 細細隻爽

今日有朋友介紹話係觀塘工業區啲餐廳又寬闊又唔洗逼，所以就嚟到觀塘鴻圖道既一間日本料理。😛入到去果然朋友無講錯，空間感好大，好闊落！而有所不知，呢間餐廳最特色就係佢地既壽司係超級大件😸比例上明顯係同出面Size唔同，真係大開眼界😍。如果係細食既朋友仔亦可以order小飯，唔洗驚浪費😁。✦✦✦✦✦✦✦✦✦✦✦✦✦✦🎈**鵝肝壽司 $30 /件雖然鵝肝壽司真係非傳統做法，呢種新嘗試亦唔係唔可以接受既。呢款鵝肝唔單止大件， 仲入口即溶！外層算煎得唔錯，好鮮味😋，呢款壽司既價錢令人食完真係再食😚，小編都嗌多兩轉，驚喜🙈✦✦✦✦✦✦✦✦✦✦✦✦✦✦🎈海鰻壽司 $20 /件非常長身又好似手掌咁大條既海鰻，小編食到成口都係，口感又好，好鮮甜呀😋。✦✦✦✦✦✦✦✦✦✦✦✦✦✦🎈海膽壽司 $26 /件份量都算足料！舊飯依然好大舊🙈海膽新鮮😛不過不失！✦✦✦✦✦✦✦✦✦✦✦✦✦✦🎈燒蠔壽司 $15 /件好大隻熟蠔！新鮮可口😛，口感一流😋。✦✦✦✦✦✦✦✦✦✦✦✦✦✦🎈三文魚軟殼蟹飯卷 $75 /6件三文魚好厚身！ 但中間既炸軟殼蟹有小小令人失望😿。✦✦✦✦✦✦✦✦✦✦✦✦✦✦🎈帆立貝壽司 $15 /件壽司既

係牛頭角返工，真係💩都冇得食😹 之前同事話食呢間日本野真係舉腳贊成呀， 上次叫左一個迷你壽司➕烏冬，啲壽司都係正常size，冇話特別細既，味道都唔錯，可能lunch 太耐冇得食日本野，覺得呢間野真係會食多幾次第二次就今日，都幾期待的叫了一個什錦刺身丼，送了碗湯，刺身有三文魚、但、帶子粒、赤蝦，吞拿魚等等，種類都算多既一路都食得好滿足，不過個最鍾意既赤蝦一入口就覺得怪怪地，最後食完都係覺得唔OK，有啲唔係好新鮮既feel，其他嘢味道都唔錯