一本食堂

營業中

休息中

今日同女朋友黎到觀塘附近大家都想食日本菜結果俾我地搵到呢間餐廳 就決定入去試下環境寬敞舒服，可以一大班朋友黎都唔會迫餐牌好多選擇，有刺身壽司手卷串燒等亦有優惠折扣單點食品時令生蠔，珍寶赤蝦刺身呢2道都做緊特價生蠔鮮甜新鮮，海水味濃郁蠔身亦厚實，好有口感赤蝦亦一樣新鮮，好抵食必點！特長燒鰻魚呢道既壽司特別係特別長足足比飯長2倍！多出既部分係可以當刺身食鰻魚軟淋入味，入口即融好滋味鹽燒牛舌牛舌燒得剛好外脆內軟好惹味

今日黎到觀塘買野，朋友想食日本餐，諗起之前有同事介紹過呢間餐廳話唔錯，我地就過左黎試下。位置都近海旁既，唔難搵。入到去地方都好寬敞，啲裝畫同裝修都好靚，好有日本風格。而且座位夠舒服，同朋友邊傾邊食岩晒。我地叫左推廣既珍寶赤蝦刺身，時令生蠔，松葉蟹甲羅燒同地獄肥牛野菜鍋。赤蝦刺身好大隻，蝦肉鮮甜夠結實就咁食都好好味，而且價錢非常實惠。至於生蠔都好鮮甜，性價比高。依度既松葉蟹甲羅燒有專人即場幫你係枱面撈好同燒埋，非常特別。估唔到服務好好👍🏻配埋多士一齊食，感覺似食緊蟹肉他他醬，鐘意食羔既朋友絕對可以試下。最後配埋地獄肥牛野菜鍋，將鮮雞蛋撈勻再配肥牛食，非常惹味同滑嚕嚕，牛肉份量十足，好食。不過略嫌地獄湯就唔算太辣，可以再辣啲就岩晒我呢個愛辣之人了。

小弟從來冇寫過食評 實在係呢間野太難食 啲飯咸到放唔入口 叫左兩個垃圾飯$180完全係食一啖唔想再食 難食到呢個程度希望大家唔好中伏重申一次 我由出世以來 冇食過咁難食既野真係一定一定一定要提醒大家

今日同朋友去左一本食堂食下午茶呢度既下午茶有特價之餘，仲免加一，食物味道唔錯，真係超抵！1.壽司：腐皮($8/2件)、加州反卷($8/2件)、油甘魚($16/2件)、劍魚腩($16/2件)、佐口裙邊($12/2件)價錢超抵！壽司質素都可以！2.芝士肉鬆班㦸$22超多肉鬆！班㦸皮夠煙韌！3.松葉蟹味噌甲羅燒 $48估唔到$48就食到！仲有職員幫忙煮，好足料，味道不錯！4.網燒雞泡魚乾 $49好抵食，愈咬愈有香甜味！5.特長燒鰻魚壽司 $28係原條鰻魚壽司！好吸睛，又好味！6.韓式餃子鍋(6隻)$28每個餃子都好大粒，仲有泡菜、菇做湯底，$28真係誠意十足👍🏻6.鮮茄牛肉湯烏冬$30$30，但係大碗size! 一樽好足料！7.鹿兒島豚肉蜆肉(豬骨湯底) $72有蜆、豚肉、薯粉、菜，好滿足！8.白飯 $13人均百幾蚊，但有食放題咁飽，好正！😋😋😋

人在牛頭角而想食日本野真係冇乜幾多選擇🙊見呢間餐牌好似幾多選擇就試下，入到餐廳好似去左放題咁😂張枱好大張😅不過都好寬敞，加上夜晚唔算多人，所以靜靜地坐落都舒服既，而且店員姐姐好有禮貌今次都叫左好多野食，唔同種類都試下，總括黎講燒物正常，但係刺身同鍋物真係麻麻😢😢😢講好食既先啦🙊鹽燒三文魚頭（半邊） $64 🐟三文魚頭燒得幾入味，肉質都嫩滑，同埋雖然話係半邊，不過份量都幾多，幾抵食網燒雞泡魚乾 $49唔乾，咬落煙韌，送酒小食必叫👍🏻黃金粟米蟹籽沙律 $43份量唔少，青瓜絲冇水味，蟹籽都幾多既，如果沙律醬可以兜埋先上枱就好🙈但好可惜，日本野最重要既刺身佢偏偏做得唔好😮‍💨三文魚近腩刺身（8片）$108價錢係唔貴既，但都唔好比碟冇味既刺身我丫😭😭😭😭睇相見到三文魚刺身顏色幾靚，好似幾新鮮咁，但係❗️塊魚肉真係冇味❗️朋友笑說呢碟似素食版三文魚刺身🤡得魚生既口感，但冇味🤡我都係第一次見識呢個感覺既三文魚刺身😮‍💨$8碟果啲鋪頭仲好食🙈壽司類🍣😮‍💨三文魚壽司$17 油甘魚壽司$22 加州卷（6件）$55一次過講啦😮‍💨壽司飯唔係醋飯，冇味，已經扣晒分😮‍💨米飯亦都煮得太林，食落一patpat 咁

做嘢間中會經過觀塘，行過一本食堂多次，終於有機會入去試試佢哋嘅日試料理！〘 特長燒鰻魚手卷 〙鰻魚手卷最緊要係汁醬夠又燒得剛好 — 呢度嘅無骨鰻魚仲十分厚肉（我哋都忍唔住叫咗兩份😋）如果食唔夠仲有蒲燒鰻魚烏冬，拉麵同炒飯。〘 鵝肝壽司 〙厚身又香濃嘅鵝肝壽司連埋醋飯一齊食，滿足得嚟又唔太滯。〘 汁炒金菇肥牛定食 〙牛肉肉質唔會過韌，連埋調味充足嘅汁醬非常好餸飯。除咗牛肉定食仲有各種肉類及咖喱飯，任君選擇。〘 汁燒帆立貝串 〙識揀一定揀最鮮甜嘅帆立貝！裙邊爽脆不硬，貝卵柔滑甜美 — 不過一串較為細小，要分享的話可能唔夠喉。〘 雜錦天婦羅 〙天婦羅每件都係金黃色，炸粉又會太厚，食落好香脆 — 最大份嘅蕎麥麵，記住唔好當左係裝飾喔！〘 蒜香牛油三文魚骨腩 〙一嚟到香氣撲鼻 — 三文魚骨腩埋沒喺金黃色嘅香脆牛油蒜蓉堆中，非常之香口，幾有驚喜。〘 炸軟殼蟹反卷 〙軟殼蟹仲係脆卜卜，脆身得黎唔會油膩，📍一本食堂觀塘鴻圖道30號3樓

It's not easy to find a spacious, intimate spot for Japanese comfort food amidst Kwun Tong's hustle and bustle - but we've found just the one ✨〘 Eel Temaki 特長燒鰻魚手卷 〙Served with the classic sweet sauce that coaxes out the inherent aroma of the eels, you'll be tempted to tuck into as many temaki (hand rolls) as you can scoff down.〘 Japanese Foie Gras Sushi 鵝肝壽司 〙The dainty but filling piece is toasted to perfection and proves that this little upstairs diner does dish out some of the best foie gras

餐廳係地鐵站行一陣就到，餐廳空間好大，裝修好日系，好靚。最重要係啲枱櫈超闊落，香港好少有餐廳咁闊落，坐得好舒服😌清酒煮蜆一黎先飲啖熱湯，酒味好香好正，唔會太濃，但有陣陣酒香，加埋蜆肉既鮮甜，好正！！凍豆腐豆腐好滑，係日式豆腐，配上大量麻醬同木魚碎，呢個配搭係一絕黑松露醬大蝦炒飯炒飲炒得好乾身，食落一啲都唔油，個黑松露醬係加分位，好香，配埋啲大蝦好正鹽燒牛舌串牛舌厚切，食落好香口，燒得好好食完仲有免費雪糕送，係焦糖味，好香好重焦糖味😍😍

今日放工同事帶我黎依間一本食堂，話好食又抵食。我地叫左日式海鮮炒拉麵同埋甲羅燒。日式海鮮炒拉麵好大份，餸嘅量都好多，裡面有青口、蜆肉、蝦、菇類同雜菜，非常豐富滿足。甲羅燒係我第一次係香港食，今次配埋烘底多士，服務員幫我地燒埋好貼心，味道都同外表一樣吸引！而且只需要$48，真係一定要叫。

今日繼續係公司附近覓食，帶埋母親大人黎試下依間評價唔錯嘅日本餐廳。我地6點就到好好彩咁餐廳冇咩人。環境好寬躺，日光充足比人感覺好舒服。點餐單有雙面滿頁紙禁多選擇，刺身、壽司之類嘅選擇比一般餐廳多好多，有但更標着產地日本，非常均真。我地叫左超人氣大割引嘅刺身盤，裡面有三文魚+油甘魚 +鮮帶子+北極翡翠螺刺身。北極翡翠螺冇貨就比我地簡要多一片刺片。我地另外亦要左4個生蠔同2隻 珍寶赤蝦刺身。刺身件件厚切又肥美，其中油甘魚係我最欣賞，味道又鮮又甜。生蠔🦪$13一隻，蠔肉唔會縮水，咬落爆汁，食得出嘅新鮮！珍寶赤蝦刺身性價比極高！$9一隻相信坊間好少地方禁平。雖然定價低但係都係大大隻同好味道，建議可以一次過叫多幾隻！另外我地仲要左個香草煎羊架，一客兩年，羊肉味好香但一D都唔臊，6成熟岩岩好，肉質鬆軟唔痴骨。如果要搵性價比高，質素高，選擇多嘅觀塘日式餐廳，可以試下！

同男朋友都想食日本嘢放工就行咗過嚟呢頭見到間居酒屋都唔錯就chill chill佢呢度嘅地方都好大 兩個人都可以坐四人嘅卡位入邊嘅壁畫同吊燈都好有日本風味一坐低見到有反轉嘅杯 望到網底下面有茶葉 覺得好新奇又方便呢度嘅選擇有好多 包括壽司卷物 串燒 飯類面類 一品料理 等 好有居酒屋嘅特色睇食評呢度嘅刺身好似都出名好食就柯打左 d 企牌先有既 大優惠 包括左呢個 刺身拼盤我又好肥美嘅三文魚 切得到相對厚 油脂比例都非常平均我個人非常喜愛帶子刺身 呢度係又甜又大粒 都唔錯俾咗四粒咁多赤蝦刺身都係鮮甜整體都唔錯原本想叫個68既海膽點知太好賣 售罄晒轉左價錢高啲 148 嘅日本馬糞海膽不過加紫菜要比多$10質素都對得住價錢海膽肥美 濃郁 一啲都唔咸值得要叫丫呢度嘅炙燒壽司都係性價比高 115 有6件最喜愛係呢個芝士甜蝦出邊都好少見 芝士燒得剛剛好但又唔會蓋過甜蝦嘅鮮甜味呢度嘅珍寶赤蝦必定要order 因為只需$9蚊咋😍😍😍我哋叫左一人一隻成隻有隻碟咁長🤣🤣🤣肉質厚實唔鬆散 帶到蝦嘅鮮甜味最後仲送咗雪糕呢度有沖繩海鹽同芒果兩種口味選擇沖繩海鹽味食落鹹鹹甜甜 都幾特別㗎

今日放工同女朋友想食日本野之後行過見到依間幾靚就入去食佢喺3樓所以喺樓下有部電梯要搭上去入邊環境好舒服好正兩個人坐會比張四個人嘅卡位我哋坐好大張梳化又唔限時可以慢慢食 傾下計叫咗一份日本馬糞海膽要加$10有紫菜$9特價嘅牡丹蝦好大隻同埋四件帶子刺身同三文魚刺身啲帶子刺身好鮮甜同埋好淋 三文魚就好爽口食落好新鮮隻牡丹蝦原隻上好大隻$9真係好抵所以叫多咗隻啲日本馬糞海膽好抵食火焰壽司六件最鍾意食芝士甜蝦好特別同埋佢個杯真係好有心思呢茶葉就咁係杯下面就咁自己加熱水就有茶飲最後係有甜品雪糕送嘅所以走之前一定要問佢攞雪糕

📍#一本食堂 (觀塘)觀塘鴻圖道30號3樓♡推薦程度: 🌕🌕🌕🌕🌗🔺🔺🔺🔺🔺🔺🔺🔺🔺🔺🔺🔺🔺喺觀塘鴻圖道 原來有間隱世嘅日本餐廳唔係朋友介紹都唔知 非常低調🤣但竟然比我發掘到佢非常平、靚、正！❤️‍🔥❣️#馬糞海膽刺身（原板）$148海膽味道鮮甜濃郁 入口即化 總共有五格 滿足晒我想食海膽嘅願望❣#時令生蠔 🦪 $13 @1新鮮空運直送生蠔食落鮮甜、新鮮🦪 $13真係超抵食而又有質素❣#阿根廷赤蝦 $9 @1赤蝦刺身好大條 亦新鮮相對價錢 呢個質素真係超出咗預期❣#汁燒茄子串 $14個汁甜甜地 咬落去唧晒啲汁出嚟🤣 好Juicy一啲都唔乾！個人好鍾意食茄子☺️所以encore左多一串原來晚市食完仲有雪糕送~ 店員話每日都唔同口味㗎😎有飯後甜品 即刻開心咗😋🔺🔺🔺🔺🔺🔺🔺🔺🔺🔺🔺🔺🔺

今晚同朋友去咗呢間好親民嘅日式食店，點咗呢d👇🔸三文魚刺身🔸吞拿魚刺身🔸阿根廷赤蝦🔸生蠔🔸日式餃子地獄烏冬🔸芝麻雞翼刺身真係冇得頂，好新鮮，好鮮甜，而且仲係厚切㖭!👍👍👍阿根廷赤蝦特價$9，好大隻，抵食!😋😋😋生蠔$13一隻肉都，幾新鮮!🤪🤪🤪地獄烏冬配日式餃子，可選辣度，但食落相對普通d!芝麻雞翼炸個香脆，食完唔夠喉，好想再encore!🤭🤭🤭呢間食店食物質素都ok，地方闊落，唔錯!👏👏👏

係附近學完瑜珈，幾分鐘就到，超方便，係網上見到$68海膽就揀左呢間試😋😋一入黎間野好闊落，2個人坐4人枱，一班人黎啱晒！一黎到好鍾意佢杯茶嘅設計😂😂個杯有層好薄嘅膜，下面全部都係茶葉，咁d茶葉就唔會一齊飲落口，杯茶好香濃又好飲，都唔記得問係咩茶添🤩1. 馬糞海膽 $148黎到已經冇晒$68本地海膽，咁就試下日本馬糞啦，唔會溶晒，味道都ok，但食落知唔係$300幾蚊個隻感覺嘅，有5格個量都多嫁！可以落埋去個丼飯到😋（冇記錯應該係$148🤡）2.甲羅燒 $48超正，有專人黎係你面前放落個爐到整，蟹膏味一流，放上多士到，一咬落去好夾好脆好好味，係暫時食過最好食嘅甲羅燒😌😌😌😌3.三文魚親子丼 $96係有蟹籽、中華沙律、三文魚籽同三文魚腩（仲以為會係三文魚），好味道😋😋，肥美大滿足👍4. 鹽燒雞軟骨 $14/串新鮮夠味香口，不過我太貪心，擠多左檸檬🌝，重左檸檬味😂5. 京蔥拖羅茸壽司 $22/件冇影到相，但冇咩拖羅味，跟住我冇再試呢到嘅吞拿魚😂，下次都唔會再試🥲6. 佐口魚裙邊壽司 $13/件都冇影相😂，之前係第二度食過入口即溶嘅感覺，所以鍾意左食佐口裙邊，但呢到唔係咁，係好似普通壽司咁但又食