一本食堂

營業中

休息中

今日同同事收得比較夜，就係公司附近呢間日本餐廳食個簡單夜晚飯要咗香芒芥末脆脆卷，炸雜錦天婦羅，雜錦刺身碗。芥末脆脆捲一客8件，上面鋪有木魚絲，芥末同芒果醬，裏面就包咗青瓜同三文魚，食落去口感同味道都非常豐富味道，多重味道，好食！炸天婦羅都好好食，炸漿皮唔會太厚有炸蝦，蟹柳，青柳等等，最特別係有一個外型好似樹嘅炸物做點綴，望落一點一點有d似櫻花樹。呢個刺身碗（唔記得佢個名），有大量吞拿魚蓉，三文魚籽同海膽，有少量飯係底，亦有跟紫菜配埋一齊食，食材夠鮮味，食落海膽滑又甜，好滋味，總算滿足下我地加班嘅弱小心靈！絕對有下次！

📍一本食堂 (觀塘)呢間都算係觀塘區性價比最高嘅日本嘢之一。最正係食物有過百款選擇。基本上諗到嘅都會搵到🧐。✨清酒煮蜆$87有成幾十隻蜆，性價比高。鮮甜而且完全冇沙。湯汁酒味超濃。✨日本磯煮鮑魚刺身$47/隻鮑魚口感柔軟唔韌，吸收晒醬汁超味。✨芥辣八爪魚壽司$17✨三文魚籽壽司$40✨日本生松葉蟹棒壽司$60次次嚟都會嗌壽司🍣，貪佢比起外面大件，多飯多料，質素又唔錯。三文魚籽嘅來貨幾好，味道鹹鮮，一啲都唔腥。芥辣八爪魚正常來貨質素。松葉蟹棒味道幾清甜。✨加州巻$58配料同其他地方唔同，係冇牛油果嘅🥑。不過雞蛋、青瓜、蟹柳呢個配搭食落去都唔錯🤣。✨芝麻雞翼$42新鮮炸起脆卜卜。✨海老天婦羅$89質素比香港大多數餐廳好。麵衣夠薄，油溫夠高，香脆唔油膩。✨鹽燒冬菇$16✨汁燒茄子$16✨迷你甜薯$22呢度嘅串燒一向出品唔錯。新鮮冬菇燒完都咁多汁。茄子配燒汁超夾，唔使次次都係配蒜蓉。甜薯係正常來貨質素。✨日式煎餃子$44餡料係豬肉+蔥+韭菜，感覺好熟悉🫢。煎得幾香，不過餃子皮比較厚。✨香蒜牛油炒雜菇$65嚟到先知係用錫紙包住嚟焗😯。不過份量又多，重牛油香又唔會油淋淋。✨香蒜雞軟骨$58雞軟骨口

今日一個人行完觀塘醒起之前有見到個呢間餐廳嘅易拉架影低左相，想搵機會試下，擇日不如撞日就黎左依度試下，環境好有日本風，粉紅色櫻花樹佈置，感覺舒適寫意，呢到地方都好夠大，座位闊落。要左泰式生蝦，估唔到佢會有泰式生蝦，又估唔到個刻我真係抽起條筋唔想食赤蝦食生蝦，冰陣蝦爽口彈牙，配埋泰式辣汁，夠晒開胃。食左呢個好似刺身丼咁但食法唔同， 佢跟左好多紫菜，比你自己自由配搭，有海膽，吞拿魚蓉，三文魚籽同蛋黃，食材新鮮，海膽好鮮甜，三文魚籽獨有嘅鮮味，咬落去慢慢滲出好味道，吞拿魚蓉同樣滋味，啖啖不同口感同味道，大滿足。晚飯仲有送雪糕，香港製造，yummy!

成日喺觀塘覓食，如果唔係朋友帶我嚟，都唔知道呢度三樓有間咁寬敞、咁靚櫻花佈置嘅日本餐廳。櫻花下，聽住日文歌、食壽司刺身，又坐得幾舒服。🐠深海池魚王刺身(4片) $96質素確係🉐️，魚油甘香細膩🍣赤貝壽司$16🍣京蔥拖羅蓉壽司$22🍣加拿大海膽壽司$36壽司飯香軟，唔會硬/乾。海膽同拖羅蓉都好好味，份量上都算畀得多，海膽超級鮮甜！推介要試👍🍡鹽燒雞軟骨串$16🍡鹽燒牛舌串$25鹽燒調味啱啱好。雞軟骨脆口好好咬，牛舌好厚切、好大件，超級淋，一啲都唔韌。🍦食到最後，仲有驚喜！原來晚巿每位都有雪糕送！最初都有d擔心送嘅雪糕唔知會唔會好難食（其他地方食過好難食嘅雪糕有陰影🙈😹），點知質素都唔錯！ 是日送嘅係朱古力雪糕，好食既，原本想減肥，又一不小心成杯雪糕食曬😅😆🤣

🎏雜錦刺身適合二至四人嗌👯‍♂️一份拼盤有齊三文魚、帶子、油甘魚、大甜蝦、八爪魚同埋北寄貝刺身，成盤一共26片😍咁多款刺身當中，油甘魚係最正，鮮甜，帶有魚油香氣；我作為紫蘇葉忠粉，一定會夾住一齊食🤪 🐟三文魚反卷冇諗過餐牌上反卷都可以有咁多選擇，除咗呢一款之外仲有軟殼蟹卷、牛油果卷等🤩壽司頂頭嘅三文魚都好厚肉，好大件🐷鹿兒島豚肉蜆肉鍋食咗咁多生冷嘢係時候暖吓胃仔，餐牌上嘅鍋物選擇都有7款可以揀，仲可以自選湯底添，如果唔想食鍋物其實亦都有好多拉麵或者飯類可以選擇，價錢$5X 已經有交易🍲除咗蜆肉同肉片之外，鍋底仲有葛絲、野菜、冬菇同豆腐♨️ 葛絲除咗冇咁容易淋之外，亦都好容易吸取湯汁，每啖都好濃嘅壽醬油味😙

一本食堂 (觀塘)觀塘鴻圖道30號3樓估佢唔到，喺近觀塘海濱公園附近鴻圖道30號，成日行過都見到有間酒樓打邊爐，原來樓上3樓仲有間日本嘢，成層都係日本食堂，裝修幾有格調，播住日本音樂，都好多人黎食。食物刺身壽司定食，鍋物燒物手卷，好多選擇，定食都只不過係$50至$80，好抵食，壽司手卷都係十零蚊一件。萬事仲有雪糕送。吉列豬扒定食65有沙律、湯、前菜，晚餐嗌個定食再加一兩件壽司都已經好夠，再加埋晚市送嘅雪糕，$100都唔使，就已經包埋甜品。雜錦天婦羅（2蝦+2瓜菜+蟹柳）56天婦羅嘅sauce甜甜的，賣相精美。炸得剛剛好，價錢相宜。佐口裙邊手卷16 有兩篇大既左口魚，連埋啲飯雖然白曬曬，但係好好食，左口天然既油分同白飯中和，𣎴錯。性價比高的日本餐廳，又坐得舒服，一定要黎試吓一本食堂，可能會成為你嘅食堂。

今次係同事介紹，公司有個同事住觀塘附近，有一日收工就跟左佢去觀塘個邊玩，因為想去觀塘海邊，未去過，我收工係中環過去都未算係好遠。去到觀塘緊係要食晚飯啦，因為太肚餓，同事就帶左我去食呢間平價日式餐廳，呢間野係樓上，可能因為租平，所以佢食物定價都唔算好貴，我叫左個鰻魚飯，而我同事叫左個魚生飯，2個都好味，佢又未去到好驚艷既質素，但我覺得佢呢個價錢呢個質素其實都好抵食，你比得呢個價錢都唔會有太大期望，但唔好太難食就可以

觀塘收工順便同朋友飯聚搵間少人知又好味又坐得舒服既就會黎呢間呢度檯同檯之間係有啲間距而且空間好大都唔會聽到隔離檯講野內容～極上三文魚雪花腩（5片）～$75有一款係近腩位就$110/8片雪花腩好厚肉口感一流～京蔥拖羅蓉手卷～$24滿滿既拖羅蓉表面灑上芝麻大滿足呀～吉列豬扒拉麵豬骨湯底～$72可揀拉麵/烏冬吉列豬扒香脆皮薄拉麵麵身有韌度😍每檯都有一壺熱茶自助手寫落單有加一最後食晒預備埋單時居然送左杯雪糕好驚喜😍

位於工廈嘅日本食堂，環境唔錯，坐得舒服，兩個人傾偈好啱。呢到d食物質素都幾好，特別要推介食生蠔，好鮮甜，好新鮮，有驚喜。另外佢個燒墨魚都好好食😋，佢啲魚生都好新鮮。

《📍一本食堂食評》@ihungry.hk各位喺觀塘返工嘅打工仔請留意🤓返工唔知食乜好❓食來食去都係茶餐廳❓今日小編為大家發掘到一間隱世日本料理餐廳，位於觀塘至牛頭角交界嘅一本食堂，一間超有我風味嘅日本餐廳🇯🇵！一本食堂提供多款日本料理，包括丼食、定食、壽司刺身、串燒、日本酒等等、價錢仲要係超平民，每次lunch上去都爆場🔥！想知道係咪真係咁正，等小編即刻話俾你知😝！🔸『吉列豬扒烏冬 - $72』眼見豬扒🐷🐷大大舊又脆卜卜，小編已經覺得心動了！先讚讚炸豬扒炸得金黃香脆，充滿肉汁，唔會炸得過鞋過硬，絕對有水準🤩！仲有超香濃嘅豬骨湯烏冬，一上枱就聞到濃濃豬骨香味，入口係超清甜又香濃，仲要加埋Q彈嘅烏冬，加埋新鮮蔬菜，感覺超級滿足，同日本餐廳水準有得揮😎！🔸『咖喱雞扒定食 - $72』定食包括麵豉湯同埋海草沙律，絕對係對得起價錢！重點係咖喱醬係超級濃郁🥘，裏面除咗加入大大塊鮮嫩雞扒，仲有勁多新鮮蔬菜，真係令小編意想不到，大部份出面嘅咖喱定食都係好似超級市場買到嘅10分鐘調味包咁，估唔到咁足料👍🏻👍🏻👍🏻！🔸『時令生蠔 - $15』整晚嘅highlight來了‼️超級鍾意食生蠔嘅，小編竟然搵到隱世

附近入住，想食日本料理，看著推薦最多的來。點了兩份定食，每份75元，追加了壽司跟跟餐小食。小食做的一般般，感覺不是很新鮮，不值得點；炸物的油感太重，不是酥脆口感，麵包糠太過厚身。刺身中規中舉，相對來說可以接受。但看著如此高分所以過去品嚐，確實有點失望，不是值得特意過去品嚐的。賣相一般般，也沒有刻意影相。環境到時相當寬敞，不會有擁擠感，如果炸物跟小食可以在好好提升一下，應該可以做個更好一些，希望店家多加油改善。

觀塘親民抵食日式餐廳 尋日講完佢哋花之戀 今日講講呢間餐廳 價錢唔貴 而且足料 午市定食都係$41～$68左右 如果下午茶仲抵 幾鍾意佢哋（午市 下午茶 晚市餐牌睇圖）.如果晚市比較特別嘅有⭐️特長燒鰻魚壽司$30 🥰差唔多成隻碟咁長⭐️珍寶赤蝦刺身$12 大隻厚肉⭐️時令生蠔$15 肥美飽滿.佢哋定食/麵類 都係比較大份⭐️三文魚親子丼表面放滿左三文魚刺身 同埋大量魚籽值得一讚嘅係 刺身接近腩位 油脂感十足⭐️天婦羅拉麵/烏冬🔥天婦羅係有驚喜嘅 炸粉薄 而且唔鬆散👍🏻海老 同南瓜茄子都比較厚 唔會薄唧唧但呢次叫咗地獄湯烏冬 感覺普通如果叫返鰹魚汁稻庭烏冬 會有日本風味好多 一解思鄉感覺.如果想食好啲 可以試試⭐️廚師發板壽司10件$288採用日本季節海產 呢次包括（真鯛 平目 伊佐木 金線 深海池魚 油甘魚 大拖羅 珍寶帶子 牡丹蝦 日本小川海膽）.餐廳環境舒服 而且價錢親民 整體水平都唔錯當中最估唔到係佢地天婦羅 做得好過好多餐廳.#hkfunfoodrecord窮遊香港#hkfunfoodrecord_觀塘.#一本食堂 (觀塘)地址：觀塘鴻圖道30號3樓.⭐️評分：味道：4/5環境：4.5/

尋晚同朋友嚟到觀塘工廈呢邊食飯～見到呢到既晚市優惠都幾吸引就上左去🤣🤣呢度嗰場好大，裝修都幾别緻💕食物種類同選擇都幾多，我哋嗌左幾款壽司刺身同鍋物share👐👐✨珍寶赤蝦刺身✨珍寶赤蝦無欺場，每隻都係$12就有交易～店方仲去埋蝦腸，爽！！！✨大大花之戀✨呢件花之戀真係有女仔既拳頭咁上下大，我哋兩個人一人半件都食得好滿足🤣🤣✨黃金魷魚軍艦✨壽司同軍艦都可以免費升級為相撲size，岩曬大食既朋友仔😆😆✨蟹籽手卷✨蟹籽手卷十分足料，食到最後一口都有脆卜卜既蟹籽🤗🤗✨肥牛野菜葛絲鍋✨鍋物配料都好豐富，有好幾款湯底可以揀～我哋要左開胃既蕃茄湯，葛絲口感QQ又吸湯，yummy!!!原來食完職員會為我哋送上雪糕杯作為甜品～一人一杯，so sweet 😚😚😚

一入門口已經覺得個場好大場內仲有淡淡粉紅櫻花裝飾感覺好舒服😚檯同櫈都大張同埋有距離感係觀塘好難得坐得舒服既餐廳刺身壽司有好多款定食同炸物等熟食都唔少選擇炸軟殼蟹反卷6件$79每件反卷都有青瓜🥒平衡一下油炸感外面再沾滿蟹籽鮮帶子壽司$19/件帶子好大件握既飯量唔多所以好突出到啖啖肉既帶子雜錦魚生丼$97呢度既雜錦魚生並唔係用角切既魚生全部都係原隻原塊原片既刺身絕不欺場！最尾仲會送雪糕好窩心餐廳都被工廈/商業大廈包圍附近返工人士有口福了！

今日黎到鴻圖道座標 - 一本食堂黎過鴻圖道嘅人一定知道個座標係咩, 超級容易搵, 牛頭角地鐵站行過去都係5分鐘.一間喺工業區遠離鬧市既隱秘日本菜上到去門口已經見到款式有好多選擇, 餐廳裏面好寬敞, 而且有個櫻花樹下嘅打卡位🌸, 真係好似去咗日本咁❤️必食推介❤️特長燒鰻魚壽司真係原條既長度, 長過我手板呀. 而且熱辣辣, 好肥美，食落啖啖肉炸軟殼蟹反卷即叫即炸, 食落好鬆脆, 而且一碟有六件, 抵食大大花之戀 叫黎睇下有幾大😆真係拳頭咁大,超多沙律醬,三文魚好厚切另外再叫左幾款壽司🍣蟹籽壽司 黃金魷魚壽司 味付螺肉壽司 蟹柳壽司 馬刀貝壽司 墨魚壽司全部都好新鮮 而且飯量都好夠店家有個特色 叫相撲壽司所有壽司都可以免費升級至相撲壽司比普通壽司飯量增加20g鐘意食飯既朋友可以黎挑戰下食完諗住埋單之際原來重雪糕送🍵玄米茶味🍵茶味好濃 而且唔係好甜好好食