一本食堂

營業中

休息中

一本食堂琴晚入咗觀塘搵野食，搵到一間喺鴻圖道食日本野嘅餐廳，佢哋間餐廳要上3樓，臨搭之前有大約2吋高嘅一級，好彩我有帶斜板，之前睇OR都唔準嘅。入到餐廳已經感覺間餐廳好大，大到店員問我想坐邊度，我一望已經比櫻花吸引住，呢間最靚嘅打卡位就喺櫻花樹旁邊果張枱，我即係話想坐櫻花隔離！😅😅1.吉列豬扒定食 $62（7/10）呢個吉列豬扒地食有麵豉湯、中華沙律、 吉列豬扒、沙律菜同飯。麵豉湯唔鹹，中華沙律唔辣， 沙律菜好新鮮多水，不過吉列豬扒炸粉太厚，豬扒有6舊，飯係珍珠米有趙口有飯香！2.咖哩肥牛定食$69（8/10）呢個咖哩唔辣又唔甜，係自家製，但鹹咗少少，肥牛唔韌，份量算多！3.炸軟殼蟹反卷$75（9/10）呢碟炸軟殼蟹反卷有6件，外面炸得好鬆脆，蟹腳好長，要分兩啖食，啱啱炸起入面仲熱！總結：紙杯底好得意，翻轉個杯入面茶葉唔會倒出嚟，因為茶葉面有層紙膜包住，係另類茶包！食完之後餐廳送每人一盒細雪糕，今晚係送芝麻味，送雪糕只限晚餐！2人總共價錢$227，有加一服務費！個人口味總評分：8/10@itsuponsyokudou地址：觀塘鴻圖道30號3樓#觀塘美食 #一本食堂 #hkfoodie

鍾意周圍搵食的我，今日去咗官塘鴻圖道的《一本食堂》，呢度食物選擇多，有刺身、壽司、鍋物、串燒、定食等，每款食物都唔貴，好抵食呢度仲有幾款抵食推介，其中赤蝦刺身/生蠔，都好多人推介阿根廷珍寶赤蝦刺身$12/隻$12隻的珍寶size的赤蝦，簡直超值，赤蝦新鮮，肉質仲非常彈牙魚生碎蟹籽沙律（2人前）$58粒粒刺身，有三文魚、吞拿魚、油甘魚、蟹柳、蝦籽等，以青瓜墊底，青爽新鮮雜錦天婦羅$532蝦+2蟹柳+1青椒+1茄子天婦羅粉漿薄，清爽唔油膩，入口香脆赤龍卷$50新鮮彈牙赤蝦炸至酥脆，再以軟糯日本米飯包裹，入口酥軟香脆，仲只係$50，真係抵食餐後甜品⋯芒果雪糕（免費）

平時喺觀塘返工，放工嘅時候想食啲平平哋嘅日本菜，咁啱經過呢間餐廳就你試吓！呢間餐廳樓下兩層都係茶樓，第三層成曾都係佢哋嘅，所以地方好闊落，坐得都好舒服！你估唔到佢嘅食物都會有驚喜，超足料啊！火焰親子卷🍥其實當時我哋唔係好肚餓所以就叫咗兩款食物。呢個火焰親子卷創新得來有幾好味！最外面係火炙三文魚薄片，跟住就係一啲蟹子，最外面就係捲着一小舊蟹柳，一啖咬落去，口感豐富，層次分明！不錯！雜錦壽司B款🍣呢款壽司拼盤就會匯聚好多唔同嘅壽司，二百幾蚊就可以食到咁多壽司其實都幾抵！而且壽司上面嘅如山全部得好新鮮，而且份量都好大，仔細睇可以見到佢嘅三文魚係捲埋底面既，熱北寄貝就係每舊壽司都會有兩塊，所以食落都給我滿足！除咗壽司之外佢仲有好多唔同嘅日本菜，例如鍋物，串燒，定食之類，大家如果行開附近都可以去試吓啦！

好多選擇嘅居酒屋🏮想食嘅日本嘢，大多數都有齊，價錢仲要超抵食。刺身拼盤 - 有3款 $78 珍寶蝦刺身 $12隻新鮮抵食 賣相幾好雜錦天婦羅🍤$53 樣樣都有啲 滿足到 眼闊肚窄嘅我特長燒鰻魚壽司$28隻，暖暖哋，加埋鰻魚汁超正推介- 松葉蟹味嚐甲羅燒 $68自己燒 再配多士 勁好食 仲要咁平 必食之選最鍾意食日本熱鍋，鹿兒島豚肉蜆肉鍋$72份量幾多 仲有類似粉絲 可加錢轉烏冬地方闊落，坐得舒服，價錢超抵食，食咗咁多嘢都係三百幾蚊，想食嘅日本嘢幾乎都有，值得一試

呢度座位非常之多，坐得好舒服，店內有櫻花樹🌸同燈籠🏮，好有日本feel~時令生蠔 $15價錢真係好抵，$15就食到好新鮮嘅生蠔~仲有比一般平價生蠔大隻😋雜錦天婦羅 $53炸粉薄而脆，配上天婦羅汁同蘿蔔蓉，蝦都新鮮彈牙，蔬菜固然好夾👍🏻玉子、油甘魚、帶子壽司三文魚、京蔥拖羅茸、左口魚邊手卷全部都有得揀壽司/手卷，手卷貴$2-3，想食飽啲就揀手卷🤣因為都幾大舊，魚生又新鮮又都多，夠餸哂成隻手卷😋壽司飯調味同黏度都很適中，整體不錯👍🏻😌

今年第一餐嘅生日飯，原本想食放題，但係另一個十二月之星提意嚟呢間抵食嘅日本餐廳。呢間食物新鮮味道唔錯，價錢亦合理，由其餐牌上嘅特價之選，坐亦舒服，加上朋友咁有心請我哋兩個壽星食飯，好開心嘅一晚。三文魚近腩刺身，鮮帶子刺身，赤貝刺身各8件，三文魚好新鮮肥美，帶子都唔錯，赤貝稍遜色，就係外面一包包嘅赤貝。 阿根廷赤蝦，令和。其實兩樣都幾好，不過令和無職員講嘅creamy。加拿大海膽壽司，大大片海膽好滿足。大大花之戀，喺食評見到好吸引，係普通花之戀嘅兩倍，咁大件食都係一個技巧嚟㗎。佐口裙邊壽司，京蔥拖羅蓉壽司，芥辣八爪魚壽司，第一次食無火炙嘅左口魚裙邊，都唔錯，不過燒過嘅油香味重啲。特長燒鰻魚壽司。赤龍卷汁燒茄子串，鹽燒牛舌串，茄子再燒透啲會更好，牛舌好味，厚身唔韌。肥牛野菜葛絲鍋(細鍋)。滑蛋雞扒鍋飯。每位有一杯免費海鹽雪糕。

呢間餐廳在樓上，雖然不算好顯眼但位於好多人返工都經過的鴻圖道，在鴻圖茶餐廳上面，位置好易記，早幾日去食過質素都唔差。✨雜錦魚生丼一次過可以食唔同樣刺身，每樣厚度唔會太薄，厚肉仲有新鮮，顏色望落唔錯！魚生下面飯底都有心思，粒粒飽滿的珍珠米飯有少少飯素調味，不會搶走魚生鮮味✨希靈魚壽司(件）呢個係我最鍾意嘅魚生之一，最愛佢嘅爽口感覺，呢件壽司做到而且好大件好滿足✨鮮帶子壽司(件）帶子開邊放在壽司上，但因為厚肉所以開邊後仍好有口感好鮮甜✨佐口裙邊壽司(件）油份豐富，肥美得嚟帶爽口感✨大大花之戀(件）真係好大件，夾起嚟更感受到重量，三文魚腩好厚肉仲有不少蟹籽

今日經開觀塘，決定喺度食晚餐之前見到介紹鴻圖道上邊有間性價比高日式餐廳 一於上去試吓～呢間餐廳位於2樓，地方真係好大😆 啱晒聚會人士🤗價錢果然大眾化，種類又多，咁就簡單咁試幾樣嘢🤪魚生碎蟹子沙律呢個真係大力推薦！$58勁大盤！係爽脆嘅青瓜絲 加上蟹柳蟹子 再配上沙律醬同魚生 口感一流！ 兩三個人share食都冇問題💯見到刺身拼盤有特價，叫咗牡丹蝦+帶子+三文魚牡丹蝦大大隻 好鮮甜 三文魚厚切，油脂十足，好好味～佐口裙邊手卷估唔到手卷都咁大份！ 紫菜配上佐口裙邊，味道好夾鹽燒牛舌串試埋佢啲串燒，估唔到火候都唔錯💯有成三大塊 爽口好吃！最後仲送咗個雪糕🍦,美好的一晚

估唔到可以喺呢間日本餐廳遇到$15隻日本生蠔 真心抵雖然佢冇一般日本生蠔嘅creamy感但勝在入口清爽 又夠新鮮海水味就唔及法國生蠔啦但係$15隻真係性價比滿分呢度另外嘅壽司刺身都好抵食珍寶赤蝦刺身$12隻Size真係大又肥美滋味無窮 食落富膠質基本上嚟呢度真係要點生蠔和赤蝦刺身熟食都有好多選擇日式雜錦海鮮鍋($96)加烏冬要清湯底 味道冇乜特別 真係好清烏冬冇乜特別 可能要稻庭烏冬仲好不過勝在配料款式多份量多有蝦 有青口 有帶子咁仲有免費雪糕食

黃金粟米蟹籽沙律：份量幾多下，粟米食落清甜唔會有雪味，成個沙律食落好爽身！黃金魷魚手卷：大半件手卷都有黃金魷魚，好足料，食落口感爽脆！芥辣八爪魚手卷：食落章魚幾新鮮，入味幾重芥末味，但成件事好開胃，口感爽口彈牙！牛舌、豚肉串燒：牛舌厚身，重肉味，豚肉肥瘦均勻，油脂好豐富！蕃茄野菌雜菜豆腐鍋：濃郁既蕃茄湯底，令到入面既粉絲好入味！豆腐好滑身，食完個鍋好滿足！火焰壽司拼盤：呢個拼盤有6件壽司，分別係三文魚、鮮帶子、吞拿魚、佐口魚裙邊、劍魚腩同埋芝士甜蝦，全部都新鮮好味，最鍾意佐口魚裙邊，油脂香無得輸，入口即溶！劍魚腩都夠肥美，好濃郁！

👍🏻廚師發辦刺身 $348一上枱嚇親，超有霸氣勁大盤🤣由廚師根據時令魚生而定，當日一共有九款魚生刺身：薄切池魚王、薄切金目鯛、真鯛、平目、鍊子鯛、粒子、油甘魚、大拖羅、牡丹蝦整體味道鮮甜，軟嫩冇筋，一次過試晒咁多款時令魚生，人多嚟食嘅話可以一試-👍🏻阿根廷赤蝦 $12/隻厚肉大隻，肉質爽彈，味道甘甜，蝦頭仲有好多膏，鮮味十足-👍🏻特長燒鰻魚壽司 $28/件店長推薦嘅必試item！每條鰻魚目測有接近20cm長😎肉質係有彈性個種，唔會一夾魚肉就散哂比想像中厚肉，燒得啱啱好唔會太濕太乾，鹹甜適中-👍🏻海膽刺身 $158/原板海膽size比較大舊，份量比想像中多，最緊要係冇異味/苦味，味帶甘甜配上脆卜卜嘅紫菜一齊食，大大舊放入口，入口即溶，滿足😌-👍🏻時令生蠔 $15/隻超抵食！係比較爽身個種，蠔味適中蠔肉size係呢個價嚟講算係好唔錯，而且冇腥味同新鮮，$15有生蠔食CP值好高😙-👍🏻黃金蒜香軟殼蟹 $148期間限定，呢個有驚喜！軟殼蟹斬件上，炸得非常酥脆，咬落蟹身仲有少少汁，外脆內軟唔會太油膩，而且完全冇油益味軟殼蟹沾上大量炸蒜，充滿濃濃蒜香，有啲似避風塘咁，惹味😛-👍🏻蒜香牛油炒蜆 $9

汁炒金菇肥牛烏冬🐂濃郁嘅燒汁，加埋炒香咗嘅金菇同肥牛，可以話係經典嘅組合。跟住再加埋豬骨湯底烏冬，咁又幾唔錯喎～ 最重要係佢有另上，肥牛味充分喺晒燒汁同肉嘅本身，係正嘅！🙊·海膽蛋白帶子炒飯🍲真係有海膽嘅！睇得好清楚，可以話係真材實料⋯同埋都見到好多帶子粒喺啲飯到，都算係唔錯嘅炒飯嚟～·鹽燒牛舌串🐂 & 多春魚🐟牛舌每塊都好厚身，食落彈牙又有肉汁，係開心嘅～落少少鹽去燒香佢，喺面有少少燒烤味，同埋少少脆口咁就已經好好～ 同埋牛舌嘅牛味永遠都係最重，食得幾滿足！·多春魚燒得唔算太乾身，保留返些少水份，食材夠新鮮就可以喇～·炭燒雞肉串🐔雞肉夠彈牙，有肉汁又冇雪味，仲要燒得好香～加埋一啲好特別嘅調味，我都唔知係啲乜嘢⋯ 好神秘，但好惹味喎！！！🙆🏻‍♂️·大和牛粒串🐂食到有牛味，亦都唔會燒得太韌。唔需要落太多調味，有肉汁鎖住、有油香，咁就足夠啦～～～🧐·香蒜牛油炒金菇🍄好耐冇食過呢個經典配搭，用生蒜炒香，加埋牛油配合獨有嘅調味，整出嚟嘅芡汁嘅金菇，真係不得了！😋·雖然今餐係食日本菜，但有一個有泰國血統嘅打鼓frd…🇹🇭🇹🇭都忍唔住要學習吓少少基本日常生活會用到嘅泰語，食住嘢咁上泰文堂⋯🤣🤣🤣然

Passed by kwun tong this afternoon and found this hidden gemAll sorts of Japanese cuisineWith no service charge before 6pmDaily special includes prawn sashimi at $12 and oyster at $15recommended the xl eel sushi $28The portion is like what it is namedXxxxxl in sizealmost filled up the entire sushi plateThe soft yet firm feeling with a sweet and umami flavour makes eel extremely popular, especially during the winter !Another sushi that amazed me is the abalone This petite abalone is not just igab

之前放工同同事去咗觀塘呢間日式料理食下午茶，估唔到又幾抵食٩(˃̶͈̀௰˂̶͈́)و 而且款式都幾多選擇，壽司都係$8起，好抵食😆🐟刺身海膽(1格) $12日本磯煮飽魚(1隻) $18刺身方面叫咗海膽同磯煮飽魚，海膽creamy唔腥，磯煮飽魚大大隻好入味，肉質彈牙，值得一試。😋😋壽司🍣三文魚壽司(2件）$14油甘魚壽司（2件）$16牡丹蝦壽司（1件）$28珍寶帶子皇壽司(1件）$28加拿大海膽壽司（1件）$20壽司方面叫咗五款，特別推介珍寶帶子皇壽司😍😍真係好大隻，好鮮甜。油甘魚壽司肉質鮮嫩，都好好食。另外海膽都鮮甜，重海水味(⁎⁍̴̛ᴗ⁍̴̛⁎) 佢嘅下午茶都好抵食，下次再試下。

今日又約咗朋友去觀塘食一本食堂，我哋都好鐘意呢度坐得舒服又無限時！｛三文魚碎蟹籽沙律 $58｝超足料嘅沙律，一啲都唔吝嗇咁擺到成碗都係角切三文魚，配埋爽脆青瓜絲，幫我哋開晒胃！｛阿根廷赤蝦 $14/隻｝手掌咁大嘅赤蝦，鮮甜爽脆，啖啖滿足，仲要只係$14一隻，超抵！｛刺身拼盤 $68｝有三文魚、油甘魚、北寄貝、帆立貝、翡翠螺，款款都好新鮮。｛火炙左口裙邊壽司$15｝用火燒過之後迫出啲油脂，入口甘香，又帶啲啲焦香，超正！Ü