一本食堂

營業中

休息中

📍 #觀塘 #一本食堂#羊羊在觀塘#羊羊在九龍之前聽過朋友講幾好食，就經過試下啦😄餐廳都叫有日式元素，有櫻花裝飾打下卡📸不過格局比較似茶記🤣最特別係食完飯，每人都有杯雪糕🍦✨雜錦刺身(26片) $276擺盤都唔錯，但係太多冰冇嘢隔住啲刺身，有啲太硬🫠厚度正常，三文魚刺身都油脂味夠，帶子同蝦就真係雪都冇味🥶✨ 特長燒鰻魚壽司(1件) $30大就大，應該用長比較恰當🤣好幼咁，似一開二🥲味道正常，汁都唔似自家製🤪✨ 大大花之戀(1件）$38真係有拳頭咁大，上面仲唧咗海量沙律醬，好邪惡😈但係咁大件最後都係拆開食，可能啱打卡啲，下次正常叫返3件壽司好了😹✨炸軟殼蟹反卷(6件）$79又係大大件，餡都好足，反而想淨食尾個件，爆料✌🏻✨鹿兒島豚肉蜆肉鍋 $76味道清甜，應該冇咩味精😛不過份量偏少，蜆肉好薄身，豚肉得幾塊薄切，墊底菜都唔俾多棵🥹✨滑蛋吉列豬扒鍋飯 $68滑蛋都幾滑，豬扒稍稍瘦啲乾啲🤏另外因為晚市定食嚟，所以包埋前菜同湯🥣🙅🏻‍♀️✨香蒜雞軟骨 $58真係唔推薦😣呢碟比較似避風塘炒，仲加咗少少鹹蛋黃炒幾有心機，點知雞軟骨超少，蒜就一堆，仲要凍的😔✨板燒牛舌 $83好有家庭feel，牛舌軟硬程

今日同朋友有要事去咗觀塘海濱附近。搞掂後，咁啱肚餓又想食日本野，見到前面有間，即刻走咗去，一去不得了，令我當下寫咗食評。入到去一本食堂，環境氣氛都好友日本嘅特色，座位同洗手間光落又光猛，洗手間亦相對乾淨，喺叫嘢食之前已經有好好嘅印象。我哋兩個總共嗌咗幾碟嘢，包括泰式海虎蝦，時令生蠔，鹿兒島豚肉蜆肉鍋，火焰壽司拼盤，芥末醬脆脆卷，全部都係熱門的菜式，最後仲有一個驚喜甜品，幫襯晩市嘅話會多一個雪糕。泰式海虎蝦新鮮嘅虎蝦，我分咗兩種唔同食法，醬同冇醬，虎蝦味道鮮甜，入口亦有好有膠質，加咗泰式醬之後，更加吊出蝦嘅鮮味，酸辣嘅醬，令呢份頭盤增加我嘅食慾。時令生蠔接下落嚟嚟咗一隻生蠔，生蠔唔使加檸檬一口食晒，鮮甜多汁。鹿兒島豚肉蜆肉鍋我哋揀選左韓式味道，食起上嚟唔係好辣，亦好特別，最令人深刻都係佢嘅粉絲，個鍋吸收左豚肉同蜆肉的味道，夾埋一齊幾好食😋。火焰壽司拼盤和芥末醬脆脆卷兩個壽司各有特色，魚肉鮮味，被壽司表層俾火焰燒過，口感有所昇華。芥末醬脆脆卷亦不比火焰壽司拼盤遜色，食落口感豐富，亦好脆，食完亦沒有肥膩感。

❤️重點：環境舒適，價錢親民❤️上到去好日本🇯🇵feel 餐廳中間仲有棵偽櫻花樹既裝飾 另一方放有好多日本酒同日本和風傘，地方算大 同坐得好舒服 😌叫左個活赤貝，牡丹蝦刺身，軟殼蟹天婦羅，雜錦海鮮飯🫶🏻刺身好新鮮同鮮甜❤️🫶🏻而炸軟殼蟹好鬆脆，入面仲有蟹膏 超正脆卜卜 好滿足 🫶🏻雜錦刺身海鮮飯（跟麵豉湯）係巨大版，超級多種類既刺身，一共有8款 而且款款都好新鮮 不過係啲飯硬左小小 （細食朋友仔建議叫小飯，因為好大碗）

餐廳位置好寬敞，而且好多日系嘅佈置，就咁觀察以為野食會好貴，但係最意外嘅係都好抵食😍三文魚刺身🐟美味指數：👅👅👅👅 (4/5)三文魚好厚肉好新鮮，仲要係腩嘅部位，啖啖都好多油脂‼️鵝肝肥牛炒飯🍚美味指數：👅👅👅 (3/5)個炒飯係幾好食，鵝肝同埋肥牛再加飯呢個配搭都好夾，但係如果多啲配料就更加好啦😗鹽燒牛舌🐮美味指數：👅👅👅👅 (4/5)身為牛舌愛好者，覺得呢個串燒幾好食！香口得來都幾有咬口🤣

今日終於搞掂哂啲工作煩惱事，一身都鬆哂！放工當然係要約下朋友見下啦！今次我哋嚟到一本食堂，喺樓下已經見到入面有好搶眼嘅大紅燈籠同埋櫻花，好似環境幾好咁喎！坐低發現環境好闊落，而且亦都好光猛，整體感覺好舒服，好有日本嘅氛圍～我哋最後點左10隻泰式生蝦、脆脆卷、生蠔、火焰壽司拼同埋豚肉蜆肉鍋～泰式生蝦同埋蒜片+泰式酸辣醬依個組合真係好夾，香料嘅辛辣同埋魚露嘅酸甜都令到蝦嘅口感更加豐富有層次，生蝦嘅肉質亦十分鮮甜，必食！另外脆脆卷亦都十分精緻，係三文魚加天婦羅嘅反卷嚟嘅，每一舊卷物上面都會有一Pat芥末醬，食落好惹味～生蠔嘅大小亦都適中，價錢相宜，食得出係新鮮嘅生蠔，配埋檸檬汁真係諗返起都流口水！另外我哋都點咗火焰壽司拼盤，分別有火炙甜蝦、帶子、左口魚、三文魚、牛肉同埋一種唔記得叫咩名嘅魚😂😂個人覺得用料新鮮，食得出食材原本嘅鮮味，最欣賞係左口魚壽司，因為食落真係入口即溶，超正！！最後，我哋都點咗一個豚肉蜆鍋，我哋點咗朝鮮湯底，飲落去有少少嘅辣味，而鍋中亦有蜆、豚肉同埋大量嘅粉絲、金菇蔬菜，材料吸晒湯汁嘅鮮味，好滿足！！

第一次嚟呢間日本餐廳食飯入到嚟背景音樂keep住播一啲好Hit嘅動漫主題曲，好有日本氣氛落完單之後斟茶，發現佢呢度嘅茶杯好獨特！從來都未見過，可以直接將茶包陷入茶杯底，設計好新穎唔會誤飲茶葉，不過飲到底會太苦見隔籬枱叫咗好多生蠔逐隻啪，都令我哋蠔癮g起我哋兩個人叫咗半打，一人三隻好夠食，呢個價錢性價比10分高，蠔肉飽滿，食落爽甜一口將蠔肉放入口中，滿滿海水嘅鮮味珍寶赤蝦好大隻，冰鎮之餘，亦都好爽口彈牙同朋友叫咗個雜錦魚生丼，share食份量好足估唔到價錢唔貴，但係有10款配料：分別係三文魚，吞拿魚，鯛魚，墨魚，帶子，赤蝦北寄貝，蟹柳，玉子，中華沙律，等等......每款刺身都最少有2片，而且食落都好新鮮總括嚟講好抵食希望再嚟 encore

同朋友夜晚食嘢，搜尋觀塘日本嘢，好快就見到呢間餐廳搵到呢一幢大廈嘅舊式lift，上嚟到成層樓都係餐廳，好闊落！首先叫咗個壽司拼盤火炙嘅壽司燒得好香，無論係魚油定係飯都布滿左微「焦」嘅氣味6款嘅火炙壽司分別有：芝士甜蝦，帶子，左口魚裙邊，劍魚腩，吞拿魚同埋三文魚每一款師傅都將壽司嘅形狀握得好實，而且壽司上面魚肉係蓋過飯，幾乎睇唔到下面嘅飯芝士甜蝦有3隻，都甜，帶子同劍魚腩加上些少甜醬油點綴，左口魚綑邊入口即溶全部魚肉嘅表面都燒到金黃，魚油豐腴到滴咗落隻碟度特長鰻魚壽司一碟頂人哋6件壽司嘅長度，鰻魚肉好巨型上面嘅鰻魚差唔多可以包住舊飯三圈，好似食緊京都嘅鰻魚重咁食完飯最後店員仲話有雪糕送，估唔到晚市食飯已經食飽飽，最後可以用甜品作結菠蘿椰子都幾香，食幾啖就食完，唔多唔少，啱啱好幾圓滿

黎左觀塘咁多次，第一次黎呢間，性價比高，款式都多，我見下年茶$40以下，堅抵.泰汁海虎蝦刺身 - 夠鮮，最鐘意配埋超辣既辣椒粒，10隻$98好抵鮮帶子刺身 清酒煮蜆- 蜆充滿著淡淡既清酒味香芒芥末醬脆脆卷- 呢個幾特別，平時啲卷有芒果都無咩特別，但唔知係咪因為有脆脆關係，個芒果味好出😆 仲要有柴魚包著，兩種既脆感👍🏻特長燒鰻魚壽司- 長得黎肉質都厚😆 鐘意食鰻魚既一定鐘意.晚市仲會有杯雪糕仔🤣奶茶味，大滿足，睇個卡路里都唔係好多.同埋坐得舒服，約朋友叫杯酒，傾計一流

新年充滿節日氣氛🧧真係唔想煮飯👩‍🍳所以成日出街食😂今次就去觀塘呢間一本食堂食日本野！呢間餐廳地方寬敞👍🏻設計非常之日系👘🎌🏯坐低枱面有啲已經裝好茶葉嘅紙杯🍵俾你自己沖茶飲😍😍相當貼心😆食日本嘢梗係唔少得壽司🍣🍣同定食，我哋今次就叫咗一個火焰壽司🍣拼盤$122，一個吉列豬扒🐷定食$65，一件特長燒鰻魚🧜‍♀️壽司$30同一隻時令生蠔$15🦪🦪火焰壽司拼盤🍣🍣呢個壽司拼盤一份有6️⃣件，包括三文魚🍣鮮帶子🧡佐口裙邊💚吞拿魚🍣劍魚腩🐟芝士甜蝦🧀🦐件件都相當鮮甜，而且火炙過仲更加香❣️❣️🐽吉列豬扒定食呢個定食超級抵食呀❣️❣️包咗碗飯🍚麵豉湯🥣中華沙律🥗成份炸豬扒🐷同埋啲沙律菜😆豬扒炸得好鬆脆😋配埋沙律菜感覺一啲都唔肥膩🥳🥳食完飲啖麵豉湯😚再配埋杯熱茶🍵真係一流🥰🥰特長燒鰻魚壽司💓呢個鰻魚壽司真係名副其實🤤🤤原條勁長嘅燒鰻魚夠晒肥美😳😳又燒得夠香😍超級推介🉐🦪時令生蠔佢哋當日新鮮返貨嘅生蠔🈶係法國生蠔，加咗少少檸檬汁🍋🍋之後令佢嘅鮮味更加出🤩夠晒creamy 😋😋食完仲有個芝麻味雪糕🍦送！so sweet🥰食完過APM行街啱啱好🛍🛍

叫左5款食物，人均連加一都係約 $200，晚市日本餐黎講算幾抵! 最近仲要一幫襯晚市就有雪糕送! 今次送港式奶茶味!🔸鮮帶子刺身 (8片) $65帶子以檸檬片相簡，入口帶檸檬香，肉質軟嫩，呢個價錢，無慾無求啦!🔸泰式海虎蝦刺身 $98其他餐廳普偏 $100起跳，呢間仲一碟有10隻，算抵! 虎蝦厚身，入口帶點鮮膠質，必沾佢既泰式辣醬! 酸辣開胃!🔸特長燒鰻魚壽司 $30/件推薦!!仲長過我手掌! 鰻魚厚身，外皮佔左一半有多，就知佢幾肥😂食落彈牙，絕對唔係平時超市賣既急凍貨。🔸香芒芥末醬脆脆卷 (8件) $58外層沾上木魚碎，少見既組合😂入面包左三文魚、青瓜絲同炸米粉脆脆，口感豐富。🔸清酒煮蜆 $87蜆肉算大隻又漲卜卜，湯頭清甜，帶微微酒味。

松葉蟹味噌甲羅燒$48蟹殼內有蟹肉、蟹膏、蟹子同生雞蛋,店員親自幫我們燒熱之後後撈好。配搭 麵包一齊食👍🏻👍🏻正濃濃既蟹膏味😋😋😋滑蛋吉列豬扒鍋飯 $65又平又超大磅特級肥牛烏冬(豬骨湯)$70肥牛非常重手🤭份糧好多同朋友一齊食都仲有鹽燒雞軟骨串(1串)$14大和牛粒串(1串)$27餐廳整體環境空間感十足夠大坐得舒服，適合一班人下班聚會😝台上紙杯可以直接倒熱水就有茶🤭🤭發現新大陸

平日我哋揀餐廳都會做好晒功課先，好多時真係睇相都知大概係點，咁做真係可以減少中伏嘅機會🫣。今次去呢間可以話係勇者挑戰系列🦾，評語好壞參半，有啲話好抵食又有啲話係伏，趁住喺觀塘打完拳就親身去試吓。.📍松葉蟹甲羅燒($48)蟹膏配上多士都唔錯👍🏻.先嚟散點幾款魚生自製個刺身拼盤先📍珍寶帶子皇($48): 厚肉又大隻，口感軟嫰📍油甘魚刺身($56/3片): 大片厚身柔軟但冇咩鮮味📍時令生蠔 ($15): size幾大隻，嫰滑但唔甜📍珍寶赤蝦刺身($12): 晶瑩通透，但甜度不足. 📍三文魚軟殼蟹反卷 ($86)一客有6件仲要超大卷😍，軟殼蟹炸夠脆但食唔到蟹肉🦀，面頭加上三文魚同蟹籽都唔錯.📍火焰花之戀($38)嚟到真係俾個size嚇親❤️‍🔥， $38有拳頭咁大粒😍佛心到爆，三文魚肥美油潤仲火炙過，上面加上大量沙律醬同蟹籽，好食！📍赤龍卷($50)一客4件，中間包住炸蝦🍤加上蟹籽同芒果醬，唔錯。.📍特長燒鰻魚壽司 ($28)鰻魚幼身但幾厚似又夠長，食落幾香，如果燒得乾身啲更正✨📍佐口裙邊壽司($13）口感柔軟順滑，但如果燒過會更香📍酥炸吉列蠔($48)一碟5粒，炸得酥脆唔油膩，蠔肉juicy好

呢間餐廳話佢係隱世日本料理店絕不為過，位於觀塘鴻圖道30號3樓，唔係喺呢邊返工嘅話根本唔會留意倒佢，餐廳面積超大，好寬躺，睇得出老闆用心裝修，粉白色系櫻花🌸、和風紙傘同燈籠🏮呢度有平民價勁抵食嘅刺身，時令生蠔低至$15一隻😱 原板海膽都只係$158！廚師發辦刺身拼盤有18片共9款刺身，都只係$348！😱各樣定食、鍋物、一品料理、串燒、揚物等等，基本上平時日本料理數得出嘅食品種類都一應俱全，今次蕃薯妹嚟接friend子放工，想食吓壽司，就嚟試吓佢啦😋時令生蠔 $15⭐️推薦👍🏻超抵食！15蚊一隻真·新鮮嘅生蠔，雖然唔係好大隻，但係幾鮮甜，佢嘅蠔身係比較爽口，唔係creamy嗰種，CP值高值得一試😌特長燒鰻魚壽司 $28⭐️推薦👍🏻大癲！咁大條嘅鰻魚壽司都只係$28，佢同壽司拼盤一齊上檯，強烈對比😂 鰻魚夠厚身，好味。火焰壽司拼盤壽司 $1186件壽司包括三文魚、帶子、吞拿魚、佐口魚裙邊、劍魚腩、芝士甜蝦，蕃薯妹特別鐘意食火炙過嘅壽司，魚油香經過火炙之後迫曬出嚟🤤散叫壽司：❀大八爪魚 $20❀海虎蝦 $15❀佐口裙邊 $13❀黃金魷魚 $17壽司類全部都唔錯👍🏻 另外餐廳主打相撲壽司（比普通壽

觀塘真係好多好嘢食，同朋友想食日本野，觀塘一定唔會令你失望，今日去到<一本食堂>,場地又大又靚，入到去就有好靚嘅佈置嘢食都好豐富㗎，好多選擇:💫加拿大海膽壽司:必叫，新鮮💫大大花之戀:好靚，而且大大隻💫雜錦天婦羅(2蝦加冬菇，茄子，蟹柳)一上台真係超靚，原來好大塊嗰個係<面>天婦羅。好正！💫香煎羊架:呢個真係好有驚喜，配薄荷醬真係一流💫肥牛野菜芋絲鍋蕃茄湯底加烏冬，蕃茄湯底好濃郁💫赤貝刺身，呢個都係好新鮮總括嚟講，佢嘅刺身係新鮮嘅！值得一讚!!

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝓌𝓊𝓃 𝒯𝑜𝓃𝑔店內裝修有靚靚櫻花，可以FF下自己去左日本🌸落完單發現佢個茶杯好特別，裡面已經暗藏茶葉，只要加熱水入去浸一陣就有茶飲🌟佐口群邊壽司加左葱花可以稍為平衡佐口魚群邊的豐富油脂感，感覺肥美得黎又唔會太膩🌟京葱拖羅茸壽司🍣拖羅茸滿滿的多到就要瀉出黎，京葱味唔會太強搶左拖羅的味🌟鮮帶子壽司鮮甜，唔會好似急凍帶子咁凍冰冰🌟特長燒鰻魚壽司勁大條，餐牌無照騙，而且魚肉爽口無骨，真心推介🌟韓式年糕捲餅(粟米芝士味)因為大人氣的水牛芝士味賣晒所以叫左粟米芝士味，但芝士控都係覺得有更多芝士就好啦，希望下次食到啦🌟刺身船砌得好靚，打咭一流，【生蠔新鮮】$15隻咋😆、【螺肉】好鮮甜，【吞拿魚】好厚切，好滿足，【立魚】同【甜蝦】比較淡口，可能係我太心急食左螺同蠔先，如果有薑片清下味就好啦，海膽好大份，真係超值😍食飽諗住埋單，點知職員話晚市送雪糕，驚喜😆仲要係芒果味，正！📍 一本食堂 𝐈𝐭𝐬𝐮𝐩𝐨𝐧 𝐒𝐲𝐨𝐤𝐮𝐝𝐨𝐮觀塘鴻圖道30號3樓