一幻拉麵

營業中

休息中

前幾日去尖咀食一幻, 叫左拉麵+叉燒飯套餐, 拉麵保持一貫水準啦, 最有驚喜反而係叉燒飯!食完拉面之後淋D湯底落叉燒飯度一齊食, 超好食呀!😍另外仲有就係服務員阿ken既服務態度真係超級好!非常nice又好有禮貌!而家好少有d咁好既服務員, 好到我下次都一定會再番尖咀度食😆

對住無敵大海景既拉麵店 超靚超幸福！鍾意海鮮既必食蝦湯！-🍜招牌蝦湯拉麵 ($88 +10%)推介：原味湯底、鹽味、幼麵1️⃣呢種叫法真正食出蝦湯既鮮甜，真係超濃蝦味！2️⃣溏心蛋好食，但有d熟，唔夠溏心。叉燒半肥瘦，啖啖肉。3️⃣另外叫左個濃厚豚骨、醬油口味，超鹹！！！好似食緊沾麵咁，但鹹得濟啦，最好就原味湯底、鹽味、幼麵！4️⃣海港城分店呢到對住個大海景超正！！剩係食個景都抵。👍🏻7.5/10

偶然發現一幻拉麵做緊買一送一優惠，所以約埋朋友一齊去試。我叫左一個招牌蝦湯麵，選了正常豚骨、鹽味、幼麵，加了麵穌。而我朋友就分別選了醬油湯底和味噌湯底加濃厚豚骨。試齊三個湯底，首選鹽味，其次味噌。醬油湯底實左太咸，完全蓋過了其他味。味噌相對好少少，但其實都很重味，可能我朋友選了濃厚豚骨，所以食久了都會感覺很滯。但我覺得最為失望既係上面塊叉燒，令成碗麵失色左呢間鋪保留了日本自閉模式，大部分枱都係面壁位，只有少量雙人座，如果一大班朋友就不太適合，因為一定傾唔到計。我哋當時分配到bar 枱位，面對廚房。但佢通風做得不錯，至少我們食完，身上沒有很大陣味

今天我和朋友放學後在晚上享用晚餐。大約7時半進入餐廳用餐，雖然不用排隊入座，但可見大部份的座位都有人進餐。可惜坐近窗口位置能看到維港景色的座位已經爆滿，只能下次早點入座。我們點了兩份拉麵其中一份是湯面一份是拌麵，餐廳著名的湯底是有濃郁的鮮蝦熬製而成，鮮味十足！而且濃蝦拌麵更是香港餐單特有，用餐過後仍然有濃郁的鮮蝦味道在口中徘徊😋。叉燒亦口感柔軟，糖心蛋更是入口即溶。此外我們還叫了兩個消息其中一個是甜酸蝦椰菜沙律及餃子，甜酸蝦乾味道醒胃，加入椰菜後沙拉增加口感層次。餃子亦附上醬汁給客人點用，可惜味道沒有什麼特別。在桌面上餐廳亦提供不同的調味料供給客人調製自己喜愛的湯底例如蒜蓉醬七味粉及拉麵胡椒等等。

🌆外望維多利亞港迷人景致，感覺份外陶醉。只嫌食物的本土風味較重，想體驗正宗日本拉麵的，一蘭更理想，價錢亦不相上下。🥢 招牌蝦湯拉麵濃郁的蝦頭香味實屬小有，天然芳香。只不過額外添加的醬油份量太多，味道累贅，建議醬油點小量即可。豚肉比香港一蘭拉麵更入味，份量亦較多，可以加30元添吃三塊。▪️▫️整體而言大部份香港拉麵店為迎合本地市民大眾，都會特地加入更多味道元素，例如一幻拉麵的蝦湯有濃厚的的蒜味及豚肉味，雖然層次更顯豐富，但多種味道未能融合，衍生出本土風味，令吸引力大減。與傳統日本拉麵的賣點背道而馳，也是在香港市場上未能綻放異彩的主要原因。🥢 餃子皮薄料多，跟正宗日本餃子相似，蔬菜比例較高，除味道豐富更可以平衡拉麵肥膩，推薦。🥢 甜辣小蝦沙律🥢 雞髀菇普通的平常小食兩款，就不多花筆墨。

今天朋友生日，正日生日可以到一幻拉麵免費食一碗基本拉麵($88)，咁抵當然要去試下啦~7點鐘入座，冇人排隊，可以直接入，坐吧枱可以睇住廚師煮麵煮湯。叫左碟筍，$15，非常好味，好甜，好有口感。我個人本身不太喜歡筍都覺得唔錯，配埋拉麵食就更好見有飯團幾新奇，就叫左舊試下，蝦味飯團。新鮮整出尼熱辣辣好好味主角: 拉麵湯底叫左中間既適量豚骨咋，因為怕叫太濃會遮蓋住D蝦既鮮味唔錯，仲食到個湯底好香好鮮甜叉燒肉都唔錯，唔會太鞋個蛋就麻麻地拉麵都好食煎餃子，亦係十分美味$35/5pcs特濃蝦汁叉燒拌麵同樣係$88亦都係有好濃蝦汁味，都鮮甜，不過好似湯麵好食D~

記得灣仔新開張時， 大排長龍， 差不多等一小時， 只為一碗🦐拉麵， 自問沒有這種能耐。 直到佢哋喺中環和尖沙咀開咗分店， 加上遊客減少， 舖頭又做推廣，特來一試。第一次是當然係原味🦐蝦拉麵🍜 $88， 選項: 加醬油 (鹽味/味噌)，粗麵 (幼麵)，要葱 和 要生薑烤麩。 服務員姐姐，提示每碗拉麵🍜，已經有兩片叉燒和半隻流心蛋🥚。 咁就叫一個木耳青瓜小吃，$15。外觀上唔太油，先呷咗兩啖湯， 湯底的確充滿🦐蝦味， 唔覺得好咸👍。 叉燒， 入口即溶， 略欠肉味。 流心蛋， 有點太熟。 整碗🍜問題最大的是個👉粗麵， 個人喜歡食麵有𡁻頭 Al Dente，但這裡粗面實在有點兒👉太硬了😖。 幸好不像其他拉麵店， 這裏的份量算好足夠。木耳青瓜份量好足夠， 或許落得太多醋， 食到底覺得有點太酸😓。

一幻應該好多人都食過啦，而我就最鍾意尖沙咀間一幻。望住個維多利亞港，一邊食嘢一邊吹下水，可以短暫放低悶氣！ 平日夜晚8:00左右，最近呢段時間知道大家都冇心機消費，所以完全冇擔心過要等位嘅問題，餐廳比較冷清，大約坐滿左1/3-1/2嘅人已經好肚餓啦即是剔嘢食先我鍾意食辣，當然就係揀辛辣味啦等左一陣就有得食喇，個麵一放低就已經聞到好香噥嘅蝦味睇樣都知好食啦，半隻流心蛋，三片叉燒，軟硬度適中嘅拉麵，再加上勁香嘅蝦湯轉個頭就將成碗放左落肚，仲忍唔住飲咗一半個湯。個湯其實有少少鹹，都係果句，我係重口味嘅人，啱我口味！食完之後有啲口渴，要係咁飲水，可能加左味精掛。。。下次都會繼續去食！完

今日一早去尖沙咀海港城一幻食佢個9月之星拉麵。可能係比較早的關係，人未係好多，未見到好多遊客黎食。一入去先問清楚個優惠係點，原來點餐食已經要講清楚係用優惠先。點餐紙同一蘭有d類似，不過佢有伴麵揀，不過我個人就喜歡食拉麵。一於試下佢個濃厚湯底+醬油味道，要蔥，薑味天婦羅碎。麵等左一陣就黎，碗好熱，試一下個湯先，哇，好有蝦殼味，並且好好好鹹。試下隔離朋友仔果個，佢都係濃厚湯底，但係揀左鹽味，無咁鹹，個人覺得如果下次都係揀返正常濃度好d。個麵質地合格，叉燒幾薄，薑味天婦羅碎無薑味，但係夠脆的。餃子就正正常常咁la，可以一試。

最近這餐廳有promotion，八月九月生日的人在生日月內光顧，就可半價食拉麵，正日來更可以免費獲得一碗拉麵，所以過大海之前，就於朋友的生日正日來吃點了辛辣味噌蝦湯拉麵，但不能選擇辣度，如果不能吃辣就要注意了不太嗜辣我我還可以接受那一種辣度，而且有水可以免費提供，所以還好而拉麵整體就略為失望，可能是我的期望太高，只是不過不失，湯底的蝦味很濃，但不是太特別值得一讚的是近窗的位置可以看到海景，看著美景吃東西，心情特別好

之前睇生日月份優惠，見到一幻有生日的優惠，就係於正日光顧可以免費堂食拉麵，於是生日正日就去試試。如要用生日優惠，店員會於入座後要求出示身分證作核對，核對完還很有心的講聲生日快樂。祝福人生日快樂雖然是一件小事，但都已經很感激。是晚叫了辛辣味噌湯拉麵、特濃蝦汁叉燒拌麵同餃子。辛辣味噌湯拉麵的湯很濃，飲了一口已嚐到濃濃的蝦味，而且湯底食到真的是辣的，但對於比較能吃辣的本人就不夠辣本身此拉麵已有半隻溫泉蛋及2塊叉燒，而拉麵尚算可以做到麵條掛汁，但不知是什麼原因湯底好像幾滿呢，很合愛飲湯的本人至於拌麵個人就覺得比辛辣湯麵好食。拌麵的最大分別就是沒有了湯底，但仍有半隻溫泉蛋及叉燒塊，拌好後的麵條較入味，而且不太咸，很合本人口味。或許食食下會覺得口乾，店內的水是自動，可以自行倒水飲。而餃子呈上時是熱騰騰，味道和餃子皮厚度不過不失。是日坐了bar枱，可以邊食邊看廚師烹調，如果能坐靠窗位置更可以欣賞海景呢。

呢間都係過江龍嘅拉麵，上一次食係正正北海道店。但因為上次病住咁食，乜嘢印象都無，所以其實比較唔到不過其實第一啖食有驚喜龍蝦湯味好出，雖然話係辛辣味，但都唔算好辣，好過癮湯底望落去都唔算好多油，不錯不錯麵質唔錯，整得岩岩好，性價比算高，80幾蚊黎講。因為本人都幾鐘意食一蘭，依家多左個新選擇

今日同友人去海港城試食來自北海道既過江龍「一幻拉麵」海港城係有一排海景座位，有海景位、有吧枱、有卡位可惜今次就坐唔到只係坐喺偏向門口位置一幻出名蝦湯拉麵宣稱每日以新鮮甜蝦頭熬製湯底想當年我喺東京新宿已經品嚐過一幻當時食就覺得非常新鮮同驚艷因為好少可會試到咁濃既蝦汁湯底拉麵粗麵底亦非常掛湯每一啖都食到濃濃蝦湯味三種湯底包括純蝦湯、適量豚骨蝦湯及濃厚豚骨蝦湯調味方面亦有三種選擇，分別是鹽味、醬油及味噌自由選擇配搭唔同湯底、調味同埋麵條粗幼度我就揀咗蝦湯，鹽味同粗麵食落覺得無日本咁正(可能太高期望)一開始當然要飲啖濃郁蝦湯先，相當鮮甜每碗麵都會跟兩大塊叉燒，肥瘦適中，唔錯另外有半隻溏心蛋比較特別係自家製脆脆麵酥(Menu寫係紅薑天婦羅)味道幾香口，食落幾過癮Overall嚟講都唔錯有機會都會再嚟幫襯!

愈黎愈多過江龍拉麵係香港開~坦白講試過唔少都令我好失望!!😔所以哩間黎自北海道既"一幻拉麵"雖然係東京新宿店食過真係一試難忘🤤🤤🤤🤤🤤但係佢過到到香港~我都係因為有"9月份生日優惠"先有興趣過黎試下~🤣🤣(正日免費拉麵一碗~生日月份就拉麵一碗半價)一入到黎就覺得店內裝潢很不錯!!!感覺很日式~很舒服~而且入D既座位~仲有海景添!!!不過一入到黎~我覺得店內有少少蝦腥味~😯叫左碗▶️招牌蝦湯拉麵~($88)▶️適量豚骨+鹽味+粗麵食拉麵~第一啖當然既試下個湯啦~🥘湯頭做得不錯~有蝦味~亦不會太濃郁可能我揀左適量豚骨~蝦腥味都唔算好勁~麵亦都做得不錯~👍👍彈牙~掛湯力都好夠~配菜方面我覺得隻溏心蛋好好味!!!!雖然整體黎講不及日本分店咁好味~不過得覺得佢應該係我暫時最滿意既過江龍🥰🥰🥰

餃子唔係日本脆嗰隻但我個人更喜歡。幼麵比粗麵好食，因為粗面有陣鹼水味。每碗拉麵配兩塊叉燒加半隻糖心蛋。適量豬骨湯底完全冇味。原味湯底重蝦味啲。特濃豬骨湯底比較多豬骨味，但無左蝦味。建議大家喜歡鮮甜就叫原味湯底。鍾意重口味就叫特濃豬骨湯底。叉燒同糖心蛋都係正常嘢，不過不失。日本地道拉麵店一般配冰水，但這間店啲水竟然冇冰。