一寿司 (已結業)

到一壽司吃family dinner! 個個食得很開心和肚子非常滿足!壽司好新鮮 ，好味! 手卷和卷物內的魚生份量多! 芒果沙律跟一般的蟹子沙律一樣! Ok 啦! 也很大碗!日式蒸蛋滑滑的，好好味!還Order了一碗地獄拉麵和吉列豬扒石碢飯! 味道也不錯！麵質彈牙和豬骨湯夠香濃! 叉燒也是大大厚厚的! 温泉蛋也有美麗的溏心蛋黃! 吉列豬扒是厚切的! 咖哩香濃，飯是熱辣辣的! Yummy!反而個𧐢仔麵豉渴係超咸! 咸到飲唔到! 一定會再去!

兩個女仔，坐低叫左以下食物︰軟殼蟹手捲︰比想像中細件，不過不失，如果蟹肉多點就好三文魚腩壽司 (多件)︰新鮮肥美，最欣賞這裡的壽司魚和飯比例剛好，一小口咬下去，飯不會太大件，而且飯的醋味適中，溫溫的，吃下來很順口很舒服凡立貝刺身︰很很很新鮮甜美，而且很大片，絕對抵食火灸三文魚腩壽司(多件)︰肥美，燒得剛剛好，入口即化，正芝士蟹子軍艦︰不是很多壽司店都提供的款式，本人最愛，芝士味好香!三文魚子壽司︰美中不足，竟然有苦澀味，應該是鮮味才對呀...兩個人食了200多，可是很滿足畢竟日式料理價位較高，當然要吃一點好吃的!

光顧此店只是兩次，一人前第一次是正價時段，定價貴、份量大，實在不是一人開飯好選擇第二次，特價時段半價，質素好，可是十一時才入座，也不是工作過後疲累時的好選擇。是日是半價時段，點了：1. 鵝肝壽司慷慨的一大片，厚厚的，肥美豐腴，嫩嫩的，好吃！2.海膽手卷紫菜脆口，夾一片生菜，清新。海同新鮮，大大的一片，絕不欺場3.牡丹蝦壽司比一般的大和新鮮，最驚喜是連蝦頭上，有蝦糕，除了鮮味，也有賣相其他的也是中上水準，很不錯這般水準，加上半價，我絕對收貨。可是為著做半價，而硬要拉高正價價格，到位店的定位何在？再這樣下去，恐怕是做不住的了。

屯門市廣場最近幾年引進不同的品牌和食肆，打造成新界西一個主要的購物消閒焦點，其中一壽司就是近期新開張的一間食肆。其實之前同事提過晚飯時段價錢不便宜，更特意選擇九時後的優惠時段，所以未有考慮前往。剛巧我們上次午膳時路過一壽司，見午市套餐價位尚算合理，所以決定下次可以一試。今日我們一行四人到一壽司午膳。客人不算多，不用等位就可以內進。餐廳以黑色為主，與大部份的壽司店差不多。店員奉上餐牌和熱茶，餐牌上有十個套餐可供選擇，主要分A和B兩類。A) 壽司，卷物，魚生飯和烏冬，和 B) 石鍋丼。大部份的套餐也是配烏冬或蒸蛋，不過如要飲品，加$5 就咖啡或茶，加$15 就無酒精飲品，而且還要加一服務費。可能是這個價位，客源比較少。我們其中二人先到所以也先叫，同事叫了吉列豬扒玉子石鍋蒸飯配麵豉湯，而我就叫了角切魚生飯配蒸蛋。等了又等，估不到竟然是吉列豬扒玉子石鍋蒸飯先到，真是想像不到，為何一個冷食還會慢過一個熱食，已經等了十五分鐘，於是通知店員跟進，最後就是需要二十分鐘先來，真是十分失望。因為本身人流真的不多，已經要等二十分鐘。幸好店員態度也十分好，有點不好意思。起初以為可能是因為要角切魚生飯和蒸蛋一起

昨天同朋友食飯,我想食日本嘢,提議嚟呢間,因未食過想試下,7點幾唔多人唔使等位,我地坐ORDER枱,可以傾計舒服D,分別點左一些刺身,壽司,鍋等等一齊食.火炙三文魚壽司,好好味,三文魚好香,入口即溶添呀!!好正. 花之戀一般,D飯好硬,唔夠軟身及有點過凍的感覺. 不過三文魚及芒果都好味的. 三文魚壽司肥美,正,帶子壽司都好滑及香呀,都新鮮的呀!刺身: 帶子好大隻好甜好肥,甜蝦(巨SIZE)都好甜好新鮮,好正呀!! 三文魚及另一隻唔知咩魚都好新鮮的,GOOD蟹子沙律出奇的大碗呀,青瓜絲,蟹柳絲都切都好幼身,都幾好味,有一碟係四件太卷,唔記得叫咩名,賣相相當精緻,味道都OK的,仲有一個海鮮豆腐鍋,一定要趁熱食,因為凍左個面有一層薄薄的膜架,都幾豐富呀,好多料,好多細細隻的蜆,有豆腐,蝦,豆腐好滑,個湯底都幾香,其它都係好味道的,蝦都爽口,蜆仔鮮甜.朋友叫左一碟多春魚,以為有三條但其實只有一條,佢話16元原來係得一條,味道OK.食物水準都GOOD,只係D飯硬左少少. 服務真的超好,我們在想食咩,仕應已經不停的加茶,加了三次,跟住係一直不停的幫我地加茶及收碟,值得一讚呀!!

呢間店6月進駐屯門,至今遲遲末去試.今日本來去屯門食意粉.無奈食意粉間店擠滿人.轉移陣地去吃一壽司.當時一壽司只有5位客人左右.店的環境以黑色作設計.枱同椅也是黑色.連職員制服也是黑色.也算有型格.安排坐迴轉枱位置.奇怪的是枱沒有熱水供應,熱水要靠店員斟.幸好店員有禮貌和時常主動斟水.服務同效率也令人滿意.而且坐迴轉枱也沒有壓迫感.也不俗.我介紹其中幾款壽司.事實上2人吃了200元,接近100元一人也合理.三文魚壽司13元刺身紋理平均.沒有水漬.乾身.入口沒有腥味,魚味較淡.但絕對有很淡魚香味.飯粒沒有酸味.夾上也不會散.油甘魚魚身有光澤,但魚味欠決.這碟是入單的.飯粒很硬同很冷.而且夾上有鬆散的情況.帆立貝壽司.帆立貝也算鮮甜,也大件,乾身而無雪味,飯粒味道也沒有酸味.無鬆散,呢碟我只有吃火灸三文魚,奇怪的應該即製的.卻不熱,但也可迫出魚油香味.火灸的食物的確好食.飯粒也很冷很硬.埋單就200元.其實合理的....如果下次去屯門看電影我應該會再去.

近十年的迴轉壽司界的生態，由當年的元祿獨大，變成今日的板系為全港第一大迴轉壽司店，反而在差不多時間出到的峰壽司，越做越縮，連白沙道的老店，亦一早關門大吉。高級一店，可以去千兩，最差的明將，是地獄級別，那麼走中間路線，又怎樣去找自己的定位？還沒有光顧過一壽司，一直覺得其高不成，低不就，不過在晚上十點推出的黑夜壽司，一律半價，惹來大批食客，等正十點才光顧！哈哈，這個晚上，我就在屯門的一壽司，獻出了我的初夜。早前在晚上九點多時段經過一壽司門口數次，正在等候的食客，人龍連綿不絕。女友說，其實無須等位的。。原來，在黑夜時段開始後，大約十五分鐘才來，門外的人龍不見了，這個時候，有些食客亦已經結賬，所以，差不多可以直行直入。壽司選擇頗多，也有一些季節性選擇，如秋刀魚之類，當然沒有千兩的五花八門，但如果收正價的話，兩者的價錢其實是差不多。女友不太餓，差不多全部都是我吃，每人＄80最低消費，不是大問題，我一個人上迴轉店，連下十碟視作等閒。大路的油甘魚，帶子，質素不俗，由其是帶子，肥美飽滿，肉質鮮甜。以前去峰壽司，很喜愛吃左口魚邊，貪其特別爽口，兼帶著油潤感覺。這味魚邊壽司，感覺一樣地爽而油潤。秋天是吃秋

想食壽司，便試試新開的一壽司。活赤貝壽司，不甜燒三文魚壽司，好味軟殻蟹手卷，沒有我最喜歡的沙律醬三文魚蝦卷，飯太實，三文魚太薄章魚丸子，算ok縂括一般，沒半價不值得吃。我吃的是正價時段!

一壽司在屯門市廣場開了兩個多月，終於有機會和媽媽來試試。甫進店，就覺得光線不足。餐廳的主色調為深啡黑色，迴轉壽司吧設置近門口，可能因為壽司師傅要服務食客，才有足夠的燈光。餐廳其他餐桌也只有兩盞射燈從高高的天花板射向餐桌，射燈照射的範圍只有餐桌中心。我倆被安排坐在較入的四人枱。落單需要自行畫落單表格。由於光線只集中在餐桌的中心，加上字體偏細，必須將落單紙放在枱中心才能看清楚，當要加單時，枱中心已經有食物，落單紙就不能放在枱中心，想看清楚落單紙上的字就很費神。我們第一輪點了秘製汁三文魚壽司、烏賊天黃金燒、秘製汁火炙玉子、鐵板牛舌薄燒、日式蒸蛋、立魚刺身和鰹魚刺身。秘製三文魚壽司三文魚新鮮；秘製汁鮮味而偏甜；壽司飯香軟。正！烏賊天黃金燒驟眼看以為是用魷魚漿煎成。但原來是用魚漿混和了魷魚肉粒煎成的魚餅。味道不錯，但魷魚肉不算太多。秘製汁火炙玉子厚厚的蛋餅散發出令人涶涎的蛋香，蛋餅中心很嫰滑。加上秘製汁的鮮味，的確精彩。這道菜是全餐最好吃的。鐵皮牛舌薄燒可算是全餐最差的一道菜！牛舌應是以炆燉的方法烹調為以合適。以燒的方法令肉質燒得硬硬的，要咀嚼很久，才能嚥下。日式蒸蛋茶碗很精緻，但比其他日式餐廳

屯門終於有一壽司啦,雖然屯門有唔小壽司鋪,但係好食又平就真係冇.未到9點半就已經到左,好多人,心諗要等好耐,好釆都唔洗,9:30開始放人好奇怪既係只有一個鐘用餐時間,我記得係tst食都冇架...兩個人一個鐘都夠呀叫左大約12碟壽召,兩碟刺身兩個人有d多食物質數好過金水,款式都比較多....不過三文魚就好一般,比起其他分店就冇咁好食,唔夠肥美叫左一碟壕刺身,個汁有d唔係好夾. 仲有一碟生壕壽司,埋單就等得耐左小小

一星期內食第三次壽司了, 之前兩次都係去細店食, 食物水準一般同埋食物好似唔夠新鮮, 夏天食日本野都係小心d好, 所以都係去返一壽司呢d大舖食, 比較安心。餐牌有好多類型食物, 我點都要叫三文魚, 呢個係情意結, 又鍾意食, 每次食日本野都會叫三文魚菜式。先食三文魚壽司, 我朋友就叫咗胡麻鱆紅魚壽司, 三文魚壽司夠肥美, 厚薄適宜, 食完encore多碟, 而胡麻鱆紅魚壽司就一般, 可能我唔係咁喜歡呢個肉質, 但我朋友就話好食, 肉質好爽。再嚟個特上刺身盛, 有三文魚、立魚、八爪魚、帆立貝及甜蝦, 冰上賣相一流, 所有刺身都夠新鮮, 個三文魚、帆立貝及甜蝦係令人食完想再食, 帆立貝係厚切, 甜蝦又夠大隻, 食落滿足, 食刺身最緊要食材真係要夠新鮮, 要有鮮味先合格, 呢個特上刺身盛就好高分啦!點了兩個有海膽的壽司, 分別係海膽蟹籽軍艦及海膽金倉魚腩壽司, 兩碟都以海膽為配搭, 但口感各異, 海膽蟹籽軍艦比剩海膽壽司更好食, 口感無咁溜, 而海膽金倉魚腩壽司配搭得非常好, 口感真係襯到絕, 海膽令金倉魚腩更好味, 好豐富嘅感覺, 意外驚喜! 哈哈, 都要encore多碟!烏賊天黃金燒個樣

新開的屯市一壽司又點可以唔去試試先，不過由於有時經過都係人頭湧湧的緣故，所以都今日先比啲 friend 捉左去排隊試，現場的情況令人有點擔憂要等上一個鐘以上，結果又比想像中好得多，25分鐘就入左去坐，一望原來入面係好大好多位，唔怪得咁多人等都入得咁快啦！一座低大家好似冇食晏咁瘋狂叫嘢食，我都無需要點已經係成枱都放唔落的壽司，但係佢哋居然叫左個天婦羅烏冬話比我食，我梗係話要一齊啦，食左呢個未飽左，何況我其實唔係咁 like 烏冬，但今次呢個烏冬又真係幾好食喎，一食就知係真正的日本來貨，哈哈！跟住就個個都爭住食，咁又 KO 左一大碗烏冬。唔知係未又有人好鍾意食燒魚，大家分別叫左個鹽燒油甘魚骹同埋三文魚骹七味燒，重有大量三文魚壽司，有個叫三文魚三食包括左三件唔同味的有辣汁三文魚、大蔥三文魚、黑椒三文魚壽司，呢個都好，起碼食大量三文魚得黎都有啲唔同味道浸入其中，我最欣賞就係個辣汁帶出左三文魚個鮮味。不能不提就係個三文魚骹七味燒真係好大件，肉質唔老燒得啱啱好，加埋七味粉就真係食到唔停得口。又有個特別的叫劍魚三食，佢又混入左唔同味包括西洋風劍魚、鹽燒檸檬劍魚、大蔥劍魚，呢個都可以，不過個西洋風汁就

與男朋友睇完Batman夜神起義, 突然間諗起一壽司的黑夜壽司, 但太肚餓等唔到特價時段了, 唯有食正價啦!太肚餓關係, 先叫咗4款壽司頂肚, 三文魚籽壽司是我必食, 仲有海膽蟹籽, 三文魚籽同蟹籽我最鍾意食, 但當然食材要靚唔好腥, 不停在咀內爆開嘅感覺實在太過癮, 而我又特別偏好軍艦壽司, 但今次塊紫菜淋咗d, 如果脆d就好啦!海膽金倉魚腩壽司非常好味道, 海膽同金倉魚腩都好鮮味, 配合得天衣無縫, 新嘗試確然有新驚喜, 下次又多一個必食之選, Yeah !坦白講, 我唔太喜歡海鮮照燒風沙律軍艦嘅賣相, 因我唔鍾意任何沙律軍艦, 但男友話想食, 就陪佢食啦! 入面有魚籽、北寄貝及魷魚, 食落又ok喎, 感覺幾清新咁。見到有季節推介, 就試下秘製汁帆立貝及油甘魚壽司, 帆立貝及油甘魚都好肥美, 上面好似搽咗豉油咁, 但原來個秘製汁有輕微甜味, 又唔係豉油咁味, 食咗都估唔到係咩汁, 真係秘製, 但用在刺身上又幾好食喎。再叫多個胡麻鱆紅魚壽司, 鱆紅魚係比較有咬口嘅魚, 師傅又好有心思咁加上黑芝麻, 好食, 每次都會食嘅壽司。呢個土瓶海鮮湯賣相討好, 一壺咁上好得意, 入面嘅海鮮好足料

與朋友好耐無見, 好開心知道她要結婚, 約咗出嚟食飯收帖, 我地識咗差唔多10年, 雖然唔係成日見, 但我地每次見面也無所不談, 而大家食野口味又差唔多, 一約出嚟食飯就最啱key, 準新娘子話怕肥, 唔想食油膩野, 我就提議食壽司, 其實日本野只要唔好叫炸物, 都幾健康嘅。賀一賀朋友結婚, 叫一客香芒花之戀, 無論個名同個賣相都夠晒浪漫, 香芒甜甜的, 三文魚肥美的, 蟹籽脆脆的, 睇落開心, 食落又開心, 好襯今晚我地嘅心情。其實我幾鍾意食花之戀壽司, 望落感覺好豐富咁, 今次第一次試香芒花之戀, 加埋芒果感覺更完滿。三文魚籽壽司難得唔腥, 我諗鍾意食三文魚籽的人都係喜歡滿口三文魚籽爆開嘅感覺, 我也不例外, 哈哈! 個感覺好爽架, 同埋每粒三文魚籽晶瑩剔透咁, 望落去好有食慾的。唔知點解望見汁燒魷魚鬚壽司, 我就覺得佢似一隻蜘蛛, 張牙舞爪的樣子, 個造型幾咁生動活潑。呢個魷魚鬚又汁燒得幾好味, 魷魚鬚陪爽口, 可能唔太大舊, 如果鍾意食魷魚鬚嘅人一定會鍾意呢個壽司, 要試試。再嚟係三文魚壽司, 胡麻鱆紅魚壽司同芝士蟹籽蟹棒壽司, 三文魚就一般水準, 反而鱆紅魚個肉質幾好食, 唔

陪屯門朋友食飯, 先知屯門開咗間一壽司, 咁就走去試試啦！入到去, 好大間舖喎。我好鍾意食希靈魚, 今次被我揾到希靈魚籽做嘅壽司, 立即落order試吓, 個名叫做雪之花蟹肉壽司, 其實係希靈魚籽及蟹肉, 好多人都唔鍾意食希靈魚, 因為嫌佢腥, 我就唔覺得, 仲最鍾意希靈魚籽脆卜卜嘅口感, 加埋蟹肉, 都係唔錯嘅配搭。食完魚籽食蟹籽, 呢個芝士蟹籽蟹棒壽司真係好食, 蟹棒肉感好, 好有啖啖肉feel, 我一向都有d驚有芝士嘅壽司, 怕會膩, 要係好吸引嘅配搭先會食, 今次食呢個芝士蟹籽又唔覺膩, 咁樣加埋味道真好。想講吓King Kong卷, 睇個餐牌, 呢個King Kong卷有白魚, 蝦, 牛油果, 蟹棒, 海膽, 吞拿魚, 三文魚及三文魚籽, 總共有8樣食材做一碟壽司, 以往都無留意呢碟壽司, 見佢咁有誠意擺咁多野落去, 咁就叫嚟試下啦, 食後感覺係大包圍, 好似出奇蛋咁滿足幾個慾望, 都抵食嘅, 起碼比足咁多料。而三文魚三食就一般啦, 加辣汁同黑椒, 我會鍾意就咁食三文魚壽司多d, 味道其實唔差, 只不過無咩驚喜。黑松露牡丹蝦壽司賣相都幾精緻, 見到蝦肉顏色都覺得新鮮, 蝦肉爽