一寿司 (已結業)

撰文之際，從社交網站得知一寿司因租約期滿於4月17日結業。這家屯門店由開業至今，「黑夜時段」陪伴了屯門人數不清的晚上，門前的排隊盛況，日後會成為我們的集體回憶吧，屯門人又少了個開飯好去處了。------------------------------約在半年前，路過一寿司之際，發現黑夜時段竟悄悄地提前了......                               【屯門分店．提早半價．星期一至四晚上六時開始．壽司刺身卷物軍艦半價】再看看官網的宣傳，果是千真萬確......一寿司，這些年來彷彿是就跟「黑夜」、「半價」劃上等號。多年來雖然有好些新嚐試，例如豪華套餐、時令推介、期間限定、週年優惠，以圖扭轉正價時段的頽勢，卻是成效不大。雖然「成也黑夜，敗也黑夜」，然而它對「黑夜」不離不棄。是艱苦經營還是有利可圖，相信只有店方知道。六時不到，一壽司門外已聚集數十人，屯門友對這盛況不會陌生，這幾年一直如此，分別只是人龍早了出現。這「黑夜時段」可説是屯門人的專屬福利，而對時常加班的夜貓子來説簡直是神蹟，當中包括有段時間要工作至晚上的我，當深夜開飯反而成為優勢，加班感覺便不會太壞。當然，黑

黑色壽司出晒名，入面也昏暗燈光，好舒服又想瞓，環境夠大，座位夠多蟹棒壽司好味，啖啖蟹香味，三文魚壽司好味，夠新鮮鰻魚壽司，肥美，甜，好味脆豆腐，外面脆香，入面夠軟，有紫菜絲，葱花，醬汁，好好味的。蝦壽司，甜蝦加熟蝦，正！！腐皮蟹柳船，好似好正咁，有蟹子，蟹柳，加腐皮一起，好豐富口感，正呀炸蟹棒壽司，好味，有d沙律醬，好香呀！！軟殼蟹炒飯，賣相好吸引，一大隻軟殼蟹，蟹子，葱花，好香，熱辣辣，好味，又夠味，正呀沙律，這個白色好似涼粉咁，有青瓜，蟹子，沙律菜，車厘茄，好味，d醋汁酸酸地好味，好fresh的感覺。餃子都煎到幾香口，如果再脆d仲正，都好味多！

自從推出左夜晚六點就有黑夜壽司後，一壽司就變左我月食飯堂咁，每個月都至少會黎一次，因為想大快朵頤咁啖壽司同刺身，一係就要去日式放題，但放題價格貴之餘，食物質素都不過爾爾，故此我傾向一壽司，食幾多叫幾多。屯門既分店環境舒適，地方寬敞。最愛刺身，分別為帆立貝、三文魚、白吞拿魚刺身。帆立貝鮮甜，三文魚油脂滑，白吞拿魚對我來說略腥。三文魚三食和帆立貝三食，每次黎都必叫的，三文魚既分別係芝士醬，香蔥同黑椒，帆立貝分別係燒芝士，柚子和炙燒。兩種三食統一講啦，整體我覺得帆立貝口味比較特別，特別係柚子味好清新。而三文魚黑椒味都幾好食，淡淡黑椒粒加了一點辛辣味。極推火炙鹽燒海膽壽司，海膽甘香，燒得剛剛微焦，有濃烈既海水味鹹香味。海膽食得出很新鮮！火炙焦糖鵝肝壽司，半價後一件18蚊，入口一股蜂蜜味，但鵝肝味唔濃郁，以呢個價格來說我覺得還好，貪新鮮可以一試，但做好心理準備唔算驚艷。原條蒲燒鰻魚壽司，半價後$22.5，圍埋十蚊一件，絕對抵食，因為鰻魚足足有一枝一次性筷子咁長。鰻魚燒到恰到好處，汁濃又冇魚腥味，好食！第一排左係黑松露吞拿魚腩甜蝦壽司，右邊係蟹膏甜蝦壽司，前排係海膽吞拿魚腩壽司。三款壽司蟹膏甜蝦壽

雖然自己最愛既壽司連鎖店並吾係依間 但朋友成日都向我提及依間既黑夜壽司係十分抵食 甘我就奉陪下佢 一食便知龍與鳳啦首先鵝肝係最抵食 其他店郁下都要幾十蚊一件啦 但依度黑夜左之後都係18蚊件 所以為左佢而等到甘夜一食係抵既 其他就嗌下刺身壽司軍艦甘樣其中我覺得佢有啲創意料理都幾令人有印象 好似右下芒果花之戀 兩者係幾夾既 加上芒果係用上好香甜個種另外飲品係無半價既 但朋友都有話依杯有酒精飲品係吾錯 所以我都點左一杯 係帶朱古力口味既 幾順喉 比起其他偏向藥水味既飲品 我BUY依杯!

係屯門食晚飯，廣場內都係集團式經營既食店，行過見6點多啲啲已經有人排隊仲要開始打蛇餅，就比個機會佢喇。等左大概20分鐘就可以入座，坐低發現原來都仲有幾多位未安排入座，心諗係想營造外面排長龍氣氛制造羊群心理等其他人都排埋一份？算喇，我都做左其中一隻喇！提早既黑夜時段令餐牌上既壽司刺身都有半價，最後心大心細叫左盤刺身，真係普貨式，相都費事影。之後再叫左蝦類壽司，睇暈個餐牌只有蝦類吸引啲，食下食下好似都係食蝦壽司，係咪真係揀無可揀呢？最後覺得食來食去都係蝦，點左穴子壽司，上檯時覺係小驚喜，但食落又係一般水準。整體是因特價吸引而來，埋單兩人$400，全餐都係食特價壽司刺身，正價即係差唔多$800，心諗點解唔比個更好選擇自己，放題都係差唔多價錢，我都係食甜蝦牡丹蝦同埋炸蝦啫。對比早年10點後既黑夜壽司，排過長龍，差唔多11點先有得食既日子，慨嘆那不是同一回事了。

近排食左好多野, 唔得閒打食評, 希望聖誕假可以一炮過出返啦~~前排行屯門經過一壽司, 竟然發現有新優惠 : 6 點開始有半價壽司以往半價黑夜壽司都要等10點, 而家6 點就有,當然二話不說去排隊啦!5 點45 分已經見到有幾個人排緊, 排到6 點正就放人入去用餐時間好似都係90分鐘 (其實一般60分鐘我地已經可以食完)所有刺身,壽司,飲品都半價另外有部分精選壽司就不設半價, 我地都叫左個正價炸松葉蟹壽司試下, 都幾好食~上菜都幾快, 雜錦壽司一氣呵成上枱, 海膽都半價真係very 抵deal!呢度D飯量唔錯, 全部都細細舊, 唔會食飯食到飽, 可以試多幾款炙燒三文魚都好肥美唯一唔好既係杯飲品, 青蘋果梳打色素糖水太多...飲茶仲好慳返唔飲仲可以叫多碟壽司食下唔知優惠去到幾時, 下次有都會再試

認識一壽司，是因為它的黑夜壽司。不過，我一次都沒去過。平常都是被其他人拉著到樓下的元氣。今天，寶貝想去吃元氣，但叫號竟是48個之後，時值晚上八時。反正在黑夜壽司時段前，一壽司基本上是無人等位的，就去那裡吧。對了，今天是星期五，沒有提早黑夜壽司的安排，這一頓是正價點餐的，最後埋單連加一約三百元，其實和元氣差不多。選擇了坐柯打檯，夾在兩對情侶中間，有點擠之餘，個人不喜聽人家聊天內容就是了。接待的四眼男生很有禮，不過個別傳菜的態度就有很大保留。不是所有食物都有拍照，但所見即所得。三文魚壽司：我家寶貝吃的。帆立貝三食壽司：以芝士、黑椒和柚子蜜調味，感覺清新。牛油果仿蟹棒壽司：不過不失花之戀：由咸豐年代加大賀主厨創作，及後被「發揚光大」的港式壽司，飛魚子份量澎湃。芝士海膽雞軟骨：現炸無疑鬆脆，但芝士及海膽味偏淡。沒有拍照的加州手卷、軟殼蟹手卷、芝士飛魚子軍艦，紫菜偏淋，影響整體口感。總結只能說是不過不失，比想像中好。至於會否再來還是隨緣吧。

依家已經 71 號，應該唔洗等太耐。十點後半價？仲有成個鐘當然係唔等啦，而且費事咩都無得食囉，正價食咩都有，拿拿聲比檯我添呀！都唔知堆住門口仲咩春，企埋一邊等叫號碼啦，阻鬼住晒！我食日本野向來喜歡依次序 step by step，前菜、刺生、壽司、湯、炸物、料理、燒物、粉麵飯，完美啊。又係比張二人迷你檯，迫迫夾夾，諗住我叫兩碗拉麵就埋單？睇一陣您地點樣放。賤格 ﹗油甘魚刺生，微微天然魚甜味，淡淡清香，點點魚油可口，軟棉帶滑，食得過。牡丹蝦刺生，質數達標夠滿意，肉黏肉彈，鮮味出眾又帶甜，微量蝦膏甘香無比，好食好食。極上吞拿魚腩刺生，鮮嫩粉紅份外誘惑，聞得到魚香飄飄。入口半溶滑溜溜，溶化了的魚油滲進每顆味蕾，甜美至極又香噴噴 ﹗好味到拍手掌。海膽軍艦，顏色好鮮艷喎，外觀都好骨子靚仔。不要怕醜，擘盡您的血盆大口一啖將軍艦塞入口 ﹗嘩，腦部即時有種強烈而震撼既觸電感覺，太利害喇 ﹗衝擊全身細胞，打了好幾個冷震呀，腥到爆燈呀！我落單時滿以為係續件計，畫左兩畫依家變左四件添！要硬著頭皮吞多三件勁腥海膽落肚，連爆四次，額頭冒汗，救命呀！安糠魚肝軍艦，配搭新奇，洒上青蔥及蟹子，沒所謂，成舊啪入口，食左

10 點後特價時段，好多野都賣晒囉 ﹗又食得勁急，10 點半就 last call，極討厭呀 ﹗蜜糖豆夜收工，附近都沒什麼好食店選擇，唯有半價時段 ﹗半價又如何呢，好野都賣得七七八八，剩返普通貨色，失望。大拖羅無、吞拿魚腩無、象拔蚌無、鵝肝無、甜蝦無、等等無。落單後，無羊架唔通知、無海膽軍艦唔通知。您地無都同我講聲麻？唔追都唔講！頂級吞拿魚腩刺生，無極上吞拿魚腩亦無大拖羅，粗粗地食住先啦。赤肉中的頂級嗎？濕潤泛著微微魚脂，顏色富光澤，軟塾帶著宜人清爽甜味，還可以。油甘魚刺生，油脂未算豐富，質地棉而散發輕輕甜味，合格。北寄貝刺生，肉厚軟棉棉，味淡而近乎無鮮味，一般。頂級吞拿魚腩刺生，無極上吞拿魚腩亦無大拖羅，粗粗地食住先啦。赤肉中的頂級嗎？濕潤泛著微微魚脂，顏色富光澤，軟塾帶著宜人清爽甜味，還可以。八爪魚刺生，有雪水味？嚥韌中帶著微弱脆感，麻麻地。黑松露沙律醬蟹棒壽司，只係仿松葉蟹棒乍？唔係巨形仿皇帝蟹棒呢，都好啦，照殺。甜蟹棒並上酸甜沙律醬都幾易入口，感覺非常兒童食品啊，完全食不到黑松露味道。芥茉八爪魚軍艦，八爪魚嚥韌帶脆，濕潤芥茉汁辛辣中又帶甜，可口刺激不過火。Fashion 既野我

食左佢六點後半價，真係好失望，以前10點後半價都還好，真係差太遠啦！個軟殼蟹手卷擺到凍曬，軍艦D紫菜都淋曬，雖然真係平，但唔會再有下一次！好失望！⋯⋯⋯⋯⋯⋯⋯

今晚即興去左屯門食一壽司，上一次去左旺角個間，覺得佢自從搞左個6:00後半價之後，食物質素就下降。但估唔到屯門呢邊嘅質素又唔差wor👍🏻👍🏻首先上左個芒果蟹子沙律我每次黎食都會叫，食落好清新，青瓜絲再加上蟹子食落非常爽，再有幾片芒果，幾開胃。但係沙律醬有d少，不過我就唔太鐘意沙律醬嘅，所以呢個沙律非常岩我口味😋之後就即刻上左刺身，我地只係叫左特大甜蝦同三文魚雖然我地食個時已經好晏，接近last order嘅時候，但d野都仲好新鮮👍🏻壽司就叫左幾款：火炙三文魚、黑松露蟹棒、蟹膏、海老天婦羅卷當中黑松露蟹棒、蟹膏係我個人推介既上次食個醬得勁少，今次總算正常番由於兩個人都非常餓😂，我地仲叫左一碗辛辣豚肉拉麵。第一次係呢到食麵，雖然佢話係辛辣，但係只係小辣，湯好濃，我覺得醎左少少，同埋個麵淋左d。但個豚肉配佢湯個味道幾好食。野飲我叫左杯士多啤利沙冰杯野飲麵幾大，仲有層cream，雖然個賣相唔靚，但係幾好飲。今次由於太肚餓嘅關係，淨係掛住食🙈有d野食都冇影到相。兩個人一共食左$280，超級飽😂😂好滿足咁走。屯門呢間d服務態度都幾好，可能因為我地食個時間冇咩人。雖然好多人都話一壽司質素差左，而我之

數數手指，我十年前都已經識食一壽司的深夜半價壽司，當時係食旺角好似係雅蘭商場，我淨係記得有好大的魚缸，對住魚缸食勁好feel，當時仲係學生的我覺得一壽司係全世界最好食壽司到左十年後今日，又再食，質素點都比唔上以前，但以深宵壽司半價黎講，佢算係一個唔錯選擇三文魚都算新鮮，冇咩大特別，正常連鎖店都應該要有的質素。蟹棒我覺得唔夠新鮮。軍鑑、手卷都好差，紫菜林晒 唔脆口，食過幾次都係咁。花之戀、炸蝦炸蠔都好食，炸物唔錯，炸得好香脆亦唔會乾身，唯一批評係炸蝦壽司上一般會加d沙律醬，但佢加個d唔似平時食開個個隻醬，冇咩沙律醬味，我唔識形容。最後，我同埋我男朋友要一齊強調十次，點解d wasabi完全冇料到，一d都唔攻鼻，呢個係最令我失望的地方。整體黎講係唔差，但問我佢有咩過人之處，我覺得冇，如果正價食我就唔會，但深宵時段食半價，咁抵就冇咩所謂啦！

留左係屋企成日， 落左波同男友家人一齊出街食飯～ 見到吾洗等位就入左黎叫左各款喜愛既壽司、小食、沙律、天婦羅、烏冬！ 壽司整體味道都吾錯既， 但海膽一d都吾鮮甜、仲有陣臭臭既味 清酒煮蜆：肉細不在講、有沙， 不值一試 芒果蟹籽沙律：我食個粒芒果係甜，但個沙律汁就一般，好水 ！ 天婦羅： 味道吾錯，吾厚粉👌🏻牛肉烏冬：烏冬口感吾錯，牛肉都ok, 個湯不太咸味道適中 但對比剛開業時就差得多，可以做回以前既水準就very good

食開一壽司既都知有黑夜壽司六折時段，要9點半至10點先有，而家逢星期一至四6點半開始，終於唔使等到頸到長埋挨住肚餓提早有得食。有折梗係必叫海膽同龍蝦沙律軍艦啦~ 海膽幾新鮮，龍蝦沙律完全滿瀉咁制，都好彈牙。生蝦，帆立貝，三文魚刺身另外必叫，刺身雖然冇雪味，但解凍時間不足，有啲冰凍。花之卷唔錯，蟹子粒粒脆卜卜，非常鮮甜，仲多過啲壽司飯。汁燒三文魚腩熟度拿捏岩岩好，保持其嫩滑。鰻魚脂肪分佈平均，食落陣陣醬汁油香，鰻魚亦夠厚。泰式蝦壽司非常滋味，配上青檸，金不換香料調出蝦刺身鮮甜。芝士年糕煙煙韌韌，微甜亦帶有陣陣芝士香味。炸芝士外脆內芝士流心，熱辣辣時食芝士更濃郁。鐵板牛柳粒成碟都好好味，冇折都要叫🙊牛柳粒軟滑無比，亦冇多餘肥膏，連配角蒜子都出色，炒得腍，索哂牛柳醬汁，惹味十足。

平時喺屯市諗唔到食乜，必定會去一寿司，貪其不用排隊，食物質素高，當然相對於屯市的其他食肆價錢稍貴。最近一寿司於星期一至四提早黑夜寿司時段，由六點開始。優惠咁吸引，當然要試。收工後七點半到達，人龍已經排左幾行，心諗有排等點知，叫飛好快，加上唔介意坐吧枱，竟然十分鐘就有位啦～坐吧枱都有好處，可以即刻有得食，哈。最愛㗎蔥呑拿魚腩軍艦❤️小食無半價優惠，但都照嗌。完全無海膽味㗎海膽雞軟骨，好味，熱辣辣脆卜卜，都係每次必點。煮蜆，蜆肉粒粒飽滿，而且分量唔少。雖然上菜有啲慢，人手唔多夠。但真心覺得好抵食，一定要再encore!!!