一寿司 (已結業)

經過一寿司的門口，見到午餐MENU的選擇多又便宜，便走進餐廳了!豚肉拉麵配北海道牛油味噌豬⻣湯($42)的湯底，面層很明顯看到油份，像是很油膩，實際上淡淡的牛油酥香加上撲鼻的濃郁豬⻣精華。牛油隨著熱湯，慢慢溶化且渗入湯底，真好滋味!溏心蛋賣相不錯，蛋白嫰滑，用筷子一夾便散開，溏心流出，味道十分甜蜜。兩塊豚肉肥瘦適中，非常腍身，連肥膏滑不留口；拉麵彈牙，而且掛湯度不錯。加上2條肥美的蟹柳!

山長水遠入到屯門探親，跟住一大班人去食飯，想不到屯門市廣場有咁多餐廳，經過一番熱烈討論，最後大家決定去一壽司食日本菜。間餐廳幾大，侍應好用禮貌咁帶位。我叫左最鐘意的三文魚壽司，刺身夠光澤油潤，飯團唔會太鬆散，好食！仲叫左個拉麵，麵條夠彈 (因為我最怕D麵軟淋淋)，個湯是味噌湯，不過味道略嫌淡左D。整碗麵的精髓在於塊叉燒，肥瘦適中，入口即溶，餐廳未來可以考慮添加「追加叉燒」一欄。

早期的迴轉壽司興極一時，店到近年手握壽司的中下價食肆，已經到達汰弱留強的階段，如目黑壽司等紛紛結業。一壽司近年開始黑夜壽司時段，半價酬賓，似花費不少心思，技倆力爭上游，務求穏守市場位置，以價格緊握消費者的芳心。 早前與友人經過屯門市中心的一壽司，眼見門口的人車水馬龍。雖然黑夜平價時段已經維持了一段時間，但人龍未見減退，似乎穩佔了年青人的市場。 事前相約友人於九時到達，滿以為等侍需時，結果十分鐘左右可以入座。燈光微暗，餐桌不少，相信可容納至少五十位食客，衛生程度是整潔，無論地板、餐桌、甚至乎食具。先看餐牌選擇，款式不少，不過欠缺時令食品。由於只對壽司與飲品較有興趣，故沒有看價格的情況下點餐。一壺熱茶、壽司豉油齊全。另一邊廂的薑片，新鮮酸甜，細嚼一片後便迎接先上桌的軟殼蟹手卷和三文魚手卷。兩款的手卷不鬆散，外觀與色澤令人放心。先嚐三文魚手卷，紫菜尚脆口，三文魚不肥美，沒有油脂，色澤是亮麗，不會令人難以嚥下，有色系海膽的沙拉醬，效果算不俗；軟殻蟹手卷，蟹肉呈粉紅色，咀嚼時發現㙰殻已經軟身，不過紫菜脆身頂上，算是及格的出品。 天婦羅有四件；鮮蝦兩件，黃薯片和香菇。炸粉有點厚

甘日 北江。妹同去完屯門睇show 就約埋d囝囝囡囡去食 黑夜壽司，貪佢夠平又有質素保證！一埋位就不斷寫紙，又有壽司有刺身 沙律卷物都叫咗一大堆 因為實在太肚餓，最後仲叫多咗兩轉添 哈哈首先就嚟一大堆壽司 有大眾也喜歡既三文魚，甜蝦同油甘魚 特別想提下油甘魚 真系好肥美<3之後嚟到既系熟蝦 象拔蚌 曼魚 三文魚子... 真系紙上面有嘅都叫哂咁濟^_^甘講下啲較為特別既野食啦 就系櫻花尤魚海胆軍艦 海胆夠哂甜唔苦 另外就系初吻 個名好搞笑 但其實只系三文魚加芒果嘅軍艦 同埋有個炸蠔壽司都好食 炸粉唔多 上到枱都仲係熱嘅 之後嚟嘅就系冇半價嘅沙津 雖然冇平到 但都好好食 啲蟹柳同蟹子都好夠多 除開其實每人都系幾蚊 刀坁食不過個刺身拼盤就麻麻喇 得好少款 分開叫好似扺d如果唔系黑夜壽司嘅話就真系唔扺+_+其餘啲手卷，壽司冇乜特別 就唔多講喇

今日去屯門行街~~又用左好多時間諗食乜!!最後決定食一壽司!! 好耐冇食啦!個人認為香港咁多日本連鎖店, 呢間都係算高水準~2點幾去到! 唔洗等位! 最鍾意!!!我地2個人 叫左8樣食物!原條蒲燒鰻魚 - 次次去都點架!!!大家記得趁熱食...平時,一上我就食, 好軟綿綿架!!今日食左其他野先..遲左好多先食...鰻魚變得有點硬!!好傷心呀!火炙芝士鰻魚卷呢個又係次次去都點架!!!事關本小姐好鍾意食火炙芝士...不過今次d味唔出..唔係好食到芝士同鰻魚海老味噌鍋燒烏冬 - 期間限定呢個賣相都幾吸引, 成個鍋非常豐富!!有炸蝦天婦羅做主餸, 仲有蛋, 櫻花蝦, 紫菜, 日本魚蛋做配菜~但湯底方而就不算太有海鮮味! 但櫻花蝦的確很香而個烏冬都幾陣牙, 份量都好多架~~夠2個人share~~一人一碗秘製章魚丸子燒呢個章魚燒係第1次叫黎食~好新鮮~熱辣辣(就係顧住食佢, 唔記得我舊鰻魚壽司T^T)個皮燒得好脆~而個牆汁都同日本個D汁好似!! 有8成似!!但裡面D餡當然好少啦~~得1舊小小的魷魚..不過都預左架啦~$3X, 而且燒得又唔差, 仲想點?辣汁三文魚由於我係唔食生野~呢個係我朋友仔食o

係屯門行街，行完見夜，諗起一壽司有黑夜壽司，壽司半價，又甘岩吾等位，一入去覺得地方好大，位置都算舒服 三文魚壽司好抵食，而且材料新鮮，雖然三文魚比較薄，但食落都有新鮮三文魚味，吾錯火炙三文魚不過不失，食落都算新鮮海鮮刺身沙律，沙律菜好新鮮，沙律吾會太酸，淡淡味道，同沙律菜+刺身好配合鰻魚壽司，醬汁好好食，濃味，鰻魚燒得岩岩好，一食入口好香，推介👍🏻和牛手卷，新創作，和牛跟手卷好難配合，吾想再食😞軟殻蟹手卷，吾抵食，軟殻蟹好細份，食左一啖已經冇曬軟殻蟹，搞到淨食壽司飯成個黑夜壽司真係好抵食，食後個人感覺壽司比較好食，手卷方面吾多吸引，下次再黎會只選壽司

今日出去屯門，想搵個地方靜靜地食個lunch，經過一壽司，見無咩人就入去坐低啦！先來個海藻沙律醒醒胃先！味道不錯啊！主菜就叫左個天婦羅鍋烏冬連飲品，烏冬湯味道稍淡，令人吃得不起勁，天婦羅就不過不失！ 相信熱食唔係佢地嘅強項！檸檬茶就真係一杯平凡的檸檬茶！來到一壽司，唔食返件壽司又真係若有所失，所以就叫一客三文魚壽司頂頂癮喇！ 易係穩陣之選！下次再來，都係專一d食壽司算啦！

今日去屯門看完電影之後，在電影院行出來時候見到好多人排一壽司，原來是半價優惠，阿媽又話要排隊去吃 ，我唯有做下孝順女，阿媽話排住先,我可以在附近行下,當時大多數商店已經關門 ，只有無印仲未關，我在9:50回到一壽司，已經開始入座了,估不到半價有這麼大吸引力 ，明明已經10:00,咁夜有咁多人未吃晚餐，排隊時候已經寫好想吃什麼，我同阿媽坐下之後，立即把寫好點菜紙交給店員，食品好快送到來了，三文魚刺身十分新鮮美味，味道好鮮甜,甜蝦亦都鮮甜美味，三文魚冷麵又好好味 ，松腳蟹十分鮮甜 ，白飯又不錯，三文魚手卷味道又不錯，我覺得這裡壽司同刺身都不錯，服務就一般,這裡環境的確不錯，埋單只是345元,平均175元一個，平時不會太夜吃晚餐，黑夜只有呢次

依日約左老爺奶奶食Lunch，之前同佢地黎過依間食佢地都話鐘意，所以依日話再去，我地同樣揀坐卡檯座位好舒適。食物方面..熟食夠新鮮熱辣辣，食材用料都好ok刺身又係好新鮮..而且好厚身壽司除了order，都可以去迴轉處自取，同樣新鮮好味吉列炸蠔..粉唔太厚好脆身，蠔肉剛好熟帶少少肉汁什錦天婦羅..炸層都ok，味道無特別..夠脆夠熱海膽石鍋飯..炒飯粒夠乾身，味道好焦香老爺最like食煎餃子，味道普通唔算好特別牛油炒什菜..牛油mix醬油味..味道幾突出，蔬菜份量好多海鮮湯鍋，湯底係露狀..海鮮料主要有蝦,元具,豆腐等味道不過不失..都ok老爺另點支清酒整體食物都有水準，夠新鮮熱辣辣..服務都好ok

慶祝個fd係英國返黎，揀左食呢個黑夜壽司。野食半價收加1，姐係6折，真係幾抵食。咩都叫左啲，野食都黎得快，堆到成枱都係。食下野吹下水，成團人都食得幾開心。埋單每人200到

黑夜壽司係最抵食嘅。只需要平時一半既價錢就可以食到飽飽。啲嘢又新鮮，個飯又唔會太大舊，啱啱好，而且醋既味道適中，壽司仲要有好多唔同嘅選擇俾我地揀，真係超正！包住舊壽司既紫菜亦夠脆，good！我最愛係佢啲三文魚，又肥美，又有油脂香味，有入口即溶既感覺，叫三份都唔夠。我都鍾意食佢既辣三文魚壽司，因為唔會太辣，但個汁既辣度又可以帶出三文魚啲鮮味，去到一定要試。味道啱啱好，唔會好鹹，個賣相都好靚，見到都特別有胃口哈哈

今日午餐今得太飽，晚上仲未肚餓，因此決定食好耐無食嘅黑夜壽司。之前嘅經驗，確保第一輪入到，早一個鐘等就一定得，9點幾開始有人龍。店員會早少少派紙劃食物，9:50都已經入得。一坐低就叫得。可惜店員落錯單，食物較遲先送上。三文魚同火炙三文魚都新鲜好味，火炙就因為燒過更肥美香口。帆立貝好大件，尚算滑同甜。特長海饅係每次嚟都要叫，長長嘅海饅見唔到舊飯，正。饅魚都好味，又係必叫之選。季節限定嘅但馬牛柳三食都唔差，生牛肉略略燒過，加上黑椒幾夾。旁邊嘅立魚就普普通通。鵝肝壽司好大件鵝肝，煎過後逼出油脂，好惹味。估唔到嘅係蟹籽甜蝦軍艦嘅甜蝦好肥美。海膽呑拿魚蓉就無咩特别。葱吞拿魚，海膽同三文魚籽手卷唔差，飽肚之選。最後再講嘅係中伏之選。劍魚壽司，魚生一塊勁薄，無咩魚味，有d位幾難咬開，勁唔新鮮。King Kong卷有四件，但一望就知材料好唔新鮮，亦食唔到海鮮味，魚生好薄，咬落質感好似放左好耐咁。之前都試過其他卷物，結論係叫返壽司吧！

其實我同我男朋友真係好鐘意食野，每次一想食壽司我地第1時間諗起黑夜壽司因為又平又扺食呢2個係男朋友叫，佢特別鐘意食呢啲卷，第2個果個我唔記得左叫咩名，個汁係辣辣地，都幾好食！個蠔我覺得麻麻地，因為比較厚粉，肉好似好細舊咁見到呢碟叫左咁多其實係我男朋友鐘意食，三文魚幾新鮮，雖然係半價，但水準都冇下降呢個係我既最愛，鐘意食鵝肝既朋友一定要叫，鵝肝上有焦糖，脆皮入面有軟林林，真係好好正，每人2舊真係好有罪惡感呢個珍寶帆立貝上面有片柚子，柚子清香仲有新鮮既帆立貝，正另外果件好似叫黑松露左口魚群邊黑松露唔夠香，魚就冇乜魚味，麻麻地男朋友仲叫左手卷，佢唔俾我影相，話紫菜會林哂喎手卷都幾足料，唔錯唔錯叫左咁多野，上菜速度都幾快，枱好快就放滿左枱比較細， 整體都幾好，抵食

第一次來吃黑夜壽司，本來不敢想像平價壽司會帶來什麼驚喜，但實際給我的感覺是出乎意料之外。我點了柚子帶子壽司、火灸三文魚壽司、三種吃法的三文魚壽司、焦糖鵝肝壽司和和牛壽司等。壽司都是即叫即做的。火灸三文魚壽司的味道濃郁，而且有質感，味道不錯。柚子帶子壽司的帶子很大很厚，味道新鮮，而且配上柚子，令味道格外清新。三種吃法的三文魚壽司就不過不失，本來期望它會有特別的味道，但原來就是沙律醬、蔥和原味，雖然吃下去很鮮，但沒有什麼特別。和牛壽司入口即溶，不會有血腥味，而且有微醺的味道。最重點推介的是焦糖鵝肝壽司，真的非常好吃，紅色的焦糖為鵝肝添上淡淡的甜味，而且鵝肝不會有騷味，也不會非常膩，整個配搭非常好，我還加點了一客，不過後來上的就沒有了那種溫度。

新年時候同屋企人去了屯門行街，行到咁累時候又到了晚餐時候，要揾下有咩好吃，作為半個屯門人,已經在屯門返工多年的人 ，屯門市廣場内食店幾乎吃過，想起一壽司，一壽司在初初開時候有同朋友來過1次,當時吃完又覺得一般,之後冇來過,我相隔4年後才第二次來 ,吃日本料理最重要它的刺身是否新鮮，上次同朋友來冇叫刺身,今次一定要吃下,刺身拼盤又幾好味,生蝦十分鮮甜又冇雪味,三文魚亦幾好吃，壽司都OK ,服務就一般,環境都幾好,燈光較暗 ,一壽司比以前好吃咗食物水準三文魚,我覺得好鮮味,唔夠肥美厚切生蝦,十分鮮甜,味道好新鮮北寄貝,我覺得一般一口芝士,芝士味好重,我覺得好好味服務我覺得一般，唔算太差亦不是特別好環境我覺得幾好,燈光較暗,座位尚算舒適價錢平均100元一個番吃有時間再來，我覺得比第一次好咗