一寿司 (已結業)

終於等到屯門一壽司既提早半價壽司優惠~新界人唔洗出到旺角咁遠~我7點幾去到既時候已經前面有四五十人排隊~而且好多都係一個人排隊而其他同行人係隊外面等~但係可能 6點已經開始半價時段~keep住都有人埋單, 條隊都keep住郁~我等左大半個鐘左右已經有位了! 大部分食物都有半價~ 除左小食~刺身都keep到水準~ 新鮮! 最鍾意軍艦系列! 海膽~ 蟹膏~ 重有芝士蟹子~ 都係非常好味!價錢半價但份量都無改變~6個人食到飽飽飲埋野埋單都係百幾蚊!好滿足

近排星期1至4將個黑夜壽司優惠提前到6點半，即刻晚晚打哂蛇餅，今晚決心一試，等左半個鐘都ok啦。無可否認，呢個價錢係比較抵食，差不多枱枱都幾款刺身，不過大部份係散叫，我地食左刺身盛就明白，原來無咁抵架，同埋個魷魚好鹹! 仲有，坐bar枱都有著數，因為個迴轉帶keep住有壽司岀，仲有呢款好好食而又係餐牌揾唔到，必食！

係網上睇到屯門一壽司提早6點就有半價優惠，唔駛再等到黑夜，呢日就拉埋男友同男友家姐一齊早享受下👏👏等左半個鐘左右就有位啦！鑑於之前試過旺角分店，食物質素係令人失望，今次都冇抱好大期望架⋯不過竟然有意外驚喜⋯壽司同刺身都唔錯，我個人好鐘意食佢d特色壽司，可以一次過滿足我幾個願望唯一缺點係上菜太慢啦，可能因為提早左優惠時段 人手不足既原因啦！另外留意返小食、甜品都冇半價架！是次消費大約$500/3個人

琴日收咗工後，返到屋企附近，就打算同家人一齊响屯門市廣場食晚餐。無意之中發現黑夜壽司提早6點就有半價，仲記得之前要等到10點幾先有。細看之下，原來呢個優惠原來係星期一至四先有，既然一場嚟到又有半價咁抵，就決定選址一壽司。雖然排咗一陣，但一家人食得好開心，上菜速度算快，而款式又算多。其實真係幾抵食，除咗熟食之外，就連飲品都有半價，每次必點係三文魚壽司，肥美細嫩，夾起時，飯亦唔會散到一舊舊，以半價嚟講可以話質素唔錯。軍艦就點咗海膽同三文魚子，其中三文魚子有驚喜，咬落去鮮香滿溢，完全無遺留腥味，而海膽新鮮度亦尚可。原本一客3塊嘅吞拿魚腩，誠惠$160，以呢個價錢平時就唔捨得食啦，不過半價咗就點嚟食下。吞拿魚腩非常肥美，感受到入口即溶嘅感覺，果然貴有貴著，超好味呢。原條鰻魚壽司，蒲燒醬汁非常濃郁惹味，咬落油香肥美，推介推介!雖然小食無半價，但都點咗幾串串燒暖暖胃。串燒款色選擇多，有雞肉串、多春魚、冬菇、就連比較少見嘅煙肉車厘茄也有。不過我就比較鍾意洋蔥牛柳，牛柳軟腍腍，醬汁多，同洋蔥一齊食係絕配呀。整體質感唔錯，搵日再嚟過Encore先。

Lunch Time趕時間，就搭在市中心食啦。咁呢想食日本野，其實無幾多間可以揀嘅，咁就揀咗頂樓嘅一壽司。見門口好似冇人排隊，就企喺門口等，點知個帶位員入咗去幫手落單，之後我哋後面就會出現人龍啦。問我地吧枱坐唔坐，喎咁lunch嗰時就梗係坐啦，快就得，入到去即刻就叫嘢食。咪嗱嗱聲抽時間去對面戲院買飛今晚睇戲，買完返黎都係得杯飲品，我叫角切魚生飯都咁耐😨，好喇再等左大約十分鐘，我有得食喇，相片與事實相符嘅，不過隻蝦就比以前細隻左，我食飽同事叫既石窩牛肉飯仲未黎，想搵個侍應幫忙跟跟都無人，遠遠見到佢地好忙，咁大間舖只見3個侍應⋯⋯我地耐性太強了吧，等左40分鐘個飯終於黎但已經13:55 so sad，只能講，趕時間唔好黎

入秋，山長水遠來屯市探人，裡邊的冷氣凍到飛起，只想快快搵個地方坐一坐。晚市大部分餐廳都要排隊，得一壽司唔洗，餐廳占地大，位好多，速速坐低。晚市的一壽司唔平，黑夜壽司會抵啲。於是一人叫一碗拉麵，想飲些熱湯驅走寒意。豬軟骨拉麵，豬軟骨呢肉够腍，軟骨爽口，溏心蛋晶瑩剔透，但湯底偏鹹。私以為豚肉沒有豬軟骨來的好食，拉麵軟硬適中，其他的不相伯仲。我們後來要多份芝士雞粒，都幾好食，雞粒有軟骨，香香脆脆，淋上檸汁，蘸埋芝士汁，口感又升多一個層次！200蚊有找，食得很飽，係ok嘅。

睇圖片都知貨不對版，吉列豬扒原來唔係脆口既，終於見識到，如何難食到的蛋係好咸，的豬扒又鞋口又無味，我無辦法食落去，係十分難食。對唔住發表完畢。原諒我第一餐，侮辱我味蕾。

今晚去左屯門市廣場睇Star Trek 3, 睇完之後差不多10點，戲院出面間一壽司啱啱好開始咗半價時段一陣，我哋完全唔使排隊直接就有位坐喇！咁晏先食飯有啲肚餓，第一輪叫咗6碟壽司，其中一個象拔蚌壽司已經賣晒啦，而兩個漏咗單，只黎左3碟，之後再落單叫多7碟，漏左1碟，所以總共食左9碟。我覺得最好食嘅就係以下幾碟啦！第一名係吞拿魚腩帆立貝，帆立貝非常鮮味肥美，我地一共食左兩碟！第二名既係蟹膏甜蝦！蝦好鮮甜大隻，同蟹膏簡直是絕配！我地叫左好多款蝦黎試，呢隻至好食！第三名係鰻魚壽司，一向仲意食鰻魚，呢到的鰻魚壽司好juicy, 呢個我地都食左兩碟！最後呢個甜蝦蟹棒都好好食！大大件，蝦味好鮮甜！兩個人食左9碟埋單$174，抵食又好食，而且服務員態度都好好，雖然有漏單，但都會幫忙跟進！讚！

第一次在openrice 留言，但感覺真的很差。今天下午4點半，我和媽媽準備到一壽司食下午茶。當時餐廳約有7成座位是吉的。 我和媽咪進去的時候，一位疑似店鋪經理竟然安排我和媽咪搭枱。 於是我便問:“可否不搭枱?”經理的回應是:“冇啦! 得呢張!” 咁我同媽咪望一望都無咩你既餐廳，都覺得無理由要搭枱，我話(指住成排冇人坐的卡位):“可唔可以坐果張?” 經理又回應:“果d 3~4人先坐得你，你自己睇下勒” 我話:“但係依家都冇人” 經理神回:“咁一陣間會有架麻!”最後我即時就拉住媽咪離開。 我唔知佢地有冇咩難處，所以要咁樣安排，但我覺得佢既回應好有問題。 我唔係一定唔搭得枱，只係我會睇餐廳當時的人多情況羅。 這個時間食野，就係想人少d, 食得舒服d。我地最後左板長，都係食壽司，其實我地係有好多選擇。

好好地一件炸物，就算炸得再香再脆，你放上湯面都係會浸淋，咁點解廚房仲要咁做呢? 我真係唔係好理解。 碗烏冬其實係好食既，又滑又彈牙，而且吉穿隻雞蛋等D蛋汁可以流出黎，個烏冬仲會多左陣蛋香味添，湯底足味而唔會過濃，最敗筆就係將D炸蝦放湯面。 希望餐廳可以留意到啦...

以為黑夜壽司10點先開始，去到先知旺角店6點就開始手卷、熟既壽司都無咩大問題但係生既超級腥同埋有怪味個海膽軍艦完全唔係海膽味，加埋豉油食都去唔到怪味飲左成杯水都去唔到d味（如果10分係難食，佢有8分）仲有叫左個黑和牛軍艦，原以為個和牛係熟上點知係生上，試左啖即刻掉左食唔慣生既牛同埋一大陣雪味同事叫左個生蠔都腥到丟左。雖然黑夜壽司係半價，賣剩低既野但都要注意下d食物質素每次去食一次比一次差，唔會再去

上周六本想說去吃火鍋，但屯門火鍋的選擇不多，由於要看的電影只有夜場，於是乎就決定去吃黑夜壽司！這還是小女子第三次吃的黑夜壽司，第一次是數年前在旺角，而屯門這家去年吃過一次，這今回是第三次吃黑夜壽司了。黑夜壽司10 時入座，我們二人同行，設最低消費$90，但以一般人的食量而言應該都不是問題吧!我們9:50才開始排隊，雖然輪候隊伍已經有約40-50人，但我們還是成功入座!首先說說比較好吃的:1. 蟹膏甜蝦 - 夠鮮味。2. 泰式赤海蝦 - 特別，但醬料有點太多。3. 三文魚骹七味燒 - 喜歡吃三文魚，這個水準中上。然後說說頗有期望卻略為失望的:1. 原條蒲燒鰻魚 - 鰻魚是很大條，但感覺不大新鮮，肉質有點散。2. 極級吞拿魚 - 這個主要是名字跟實物不附，吞拿魚很薄味道普通，似乎稱不上極級。3. 焦糖鵝肝玉子壽司 - 敗筆在卡蛋做得不好，很濕。接下來說說水準正常的，不算很突出，卻也算不錯的:1. 醬油燒太刀魚壽司 - 賣相好看，味道也可以。2. 白鳥貝壽司 - 樣子好看，吃起來也新鮮，就這個本身就沒甚麼味道。3. 芝士飛魚子蟹捧壽司 - 如果芝士味更濃點會更好。差評的食物:*軟殼蟹天婦羅

晚飯時間，等好姊妹下班後一起在屯門市廣場逛逛街 一邊逛一邊討論著晚飯吃甚麼～最近幾天天氣實在太熱了！ 我和好姊妹紛紛贊同不想吃中菜熱炒，那就不如來點「涼浸浸」的壽司吧！經過一壽司的門外，看到這個二人御膳套餐會員價＄260值得一試～二人餐裡包括：兩個小沙律海鮮湯、味噌湯、茶碗煮（三選二）刺身盛壽司盛合一款小吃一款主菜北海道忌廉泡芙4粒事不宜遲，我們上菜吧～寒天像啫喱般的口感，加上酸酸甜甜的芒果粒，混在生菜和麻醬當中，特別清新茶碗煮是我其中一道日本料理中的至愛友人則覺得還不錯～推介這土瓶海鮮湯用茶壺來喝湯真的是第一次～最特別的是，湯來的時候送上一顆小小的青檸青檸配上蜆的鮮味，真的很配，好喝廣島吉列蠔，炸的滿鬆脆，味道也剛剛好如果蠔可以帶一點點會更好吃哦 刺身蠻大塊的～壽司也蠻好吃的我是甜蛋愛好者，所以特別高興 烏冬很彈牙，味道也剛好，忌廉不會太膩如果露筍可以嫩一點，上菜時可以再熱一點就更好了滿足的一頓晚飯二人連服務費＄292晚飯可以不用等位又不太貴的選擇其實不多～大家如果經過屯門的話可以來試試喔！（請注意 這套餐只是屯門分店限定）

在看電影前來到一壽司吃點東西。油甘魚壽司($25)甘香中帶鮮甜，是眾多魚生中最討我歡心的。三文魚三食($25)以辣味最佳，辣辣的沙律醬帶出三文魚的甜，黑椒味很濃烈，卻略嫌蓋過魚味，大蔥就只是在原味三文魚上放數條幼蔥而已，像兩種不相干的食材牽強放在一起，味道也沒有因此提升。火炙汁燒三文魚腩壽司($22)的醬汁甜甜的，三文魚腩肥美，炙燒過後質感柔軟，好吃。期間限定的兩款食物則讓我頗失望，自家製五目野菜魚餅($28)沒有魚味，沒有口感，毫不彈牙；醬油燒太刀魚壽司($19)因為魚的質感難以咬開，以濃稠醬油的調味有點奇怪。看來在一壽司只應穩陣地點選常見的壽司，創新的壽司和小食都有點伏。

講到抵食十點後半價真係冇得彈，帶子同蝦刺身非常新鮮。加州手卷不過不失。炸蠔及炸蝦壽司，炸得香脆可口，蠔味淡淡的，炸蝦蝦肉爽脆。玉子鵝肝壽司，鵝肝雖然細細件，但鵝肝尚算鮮味。鰻魚壽司，鰻魚大大件又多鰻魚汁都幾厚肉。海膽軍艦海膽並不是很多，味道OK。