グリル滿天星

營業中

休息中

喜歡蛋包飯，更喜歡老店。為一嚐東京43年老字號蛋包飯專門店「滿天星」，絕對值得走一程到海港城。 蒲燒鰻魚蛋包飯 $248滿天星肉汁安格斯牛扒蛋包飯 $298忌廉蟹肉餅 $148蛋包飯的靈魂是蛋、飯與汁。蛋先談蛋，滿天星採用的蘭王蛋，是日本蛋中的名門望族，只吃原料穀物的壯年母雞之出品，橙色的色澤已比一般搶眼，蛋香更是份外濃郁，吃過好的，所謂：返唔到轉頭。 最令我驚喜的是，原來蛋下有帶子、蝦及蠔，怪不得吃到海鮮之味。 飯見到知道是有味飯，入口真的好好味，據說飯底依照日本總店做法，用竹筍、洋蔥、粟米、香菇及茄汁等8款素材，與日本米一起放入雞湯先煮後焗，原來有咁多材料，並非一般的炒飯，果然細緻。 汁醬汁是祕製的，例如蛋包飯汁、日式肉汁、咖喱汁配合不同的飯，不過，我覺得醬汁一般，尤其是牛排的肉汁。 若然重訪，該嚐嚐咖喱汁。  忌廉蟹肉可樂餅是經典菜式，的確炸得酥脆而內心濕滑棉棉，但是完全沒有蟹肉的口感！ 雜莓疏乎厘班戟 $138意猶未盡，想再坐多一陣，非常蓬鬆軟才小入口即化，甜度適中。 裝潢現代簡約，坐落於海港城之前 BLT burger 的舖位，人流極多，所以平日六點後已經開始需要排隊，我刻

日日經過都排隊、5:00冇人排、點都試一試！一入去係用電話scan QR code order 但個位唔太收到電話、所以load得好慢、佢個舖本身有Wi-Fi 提供、但個PW勁長所以對於我呢啲懶人都係慢慢load. 叫咗一個漢堡扒蛋包飯、個漢堡扒就一般冇特別而且有啲乾身好實、個蛋包飯都ok ge 煎得幾好、單張入邊有少少海鮮粒（我估應該係帆立貝嗰啲）有啲鮮味嘅、唔係用勁cheap嘅料。但係個汁唔多夠、如果有咖喱汁就更好（因為我開頭以為咖喱汁、原來係肉汁。其實個賣相係靚嘅、但味道就ok la 冇乜驚喜！我覺得我會再黎、但等冇人排隊先啦！

一向都不是10分喜歡吃牛肉，但知道滿天星的慢煮牛肉飯10分出名，決定一試。牛肉粒嫩滑，入口即溶化，咖喱汁味不太濃，味道恰當，回味無窮。另外滿天星肉汁漢堡扒蛋包飯亦有水準，不過以蛋包飯來說價錢稍高。至於甜品叫了雜莓疏乎厘班cake及日式疏乎厘班cake，都唔錯，味道不太甜而strawberry 好新鲜，賣相亦好靚。餐廳環境優雅時尚，坐位舒適，是年輕人拍拖打卡不錯之選。

昨天farewell 朋友，佢話第日喺外國未必成日食到好嘢，所以特登帶佢去「滿天星」食蛋包飯。佢食完之後讚不絕口。我一向對蛋包飯興趣不大，通常啲蛋都整得唔係幾好味，又唔嫩滑，但係試過「滿天星肉汁漢堡扒蛋包飯」之後，好想再試，塊漢堡扒肉質好鮮嫩，啲蛋又香又嫩滑，個炒飯底都好有飯香味。除咗蛋包飯，佢哋有個好好味嘅「慢煮牛肉咖喱飯」都係超級正，我都極力推介，一定要試試，佢啲牛肉粒好滑好好味，一入口即溶化。至於甜品方面，佢哋個「雜莓疏乎厘班㦸」非常之好味，啲蛋好滑又好有蛋香味，啲士多啤梨又好新鮮，佢哋啲奶昔都好好味，又唔會太甜。仲有值得一讚，就係佢哋嘅服務態度，每位服務員都好友善，餐廳環境同埋座位都好舒適👍

一向對蛋包飯興趣不大，因為通常啲蛋都整得唔係幾好食，但試過「滿天星肉汁漢堡扒蛋包飯」之後，覺得好好味，塊漢堡扒肉質好鮮嫩，塊扒又唔會太燶，啲蛋又香又滑，真係唔同一般嘅蛋包飯。除咗蛋包飯，佢哋個「慢煮牛肉咖喱飯」超超超正，我超級推介，一定要試，啲牛肉粒好嫩滑好好味，入口即溶化，除咗喺日本，我好耐未試過喺香港食到啲咁好味嘅牛肉粒，啲咖喱味又剛剛好，不太濃，不過啲飯再軟熟少少就perfect, 我諗小朋友都會好鍾意。唯一缺點就係價錢唔算平，但係質素就真係幾好。仲有佢哋嘅甜品都要讚一讚，我哋叫咗個「雜莓疏乎厘班戟」，同埋「日式疏乎厘班戟」，非常之好味，啲蛋好滑好香，士多啤梨又新鮮，我哋又叫咗個「士多啤梨奶昔」，賣相又靚士多啤梨又新鮮，呢啲甜品我諗小朋友見到一定好開心好鍾意。仲有值得一讚就係餐廳環境好優雅，座位好舒適，仲有佢哋嘅服務態度都好好, 每位waiter waitress 都好細心照顧客人👍👍👍

今日於尖沙咀和朋友上午出席講座, 中午去海港城逛逛, 見到4年前於東京新宿食過的グリル滿天星蛋包飯竟然在尖沙咀開店, 於是便排隊食lunch, 我們排了15分鐘便入座, 這裡是QR code點餐,我們點了日式咖喱朱扒蛋包飯, 日式咖喱炸蝦蛋包飯和忌廉蟹肉餅。日式咖喱朱扒蛋包飯我點了咖喱汁另上,朱扒炸得金黃香脆, 食落啖啖肉, 喱辣度適中帶甜, 食落惹味, 這裡的蛋包飯是用日本蛋中之王「蘭王」烹調蛋炒飯, 食落口感濃郁濕潤香滑, 炒飯炒得乾身醬汁惹味, 蝦仁食落彈牙, 配菜有西蘭花, 粟米仔和賣相吸引的紅羅白, 食落新鮮鮮甜, 整份日式咖喱朱扒蛋包飯材料豐富, 食落美味, 口感十足；最後忌廉蟹肉餅是日本名物, 蟹肉餅炸得金黃香脆, 食落有香滑忌廉味, 蟹肉肉質鮮甜味美, 配上特製番茄汁食落開胃, 薯蓉食落香滑, 入口即熔。餐廳座位舒適闊落,食材高質新鮮, 日式咖喱朱扒蛋包飯和忌廉蟹肉餅, 兩款食物保持到我在日本旅遊食蛋包飯水準, 我和朋友食了一頓高質日式洋食。

終於在年終清年假的工作日午餐時間去到排隊，很快有位，好似餐廳給客人選位，兩人做到好舒服的沙發4人位，之後來到的3位客人沒位坐，阻在門口不給其他客人入先。。。可能他們等好久再講下食物，有點失望，同個價錢不相稱，安格斯牛肉蛋包飯，蛋包飯都算招牌啦，牛肉很硬，仲有筋，可能是安格斯牛肉的特色，番茄炒飯味道很淡，不過炒蛋上面配的帶子很新鮮，算加分啦，咖喱味道都很淡，整體不和口味本來想說，如果好味就叫多個飲品或者甜品，吃了蛋包飯就不想再叫了

是日星期日，2️⃣人閒唻海港城，經開就一試呢間又係所謂過江龍🐉嘅「グリル滿天星 Tokyo」🍽。中午約1️⃣2️⃣：1️⃣0️⃣唻到，店內雖已座無虛席及有少許人喺店外排隊，但等候十多分鐘就有位。餐廳限制用餐時間⏳9️⃣0️⃣分鐘，食客自行掃QR Code落單點嘢食。因唔知🍛有幾大碟頭，故點咗3️⃣樣嘢食Share。出餐速度幾快，落單無耐已有得食。※ 滿天星咖喱蛋包飯🥚🍛💲1️⃣2️⃣8️⃣：賣相唔錯，隻碟係微熱嘅，滑蛋淋喺飯面，蛋面有幾粒帶子肉，但蛋同飯並唔太夠熱，蛋並非特別滑，亦唔太有蛋香，汁偏少，飯都唔太香軟。實屬不過不失而已。※ 忌廉蟹肉餅🧆💲1️⃣4️⃣8️⃣：賣相可以，粉層唔會過厚，味道唔錯。※ 吉列廣島蠔🦪💲1️⃣3️⃣8️⃣：賣相可以，粉層恰到好處，蠔夠大隻厚肉，味道可以。整體而言，餐廳畢竟新開業，環境及餐具都新淨，試咗嘅幾樣嘢食都只係中規中矩，冇特別太大驚喜。價格偏高，值唔值則見仁見智，閒唻一試都無妨，但肯定唔會常唻。【留意】※ Pancake🥞1️⃣4️⃣：3️⃣0️⃣後先有供應，就算只差少少時間都落唔到單，想試嘅朋友記得要揀啱時間。※ 客人須於店外排隊等位，疫情期間自行留意。❤🤍🧡🤍💛🤍💚🤍💙🤍💜🤍🤎🤍🖤🤍

又多一間日本過江龍來港今次嘅主打係蛋包飯睇到網上食評/朋友講呢間過江龍啲質素麻麻地咁就令我更加好奇….啱啱開業嘅餐廳真係差到咁？我趁平日放假就去試吓啦如果係伏嘅話都係一次啫😆我11:40am到達，已經見到有一位女人同小朋友等緊位過咗大約10分鐘後企喺我後面嘅人已經有10個到正式開門時應該有30人喺度排隊餐廳採用QR code落單電子餐牌上嘅分類都幾清晰店員話如果要食甜品嘅話要分開落單如果唔係就會一齊上▫️滿天星肉汁漢堡扒蛋包飯(HKD238) - 呢個人氣蛋包飯每日限量發售。蛋包飯上枱時店員有提及漢堡扒下嘅係肉汁；蛋包飯下嘅係茄汁 (係啡色嘅茄汁。我初初以為自己聽錯所以問多店員一次)。成個蛋包飯我稍為欣賞嘅就係用上3隻蘭王嘅滑蛋。薄就薄咗啲但係整得夠嫩滑。點知就俾滑蛋上嗰幾粒雪藏味極重嘅帶子粒破壞晒整個味道😣滑蛋下的飯…全部都漿在一齊，用匙羹𢳂起啲飯嘅時候會發現大大小小嘅飯糰粒，睇到呢個情景心裡好不爽，哈哈哈。我唔知啲飯痴到一舊舊係唔係店鋪嘅特色 (我未食過日本滿天星所以不能比較😑😑)，我個人對呢種飯嘅口感唔識欣賞😅飯嘅味道係充滿茄汁味，我只可以講唔難食囉。有塊漢堡扒嘅蛋包飯價錢同冇漢堡

等左好耐的滿天星終於在海港城落戶了，已經兩年冇得去日本，懷著對日本滿滿的思念之情，今日要好好享受一下來自東京的味道，被票選為全東京最正的蛋包飯專賣店。中午未到12點，門口已經出現人龍，心急的我在排隊的時候已經在認真研究餐牌。餐廳的位置全部都很好坐，環境優雅，充滿日式特色，令人心情好好。蒲燒鰻魚蛋包飯，不得了，佢個賣相勁吸引，厚厚的鰻魚肥美到呢！色香味完勝！相機一定先食，影左半日未捨得食，比佢個香味吸到勁肚餓！滑蛋份量十足，起碼有三隻蛋的量，而且用左蘭王蛋，無論系色澤還是蛋味以及營養，都優秀過普通雞蛋。滑蛋口感好正，應該系用左鮮奶忌廉黎炒，特別香滑。配上蒲燒鰻魚，大大一啖落口，有說不出的滿足感寫上表情上，真係好好味。滿天星肉汁安格斯牛扒蛋包飯，安格斯牛扒份量十足，肉質嫩滑鬆化，咬開完全冇筋，蛋包飯則是加左蕃茄膏的炒飯底，有香菇，青豆之類，口感層次豐富。忌廉蟹肉餅，外酥內嫩，表面炸至金黃色，但一啲都唔油膩，香脆可口，薯蓉有清新的口感，同蟹餅系絕配。值得一提的是，即使你食得再飽，也不要錯過甜品梳乎厘pancake，我哋食既系原味，佢個牛油打成既cream加上蜜，少少咸咸又甜甜地的味道真系好鬼

正如標題所言，食咗3樣食物，埋單差不多$800！只係Lunch，雖然係明碼實價係Meun，但食物質素不值呢個價格。見新開張，又有甜品食，平時都多人排隊等，應該唔會太差吧，但結果係食物只係好過food court小小讚一讚，個咖哩飯的牛肉係好食的，好淋身好夠味！而我就叫咗個龍蝦包$2xx，係完全唔值！包無牛油係凍的，肉都係小嘅，用生菜同沙津醬搭夠，因為我之前係日本食嘅龍蝦包真係天同地，點解會好意思開呢個價錢？？Btw呢間真係試過就算了。。

最近這間在日本非常有名的老字號蛋包飯終於開到香港，有天經過的時候看到超多人排隊，今天決定排隊也要試一試。店舖好大，有好多卡位，真係有種食緊高級蛋包飯嘅感覺。《鰻魚蛋包飯》$248鰻魚很大條，口感很軟，肉質並非厚實那種，也沒有骨，好食！至於蛋方面，用的是日本蛋，非常金黃、嫩滑，有蛋香，裏面嘅炒飯就係蕃茄炒飯，整體都幾好味。《咖喱吉列豬扒蛋包飯》$238豬扒好厚！外層嘅粉漿唔厚，口感外脆內彈，不過有小小雪藏味道，可接受，都唔算好影響！但日本咖喱好香，所以咖喱飯好好味！《士多啤梨梳乎厘班戟》$128這個是即叫即做的，估唔到呢度都有好多款pancake，呢個好有空氣感，而且唔會好塌同埋太濕，做得都幾好，而且士多啤梨好新鮮我估應該都係日本士多啤梨，高質。《蟹餅》$88用蟹肉整成嘅蟹餅，每一啖都食到蟹肉，用了都幾充足，唔會食到太多麵粉，番茄醬都幾新鮮，整體都唔錯。總括而言，雖然要排好耐隊但係我覺得都值得一試，畢竟香港做蛋包飯點唔係太多 間唔中一餐我覺得都幾有新鮮感。

平時經過滿天星總是滿滿人，源自日本老牌店，更加吸引一班掛住日本既食客。今日恰巧放早，就一於湊熱鬧！餐廳有sofa 卡位，都幾舒服。手機掃QR code 點餐，方便，另外員工人手都足夠。我地兩個人叫左一個小食，一個蛋包飯同一個甜品。小食係忌廉蟹肉餅 $148，配合主題有塊星星紅蘿蔔，仲有個薯仔沙律，蟹肉餅裡面無乜洋蔥，係忌廉蟹肉醬，外面就有茄汁，正正常常。主食滿天星肉汁安格斯牛扒蛋包飯 $298，安格斯牛扒7成熟，不會過韌，有牛肉香味，好吃！蛋包飯裡面的飯有茄汁，有不同層次。蛋偏橙色，半生熟蛋，賣相吸引，味道也不錯。甜品朱古力香蕉疏乎厘班戟$138，對疏乎厘班戟既熱情無減退，久不久就會想食，今次呢個朱古力香蕉有驚喜，朱古力醬唔係普通貨式，吃到係有啲甘苦，不是死甜，香蕉同朱古力係絕配。

初初見試業時無乜人食唔敢排，以為唔好食。點知之後又見好多人排，所以就試下！點知唔好食之餘 又貴！無圖有真相叫咗個漢堡扒肉汁蛋包飯！碟飯有兩種汁，一個點塊扒 一個點個蛋包飯！個蛋ok 但飯唔ok! 濕得滯！個扒都煮到幾熟 油味重 但無咩肉味 唔係難食 但唔叫好食囉 ～之後叫咗個pancake… 唔夠熟之餘 仲食到啲生面粉係底！一個字：差！ 又唔夠梳夫厘 唔夠浮！ 同商場另一間好食好多！整體感覺： 貴 加 唔太好食！但服務幾好！不會再去 😓

抱住回鄉嘅心情過嚟食蛋包飯，見到今日竟然冇人排隊，已經覺得好驚訝，抱着興奮嘅心情入嚟！！！入來滿天星成蛋包飯，最緊要就係佢隻雞蛋，d雞蛋老過呀婆，雞蛋冇蛋味，除咗店舖嘅日文歌同埋裝修之外，所有嘢食完全唔好食，啲飯好淋，終於有青豆！我去一田買日本雞蛋仲好食過呢度，或者可以試吓去返Coco咖喱屋，性價比更好，二百 幾蚊份去旺記食到三個滑蛋飯😂另外個疏乎厘，真係如同有包皮既空氣一樣，就是呼吸，一吸就冇咗啦！！！如果你有一個討厭嘅朋友，可以非常建議佢過嚟食！！！！