グリル滿天星

營業中

休息中

“滿天星肉汁漢堡扒蛋包飯”($238)“吉列日本黑豚咖喱飯”($188)“日式梳乎厘班戟”($108)“士多啤梨奶昔”($78)之前平安夜趁早收工所以就試吓去排滿天星😆4點幾到果然唔駛點排就入到去食😝其實上網睇comment一早有哂心理準備嘢食一般但難得係日本過江龍所以都心郁郁想試吓😂呢道所有嘢食定價都非常進取最出名嘅滿天星肉汁漢堡扒蛋包飯竟然要成$240而普通嘅咖喱飯大多都要$150起跳食落質素真係非常非常一般唔係難食,而係完全唔值呢個價😂最離譜係收呢個價嘅吉列豬排竟然甩皮甩骨🐷仲要塊肉又薄又鞋🙂男朋友話仲衰過食銀咖喱🤣反而個梳乎厘pancake就好好多🥞食落鬆軟又有蛋香,起碼叫收費合理啲😂呢間餐廳真係食一次就夠😂好在唔駛排好耐如果唔係會食到好嬲😂

5點幾經過海港城 諗住去睇下有咩好食見到呢間新開既蛋包飯竟然唔洗排隊咁就9衝左入去 點都入去試下嘛座位都算闊落 裝修就好有日本既風格滿天星漢堡扒蛋包飯 $238周打蜆湯 $78香脆薯條 $68期望太高會失望呀🥲價錢唔算平除左蘭王蛋其他食落都無乜特別漢堡扒唔算juicy 炒飯底比較濕

喺禁堂食之前，有一日難得早放所以試下食唔食到呢間人氣蛋包飯，好好彩未夠6點，所以好快有位👏🏻之前只係喺京都食過STAR蛋包飯，東京滿天星就未食過，今日可以滿足下思鄉嘅感覺～～Menu其實都幾多嘢揀，我同男朋友就各自揀咗一款蛋包飯，再為食地叫咗個小食😝😝最後當然唔少得甜品喇！忌廉蟹肉餅話就話係「小食」，但其實都唔少，兩塊蟹肉餅唔只唔細塊，而且切開就睇到係滿滿蟹肉。有半塊都沾咗茄醬，我一開始就想試下佢原有味道，於是就食無醬嗰部分，脆炸口感加滿滿蟹肉👍🏻如果食埋醬就層次多啲，不過都係會再濃味啲，睇你個人口味鍾意邊個多啲，我就覺得原本嘅口感啱我多啲。蒲燒鰻魚蛋包飯上碟時見到側邊無嘢就以為份量少？其實係隻碟真係幾大😹😹😹而食物只係集中喺中間。原條鰻魚唔駛講喇，見到已經超開心，而且都煮得剛好，質地味道都正！蛋包飯入面嘅飯用茄汁炒，酸酸甜甜食得好開心！日式咖哩吉列豬扒蛋包飯我幾鍾意日本甜甜地嘅咖哩，配埋吉列豬扒就更正😋😋所以我幾鍾意呢一個，而呢個蛋包飯嘅飯仲要都係用埋咖哩醬汁去炒，令件事更統一，無得頂！朱古力香蕉梳乎厘班戟食完主菜食甜品是基本，本身以為呢間只係出名食蛋包飯喇，但個梳乎厘嚟到時覺得個樣

開咗喺海港城之後，長期有條人龍喺度排隊，相當受歡迎！呢間係聞名嘅日本蛋包飯，連日本人都大讚好味😋呢度蛋包飯種類都好多，揀咗兩款蛋包飯🍳🍚▶️蒲燒鰻魚蛋包飯$248鰻魚係原條好大條，夠多鰻魚燒汁～蛋嘅顏色夠橙黃，而且幾滑！▶️滿天星肉汁漢堡扒蛋包飯238我覺得蛋包飯配漢堡扒係絕配😍漢堡扒夠厚身，而且幾Juicy，煎得夠香又好味！▶️忌廉蟹肉餅$148忌廉蟹肉薯餅夠鬆脆，忌廉蟹肉滑身。另外有薯蓉及配菜，配菜嘅紅蘿蔔🥕好有心思整成星星型⭐️▶️朱古力香蕉梳乎厘班戟$138見到甜品有梳乎厘班戟真係好吸引，疏乎厘厚厚的，賣相唔錯。朱古力🍫香蕉🍌相當夾！日本過江龍人氣蛋包飯

💛🤍 東京43年老牌蛋包飯🤍💛...グリル滿天星蛋包飯是東京著名的蛋包飯專門店，這ㄧ家是每次去日本必報到的店😆🙌🏻✨現在過江龍來到香港開分店啦，讓我疫情下不用飛日本也吃的到✨.今天剛好ㄧ早在海港城有工作，ㄧ結束工作看時間尚早就來看看這家店的排隊狀況，不跨張還沒11:30開店已排長龍，還好我排在很前面，被安排到第一批入場💕.點了平時最愛的滿天星咖哩蛋包飯 與 肉汁蛋包飯，它的每一份蛋包飯都用了三隻蘭王蛋做的， 所以可以看見蛋色呈現橙黃色，蛋香也非常濃郁，口感嫩滑😋另外每個蛋包飯的飯底都會加蔬菜及配上不同醬汁炒，不過個人覺得飯底香港店有點普通也不夠飯香，跟在東京吃還是有ㄧ些分別，些許美中不足，但不能飛時可以回味

最近海港城開了東京出名的蛋包飯，今日終於有時間黎試一試😋平日的晚飯時間，門口也排着長長的龍，不過總算唔係等咗好耐，原來佢出餐都好快👍一打開 menu， 😍有勁多款式嘅蛋包飯！全部都好吸引，仲有一些漢堡包，三文治，扒餐同埋小食。最後我選擇了鰻魚蛋包飯！😍超多的蛋及超大塊的鰻魚！蛋的顏色和一般蛋包飯有啲唔同，係橙色一點的，是真正高尚的日本雞蛋😙再加上一條鰻魚，非常滿足😜朋友就選擇了牛扒，雖然都是蛋包飯，但係飯的種類是不同的！鰻魚飯裏面是菇飯，而這個的飯是西炒飯類型😂當然唔少得小食，蟹肉餅，正宗的日本薯餅類型，隔離配上薯蓉及蔬菜，上面鋪上肉醬汁😋最後最後當然是甜品啦！每次見到餐廳有疏乎厘pancake也是必要選擇的😎今次我哋揀咗朱古力香蕉疏乎厘pancake，本身寫住要20分鐘，但係超快的上了菜。厚厚的pancake配上濃郁的朱古力醬😋超級飽。

日本著名蛋包飯，滿天星終於登陸上香港，話說期待左好耐滿天星，因為自己超級中意食蛋包飯，好彩一早就排隊，等左30分鐘終於可以入去哇，好期待個蛋包飯滿天星肉汁蛋包飯 $128今次就選擇左最普通既肉汁蛋包飯，岩岩落單吾夠5分鐘就送到上枱，快到一個點，大大碟望到都已經好想即刻食，打開個蛋見到入面既飯係用Ketchup 茄汁去炒飯，食左幾啖飯配埋肉汁一啖一啖咁食超級好送飯日式咖喱吉列豬扒蛋包飯 $228係排隊時候就已經決定要食咖哩吉列豬蛋包飯，就算多左吉豬，上菜時間一樣吾洗5分鐘就上枱，吉豬超級脆口確實有水準，咖哩蛋包飯既飯好有星馬泰既味道，係用左咖哩粉同有提子乾炒岀泥既，所以好有星馬泰既感覺，至於個咖哩汁就無想像中咁特別，感覺上好單調總結:去食一次就可以，皆因性價比吾太值得再食，感覺有更多其他既蛋包飯選擇

今晚係禁堂食既最後一晚，同朋友相約一齊食蛋包飯專門店，去到都已經有條人龍，等左15分鐘左右就有檯啦，安排左一個圓形卡位，都坐得幾舒服😌，用QR code落單，又快又方便！滿天星肉汁安格斯牛扒蛋包飯$298: 安格斯牛肉7成熟左右，見到中心帶有少鮮紅顏色，食落口很軟嫩，用左蘭王雞蛋🥚呈深黃色，蛋味很濃郁，要黎整蛋包飯更好味！蒲燒鰻魚蛋包飯$248: 整條鰻魚放係面，魚肉嫩滑冇乜魚骨，蒲燒鰻魚汁帶微甜，有入口即化的感覺，再配埋茄汁蛋包飯層次感更加強，入口更加美味！忌廉蟹肉餅$148: 配有主題星星形狀既蘿蔔，配有薯仔沙律，茄汁醬蟹肉餅內有洋蔥同忌廉蟹肉碎，熱辣辣很有creamy口感！朱古力香蕉梳乎厘班戟$138: 因為需時要15-20分鐘左右，所以食到中段既時候就要落單啦，梳乎厘班戟很Q彈，裡面很實在唔會有空氣感，再配埋dark chocolate 醬同fresh cream唔會太甜，朱古力汁加埋鮮香蕉🍌片更加match! +++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

日本東京過江龍•グリル滿天星蛋包飯專門店🔸•登陸香港啦❣️我真的好想念日本的味道🥺，什麼時候才有機會飛去日本呀～聽說滿天星在日本有8間分店，連羽田機場也有設店，不過我是沒吃過啦。在2021的平安夜，我沒有預約仼何餐廳，一心想來這裡慶祝🙊，沒想到一排就排了兩個多小時呀😣~滿天星蛋包飯是東京著名的蛋包飯專門店，於當地設有8間分店，包括新宿、麻布十番、日本橋等，加上於羽田機場亦有分店，故香港、台灣旅客以往到日本旅遊，上機離開日本時，都會抽時間去一嘗這人氣蛋包飯的味道。「滿天星肉汁漢堡扒蛋包飯🥩 $238 」「滿天星咖喱蛋包飯🍛 $128 」蛋包飯的賣相相當吸引😍! 每份蛋包飯會用三色日本蘭王蛋，色澤鮮艷，橙色光亮。滑蛋滑嫩嫩，醬油濃香美味，個人認為咖喱醬較為出色。不過炒飯過黏糯，失去煙靭圓潤的口感，而且炒飯中有不少青豆🤣，大家要注意哦~「雜莓梳孚厘班戟🥞 $138 」梳孚厘班戟則較為失色，我的班戟完全不熟🥺，皮和底完美分離。希望下次會好點啦~▫▫▫▫▫📍地址:#尖沙咀 海港城海運大廈3樓OT301-301A號舖▫▫▫▫▫

🇭🇰グリル滿天星·呢間個蛋望落真係好橙 而且好似炒得好靚咁 所以我地前排去海港城既時候就去左試🤭🤭佢食落其實係ok既 但係呢個價錢真係有多好多其他更好既選擇🙊🤣🤣·蒲燒鰻魚蛋包飯$248 l 滿天星咖哩蛋包飯$128我地本身見佢定價咁進取 以為佢對自己既出品好有自信 點知最後有少少失望🙊佢個蛋係真係炒得幾靚既 不過佢食落個蛋味就唔算好濃🤔之後佢個鰻魚都大條既 而且無咩骨 但係食落無咩蒲燒味🤭🤭之後佢個咖哩汁係甜甜地咁既 不過唔知點解同個飯好似無好夾咁🍛😂·#rbyeat#rby日本菜#rby尖沙咀·📍尖沙咀海港城海運大廈3樓OT301-301A號舖

因星期二6:30pm到場，omicron又開始，所以人少，一個人食只等了幾分鐘就入場。order: 咖哩豬扒蛋包飯，$228。虹吸式咖啡。其實咖喱蛋包飯好食，特別係個汁，但敗在豬扒身上。同店員反映咗，希望有所改善。咖啡$52，但唔好飲。價錢偏貴，如可以2/3價錢仲可以接受。因用手機點餐，同店員沒有特別交流，但覺得都好有禮貌。特別係介紹點餐，都好親切。試過夠應該唔會再來食了。由於樓面唔高，所以有點嘈。

前排經過海港城，成日都見到呢一間餐廳大排長龍，有一日見時間尚早，無咩人排，決定入去食個early dinner!龍蝦湯 — 同出面西餐廳嘅味道差唔多，聞落有好濃郁嘅龍蝦香味，入面仲有唔少爽口龍蝦肉😋🦞，呢個湯值得嗌炸忌廉蟹肉餅配薯仔沙律 — 賣相非常之吸引😍薯仔沙律好滑，好有小學回憶嘅味道💓炸蟹餅炸得好鬆脆，食落啖啖蟹肉，配埋啲茄醬食就冇咁熱氣～鰻魚蛋包飯 — 一整條鰻魚上，份量多到可以每啖都撈啲鰻魚一齊食🥳佢地嘅飯係西炒飯，蕃茄味偏重，裏面亦有蝦、帶子、青豆等配料（不過青豆唔係人人鐘意，建議唔加會好啲😆）；佢地嘅蛋係用蘭王，所以顏色都比較深，重蛋味亦夠哂滑👍🏻，食完呢個飯我同朋友都已經飽飽地最後當然唔少得甜品環節，而且佢呢度有得食梳乎厘pancake，即刻點左份嚟試試佢😍 （不過職員話製作需時，晚飯食到一半左右嗌甜品就差唔多）香蕉朱古力pancake — 口感同我喺日本食嘅一樣，非常之鬆軟，入口即溶。我平時好怕食cream, 但呢個cream調製得一啲都唔膩，再配埋香蕉朱古力，係perfect match啊🥺加上份量都唔少，我覺得喺香港食到呢個日本質素，$138呢個價錢都唔算太貴啊。

見勁多人排隊，一於試下呢間滿天星蛋包飯～原來係東京好出名既43年老字號蛋包飯專門店🍳 座位都好闊落～不過預咗要排隊😂 佢哋標榜每份蛋包飯會用成三隻蘭王雞蛋😍蘭王蛋肉眼可見比起平時嘅色澤真係更加橙黃🧡蛋香食落非常濃郁，毫無疑問地非常嫩滑！值得一提係飯入面竟然有帶子做配料🤩 另外仲有洋葱、粟米同香菇等等既蔬菜加埋秘製雞湯做成炒飯🍚滿天星肉汁安格斯牛扒蛋包飯 $298推介安格斯牛扒🐮煎得火候啱啱好，肉質軟腍夠Juicy🥩 滿天星肉汁漢堡扒蛋包飯 $238另外一個招牌菜必試漢堡扒🥰 用左鹿兒島和牛同日本北海道和豚，以 7:3比例搓成漢堡扒🤤 食落口感軟腍鬆化😎另外每個蛋包飯都會有秘製醬汁同茄汁兩種食法😌忌廉蟹肉餅 $148忌廉蟹肉餅作為小食價錢都幾進取😛共有2大件，幸好做得幾出色👍🏻 食落外脆內嫩，忌廉味香濃突出，加埋秘製蕃茄汁，食落唔會覺得太油膩🤪 旁邊既薯仔沙律好食🥰最後食埋甜品😆呢道既梳乎厘班㦸有四種口味，除左我叫既原味、仲有士多啤梨🍓朱古力香蕉🍌同雜莓🫐 日式梳乎厘班㦸$108忌廉食落好香滑而且甜而不膩😘 可惜質感對我黎講過於濕潤同埋黏口🙈 不過連埋蜂蜜同牛油好香，同pancake 都

一直都好中意食蛋包飯~~最近見到海港城新開左間食蛋包飯+PANCAKE 的餐廳, 次次都排哂大隊, 今次唔算大排長龍, 所以一於試一試!!呢度蛋包飯種類好多, 蛋係用蘭王蛋，是屬於高級既日本蛋～我地試左滿天星肉汁安格斯牛扒蛋包飯 同炸蝦咖哩蛋包飯!兩個蛋包飯既味道都唔同, 牛扒配上茄汁味道既飯，食落非常好食. 至於炸蝦咖哩入面就充滿咖哩味道，炸蝦外脆內軟，而且好彈牙~~另外，我地仲點左忌廉蟹肉餅，炸得酥脆，內裡軟棉，又多蟹肉，唔錯！最後當然要點個士多啤梨疏乎厘班戟，食落士多啤梨非常FRESH, PANCAKE 鬆軟，入口即化，甜度又適中，必點～～OVERALL 價錢合理, 味道唔錯, 下次會再黎!

グリル滿天星Grill Manten-boshi年尾其中一間排隊排到2047既新店開左近一個月,排隊條龍開始散去想食唔洗排隊,建議約2點半後飯市後去食我當時不用排隊,有位可直入坐低用手機落單,收加一服務費消費不便宜,但呢度係尖沙咀加名牌食店每份都係即做,預返15分鐘先有得食滿天星肉汁安格斯牛扒蛋包飯 $298肉汁漢堡扒蛋包飯 $238忌廉蟹肉餅 $148士多啤梨梳乎里班戟$138加一消費共$904牛扒接近十成熟,偏韌,但扒身肉味濃郁賣相都唔太差,伴碟有粒蘿蔔星星咁牛扒份量都多,要$298一碟蛋味唔算特濃,炒蛋夠滑身,但成個配搭唔突出無個陣好驚喜既感覺,蛋份量太少,想食蛋既略嫌唔夠多,係夠滑,飯底係炒飯,西炒飯個種,食個陣蛋同肉汁拌勻一齊食,口感味道會濃郁豐富少少忌廉蟹肉餅,炸到好脆身,沾番茄醬食份量細,蟹味唔夠濃,無咩特別漢堡扒相對牛扒更好食,手打漢堡質感鬆軟有肉汁有油脂香,肉軟肉嫩蛋同炒飯相同,只係配料唔同最後甜品梳乎里,口感都鬆軟但蛋味唔突出,口感入口都算滑味道唔太甜,口感係OK的消費$904 可以一試,但價錢略高,無咩吸引賣點尖沙咀海港城海運大廈3樓OT301-301A號舖