グリル滿天星

營業中

休息中

剛剛11月才開業的日本過江龍滿天星蛋包飯，人氣爆燈，夜晚去到要大排長龍呀～芸芸眾多款蛋包飯之中，推薦必點漢堡扒蛋包飯($238)，漢堡扒口感鬆軟，滋味無窮，煎蛋薄身，口感順滑，底下是帶蕃茄醬味的西炒飯，比較濕潤，表現平均安格斯牛扒蛋包飯($298)，安格斯牛扒已經代為切好，畢竟這裏不是一間西餐廳，期望不會太高，但牛扒肉質鬆化，可以接受忌廉蟹肉餅($148)，一份有兩件蟹肉餅，價錢中上，香脆的外層包著與忌廉混合在一起的蟹肉碎，口感像薯蓉一樣滑溜，連同配菜薯仔沙律也很好吃來這裏吃他的梳乎厘班戟也不錯，朱古力香蕉梳乎厘班戟($138)有香滑而唔過甜嘅朱古力醬，梳乎厘班戟非常軟熟，值得一試

首先，要感謝下男友，又破費啦～👏🏻👏🏻👏🏻 平時食蛋包飯幾十蚊就食到，最多都係百幾，而呢間餐廳賣到成二百幾蚊一個，究竟係有咩咁特別呢？ 原來，呢間餐廳係日本東京著名嘅蛋包飯專門店「グリル滿天星」！43年老字號、由天皇御廚弟子創辦、長期都大排長龍，真係來頭唔細！ 尖沙咀海港城店係日本「グリル滿天星」係香港開設嘅第一間門店，店內裝修簡約舒適，光線足，座位寬，坐得舒服！ 🧡滿天星肉汁漢堡扒蛋包飯（$238）的確係幾出色，食得出係用咗靚料炮製而成，同埋每樣野都做得好細緻！味道溫和，入口舒適，可以食到每樣食材本身嘅味道，尤其個蛋香，好正！ 🧡慢煮牛肉咖喱飯（$178）咖喱好香濃，但食落好溫和，唔會覺得重味精！牛肉入口即化，口感一流！好鐘意！ P.S. 餐廳搞緊活動，參加仲有荷包蛋襟章送~

正當大家都仲未可以東瀛遊時，日本其實早已慢慢滲緊入黎香港。近日又有一間蛋包飯老字號「グリル滿天星」登陸海港城，引來大批人流天天排隊，連P哥同E神都要搵XO仔兩兄弟一齊過海去探過究竟。週六中午，長長嘅走廊早已企滿老中青嘅食客，當中連BB車都見唔少，幸好翻枱迅速，四口子等咗半個鐘即成功入座。一如其他食評家所講，店內好多時都有吉枱，P哥亦心明此乃生意佬為製造人氣蛇餅所度嘅竅。店子內外嘅白色牆身望落光鮮潔亮。樓底高高嘅用餐大堂排出三行以防疫膠版隔開嘅二至四人枱。最舒適係圍邊嘅半梳化合拼式散座。餐桌上有大大樽水及自用餐具。因早已知悉必須以電子落單，所以就襯排隊時細閱牆上中、日、英對照嘅大型彩圖餐牌，選定菜式。最健康嘅哥哥點咗客「日式海鮮沙律」（$148）。小肥個人簡單啲，揀咗餐牌上幅相最大嘅「滿天星肉汁漢堡扒蛋包飯」（$238），諗住鎮店主打最有保證。蛋包飯嘅賣相同相片分別不大，橙亮鮮黃嘅蛋蛋鮮濃軟滑，絕對係碟上之最！反而蛋蛋下面嘅蕃茄炒飯唔似用日本米炒出，因飯粒細小且唔得肥潤；厚厚嘅漢堡扒亦唔夠鬆嫩，由於大家對$238嘅要求都較高，難免會覺得失望。意外地，P哥客「日式咖喱吉列豬扒蛋包飯」（$2

又一間日本過江龍，喺東京有唔少分店同名氣，排曬長龍啊！好在我哋喺6點前到，唔洗點排隊🤣-滿天星肉汁蛋包飯🍛 ($128)採用蘭王蛋，蛋味非常突出，又香又滑😋💓肉汁濃郁，配上茄汁炒飯，嚟個濃味大匯聚🤣🥴面頭仲有少少帶子粒同蔬菜，唔洗叫餸都食得曬成個飯～不過我略嫌味道太強烈，飲左好多水🤣-士多啤梨梳乎厘班戟🍓🥞 ($138)係我食過最濃蛋味嘅梳乎厘！🤣一上枱就聞到好香蛋味😻食落有空氣感之餘唔會pee左🤣唔通呢個就係蘭王蛋嘅威力？🤣❤️‍🔥-食完成餐覺得都幾好食嘅，但講句公道說話，就係唔值咁貴囉...本身唸住叫漢堡蛋包飯，但加左漢堡就要成舊水，窮人如我就真係食唔起啦🤣份量偏少又貴，又唔係十分好食，試過一次就夠啦～

琴日朋友介紹幫襯咗呢間由日本引入嘅蛋包飯專門店。我哋叫咗招牌漢堡扒蛋包飯同埋慢煮牛肉咖哩飯，蛋包飯的蛋真係好香好滑，而個慢煮牛肉好淋冇渣好好味，爭啲想叫多個，但因為都唔平最終都冇叫到。 甜品方面叫咗草莓同原味梳乎厘pancake，個pancake真係超鬆化超香，最特別係個原味pancake有舊帶少少鹹味嘅雪糕，真係食過返尋。 除咗啲嘢好食之外，間店裝修得幾簡潔舒服，不過張枱就比較細咗啲。最後想講下侍應嘅服務都非常之好， 有機會一定會再返嚟幫襯。

6點9去到 等左半個鐘度。坐低用QR code自己落單叫野食，叫左鰻魚蛋包飯$248、蟹肉薯仔沙律$108、朱古力奶昔$78同埋雜莓梳乎厘班戟。食物等侯時間唔會太耐，溫度都夠熱既。蛋包飯中間有炒過，但無咩味，鰻魚就同出面一般鰻魚一樣味，最好味係啲蛋。至於個沙律份量唔算太多，普通當一個前菜，兩個人分都夠既。然後，朱古力奶昔真係唔建議叫，除非你好鍾意食好甜既牛奶朱古力，成杯野主要飲到好重既忌廉奶口感。甜品梳乎厘可以一試，空氣感夠既，因為即製既，所以餐牌有提醒製造時間約20分鐘。配搭雜莓同忌廉食，味道岩岩好。連加一$6xx 尼個價錢尼講，唔會想係尼間餐廳食，名氣大但食物質素同價錢就麻麻地，唔會再食。

新開源自東京的日式西餐廳， 主打蛋包飯及梳乎厘班戟。餐廳裝修簡潔， 外面長期排長龍。今日我地特意提早五點多就來探店，幸好不用等。這家餐廳也是用QR code點單，我們各自點了蛋包飯，加一份小食。原條蒲燒鰻魚蛋包飯果然名不虛傳。鰻魚又大又厚肉， 蒲燒汁甜香但又過濃。蛋世飯用的是蘭王雞蛋， 色澤金黃蛋味濃郁。飯底是蝦仁炒飯，每個細節都很用心， 非常好味。咖喱炸大蝦蛋包飯，汁另上， 同樣係蘭王蛋， 飯底係咖喱炒飯，超級香同惹味，三大隻炸蝦隻隻彈牙。小吃吉列廣島蠔配他他汁, 想不到有四大隻，蠔味鮮甜好味，脆漿略嫌還是厚了點。他他醬好濃郁，解膩。另外拌碟的薯仔沙律都好好味，很日式的味道。最後食埋佢地招牌的雜莓梳乎厘班戟。制作時間需要20分鐘， 所以如果想無縫接上就要在開吃主菜時就下單。兩件大小剛好的班戟，軟綿綿的， 蛋香味很吸引，配上綿密濃厚的忌廉，入口有即溶化的口感，但不會好似一陣風。

朝聖蛋包飯界嘅愛馬仕🤣 係op 同ig 睇左好多comments 好壞參半😹 但點都要親身試試先結果埋單食左$8xx幾 crazy 🤣🤣🤣🐟🥚蒲燒鰻魚蛋包飯 🍚$248 （香港限定）原條鰻魚放在蛋包飯上 用上3隻蘭王蛋 個蛋橙黃色真係好滑好香濃😌😌好彩冇令我失望 個炒飯都好好👍🏻粒粒分明 仲有帶子同肉蝦仔 鰻魚都好大條 肉質係比較淋身d 味道不錯👍🏻😌 🍔牛油果素肉漢包🥑（$188）😄去蛋包飯專門店叫burgers 嘅後果 ….大伏🥲塊素肉堅難食 放左入口都想吐返出黎 大家千祈唔好試🤢🤮🤢🤮🥞原味疏乎厘pancakes ($108)見都每枱都必點網上評價都不錯但我覺得j.s foodie 的flipper 好食多了Pancakes 是鬆軟 但略嫌濕左d 同埋味道甜左d 有d假😢反而楓糖漿同牛油同忌廉幾出色🍓士多啤梨芭菲🍨（$108）😌😌 層次都幾豐富 雪糕加yogurt 加士多啤梨漿仲有啲cream cheese 嘅感覺 幾好食不過雪糕奶味可以再濃d 🍵抹茶milkshake ($78)搽茶味香濃 好creamy 🍎日本蘋果汁🍹（$48）總結經驗🤣下次淨係叫蛋包飯算 雖然貴 但日本野

滿天星～ 日式西餐廳。蛋包飯的專門店！標榜來自日本，選用蘭王雞蛋，俾佢嘅蛋包飯吸引，其實一路都想試，奈何成日見到條龍都超級長，所以一路都冇試。難得今日朋友請纓率先去排隊，既然唔使我等就梗係試一試佢啦點餐嘅時候，因為都等咗一陣好肚餓，我哋一人叫咗一個蛋包飯，蛋包飯啲飯熱立立加上雞蛋又夠滑，好好味呀再加杯嘢飲，朋友叫咗杯虹吸咖啡，我就叫咗杯綠茶拿鐵，住食完再加個甜品，點知食完個飯已經超級飽，最後只能夠放棄甜品

今日終於去嘗試滿天星，原本想食鰻魚蛋包飯，但朋友唔食鰻魚，所以就叫咗肉汁安格斯牛扒蛋包飯，個飯真係好好味😋，牛扒唔會整得太熟，唔會太乾，配嘛汁一齊食更好味😋。本身想試吓Pancake，原來2：30後先有，所以就叫咗朱古力芭菲杯同藍莓紫薯窩夫，窩夫裏面有紫薯蓉，甜品相當出色👍，我會再次幫襯😎

這間來自東京的滿天星蛋包飯洋食屋於上月進駐海港城，必想到一定會排哂長龍，餐廳裝修現代簡約，環境舒適。當日幸運地六點到餐廳門外排一至兩枱就可以入座，可以一嘗人氣蛋包飯的味道😋 Menu上食物選擇很多，除了招牌蛋包飯外，還有沙律、小食、三文治及鐵板扒類。🌟這裏的🥚都是用上蛋之貴族 - 蘭王蛋，色澤及蛋香比一般普通蛋更靚🤩✨蒲燒鰻魚蛋包飯$248相信很多來吃的人一看到Menu上會被這個原條鰻魚吸引到(我不例外)，鰻魚食落嫩滑無刺，金黃滑蛋包住d炒飯，炒飯入面加了香菇粒、洋蔥粒、粟米等令口感豐富，份量都幾大份，一個女仔可能會食唔晒🤭🍛日式咖喱吉列豬扒蛋包飯$228友人就點了咖喱吉列豬扒，炸粉不厚，豬扒看起來以為很乾，但食落是軟熟的，味道不錯，而這個炒飯是加了咖喱汁一齊炒，淡淡都充滿着日式咖喱汁(起初驚d汁唔夠送飯)，加埋香濃蛋味的滑蛋，不錯🥔忌廉蟹肉餅$148這個見Menu上有⭐️便點了試試，咬落去幾creamy，見到有絲絲蟹肉，外面炸得香脆，加上茄汁少少酸酸的幾好味，旁邊還配上一球薯蓉🥞士多啤梨梳乎厘pancake$138食完主食仲想試下它家的梳乎厘，梳乎厘極富蛋香，整個都好綿密，入口即融，士

係比一般好食既，但問題係好香港味，我相信係出面平一半有多就食到既野。蛋包飯既精神係包住成個飯， 點知佢就成個蛋就咁鋪上飯面。個蛋係大快活早餐蛋做法， 飯係西炒飯。唔值咁貴。我叫左豬扒加漢堡扒蛋包飯， 豬肉係老既， 咬落去係實，但感覺個材料係高級既，不過煮得唔得。個漢堡係唔差，但唔會係食過番尋味。我見好多人排隊，感覺係因為 蘭王wo 日本wo 滿天星wo 蛋包飯wo但唔好意思， 呢度好似上面咁講， 個蛋都唔係包住個飯既。

其待巳久的「グリル滿天星」終於可以試了。在外面食蛋包飯的店也有，但我未必想去食⋯⋯⋯😅我們選擇了平日的1點多到，見到輪候人數大約8-10位，以為會等好耐，好彩只等了10幾分鐘便到。（注意用餐限時90分鐘）（純粹個人喜好，我認為餐廳裝修得不夠好，非常普通的一間新餐廳在海港城海運大廈。）職員態度正常有禮，地方整潔乾淨。我們今次點了日式咖哩炸蝦🍤蛋包飯、滿天星咖哩蛋包飯、日式炸雞、炭燒咖啡奶昔、抹茶窩夫🧇。來了來了，就是這個令人期待的蛋包飯😋蛋質地是非常之好，可能是採用了蘭王蛋的關係，蛋味十足，而蛋包住的飯也非常有料😋單食這個蛋包飯已經好滿足🤤當然再配上適量的日式咖哩汁😋巳經可以秒殺了碟飯😋炸蝦雖然做了配角，但都不可不提，因為蝦好大隻，而且完全冇油膩感😋日式炸雞，炸雞嘅雞皮完全冇油脂，脆卜卜，但係雞肉完全唔乾，好味😋炭燒咖啡有好香濃嘅咖啡味，唔會好甜🥤抹茶味窩夫🧇配合香濃抹茶奶味嘅雪糕🍦，簡直絕配怎可不試。非常大滿足的一餐😋😋😋一定再回頭✌🏻

平時見好多人排隊，難得見到今次唔洗排隊，即刻入座去試下個蛋包飯。 除咗叫左佢出名招牌蛋包飯配漢堡外， 仲叫左蛋包飯配牛排。 蛋包飯不過不失， 飯有啲熱過頭，漢堡有啲乾， 牛排就出乎意料地好食。整體而言，食物質素唔差，惟獨覺得有啲overpriced。呢個價錢可以食得更多、更好…

又一間過江龍，本身無諗住專程去試，但嗰日經過見唔算太多人排隊，又差唔多晚飯時間，就決定一試啦。坐低用手機落單，叫咗招牌的肉汁漢堡扒蛋包飯($238) ，同埋慢煮牛肉咖哩飯($178)。店家標榜用近年香港極為盛行的「蘭王」來做蛋包飯，放低見到滑蛋真係「蘭王」的深橙黃色，但顏色無關味道，最多打卡靚啲，蛋包飯最緊要整體配合。滿天星行滑蛋系路線，炒好的滑蛋鋪在先炒後焗的茄汁飯上。滑蛋雖然係滑，但剩餘的蛋汁不多，做不到蛋汁與炒蛋混和的效果。另外，蛋漿混入了帶子粒，視為其特色，份量上一啲都唔孤寒，但我就覺得有啲多餘，有無都無所謂。漢堡扒係牛豬混合，有少少煎得太燶，入面亦都唔太juicy，油香亦欠奉。至於蛋包飯的肉汁吃得出牛味，蕃茄味如果重啲，多返少少酸味會好食啲，不過個肉汁食落無渣，相信經過幾細心嘅處理。講開又講，我鍾意食的蛋包飯，將飯完全包在蛋內的嗰種，抑或日本橋老店泰明軒的蒲公英蛋包飯，將煎好的蛋放在飯上，然後一刀切開，內裡蛋汁流哂出嚟嗰種，都離不開要有充足蛋汁，撈埋啲飯一齊食，先係蛋包飯精髓。Anyways，返返香港先，另一款慢煮牛肉咖哩飯，牛肉係煮得幾腍身，唔錯嘅，只不過咖哩汁就有啲失望，