グリル滿天星

營業中

休息中

來自東京的Grill滿天星終於登陸這家蛋包飯專門店來東京有數家分店今天星期二下午三時到達門外已經堆滿長長的人龍好不容易入座當然要試點名物蛋包飯一份肉汁漢堡扒一款咖哩吉列豬扒蛋包飯賣相如模型般精緻雞蛋呈深黃色餐廳用上蘭王蛋蛋味香味道濃郁飯是用茄汁炒過的珍珠米飯漢堡扒是典型的日式口味淋上肉汁一口肉一口蛋一口飯是極高質素的日式蛋包飯至於日式咖哩豬排也充滿風味飯底用咖哩炒過非常惹味小食則點了忌廉蟹肉餅外皮酥脆餡料非常creamy伴上薯仔沙律和其他配菜相當清新甜品點了雜莓梳乎厘班戟梳乎厘班戟空氣感強烈配上鮮打的鮮奶油好滿足

仲未返得日本，令到香港人對來至日本既過江龍餐廳都有一份執著同熱情呢一間當然唔唔例外價錢雖然偏貴，但勝在用料上乘單係蛋包飯既蛋已經用上數隻蘭王蛋滿天星肉汁漢堡扒蛋包飯首先當然要叫呢個招牌先啦蘭王蛋就係蘭王蛋蛋味香濃，就算係半熟狀態都唔會腥漢堡扒夠晒ｊｕｉｃｙ而且肉味香濃最正係佢肉同配料比例調配得剛剛好令佢口感鬆軟又有肉香肉汁調味亦都唔錯吸收晒漢堡既肉香蒲燒鰻魚蛋包飯鰻魚超大條而且好肥美食落去魚脂香爆晒出黎蒲燒汁亦好惹味忌廉蟹肉餅蟹肉餅蟹味香濃，夠晒足料薯仔沙律都唔錯士多啤梨梳乎厘班戟水準唔錯既梳乎厘班戟睇佢厚度同中間就知食落口入口即溶，口感鬆軟好似食緊棉花糖咁，空氣感十足而且佢用既蛋好靚你係會食到陣陣蛋香士多啤梨新鮮，香甜不酸

入邊大把位,出邊叫人排長龍,唔知咩心態.價錢貴唔抵食。茶餐廳嘅質素，酒店嘅價錢。三個人叫咗豬扒蛋包飯，蝦蛋包飯，漢堡包再加一杯奶昔， 為$717。完全茶餐廳感受。差評。

著名老字號日式蛋包飯專門店進註海港城後人流不絕，每次行過都排長龍～平日晚市都等左30-45mins，不過真係好正宗 好似去左日本食(*ﾟ∀ﾟ*) 餐廳以蛋包飯為主，都有少量其他小食同丼飯～-咖哩吉列豬扒蛋包飯 ($228)咖哩汁就只有黑豚肉/ 大蝦/ 野菜幾款選擇～咖哩汁係日式甜甜地個種，撈飯一流！ 主角蛋包飯蛋漿軟滑流心 ，入面用左三隻蘭王雞蛋，蛋味十分香濃(*´v｀*) 而飯底都相當有驚喜，採用日本米，仲混合左不少食材，例如帶子粒/ 香菇/ 粟米/ 洋蔥等等～口感豐富，單食飯都好香口了！😍反而豬扒肉質略嫌太硬～-蒲燒鰻魚蛋包飯 ($248)鰻魚好大份好厚肉！燒汁配蛋包飯又係另一個出色既配搭🤤依份飯底又有少少吾同，配搭蜆肉炒飯，單食都好有鮮味！-忌廉蟹肉餅 ($148)一份有2件， 炸得十分脆口， 咬落去啖啖蟹肉，調味剛好，反而覺得同茄醬吾係好夾🤣-雜莓梳乎厘班戟 ($138)甜品除左有soufflé pancake，仲可以揀窩夫～soufflé pancake一份有兩件，入面軟心，蛋味香濃軟滑，配埋忌廉同雜莓一齊食，係幸福嘅😆

【滿天星。蘭王蛋包飯】行開海港城會見到人氣漢堡包店易手後，新店由一間日式料理食店補上，食店：滿天星。.乜卵蛋包飯？！.我唔係講粗口，日文既蛋叫卵呀😆而呢間蛋包飯專門店既蛋係用上貴價日本雞蛋：「蘭王蛋」。一盒10隻既蘭王蛋，大概$50~60，雞蛋中OX。.「滿天星」為一間東京著名的蛋包飯專門店，已有43年歷史，創辦人為日本昭和天皇御廚秋山德藏既弟子。店內裝修偏向日式餐廳風格，有梳化雅座和木櫈位，配柔和黃色燈光。.一睇Menu ，大大隻字寫「卵之皇者：蘭王」，食店為蛋包飯專門店，用上知名度極高既蘭王❗️蘭王蛋既蛋黃呈橙黃色，蛋香濃郁，一試難忘。.筆者點餐如下：❇️蒲燒鰻魚蛋包飯鰻魚本身好大條，長度足足有大圓碟既直徑，肉質嫩滑。飯底唔係普通白飯，而係用上鰻魚汁炒海鮮粒❗️成碟飯係鮮味，蛋味，好好味😆筆者當初見到個單價，二百幾蚊食個蛋包飯...，係有愛先接受到，食過之後，以名氣+質數，雖然價錢唔親民，都ok 既，但不可常常食。.❇️肉汁漢堡扒蛋包飯筆者本身好Like 漢堡扒，而呢個飯亦係店方Signature 名物之一，梗係要試試。一上枱，漢堡扒Size 屬正常尺寸。亮點係漢堡扒本身，係以鹿兒島和牛及

今晚去海港城行街，經過呢間餐廳，見到排得好長龍，睇睇餐牌有咩食，原來係食咖喱飯同甜品，我又出於好奇心態又去排，排咗半個鐘終於入得，佢地都幾多款咖喱飯，我地就叫咗蒲燒鰻魚蛋包飯，上枱時，條鰻魚真係好大條，成隻碟咁長，條鰻魚燒得好靚，食落好爽口，肉質都好彈牙，而d蛋包飯嘅蛋原來係用蘭王蛋，d蛋嘅顏色橙黃色已經好吸引，d蛋煮到半生熟，所以勁滑，食落好香濃蛋味，再食入面d飯，個炒飯都幾足料，有d海鮮粒粒嘅入面，呢個飯都幾抵食。滿天星肉汁安格斯牛扒蛋包飯，呢個蛋包飯亦都係用蘭王蛋，都一樣咁滑，唔同嘅係佢炒飯底用茄汁炒，佢個炒飯都有帶子，蝦，火腿，都幾足料，再配合個咖哩汁一齊食，好好味，而d安格斯牛扒生熟程度啱啱好，食落唔韌，好重牛味。忌廉蟹肉餅，外皮炸得脆卜卜，不過又唔會太油膩，入面d忌廉蟹肉都幾多，食落好鮮嘅蟹味，佢仲配埋個雜菜薯蓉，好香牛油味，食落好軟滑。最last緊係叫個甜品啦，朱古力香蕉梳乎厘班戟，個班戟真係好厚，食落入面好濕潤，好滑，好香蛋味，配埋上面d creamy同朱古力醬香蕉一齊食，好好味，唔怪之得個個都叫班戟啦。

朋友話要去尖沙咀行街順便試吓呢間過江龍蛋包飯紅日晚市排左大概45分鐘個個都餓到個肚打晒鼓所以一坐低就叫左幾個唔同嘅蛋包飯🤩我要左個鰻魚蛋包飯賣相好靚但係我肚餓得滯唔記得咗影相🙈🙈🙈講真嗰句係ok嘅啲蛋好滑鰻魚加埋個燒汁都好惹味個飯入面有啲蝦仁同三色豆但就咁炒個飯真係有啲乾見朋友食咖喱有啲汁撈下飯反而好似吸引啲😂完左之後仲嗌左兩個甜品分別有士多啤梨同埋綠茶兩個甜品都係不過不失唔算難食嘅但未至於有驚喜可能係因為佢呢個價錢令我對佢期望太大啦😅😅整體而言食物質素係可以嘅但價錢相對黎講真係太貴我相信同樣嘅價錢應該會有更好嘅選擇🙂如果下次唔使排隊又或者有優惠嘅話先至考慮再試多次啦

過江龍的餐廳很多，今次就輪到日本東京蛋包飯的老字號來到尖沙咀海港城開店グリル滿天星 是一間日式洋食餐廳，而蛋包飯是其鎮店之寶星期天11點45分過來已經有短短的排隊人龍，店員說保守要等90分鐘左右因為開店時間是11點半剛好第一批客人已入座，我們是第二批的不過最後我和兩位朋友等了大約20分鐘就被安排入座了喔因為沒在日本吃過，所以只能單純分享香港店。就裝修來說頗為簡潔明亮，有半圓的梳化卡座，坐起來也舒服。這裡是掃QR Code看餐牌和直接下單，所以建議大家在等位時先看定吃什麼好我點的是 - 日式咖喱炸蝦蛋包飯 ($178) 可以備註汁另上。炸蝦有三隻，炸粉不是好厚那種~吃落都脆口且蝦都幾彈牙不過重點當然在那滑蛋式蛋包飯吧！軟滑的流心蛋是用上蘭王雞蛋的喔另外還有蝦、帶子和我不喜歡的青豆 (幸好不是很多粒)其次不能忽視的當然是內裡的飯底，不是白飯而是香濃的炒飯配搭咖喱汁更為香濃，但這反而讓蛋味變得不明顯。日式咖喱吉列豬扒蛋包飯 ($228) - 皮肉分離的吉列豬扒 ...吃落不算很乾柴，大概是因為選用較為肥美的豬扒 。滿天星肉汁漢堡扒蛋包飯 ($238) - 是グリル滿天星的招牌蛋包飯！漢堡扒特

啱啱開嘅時候就已經好想食，有一日約埋三五知己，去到諗住食，結果佢有個系統故障冇得食🙈🙈過咗一段時間都係心有不忿，見好多推介同埋朋友都去咗試呢個馳名日本嘅蛋包飯，所以就的起心肝同埋朋友一齊再去今次點左一個炸蝦咖哩蛋包飯，出乎意料，因為通常啲蛋包飯都係一係個餸好食一係個飯好食，但今次呢個炸蝦非常彈牙新鮮，蛋包飯嘅蛋非常滑溜，跟住發現其他朋友點既唔同蛋包飯個炒飯底都唔同嘅，覺得特別有心思本身想試埋佢嗰啲甜品不過飯既份量都幾多，所以都係下次先食啦，值得推介👍🏻

這食店經常在海港城，充滿了人龍，經過網上搜尋之後，原來這一間食肆也是日本的過江龍，今日挑戰這條人龍，入來品嚐一下日本的蛋包飯.蛋包飯的種類十分之多，今日嘗試了牛扒蛋包飯及鰻魚蛋包飯，雖然都是蛋包飯，但是蛋包內的飯，的味道卻是不同的，牛扒配上的是充滿了茄汁味道的飯，至於鰻魚就是充滿了海鮮味道的、因此可見這個蛋包飯真的是不簡單，相信大家看到也知道，這個蛋是利用日本的雞蛋，因此蛋味比較香濃.這間食店的炸物也相當之有水準，這個蟹肉餅並沒有半點油膩的感覺，至於茄汁就是充滿了香濃的茄肉味，令人垂涎三尺.最後這個甜品也是利用日本雞蛋因此比坊間的也是比較香濃，士多啤梨也是利用日本產，水準一定有保證.

之前來海港城都見到呢間餐廳大排長龍，見今日人比較少就入咗去試。第一眼見到餐牌，價錢算中上。一個蛋包飯漢堡扒要二百幾蚊，絕對唔係平。最尾嗌咗一個漢堡扒蛋包飯，炸蠔，豬扒三文治，一杯士多啤梨奶昔，埋單連加一65x$. 至於食物質素，蛋包飯一般，個人覺得似港式西炒飯加隻蛋再加一個普通嘅漢堡扒，完全唔值二百幾蚊。炸蠔中等，生蠔尚算新鮮肥美，但炸粉非常一般。豬扒三文治直頭唔掂，豬扒瘦到乜咁，啲炸粉同豬扒已經分離，麵包係一般普通麵包加toasted. 杯士多啤梨奶昔正常。奉勸各位想慕名而來朝聖的，唔好抱有太高期望！

今日係12月24日平安夜，夜晚大概七點左右，出面大排長龍之時，餐廳入面居然有一枱六個位嘅只有一個人坐咗喺度。留意咗呢一枱好耐，應該係由七點十五分左右入座，去到八點仍然只係一個人到席。八點鐘佢個枱終於有點野食到位，但仍然只有一個人。同一條隊後面排緊隊嘅人都已經有微言講”點解呢枱咁吉都得嘅？”想問吓，入座無要求半數人士到場？咁如果無要求的話有無限定用餐時間？是否客人要求6人就可以做枱霸慢慢等其他人到齊先？可以1個人坐6人枱坐到收鋪為止？鋪頭已經唔安排派飛，只係拉帶比人排，仲要1人排6人份量唔過半數人都可以入席，呢啲安排係唔係即係為咗少得罪一個客所以就寧願其他得罪排緊隊嘅客？

平日夜晚6點左右已經有人龍，但唔需要等好耐就可以入座。叫左：咖喱蛋包飯（$128）：太早食唔落太多，而且我地覺得蛋包飯有啲overprice, 加塊豬扒要200幾，太貴，揾左個百幾蚊嘅試左先😛個蛋又真係幾香幾滑，估唔到嘅係仲有幾小粒帶子😂咖喱汁就普通日式咖喱味，無咩特別。整體ok，唔伏嘅！朱古力香蕉pancake($138): 比起其他餐廳，呢個價錢都正常，味道呢... 又幾唔錯喎，pancake有蛋香，啲cream更加不得了😋😋好味，朱古力醬唔甜，好濃嘅朱古力味，仲有啲脆米增加口感，係條蕉生左少少🙈原味pancake($108): 點都要試下，味道唔錯，唔會太甜太膩，而且上菜好快，唔駛等好耐。想你食完快啲走？推薦試下pancake，蛋包飯就一般，價錢有啲貴，性價比較低。

早前經過尖沙咀已經見到大排長龍今次襯假日休息，決定乖乖排隊等位試下呢間「日本過江龍」嘅蛋包飯♡︎蒲燒鰻魚蛋包飯 $𝟸𝟺𝟾海鮮飯底鰻魚賣相唔錯，口感煙韌彈牙就算大啖大啖食，都食唔出有細骨♡︎滿天星肉汁漢堡扒蛋包飯 $𝟸𝟹𝟾西炒飯底菜式設計上有心思，隨餐分左兩款醬汁一邊比你點漢堡扒，一邊可以撈飯不過有少少咸，同塊扒一樣不過不失兩個飯嘅飯底都濕左𝚍可能因為文化或者做法唔同個人認為茶餐廳焗豬個炒飯底仲好食總括而言成餐飯係𝚘𝚟𝚎𝚛𝚙𝚛𝚒𝚌𝚎𝚍 左如果大家想去試下嘅記得預留定多少少時間排隊喇(⊃｡•́‿•̀｡)⊃

><仲諗住8點幾去會有位新開過江龍人潮仍未退減好彩有朋友早咗到排隊滿天星肉汁漢堡扒蛋包飯($238)奄列滑嫩細緻帶點流心果然蘭王蛋名不虛傳 蛋味格外香濃 飯底混合咗幾款蔬菜炒成漢堡扒食落口感鬆軟而不散厚厚的但肉汁仍豐腴日本咖喱吉列豬扒蛋包飯($228)忌廉蟹肉餅($148)真係有松葉蟹肉嘅可樂餅混入creamy白汁 外層香脆與秘製蕃茄汁一同享用士多啤梨梳乎厘班戟($138)製作大約20-30分鐘像棉花糖般嘅空氣感 蛋味香濃加上有酸酸甜甜嘅士多啤梨唔會覺飽滯或膩><><><><><><><><><><グリル滿天星尖沙咀海港城海運大廈3樓OT301-301A號舖