グリル滿天星

營業中

休息中

終於食到呢間日本過江龍嘅蛋包飯😍次次經過都咁長隊，都唔會想食😂今次早去，5:30前入座基本上唔駛等位😂當我哋坐低冇耐，已經見到出面開始排隊😵真心誇張。叫咗個漢堡扒蛋包飯，漢堡扒好好食，幾有肉汁，但又唔覺好膩，唔錯👍🏻個蛋都好滑，好香😍因為係用日本蘭王蛋呀😍😍又係食咗當去咗日本囉🥺而入面啲飯，係西炒飯Style🤣好好食👍🏻之後叫咗個炸魚薯條，只想講，間舖出名係蛋包飯就叫蛋包飯好喇😂😂😂碟炸魚薯條完全失望😵舊炸魚係完全冇味，冇魚味，冇雪味🥲🥲🥲最sad係佢個唔似沙律醬嘅沙律醬都係唔好食😭唔知溝咗咩嘅沙律醬，我哋寧願點茄汁食🥲🥲🥲D薯條係幼身，但偏硬🥲呢碟完全失望🥲唔算大碟要盛惠$178。真係唔好食嘅，$78都覺得貴🥲最後叫返個甜品安慰吓😂士多啤梨梳乎厘Pancake🤩，賣相唔錯👍🏻個cream完全唔漏，Pancake亦都好鬆軟😍士多啤梨都好甜，好香，夾埋一齊食very good👍🏻👍🏻總算開心返😂😂😂飲品就冇乜特別，即磨咖啡同埋橙汁，都係基本嘢🤣🤣-滿天星肉汁漢堡扒蛋包飯 $238-炸魚薯條 $178-士多啤梨梳乎厘Pancake $138-即磨咖啡 $42-橙汁 $48

本身去排過一次，好多人排，因為座位限制所以冇食到，第二次去先入到。叫左豬扒蛋包飯，咖哩蓋曬蛋味，飯撈左啲唔知咩汁去煮，好大陣味，豬扒炸得皮好厚，塊肉唔明點解有酒味。重點2百幾一份有配料既蛋包飯，好唔抵

今日去試咗個慢煮咖喱牛肉飯，同埋忌廉蟹餅，仲有士多啤梨窩夫以及朱古力士多啤梨奶昔，值得推介個慢煮咖喱牛肉飯，好似近幾年未食過咁林嘅牛肉，咖喱汁非常香濃但又唔太辣,適合一家大細食，忌廉蟹餅也非常用了粥，一邊啖啖蟹肉，也揸得脆口，窩夫用料充足，最怕食那些偷工減料的窩夫沒有味道，但這個非常之濃郁，及脆邊，士多啤梨也很甜，甜品的汁也恰到好處。士多啤梨及朱古力奶昔也是用料充足，非常濃味，適合唔怕肥嘅人。職員非常之有禮貌，完全能夠秉承到日式餐廳那份日本人服侍客人的精神。值得推介

閒日2pm黎朝聖，排隊半個鐘，原來班戟係2:30pm開始先至有。全部野都好食，除左個芭菲唔值$108-日式既蜜紅豆果隻甜度真係唔係正常人食到，佢中間落咗啲類似燕麥嘅嘢濕左勁癡牙（雖然唔可以用唔好食去形容佢）。但係佢啲上菜時間真係好離奇，明明話pancake係要等20分鐘（落單前都問多一次，使唔使分開兩張單落），諗住兩個人share蛋包飯食20分鐘應該足夠時間等pancake上, 但pancake 10分鐘唔使就到先......結果係先飲龍蝦湯再食pancake同芭菲，最後先至食飯😂（個飯凍咗都好食嘅🥲）。

「過江龍」對好多人嚟講都有種莫名嘅吸引力，包括我🤣⁡⁡今次揀咗呢間嚟自東京，喺海港城新開無耐嘅「グリル滿天星」蛋包飯🤩實在太耐無飛過日本😭要趁今次機會懷念下日本嘅味道...Weekend過咗午餐嘅繁忙時間依然有人龍喺門口排隊，排咗足足1個鐘先入到去🤯⁡⁡滿懷希望想試佢嘅招牌【滿天星肉汁漢堡扒蛋包飯】，點知三點幾已經賣晒😑唯有揀過其他...⁡⁡【蒲燒鰻魚蛋包飯】大大塊鰻魚舖喺面，賣相非常吸睛，而且一落枱已經聞到好香嘅蛋味 (((可能餓得太耐)))鰻魚肉質軟滑，口感同味道都唔錯👍🏼⁡聽聞成碟飯用咗三隻蘭王蛋，加埋秘製雞湯煮嘅飯而製成...炒蛋有蛋香，都幾滑🍳不過份量唔多，唔似有三隻雞蛋🤔至於d飯...比起白飯有味，但又唔覺「秘製雞湯」煮過有幾特別😅⁡⁡【漢堡扒咖哩飯】漢堡扒夠厚身，切開有肉汁流出嚟，入口juicy有肉香👍🏼咖哩汁只係普通貨色而且份量唔足以撈晒所有飯，食到尾有幾啖係白飯😟漢堡扒只有本身嘅肉香，無經過特別調味...食到尾要嚟送「白飯」有少少膩⁡⁡總括係...試過就算😅比得呢個價錢，仲要排1粒鐘...應該有更好選擇(((又被騙🥲)))

琴日咁啱清大假，個朋友話早排海港城開咗間過江龍專食蛋包飯嘅。見到條隊都有啲長，平日都要排隊，真係有啲想走。好彩RECEPTION 小姐態度OKAY 不時出嚟了解情況，最後排咗4個字左右就可以去。睇到個MENU 樣樣野都好吸引，叫咗個蒲燒鰻魚蛋包飯，同個梳乎厘PANCAKE同個朋友SHARE 嚟食。上菜速度都幾算快，同朋友傾咗一陣計，個鰻魚飯就上到。個飯要成二百幾蚊，但係當我見到鰻魚好大條，又好入味，
啲鰻魚汁唔會太咸，就覺得都值呢個價嘅。
飯係炒飯底，呢方面做得幾出色。唔會太乾身又唔會太濕。落單時，職員有提醒過梳乎厘PANCAKE需要時間製作。食完個飯時間就啱啱好到，梳乎厘份量好大份，好彩食甜品係第二個胃。梳乎厘入口有蛋香味，口感棉棉整體嚟講都唔錯，雖然價錢有啲啲貴，不過食物質素都算係水準之上，
我諗間中獎勵下自己都食得過嘅。

之前喺海港城行街見到呢間舖頭裝修已經好想試，佢最近終於開幕la~ 新店試業~之前見到佢廣告板介紹鰻魚蛋包飯，作為一個鰻魚控嘅我，當然第一時間喺佢試業嘅時候就去試啦，搵左一日weekday，特登避開食晏時間，但都要排左差不多一個鐘才被安排入座… 咁受歡迎，令我對佢嘅食物滿有期望！餐牌嘅主菜選擇有四大類：蛋包飯、日式咖喱、鐵板料理、三文治&漢堡。 甜品方面有窩夫、疏乎厘pancake & 芭菲。職員話店舖嘅食材都係來自日本嘅🇯🇵雖然漢堡扒蛋包飯都非常吸引，但係第一次到訪嘅不二之選當然係《蒲燒鰻魚蛋包飯》啦～～大概等咗15分鐘食物就上枱，條長長嘅鰻魚當然係今次嘅主角，咬落去較軟身，口感似海鰻多過鰻魚，比我預期嘅遜色，蒲燒汁濃度、甜度適中，唔會覺得’漏’。對我來說，蛋包飯係配角，不過今次呢個配角都幾搶鏡，用咗我第二最愛嘅蘭王蛋（最愛嘅係夢王蛋🥚），蛋炒得嫰滑，一啖放入口，香滑嘅蛋汁配上日本米飯，勾起了喺日本食蛋包飯嘅美好回憶～😊😊今次嘅小驚喜，竟然係鰻魚上邊嗰一棵小香草，原本諗住佢用嚟裝飾，平時我一般都唔會食，貪得意食咗一片，噫，估唔到佢為蒲燒汁嘅甜加入左一份清新感☘️☘️☘️環境方面，光照充足，都

新開過江龍日本蛋包飯專門店，上次星期日3-4點見到都好多人排，諗住星期一既去會好d啦⋯⋯點知仲長龍過星期日🙈anyway一心想食就照排啦，大概等左30-40分鐘。餐廳格局好有日式西餐廳的感覺，落單要用手機。滿天星肉汁漢堡扒蛋包飯蛋好滑，食落去好香，配埋肉汁食好夾，不過我覺得肉汁份量唔夠，食到尾好乾。漢堡扒煮得啱啱好稔。炒飯有蝦仁，雜豆，炒得算乾身。日式咖哩炸蝦蛋包飯食咗咖喱汁就覺得咖喱汁好味d, 炸蝦新鮮炸勁crunchy，咬開仲出緊煙，蝦好大隻仲好爽口。雖然咖哩汁比另一碟的肉汁多，但普遍都係覺得唔太夠汁。見到好多人食梳乎厘pancake, 可惜我個胃唔夠位…可以一試不過我覺得試一次就夠，因為我覺得偏貴，加埋一其實差唔多要$250一個飯😬

人氣過江龍蛋包飯最近見到海港城新開左間蛋包飯，仲要係日本嘅過江龍，梗係要試吓啦，嗰日去到門口已經排晒隊，最後等左30分鐘就入座。(相)叫咗兩個蛋包飯，一個係漢堡扒蛋包飯，另一個係日式咖喱吉列豬扒蛋包飯。漢堡扒飯店員同我講裏邊有兩款醬汁，真係好想叫店員再俾多啲汁我，食落好香嘅蛋香味，裏面用嘅係蕃茄炒飯，成件事好match。最後當然唔少得佢哋嘅雜莓疏乎厘pancake，必試。下次一定要帶埋屋企人嚟試！

新開過江龍，來自東京的グリル滿天星蛋包飯極貴❗️負性價比❗️極搵笨蛋包飯❌飯係爛！好過分❌咖喱汁又稀又唔夠送飯❌其中一邊是帶蕃茄味肉汁，吃了一口… 吃不下去，味道頗怪。另一邊係純肉汁就👌🏻❌蛋太薄，包唔哂飯穿咗窿之外，仲影響口感，完全係話用蘭王蛋做招徠，但又慳皮落得唔夠🥲👌🏻炸蝦👌🏻班戟口感不錯👍🏻漢堡扒肉汁多，彈牙滿天星肉汁漢堡蛋包飯 $238+10%日式咖喱炸蝦蛋包飯 $178+10%日式疏乎厘班戟 $108+10%後悔到不得了！又貴又唔好食，俾人呃咗錢，仲要平日3點都排咗半個鐘先可以入座

得知這間在日本開了43年的老牌蛋包飯在香港開分店，急不及待試吓，平日五點幾去到，好好彩唔洗點等位就入到去，餐廳裝修簡約得嚟有心思，不過四人枱張枱比較細，唔係幾夠位放食物，另外見到中間果行啲位未有安排客人入座，可能係因為要保持社交距離關係，食物方面，當然要叫滿天星肉汁漢堡扒蛋包飯$238、另外仲叫了香港限定蒲燒鰻魚蛋包飯$248、慢煮牛肉咖喱飯$178、日式漢堡扒配龍蝦尾$398、小食甜蝦牛油果他他$138、甜品係抹茶窩夫$128及雜莓梳乎厘班㦸$138、漢堡扒用鹿兒島和牛同埋北海道的和豚造成，肉質鬆軟，唔會乾噌噌，鰻魚大大條，震撼視覺，蛋金黃色嫰滑，牛肉淋身，窩夫外脆內軟，整體食物質素不錯，服務又好，雖然價錢唔係大衆化，但也值得推介.

今日放咗工來尖沙咀海港城逛街，見滿天星在此新開了餐廳又咁多人排隊等候，所以我們 也一起湊熱鬧人真的很多，我們差不多排隊用了一小時才入坐，雙腳坐下來有一種如釋重負嘅感覺！餐廳都用QR code 自己下單，上萊speed 都很快，因為每張枱只有90 分鐘用膳時間。我們的晚餐叫咗兩份蛋包飯，兩杯果汁和一個甜品：1. 漢堡扒蛋包飯： 有兩個汁一個為蛋包飯而，另一足牛肉汁，蛋包飯用茄汁炒飯，整體來講好味😋2. 鰻魚蛋包飯： 1⃣️條大鰻魚，好味😋3. 士多啤梨疏乎厘pancake，味道可以，但是有一個個心不是太熱😌總括來說，正面：食物方面好味，環境可以，可以一試！負面：排隊太長，要長期站立排隊冇等侯位，食物價高🤑不可能常常到來。

喜歡吃蛋包飯的我超開心因為日本老字號日式蛋包飯專門店グリル滿天星，在這個月於尖沙咀海港城開業喇！即約好友去品嚐期待已久的蛋包飯。グリル滿天星是日本東京著名的蛋包飯專門店，於當地設有8間分店而且經常排滿人龍，這夜7時到來人龍不絕走時才影到沒人門面。餐廳內的裝潢富日式風情但就有份時尚感，簡約整潔的佈局坐得挺舒適。香港分店由日本總店受訓有 25年和洋料理經驗的日籍總廚安部良太親自坐鎮，令我更加期待吃這正宗的日本味道。甫坐下先點選飲品我們四人決定掃奶昔餐牌，包括朱古力、士多啤梨、抹茶、雲呢拿口味奶昔各＄78/杯。我選喝的朱古力奶昔用上朱古力雪糕混入鮮牛奶來炮製，面層鋪上雪白忌廉及朱古力餅，喝下口感香滑細膩味道更是甜美濃郁。吃蛋包飯前先品嚐帶子刺身拌滿天星醬汁＄118，帶子刺身柔軟鮮甜加上特製的醬汁吃很開胃。然後是香口炸物忌廉蟹肉餅＄148，以松葉蟹肉及自家製白汁弄成蟹餅然後炸至外層金黃香脆，看到內裡滿滿絲絲蟹肉好足料，另配上由日本店自家調配直送到港的番茄醬汁吃味道更加吸引。鰻魚迷的我選了香港限定蒲燒鰻魚蛋包飯＄248，原條鰻魚加金黃嫩蛋上檯賣相非常之吸睛，而且份量挺大建議細胃口的最好跟朋友分享

今日下晝去尖沙咀海港城行街，行到攰就想食啲野啦，見到呢間之前好多人排隊嘅蛋包飯專門店今日竟然冇隊龍！即刻入去試吓啦緊係！由於係輕食，我今次就冇試到佢既招牌蛋包飯...叫左個吉列炸蝦、抹茶waffle同埋咖啡奶昔！個炸蝦新鮮炸起，皮又唔係太厚，食落口感好好。唔好睇小佢個薯仔沙律，竟然出奇地好食😮個抹茶waffle，雪糕好濃，整體嚟講都好好食杯咖啡奶昔就差啲啦，咖啡味唔算太濃，直到中段個咖啡味先比較出😩總括嚟講都OK嘅，下次再嚟試吓佢個蛋包飯！

之前聽到話滿天星會開，之後行開海港城時見到圍咗板，等到今日先至有時間去食。去緊嗰陣時，心稔唔知要排幾耐隊，驚住要等好耐。兩點零鍾去到門口，問門口嗰位靚姐姐，佢話好快就得，叫我放心排隊等，大約半個鍾就入得去食，等半個鍾我覺得可以接受嘅。入到去，要用手機點嘢食，我對佢無乜好感，之前去其他舖頭會lag機，今次就冇。我點咗滿天星肉汁蛋包飯、梳乎厘班戟同奶昔。首先講吓嗰蛋包飯先，我之前喺日本食過，今次再食，嗰汁同喺日本食嗰陣無分別。蛋呢，香港用「男」王蛋，我鍾意嘅，有蛋味，未試過熟食，我通常都喺打邊爐嗰陣時生食，今次食熟嘅再加埋啲汁真喺堅好食~~ 嗰西找飯味道ok喇，無乜特別。梳乎厘班戟就真喺無稔過會咁啱我食，我嗰friend就話麻麻，我就好鍾意喇，好飄好輕~~加埋糖槳好好味。服務生嘅態度唔錯，有問有答，唔會hea你，算喺咁，反而最驚起嘅就喺門口嗰位姐姐，比啲人喺咁鬧仲keep住嗰笑容(我估，淨喺見到佢對眼喺笑嘅眼，帶住個口罩見唔到嗰口)。總結，每樣野百零蚊我覺特性價比高，嗰portion喺大嘅，兩嗰人好滿足。