どストライク軒 (已結業)

<どストライク軒 Strike Noodles>-最近成日都係IG見到呢間strike noodle咁岩友人約晚飯食拉麵 一於捉埋佢黎同我試下呢間開業一個月左右既過江龍鋪頭嗰個位有少少難去 我就揀咗喺佐敦站出發店內相當光猛 星期四晚七點九仲有好多空位—————————————————————-『白湯蜆松露鹽味拉麵』🐓 - $98-碗麵配料擺碟幾好 相機食先完全冇難度先講拉麵比較少見既蜆 呢度用既係沙白 食落冇沙唔會煮到過熟 ok嫩 但係就得三隻 仲要有隻離左殼 個function 都係要靚多過食 🙈有三舊雞肉 外表睇落似慢煮 其食落其實有啲鞋 不過雞味十足 溏心蛋效果好靚漏油 比較特別既係佢比兩邊 出面就多數得半隻湯底先係呢到最大驚喜 雖然係雞湯 但湯底濃厚 飲落唔油 而且鮮甜 應該有好多蔬菜一齊煲成配埋少少松露油既淡雅清香 更加提升左個味道 唔似登龍街某間清湯配松露醬 食落完全唔知做緊咩咁值得一提既係麵上面既紅洋蔥同炸蒜 一開始其實唔係食得好到但隨著湯慢慢變少 紅洋蔥味道慢慢滲出又會多一個層次❤️麵既份量都ok多 不過掛住影相搞到索左湯 腍左啲同唔太夠湯-『白湯野菜醬

之前上網見到啲媒體同埋朋友去食呢一間拉麵，一路都好想去試，今日終於可以得償所願！他的位置就在尖沙咀三角公廁附近，韓國或者婚紗街附近，就變到很多食肆好容易就搵到！麻煩的就係冇位泊車！這一間拉麵店係大阪過江龍，一於就去比較下！ 店舖細細，裝修覺日本feel！他們嘅主打係雞白湯，當然一定要試吓啦！他們有幾種套餐選擇仲可以陪埋小食嘢飲！ 我就叫咗個白湯蜆拉麵，第一次食有蜆嘅日本拉麵，熟到煮得剛剛好！而且新鮮！湯底真係好味，濃郁嘅雞味，加埋慢煮雞肉，好夾！朋友就叫咗個特製鹽味湯沾面，朋友話超級好食，成碗湯飲晒仲想添加，可惜唔得！佢話個湯係最近食個拉麵來說最好味的，比起舊式嘅豬骨湯底健康同埋濃味很多！我哋仲追加多一份套餐配炸雞可樂！小食炸雞都好好食，裏面仍然很多汁， 份量也很多！ 晚市時間出邊已經要等位了！值得推介

剛登陸香港的日本大阪過江龍拉麵店🍜どストライク軒 Strike Noodles，店內由日本師傅駐場，上個月先與男友去完大阪旅行，試一試白湯野菜醬油拉麵$88 男友食白湯蜆松露鹽味拉麵$98湯底是比較清淡的雞白湯，飲完無要飲好多水既感覺，男友的松露湯底同我個醬油飲唔出有咩分別，整體合格。麵係直身幼麵硬度適中，份量足夠，是我喜歡的。男友是無肉者，所以我可以試齊兩款雞肉叉燒，鹽味湯跟3塊雞叉燒，醬油湯得1塊，好似鹽味更抵食，鹽味雞肉嫩滑一點，醬油的比較淋，兩者差不多。加分的是溏心蛋！！閃閃發光超吸引，熟度剛剛好，雖然喜歡全蛋咬落去爆汁，但這個視覺上很享受😍蜆肉偏細但鮮甜，其他配菜恰如其份。店內設有Bar位和檯，座位不多但舒適，女店員溫馨提示自助型式，有冰水和紙巾供應，日本師傳講廣東話歡迎客人，日本溫暖小店味道，感謝男友延續大阪之旅😘湯底：★★★☆☆(3粒星) 麵質：★★★★☆(4粒星) 肉類：★★★*☆ (3粒半) 配料：★★★★*(4粒半）店：★★★★☆(4粒星)整體：★★★★☆(值得一試) 

好少打食評，本身好中意周圍食拉麵，見呢間拉麵新開加上多好評所以今晚就走左去試下星期四晚7點鐘唔算多人，可能係weekday同新開既關係。間鋪既裝修都幾有日本風味，叫左碗白湯蜆松露鹽味拉麵同炸雞。唔洗10分鐘就有得食喇一上枱都幾重黑松露味，湯底好好飲好creamy但又唔膩雞肉都幾嫩，雖然唔係好大塊。拉麵特別之處係有4，5隻蜆，幾厚肉同鮮甜，隻溏心蛋不過不失，椰菜都好新鮮另一樣令我驚喜就係炸雞，果然係唔同其他拉麵店or快餐店個啲，呢間炸得好好食，食得出有特別調味過！店內職員既服務態度都幾好，抵讚一定會再返黎食！希望可以keep到水準！

見到呢度有一間新開嘅拉面店 忍唔住入去試試佢原來係大阪老店過黎開香港分店入面裝修都偏向日本風今次叫左兩款唔同面白湯野菜醬油拉面湯頭濃郁 係好濃烈豬骨湯面好彈牙 叉燒唔肥 配上呢個拉面感覺剛好明太子豚肉撈麥面呢個係熱拌面配上明上子 溫泉蛋同叉橈明太子夠多 可以拌勻成個面 微微咸味係面最好嘅調味 溫泉蛋煮得剛好 蛋香而滑 加埋明太子 味道一流有套餐揀 我地叫左套餐F 仲有炸雞同汽水新鮮即炸 睇佢金黃色外面 就知用左好多心機外皮脆 入面雞肉軟滑多汁 正另靆 佢地仲有生啤 炸雞配啤酒

近排係ig定係fb都有好多人po呢間拉麵店既圖片同文章，既然係咁既當然要去試下啦！ 咁我同友人就嗌咗一個沾麵同拉麵 再加個炸雞！講咗拉麵先啦白湯蜆松露鹽味拉麵🍜首先蜆加拉麵我第一次試 食落去完全無沙已經夠讚！配料仲有雞，野菜同糖心蛋雞無比嫩 無冷藏味道，蛋有做過功夫 蛋有蛋味外仲有應該係小小既酒味今次留到最後先講湯底同麵，同平時食開好濃好咸既拉麵唔同，呢一個係比食開香港既湯底清淡d但又唔係無味同唔好食 仲有淡淡既松露味係入面麵就同一蘭一樣同直麵條既 好快就索哂d湯所以大家要食快d，唔係好快無哂d湯！特製鹽味湯沾麵其實呢個係上面講拉麵既沾麵版 湯底比拉麵濃郁d麵就由雞轉咗做叉燒片 麵條就粗身一點 麵上仲有紫菜！(溫馨提示個麵底係凍嘅，呢到暫時冇熱既沾麵底，如果食食下個湯凍咗 可以叫佢地加湯嫁)炸雞🍗外脆內軟之外 仲有好多黑胡椒同葱 旁邊有沙律醬，檸檬同海鹽可以配合自己口感個人非常推薦 係升級版既家鄉雞！

每次假日同老婆去尖沙咀行街都唔知行完食咩好，食咩好，但又吾食太長時間決定係WhatsApp問吓啲八公有咩建議🙊🙊問一下原來有幾個朋友都有介紹呢一間拉麵都唔錯位置雖然係尖沙咀三角公廁但呢度都好多食店所以好容易搵....門口好有日本feel😂😂裝修間隔座位同職員都似足日本設計拉麵我當然選擇白湯蜆松露鹽味拉麵而我老婆就選擇左白湯野菜醬油拉麵😎😎2個拉麵啲白湯都非常濃口味道而且我個拉麵仲有好多蜆非常之豐富😍😍另外我哋再加左個4件炸雞竟然炸雞有意外驚喜因為炸雞好似平時食開啲鹽素雞好有水準又唔會太鹹啲粉又唔會厚非常之好味（推介自選👍🏻）飲品方面呢度得汽水同埋有幾款啤酒🍺🤗🤗

🇯🇵日本大阪過江龍拉麵店登陸尖沙咀❗️呢條街附近雖然好多韓國菜🇰🇷但我都係比呢間吸引到😼因爲佢係真係好出名架😆嚟自大阪梅田🇯🇵開業30幾年好資深🤓店舖仲係日本人氣食評網獲3.6/5分一個幾高分嘅評價🤩〰️〰️〰️〰️〰️〰️〰️〰️〰️〰️👉🏻白湯野菜醬油拉麵🍜💲88👉🏻白湯蜆松露鹽味拉麵🍜💲98呢間主打濃厚雞白湯拉麵🍜上網睇過雞白湯湯底用日本鮮雞熬煮6個鐘，再加蒜蓉、黑椒、醬油等調味🧂🥰未飲已經feel到佢好多膠質😽真係超濃超好飲我好少可食拉麵會想飲晒個湯因爲成日好驚味精湯 但呢個一定冇味精係我食到飽死都想飲晒佢🤤佢啲叉燒仲要係厚切半肥瘦😽半熟蛋都好好食果然係日本食材🥰〰️〰️〰️〰️〰️〰️〰️〰️〰️〰👉🏻炸雞💲42👉🏻豚肉醬汁燒💲38👉🏻枝豆💲22👉🏻野菜💲12佢啲小食都好大份🤩炸雞好大舊仲要調味好足所以雖然炸粉厚少少我都覺得冇所謂因爲係好食🤣豚肉對我呢講就覺得有少少肥不過佢個汁燒好入味🤤啲菜就清清地少少鹽調下味咁啦〰️〰️〰️〰️〰️〰️〰️〰️〰️〰️個人認為好好食係我呢排食過最滿意嘅拉麵🥰因爲我真係好中意個湯好好飲😭💕真心覺得大家可以唔好再淨係食「一蘭」「豚王」可以去試下呢間😆👍🏻〰️〰️〰️〰️〰️〰️〰️〰️〰️〰️どストライク軒 (尖沙咀)📍尖

係來自大阪既拉麵店！！位於柯士甸路轉入去d內街，百佳對面，唔算好易搵，但係都唔難搵，由山林道入既話，去到盡頭落樓梯轉右就係了。-餐廳走日式裝潢路線，新淨明亮，除L型bar枱，仲有幾張餐枱。呢度出名食雞白湯，基本上得5款麵+大魔王，唔難揀，但係已經有拉麵撈麵沾麵，咩都有得揀😃-我揀既係白湯蜆松露鹽味拉麵（$98），擺盤好精美！！材料都幾豐富，兩隻溏心蛋令人垂涎欲滴😍，係非常正既生熟度；蜆鮮甜大隻無沙，雞肉雖然唔算嫩滑但都唔鞋口，紫洋蔥為整碗麵增加了不少風味！湯底濃郁，但又沒有豬骨湯般油腻，正！麵底直身軟滑，唔係走彈牙風。-加左$48配上炸雞及ginger ale，因為看了openrice炸雞風評不錯，果然沒有失望，真的非常好吃完全有在日本吃的炸雞的感覺！！！賣相美美也超好吃！皮脆肉嫩還多汁！-朋友點的是特製鹽味湯沾麵（$98），份量滿滿的！湯底因為是沾麵所以比我的鹹，這碗有切條的叉燒，軟軟淋淋的也不錯吃，而且有不少紫菜及蔥！-+$48點了小明太子飯及可樂，實在選對了，碗飯超吸引😍還有溫泉蛋，把蛋和明太子撈在日本飯中，滑溜咸香，非常開胃好吃。-大家也吃得飽飽又滿足，香港做雞白湯得拉麵店不多

尖沙咀柯士甸路17號地下叫Strike noodles ，雖然店裏比較細小，但亦可可以容納約30人，有一張長長的吧枱，可以坐約10人，直接可以望見拉麵師傅現場即席烹煮的日式湯麵，Menu上面雖然款式不多，主要是幾款拉麵，炸雞塊，和三數款飲品。因為精益求精，所以款式比較少，我們選了兩客拉麵，追加左兩件炸雞和白飯，加上有薑味的汽水，溫泉蛋和兩碟野菜。首先來的是特製鹽味湯沾拉面，上枱時是拉麵，叉燒，紫菜，椰菜，溫泉蛋，大量的蔥花，紫菜和花甲，另外是雞湯，先講講雞湯是分開盛載的，非常之濃的忌廉和雞經多小時做出的，食上去之時，先將拉麵放進雞湯來，浸透然後食，味道相當濃郁，麵條亦相當彈口。我們追加的兩件炸雞，雞肉汁完全鎖在裏面，外面的炸粉亦非常香脆，加上沙律醬和青檸汁，頓然味覺大動，加上配置的薑味罐裝汽水，非常合適的配搭，追加的白飯是選用日本的珍珠米。另一款是豚肉湯野菜由拉面，當然是講一講湯底是用豬骨經多個小時煲製，加上兩大塊大大的叉燒，分量十足，每塊足足有半隻手掌那麼大，加上溫泉蛋和野菜，風味十足，所有湯都全部落肚。因為溫泉蛋真的非常好味，我們亦分別追加一客，滿足我口腹之欲。

豬妹好鍾意食日式拉麵，見到雜誌介紹有大阪麵店新開，就急不及待拉埋我去試新嘢。坐低發現店家好貼心，枱旁牆上有USB叉電位連坐吧枱都有特製鹽味湯沾麵材料豐富，有蜆、肉條、溏心蛋、紫菜和香蔥。麵條爽而有韌性，沾上湯汁嚟食，湯汁濃稠可以掛在麵上一陣。豬肉條太多無食晒，溏心蛋好好食呀白湯蜆松露鹽味拉麵呢個麵條比沾麵幼，麵質一樣彈牙滑溜，湯汁比沾麵嘅湯薄少少，但一樣香味濃郁叉燒夠腍，蜆仔肉鮮又漲卜卜追加咗個小食，炸雞外脆內軟有肉汁走嘅時候已經滿座啦...

尖東與佐敦交界 新開幕日本梅田 過江龍拉麵店😛價格$80-90一碗不等 當然自問有大胃王食量 可以挑戰 $198 的拉麵我們各點 沾麵 因為我喜歡有口感的麵條 而且我進食速度慢 不怕麵條在拉麵湯泡軟小吃加了🔹吞拿魚迷你丼🔹+$58魚生質素在拉麵店來說 還好 都叫新鮮 不會強推🔹 炸雞件🔹$48外皮香脆 肉汁好多  本身有調味旁邊有mayo同黑胡椒鹽特製鹽味湯沾麵🔹雞白湯唔夠濃味 鷄湯味淡麵質感ok夠硬 但係暖ge  粗身麵條都掛湯溏心蛋流心 蛋黃味好濃叉燒較瘦同乾————————————————.💡 どストライク軒尖沙咀柯士甸路17號豐樂大廈地下2號舖  ————————————————  

平時大部分拉麵店嘅湯底係豬骨湯底，而呢間嚟自大阪嘅拉麵店則係主打雞白湯，有另一番風味。😍🔸白湯野菜醬油拉麵($88)主打嘅湯底果然名不虛傳，飲落好香好滑，味道好濃郁，好似充滿咗膠質咁😍 叉燒好大塊，唔會太肥又唔會太韌，肉質軟稔。而麵質粗幼係中間，食落彈牙爽口，shushu聲食最正宗🔸白湯蜆松露鹽味拉麵($98）呢一碗個湯底又有少少唔同，比起上面個碗清少少，多左一份鮮味，仲有少少松露香。黑松露味既拉麵my first time🙌🏻一放上枱已經聞到陣陣嘅松露味。除咗蜆肉之外，仲有兩塊慢煮雞肉。雞肉好入味，而且肉質好嫩滑👌🏻☺️🔸小燒豚肉溫泉蛋飯($48)豚肉飯加上溫泉蛋，醬油味好甜好香唔會太鹹，所有嘢撈埋落碗飯度好夾好香。🤤食完麵再食飯感覺大滿足😁😁😁🔸炸雞食過好多唔同日本餐廳嘅唐揚炸雞，呢一度嘅炸雞係數一數二嘅好食，上枱嘅時候熱辣辣，咬開有好多肉汁，好juicy。

來到三角公廁附近～ 原來新開咗好多有新奇主題食店～ 不過行咗咁多間都係想食拉麵～ 呢間係新開的， 個招牌公仔好粗眉 😆 ～一於試下啦～ 😚白湯野菜醬油拉麵 $88～ 閨密叫的，偷食咗一啖 🤤～  係雞湯底加醬油，鮮甜的～ 有少少天婦羅麵衣吸收咗湯，令口感 豐盈～ 爽口嘅幼麵加上 清甜嘅野菜 🤩～  叉燒係比較瘦嗰種 ～ 其實比較想偷食嗰塊紫菜🤤 浸咗雞湯之後一定好美味 😍特製鹽味湯沾麵 $98～ 蜆肉新鮮清甜～  仲有好多蔥呀 🤩 溏心蛋係正正子～ 叉燒都係偏瘦～ 粗面亦係飢詩最愛～ 最 like 係個湯底，好滑～ 入口非常 smooth ， 有點像忌廉湯 🤤  不過唔知係因為個鐵碗 定係啲麵 個湯凍得快～ 好在食完嗰時可以加湯，飲返啖暖湯 好舒服 😌炸雞&飲品 ＋$48～ 雞髀肉 脆卜卜的 很juicy 🤩食完見到窗邊的告示 店內可以挑戰大魔王拉麵～ 唔知嗰碗面有幾大呢 😆飢 point :  7 / 10 #hungermarch #飢詩 #非飢詩

肥雞星期四同老友去咗尖沙咀一間過江龍拉麵店叫做北海道爐端呢間拉麵鋪居民係喺日本大阪傳過嚟每次開刀座無虛席咁肥雞嗌咗個八荒野菜醬油拉麵佢嘅叉燒呢都唔錯兩位少咗少少瞓啦我糖心蛋幾好個湯底呢幾盒可能係鹽味湯底啦但係不過送埋麵食呢就一流感肥雞老友呢就嗌咗個特製鹽味湯之麵啦又係有呢一個嘅叉燒同埋啲海鮮電話我先未個湯味好濃雞湯味再嗌多個炸雞做小食啦個雞 我哋有啲似kfc炸雞好香脆總括而言呢間拉麵肥嘅人都覺得幾好食下次都會再去encore