うまい鮨勘

營業中

休息中

「うまい鮨勘 」開業於海港城，是一間和式鮨店。裡裡外外的木製裝潢十分清簡，和風韻味洋溢。 甫進店內，首先經過壽司吧枱位置。從高向下望，能窺探凍櫃刺身真貎。午市餐單有十餘款選擇，定價由 $98 至 $350 不等，老實說説並不算便宜。「味噌湯」是常見的前菜，「鴨胸雞蛋」則較少見，予人新鮮感，但賣相有改善空間。 「刺身壽司定食」內含刺身三點、壽司五件及迷你三文魚籽海鮮丼，款式豐富。「牡丹蝦」肉豐清甜，蝦味鮮濃。「深海池魚」採用近腩部份，外皮閃閃生光，魚身微透雪花紋理，食感滑中帶爽，爽中又帶軟。「吞拿魚腩」色澤粉亮，肥美甘香，同屬佳品。 壽司款式由左至右分別是三文魚、左口魚、帶子、蟹柳及香蔥吞拿魚。「左口魚壽司」出品較預期鮮味。「帶子壽司」外觀潤白，鮮甜微脆。「香蔥吞拿魚軍艦」屬搶香之物，為避免紫菜吸濕失脆，宜盡快品嚐。 「迷你三文魚籽海膽丼」實為海膽控所愛，海膽味甜濃郁，選料新鮮。三文魚籽的賣點是其爆汁食感及鹹香味道，伴飯吃口味較平衡。 整體而言，這份「刺身壽司定食」的用料都算不俗，但計及價錢考量，未能做到優於預期吧！

尖沙咀海運大廈食肆輪流轉，但有幾間好耐都屹立不倒，其中一間就係鮨勘，食日本菜刺身。先上個熱食，係甲羅燒，扇甲殼做底，釀左肉上去燒，有磯燒風情，非常惹味。極上壽司盛，有赤海蝦、帆立貝、海膽、三文魚籽、吞拿魚等，都係比較大眾合味嘅壽司。肉眼可見每款壽司，魚都鋪過飯肉比飯多，非常巨大，而且每件都好晶瑩剔透，鮮味十足！深海池魚刺身，雖然只有三件，但每件都好厚肉，即使冇點豉油食都好夠味道，令人為之精神一振。海膽壽司，海膽唔係想像中碎濕濕，而係一塊塊，入口滑膩滋味，於舌尖悠久唔散。最後比大家睇睇餐牌。鮨勘位置方便，裝修又有日式風格，雖然價錢略高，但壽司質素黎睇，絕對值回票價！

今日同朋友去尖沙咀，經過海運大廈，最後終於鎖定左一間日本菜，叫鮨勘。炙燒系列，帶炙燒左口魚邊壽司、炙燒金目鯛壽司，每款都只燒熟表面，無損裡面嘅鮮味，肉質仍然嫩滑，有少少暖，入口融化。野菜天婦羅。炸得好好，冇油滴出黎，茄子吸得飽滿，咬落外脆卜卜，但內裡好鬆軟，南瓜同炸粉天衣無縫，秋葵就另一番風味。北海道海膽軍艦，海膽好新鮮，冇鯹味，入口只有淡淡鮮味，味道好足，基本唔駛豉油已經好好食。到左萬眾矚目嘅極上壽司盛，上到帆立貝，下到三文魚籽都有，顏色鮮豔，魚生都好大塊，令人食欲大增。一分錢 一分貨，雖然鮨勘價錢中上，但試過壽司就知道係靚野，下次都會再黎！

餐廳裝演以淺木色為主，富有日本風情。他他三文魚沙律，沙律上有大量三文魚子， 一啖入口，三文魚子喺口腔入面應聲爆開，鹹鹹地同個沙律非常之襯，估唔到用三文魚子嚟食沙律，個味道會係咁夾；再加上新鮮嘅三文魚同埋酸酸地嘅沙律汁，我非常之喜歡呢一個西日fusion嘅沙律。冷豆腐，豆腐充滿豆香，個汁帶有濃厚嘅木魚味，係一個非常之開胃嘅前菜。明太子玉子燒，玉子燒帶有微微嘅甜味，口感紮實， 同明太子嘅鹹鮮味相輔相成，帶俾味蕾鹹甜兩極嘅衝擊。特選壽司盛，呢個壽司盛有十件壽司加四件小卷，打頭陣嘅係赤身壽司，鮪魚因為係大型魚類，部位不同嘅話，油脂嘅分佈同味道就會有所不同；深色嘅赤身主要係魚側同埋魚背，油脂較少，口味清爽，可以確實地感受到鮪魚魚肉嘅美味 。小捲裏面包住嘅係漬物，口感有啲似荀一類嘅蔬菜，醋漬嘅味道恰到好處，從來，漬物小捲都係我嘅至愛。油甘魚壽司，油甘魚肉質軟身，鮮味較重，顏色偏深，好明顯用上咗新鮮嘅貨式。鯛魚壽司，鯛魚係一種上等嘅食用魚類，肉質細緻嫩滑且清淡，除咗壽司刺身之外，仲可以用紅燒、煨湯等方法烹飪。池魚壽司，池魚嚟自九州西北部長崎縣，口感爽嫩，肉質有彈性得嚟帶啲油份，味道甜美。

今日同同事一行五人去咗尖沙咀海港城食貴價日本菜，一坐低我就叫咗個北海丼。啲魚生好新鮮仲有塊好肥嘅呑拿魚❤️，不過整體d魚生比想像中少，反而同事叫嗰個壽司拼盤連迷你海膽飯，仲多啲魚生同埋價錢平少少。同事叫咗個極上鮪魚丼，d吞拿魚勁多，佈滿晒成個碗，同事食到好滿足。另外同事個壽司拼盤，啲魚生都幾多款式，同我個北海道一樣都有蝦，佢個海膽迷你飯好多海膽同魚子，比我個北海丼仲底食。此行唯一嘅熟食係鰻魚飯，個鰻魚飯條鰻魚唔係好肥，同事話啲鰻魚汁唔夠，所以都係建議大家叫返魚生飯啦。

今日同同事們黎到海港城食日本野,之前黎開已經留意到呢度有間日本野好似唔錯, 今次終於有機會試下. 今日唔係咁想食生食, 所以最後都係點左鰻魚丼試下話說尋晚先食完一個差唔多價錢同賣相的鰻魚丼, 諗住追加下, 相比下, 呢個午餐鰻魚丼沒有想像中o既肥美, 雖然平時都唔食太多飯, 但我都覺得醬汁比較少, 整體黎講有進步o既空間.反而我同事點左「極上鮪魚(長崎產) 丼」就有驚喜, 賣相相當肥美而且份量十足, 有機會可以一食

今日約了朋友到尖沙咀， 去到海港城，選了一間日本菜。我毫不猶豫的選擇了我最喜歡的魚生飯。等待期間，download 咗個app, 就有免費一份(每三人一份)蟹子沙律。過咗一陣，期待的魚生飯就送到面前。魚生新鮮，味道不錯！

今日中午同同事去享受日式美味魚生! 選擇左海港城的鮨勘！地點方便宜找，吃午餐一流！講番野食先，今次最期待的係極上鮪魚(長崎產)丼! 整碗都佈滿肥美的拖羅，影相真係無敵！不同部位，不同口感，一次過滿足曬想吃高檔拖羅的慾望。每碗350元，看起來少貴，可是節省左飛去日本的機票時間，咩都抵番曬！同事仲叫左極上鮨勘丼! 賣相不錯，魚生都新鮮，但無咩太大特式！鰻魚飯更一般！還是專心吃鮪魚好了Service好好，會幫手加茶，仲提醒我要download個賞食app就送蟹子沙律！ 正！

食日本嘢，最高層次就梗係唔駛落豉油，唔駛加wasabi，因為食材夠新鮮夠上乘，咁就已經好好味！今次同老婆慶祝生日之所以揀去うまい鮨勘，就係掛住呢種無添加已經好好味嘅感覺！最體現到食材嘅質素，當然係刺身啦！油甘魚刺身又厚又啖啖肉，勁鮮甜！至於吞拿魚真係睇相都好想再食一次，咁厚嘅刺身真係好開心！同埋鼓油真係唔駛好多，甚至唔點都可以，因為真係好新鮮好有魚脂甜味！咁當然唔少得我最愛嘅帆立貝，幾爽口！不過都唔可以只係食刺身嘅，我同老婆都叫咗幾樣壽司，都幾滿足！飯香同醋嘅味道好配合，係好味嘅。熟食方面就推薦「居油屋の味」，特別係牛舌真係一絕！有時燒牛舌會有少少太咸，但呢度嘅牛舌咸味點綴咗牛肉味道，牛舌本身又夠爽口，好夾！蒸蛋都可以一試，幾足料，口感綿滑。今次生日飯大滿足！

之前已經食過鮨勘一次，今次同朋友仔晌海港城行街行到好攰，唔想特別搵食咩，就向朋友仔推介呢間食過嘅壽司店入到嚟大約8成坐滿，食方面當然喺食壽司喇，之前試過極上鮪魚飯，今次決定轉為試鮪魚壽司盛（$250）。先請賣相吸引，顏澤方面第一眼看落新鮮，食落壽司鮮甜，特別係不同級數嘅各拿魚，的確係非常吸引😍😍😍叫得壽司當然都叫埋刺身喇，今次兩估人叫咗個刺身6點（$380），哈哈見到有帶子好開心，帶子亦都好厚身有咬口，赤蝦亦都好甜，至於吞拿魚、油金魚刺身亦都係厚刺同新鮮，整體而言水平晌中等之上。熟食方面我同朋友一人叫咗一個蒸蛋，蒸蛋方面料都十足，蛋好滑，味道同埋好清，食落有上湯味又有蛋味，比起平時食啲蒸蛋，有啲唔同。P.s. 發覺店內每一日都有特別推介，應該喺睇下當日來貨係咩而set, 大家食時不妨吸吸牆身

踏入11月是辛苦月，已知今個月好難捱，所以先在月頭吃餐好，為自己儲存定能量準備作戰。話明吃餐好，當然是要吃自己最喜歡的，即是什麼？當然是日本菜。餐廳以木色為主調，環境光猛，裝潢滿有和風色彩，門口放了兩塊大型的餐牌，吸引路人腳細閱。一走進內裏就見到張 “L”字型的壽司吧枱，另外四處設有寬闊的四人卡座，亦有二至四人枱，地方寬敞。裝潢亦富心思，除牆身上放滿日本酒的酒架外，還有店頂的食材名稱木牌，而最吸晴是牆上刻畫了兩條栩栩如生的大魚，很具代表性。枱上放有兩份餐牌，分別是食品和飲品。飲品有各款酒精和非酒精飲品；而食品就分有沙律、自家製玉子燒、居酒屋風味、刺身盛、刺身、壽司盛、手握壽司、炙燒壽司、軍艦、手卷、揚物、卷物、細卷和丼，選擇不少。******************************先揀一道色彩豐富的海鮮海草沙律 Seafood and Seaweed Salad ($98)打開胃口。海草沙律面舖滿亮澤的魚生粒、晶瑩剔透的三文魚籽 和一大隻牡丹蝦，而海草 也有四款，再加埋青瓜絲，真係好豐富吸引。胡麻醬 另上，可按自己的需要而注入，爽口清新的海草拌入甘香的胡麻醬，簡單而美味的配搭。

“呢間日本餐廳之【鮨勘】位於海港城海運大廈地下即係玩具反斗城果層由於今日嚟食晚飯嘅時間比較早所以唔使等位 仲有卡位座呢度嘅環境好舒服 柔和嘅燈光加上淺木色嘅裝修畀人一種輕鬆嘅感覺而且呢度嘅侍應招呼周到亦非常有禮不時為我哋添加熱茶前菜【鮨勘薯仔沙律】$58日式薯仔沙律 雖則簡單但味道豐富洋蔥及煙肉帶出香口感覺亦加入咗蛋和各款蔬菜粒 增加口感另外更創新地配合咗薯片黎食 雙重口感【北海丼】$280 用料相當豐富有9款嘅新鮮刺身當中包括藍鰭吞拿 以及北海道海膽係睇個賣相已經令人流曬口水三文魚腩夠肥味三文魚籽大大粒而且脹卜卜 充滿醬油風味用嚟撈飯就最適合不過 令壽司飯增添鹹香松葉蟹肉夠鮮甜大大隻嘅牡丹蝦肉質彈牙充滿膠質 味道鮮美蝦頭嘅蝦膏更是非常甘香一定要係新鮮嘅蝦先至有咁出色嘅回甘中拖羅佈滿雪花 入口即溶魚油喺口裏面爆發加上鯛魚同油甘魚 令海鮮丼嘅味道更為豐富不得不提嘅係金黃色嘅北海道海膽味道甘甜 餘韻喺口入面久久不散如此高質素嘅海鮮丼 在令人大滿足除咗刺身之外 仲有居酒屋常見嘅熱食【日式煎餃子】$58餃子皮煎得金黃香脆裏面嘅豬肉餡juicy多汁點埋餃子醬汁帶點微酸 中和油膩感覺【 自家製明太

自選壽司拼盤小編特別推薦炙燒左口魚邊 ($38)左口魚邊入口即溶 油脂滿溢 好好食!!蟹腳蟹膏軍艦($30)蟹膏鮮甜而且份量好多 係日本既味道啊😆北海道丼 ($280)丼飯份量一點也不吝嗇 每件刺身都好新鮮尤其係海膽🤤🤤🤤大大pat好鮮甜!!另外仲有牡丹蝦 中拖羅 鯛魚 帆立貝 油甘魚 三文魚籽 松葉蟹肉 三文魚一個丼飯真係可以滿足到你咁多個願望架☺️☺️☺️三色丼 ($250)如果吾喜歡咁多魚類刺身 依個就比較適合你😆有鮪魚蓉 海膽 三文魚籽 每樣份量都好足夠 輕鬆ko成碗飯👻價格定位不低 但係地理位置 環境 同服務質素都值回票價👍🏻Encore指數🌟🌟🌟

孖老公一齊食好嘢，今次係尖沙咀～難得出城，滿心期待今次嘅海鮮丼😍餐廳裝修好日本風，木系嘅風格令人坐得好舒服～《海膽帶子三文魚丼》$200每片三文魚都有半隻手掌大，一啲都唔孤寒，而且新鮮～帶子好大粒，應該有有3L大；仲有時令嘅海膽，香濃嘅海膽味充滿口腔，正👍🏻重點係飯底，濕度剛剛好又煙韌，加上少少蛋絲、少少酸薑（酸薑都係出色嘅！）係完美呀～《海鮮炒烏冬》$120香滑彈口嘅稻庭烏冬，加埋好多加埋海鮮一齊炒—蜆、魷魚、蝦，味道都幾好～ 《明太子玉子燒》$78微辣嘅明太子放係剛剛熟嘅玉子燒上面，甜甜地嘅蛋配埋明太子一齊咬，口感又幾得意好味喎～服務幾好，主動又有笑容😊

終於有機會黎到うまい鮨勘食一餐非常貼近日本特色同取材的高質飯啦起尖沙咀海港城地下，好容易搵到，好乾淨光猛的壽司店。睇完真係花多眼亂，比起日本專門一款的餐廳，起香港起呢度就可以食多不同種類同埋質素都拍得住日本當地架先點左杯巨峰梳打巨峰味沉左起底，攪拌後，梳打那種氣泡結合埋巨峰味，好透心涼啊~~~做左個極上壽司盛，10件壽司都是由師傅按當日的新鮮的材料握成海膽有成2塊海膽，色澤橙黃色，好飽滿的樣子食落軟軟綿綿，味道不苦，好清甜的感覺每一口化開，好Creamy，口氣充斥著海膽魚子壽司同海膽一樣都是重味道的魚子多到滿瀉架~~~每一粒都大大粒晶瑩剔透一食落去魚子爆開的一暽間以為自己的口腔有爆破工程般魚子的汁出曬黎，不會好苦，反而係魚香味極重，好正貝類中的肥美，一大片咁握成一個壽司好飽滿，同時新鮮來自加拿大海蝦，第一次食咁樣的尾部蝦，好易同平時食既蝦分別出來食落好重的膠質感，好黏，好新鮮，絕對要一試吞拿魚魚味好重再叫多左個雜錦天婦羅太掛住日本的天婦羅，油不會多，又無油抑味，絕對係香港的餐廳比不上的在這裡就食得到啦~~~~天婦羅的脆皮下包住的是蝦，同刺身一樣，仲未煮到入裡架用秋葵黎做天婦羅都好正因為