うまい鮨勘

營業中

休息中

一家在日本很有名的餐廳一家十分傳統的日式餐廳食物的設計和擺設都是老一輩的思緒這正好讓在下回憶最初在香港嘗到的日本菜omakase有兩款看菜單後決定自己單點好了除了這個漬物盛合還點了個珍味裡面有螢魷，酒盜和塩辛簡單而不普通的美味明太子蛋捲一直在呼喚在下的依佐木那在下怎能不吃掉你😂來一客炸雞和食好像不太好雞無雞味檸檬無檸檬味。。？最好吃的是條獅子唐一碟寿司12件沒想到有機會吃到白蝦和赤貝好幸福啊再追加師傅選的六件嗯被偷聽到白蝦的心聲了能再吃一件實在幸福無比還有小肌過程當然有美酒相伴滿足的一餐

超級唔好食嘅日本菜，服務水準低，日本餐廳冇人識講英文日文，只識普通話同廣東話。鰻魚飯超級難食，老過塊柴皮！有要求嘅人千祈知唔好嚟！😣😣茶又唔夠熱，樣樣都好唔掂！價錢又貴，服務又差，只係做旅遊冇要求嘅生意！

本身打算食對面BLT 但full booking😐睇openrice見呢間野都幾多好評 打算試下見價錢都唔平諗住應該有質素保證 點知👎👎👎食物太難食 無心情影相 附上收據一張👇🏻❣️玉子燒 普通❣️乳酸梳打 無乳酸味 多冰 難飲❣️玉乃光 出去食千両都會比冰浸住 但呢間就咁比枝野你 蓋都唔幫你扭🤷🏻‍♀️❣️焗蠔 成$75一隻 但勁鞋 又凍 無芝士味❣️海膽刺身 唯一ok既野❣️極上壽司盛 同元氣差唔多質素❣️三文魚腩壽司 難食 連普通三文魚都好食過佢❣️手卷 全部啲紫菜軟奶奶 難食到我無食晒❣️丼 都係元氣質素 啲飯落左勁多芝麻同蘿蔔 無諗過人地唔中意食🤷🏻‍♀️❣️炸雞翼 都ok❣️牛油果卷 都係啲紫菜軟奶奶除非好想晒錢 如果唔係真係唔好去食👎埋單我用左$2100 服務又唔係特別好

自己本身好鐘意食日本菜，一路都知呢間好出名~今次終於特登LUNCH TIME黎試一試先個裝修好有日本風情，好日式好舒服~唔知係咪有D早既關係，餐廳都唔係好多人，變左都坐得好舒服個蒸蛋好好味，入面好多料，唔係普通得個蛋，個蛋又好滑，完全唔老!跟住個沙律又係好正，本身我麻麻地沙律都忍唔住食哂!好正同朋友都係簡左自選壽司拼盤，好多舊每舊都好新鮮!好好味，又大舊，女仔食應該食唔哂HAHA特別推薦炙燒既壽司!!勁香又口入即溶，依加諗住都好餓想再食!雖然價錢比較貴，但真係好值得

我真心覺得鮨勘係一間不錯的日本餐廳，食材新鮮，價錢合理！聽說是一家築地壽司店！故前來嘗試一下！大鮪魚腩真直得一試，口感一流，價錢絕對抵食！海膽鮮甜，原條池魚刺身也直得一贊！係出面真係有無數日本餐廳，自稱日本直送，新鮮美味！可惜食物係無得呃人！一入口便知龍與鳳！本人自問真係中過唔少伏！但這次我覺得可以推介一下！大家如果拍拖而且喜歡食日本嘢，鮨勘真係一個不錯的選擇！至少我自己一定會再去！唯一不足我覺得款式唔夠多

玩了一天，契仔說要吃壽司。好吧！隨便在海港城找一間吃。大人小朋友都滿意在門外看到裝修，應是高級食店吧。但看餐牌又不是驚人價錢。還可以啊。我們只點了壽司、牛舌、粟米餅、前菜。上菜很快、看著也覺吸引。壽司很新鮮、飯微溫、醋味剛好。我很愛吃魚類壽司。一口吃下去便知是竹優質食材。很能滿足我的食慾。契仔也很滿意壽司。我們一起吃粟米餅時。有叮一聲覺得好好味。還約定下次再來吃粟米餅。牛舌三片，頭兩片好味，可惜第三片很爛咬開。但味道是可口的。前菜，就是想吃些能開胃的我喜歡吃。店員很細心及面帶笑容。其實帶小朋友吃飯。最怕遇到店員不喜歡小孩的咀臉。我們選餐廳第一是坐位舒服第二是店員的笑容第三才是食物質素今次都滿意啊。價錢，我覺得合理。不算太貴，當然不是平而。好味便好了。下次再來吃刺身。

海港城有好多高級食府，而鮨勘亦係其中一間高質素日本餐廳。餐廳用上木色做主調，佈局簡約舒服，另一邊有一張長枱，有師傅即席切新鮮魚生。點了兩個手卷，分別是香蔥鮪魚腩蓉和辣味吞拿魚。份量不大，但魚生夠鮮，紫菜夠脆！玉子燒。上枱時熱騰騰，蛋味濃郁，而且口感有層次他他三文魚沙律。三文魚配合生菜、車厘茄等，感覺清新消膩北海道丼。份量十足，大蝦、海膽、三文魚、油甘魚一應俱全，而且刺身新鮮甜美，十分不錯！炙燒壽司盛。全晚的亮點，因為個人比較喜歡炙燒味，而此組合包括了三文魚、吞拿魚、帶子、左口魚裙邊等，尤以炙燒左口魚的油香最為齒頰流香。2人份量

為了慶祝結婚週年紀念，想食好一些，特別擇選了這間日本菜，去到點了魚生飯，手卷，甲羅燒，沙律和天婦羅，第一道上的是吞拿魚手卷，想不到紫菜煙韌到要用力扯住咬開，心已涼了半截，之後的魚生飯，甲羅燒普普通通，天婦羅內的蕃薯有些硬，最好味反而是吞拿魚沙律，愈吃愈覺得激氣，在埋單時投訴那個手卷，覺得餐廳完全沒有尊重食物，經理雖曾提出不收手卷費用，但手卷已吃完，也没有拍下照片，怕給人無理的感覺，所以照付款算了，但這樣的食物質素和價錢，令人相當失望，早知食華街御結慶祝結婚週年好過。

Had a quite decent Japanese dinner at sushikan. It’s originally from Tsukiji market. Bright and clean environment.🍱we ordered Hokkaido Donburi $280 // basically it’s a heavenly taste in a bowl, thinly-sliced sashimi on top of the rice , love scallop x fatty tuna & uni. It tasted incredibly fresh.🍗Deep fried chicken $58 // it was fried to perfection but wish it could be more evenly seasoned (I would say could be more salty), it’s also nice that it wasn’t oily tho.🍣Soft shell crab & avocado roll $

海港城啲鋪頭一向都唔平, 所以都好少喺呢度食嘢。今日經過呢間日本餐廳，佢嘅Menu嘅價錢都唔係想像中咁貴，覺得可以值得一試，於是我哋就入咗去.入面座位闊落, 簡潔乾淨, 坐落去已覺得好舒服。之後, 侍應就好有禮貌遞上Menu俾我哋睇。我同朋友都選擇咗魚生飯，雖然價錢比一般定食貴少少，但係相中嘅魚生飯既賣相真係好吸引,好想試吓。我哋一人叫左一個海鮮丼和一個小食:1. 函館丼呢個真係正！特別啱我最鍾意食蟹嘅人，真係每一啖都係真蟹肉。有我最愛的松葉蟹腳，起初我還以為是平時食的假蟹肉😛，食落口真好鮮味，真松葉蟹肉呀！還有好多拆了既蟹肉碎，仲好多添。仲有仲有，仲有海膽，雖然吾多，但未好濃！仲有，仲有三文魚子，成個丼口感好豐富，真好耐冇食過咁正，推介！2. 角切魚生飯呢個比較經濟些，但賣相好似更靚。裡面有超過十款不同的魚生，好新鮮好好味，仲可以試到平時少吃的，好特別。蓋上飯面大大份量的吞拿魚蓉，更是我至愛。好好味，份量超足，我真係食吾哂...3. 玉子燒見到menu寫佢地的玉子燒好特別，所以特地叫一客試試。果然好嫩滑，熱辣辣, 都不錯。在海港城，可以食到份量超大的海鮮丼，真好滿足。😁

放工去到海港城, 一個人食飯, 行下行下就見到呢間野, 就試下啦<鰻魚丼>鰻魚厚切. 燒得好香, 鰻魚汁夠濃, 珍珠米吸埋D汁, 好好味, 一個食岩岩好<松葉蟹腳壽司, 灸燒深海池魚壽司, 蟹子壽司, 大鮪魚腩壽司, 中鮪魚腩壽司, 金目鯛壽司>松葉蟹腳:  夠蟹味, 但係稍為乾咗少少灸燒深海池魚: 燒得好香, 入口魚味濃, 油脂適中蟹子: 好新鮮, 夠爽脆, 唔會一pat pat大中鮪魚腩:  大鮪魚腩賣相明顯比中鮪魚更肥美, 味道方面, 大鮪魚腩油脂豐富亦非常新鮮 有少少入口融化嘅感覺, 而中鮪魚腩相對清淡dD但一樣都係相當新鮮金目鯛: 色澤鮮紅 , 肉質嫩滑 , 唔算好多油脂 , 所以唔覺得膩一個人一個飯好足夠, 口痕食多幾件壽司好滿足

今日朋友升職請食飯，佢揀咗呢間係佢公司附近嘅日式餐廳，我地當然很高興！餐廳店面都幾似日本嘅居酒屋，環境都坐得幾舒服辣味吞拿魚手卷一開始嘅時候就每人嗌咗一個手卷嚟食，手卷紫菜非常脆，入面嘅辣味吞拿魚餡味道適中，唔會因為辣味而蓋過咗吞拿魚嘅鮮味，唔錯！玉子燒見到餐牌呢一個玉子燒係每日限定，我哋就叫左個試一試！上枱嘅時候玉子燒係熱辣辣，證明係新鮮製造！玉子味道少甜帶咸，趁熱食真係唔錯！他他三文魚沙律喺日本餐廳比較少食沙律，所以特登叫咗呢個黎試吓！沙律菜配番茄、紫蘇葉、魚籽同三文魚刺身，味道酸酸甜甜，好開胃，做頭盤一流！炙燒壽司盛呢個壽司盛一共有五款壽司，每款有兩件，分別有三文魚、吞拿魚、左口魚、帆立貝同埋海蝦，炙燒後刺身更香口、更有口感。每款海鮮都好新鮮，有入口即溶嘅感覺！其中帆立貝更加係我嘅至愛！呢個壽司盛好有驚喜！北海道丼呢個北海道丼由幾款新鮮嘅海鮮配搭而成，有my favorite嘅海膽、赤蝦、三文魚、油甘魚、帆立貝、魚籽同蟹肉，就咁睇賣相已經覺得好豐富！食落亦覺得刺身好新鮮，完全唔會有雪藏味，好食！呢一餐好滿足，期待下一次有機會再黎！

成日經過公司樓下呢間日本料理都想試，今日終於食左。安排坐在卡位壽司bar 枱隔離打開menu 壽司，魚生，小吃，串燒，丼.....都諗左一陣先決定到要食乜！最終叫左角切魚生丼，見到D魚生完心心眼，入面有3-4種魚生同埋魚子，仲有面頭個一大pat 吞拿魚!全部都非常新鮮，好鮮甜，下面D日本米好好味呀！有D衝動叫佢比多D蔥同紫蘇葉我，配埋魚生真係好好味！海鮮海藻沙律，入面有青瓜，海藻，三文魚粒，三文魚子，赤蝦，好鮮甜呀！個沙律汁超好味又開胃，有麻醬同日式沙律汁混合！正！雜錦天婦羅，炸得完全唔油，外脆內軟！點埋D天婦羅汁就好好味2件蝦，茄子，蕃薯（日本蕃薯的味道啊），冬菇，秋葵，好喜歡秋葵的我都係第一次食😍👍👍2個人以為唔夠，點知食完好鬼滿足，因為碗丼超級大🤣見到好多一個人特登黎食一個魚生丼！我只可以講一定會再黎！

一個人唔一定要hea食。海港城有好多間嘢食，見到餐廳外面有個大menu啲壽司同丼都好吸引就入咗去。餐廳光猛闊落，店員安排我坐吧檯，可以見到師傅整壽司真係賞心樂事。咁近出菜位仲可以睇下有咩吸引下次再去食。極上壽司盛($300)全部都新鮮，但無邊舊最出類拔萃。如果要揀最好味係蝦同帶子。函館丼($240)食完盤壽司唔夠飽，見隔離食緊呢個丼，就忍唔住叫咗。擺盤好靚，中間松葉蟹肉好多，好鮮味。連埋其他配餸，真係餸多過飯。梅酒($78/杯) 梅酒有幾款口味揀，店員介紹古早味俾我，話重甜味重梅味，真係無介紹錯。梅味香但唔會太酸。

我同我妹講話有個鮨字嘅壽司通常都好食我妹唔信今日我就去驗證吓海港城商場入面忽然有間餐廳用木做門面個感覺比起其他餐廳warm啲室內亦都好寬敞壽司同刺身嘅種類都幾齊其餘就主要係丼飯 漬物同炸物雖然喺餐牌度睇落好細但其實480蚊嘅築地刺身盛有成12貫其實幾抵問一問店員好詳細咁答我其中六款一定包大拖 中拖 金目鯛 深海池魚 魚子之類 咁咁唔洗諗啦 值啦店員好細心咁同我講解食壽司嘅次序白身魚>赤身魚>拖羅等油份較重嘅魚質素好好 壽司質地靚 新鮮每一種魚嘅味道同口感都好分明深海池魚加上咗少量調味 食落類似梅味嘅漬物 非常有心思我一向最愛嘅大拖我留返最後先食我鍾意佢嗰種油 食食吓啲油會覺得甜最後意猶未盡 店員推介椰子雪葩本身覺得$98有少少貴但我見店員好有信心咁咁就嗌咗食完就明點解我覺得自己之前冇食過雪葩滑到不能再滑 細到不能再細每一啖都好似食緊好多個椰子咁好濃好香結論：有個鮨字嘅壽司真係好食嘅