Soi.29

營業中

休息中

之前睇電視介紹已經好想食，有次星期日行過想食先知星期日唔開。今次星期六過嚟，大概18:15到，等咗1個鐘就入到去食啦。生蝦新鮮，醬汁開胃。炒嘢果然好有鍋氣，醉貓炒河出晒煙好香，即叫即炒要襯熱食，否則河粉凍咗會痴埋一舊。飛天通菜簡單蒜香好惹味。串燒拼盤有豬肉、雞肉、雞軟骨和香腸，吃香腸就知有燒烤風味，加上應是自家調製的串燒醬汁，十分香口。蟹肉奄列真係有蟹肉，蛋味較重，香口但不會油膩中。椰青中肉嫩水多且清甜。龍眼冰友人飲用，我無試過，但個樣好泰國風，而且佢飲晒，應該不錯。餐廳環境比想像中闊落，坐得幾舒服，幾有泰式風情，週末去食餐當去咗泰國。總體來說，食物樣樣都好，值得去吃，但遲啲夏天再熱啲要排隊等就有點辛苦了。

因為睇MM條片而認識呢間舖，一直都想搵機會試下今日咁啱有得早收工，於是18:00過嚟碰運氣，結果一嚟到門口就即刻有得入座(不過當時已經淨番一兩張枱，到18:15已經坐滿，要排隊。到18:45陸續有人埋單)三個人叫左醉貓炒河(走辣)、馬拉盞椰菜苗（走辣）、燒豬頸肉、串燒拼盤、咸蛋魷魚因為見到openrice 食評話食物偏辣而我唔食得辣，所以索性全部走辣串燒拼盤性價比高，有豬肉、雞肉、雞軟骨、腸仔。每樣都燒得好食，加埋個沙嗲醬冇得輸。臨尾幾串唔夠醬點，問店員可唔可以加醬，佢都回應得好爽快👍🏻醉貓炒河可能因為走辣，所以略嫌覺得唔夠味，但個河粉都好彈牙～咸蛋魷魚比較失色嘅一道菜，魷魚比較細隻，口感一般（唔係平時去大牌檔食果種咁厚身大隻) 燒豬頸肉好有炭燒風味，夠厚切，份量多馬拉盞椰菜苗掛住食唔記得影相，佢個調味好好，值得點總結：食物、環境、服務態度都好滿意食物嘅選擇多，會想再嚟試其他嘢食😄最後埋單$600/3位

無意中留意到的泰式大排擋，看過大家的評語之後也決定一訪，蘋果茶還沒有飛過泰國，想不到weekday的晚餐時段，(餐廳Openrice未設訂位)整條寶勒巷只有這一間外面擠滿人龍，令我更加想快點吃吃它的真偽？！幸好和友人談談天吹吹水，大家都不介意等位，晚上七點，一等就要九點多才入坐，有夠誇張的。餐廳的店內環境不算大，應該也是等位的原因之一，裝潢像鐵皮大排擋配上牆身鐵牌裝飾，鐵的桌椅也花過心思，我覺得很可愛也很”打卡able”。因為太餓的關係，加上排隊時看完又看的menu，我們一坐下就決定好要吃什麼，首先上桌的有“生菜包/豬肉” $88生菜新鮮爽口，豬肉對我們來說，很辣~~能吃辣的不坊一試。“泰式生蝦” $138很鮮味彈牙，必吃之選。粉麵我們點了兩款，“醉貓炒河” $88 是又扁又濶的河粉，炒得惹味，辣度不算好辣，口感很好咬。“海鮮炒烏冬” $98不辣的點給小朋友吃，價錢來說有魷魚有蝦，海鮮彈牙性價比高。小食”炸春卷” $58和”酥炸皮蛋蝦餅” $78香口好吃，大推”蟹肉奄列” $108蟹肉份量好多，蛋香十足。“燒牛肉” $138燒得好嫩好香，不會過老過熟，牛肉富油亮感又帶有肉汁，讚讚“串

有人介紹就去試下，睇過吾少食評都話晚晚都長龍。今日星期一9:30挑戰，排第3-4，吾洗15分鐘就入得！燒牛肉真心正，佢似系5成熟，一咬落去超淋，有入口即溶既感覺😍 果然系必食！$158好似少少貴，但其實佢好足料，有好多舊醉貓炒河叫左小辣，但對於吾食得辣既我都系要配個凍飲先食到。咩味我又好似講吾出，但好好味😭好似乾炒牛河，但又濕D，又寬D，配肉碎食都好夾！同樣嗌左小辣，但尼個仲辣🥹 食吾到，但又為左豬頸肉系咁追食，豬頸肉好多片，我諗嗌尼個可能仲好過齋嗌豬頸肉，又有沙律食👍🏻一上枱系兩層色，好似同平時飲既吾同D，但其實攪拌完，個味同普通泰茶一樣，系甜左少少，不過可接受，因為對我嚟講佢嘅作用都係解辣😂 *有嗌少冰，但...好似冇少到...

食泰菜，唔一定盡在九龍城嘅，今次就喺尖沙咀搵食，介紹一間抵食又好食嘅泰菜！🥰如果週末過嚟，好大機會大排長龍，所以小妹特登避開人群，搵個平日夜晚來，果然即到即入🤭店面為大排檔裝修，鐵皮加五顏六色poster 牆身，紅藍綠櫈都好有大排檔vibe。泰菜本來就以「五味雜陳」見稱，而我覺得呢間餐廳表現有驚喜👍🏼保留到泰菜精髓，價錢亦十分親民！1️⃣ 燒牛肉 $138必點之一✨✨牛肉切片，燒到五成熟，中間呈粉嫩嘅紅色，咬落去即刻有種幸福嘅感覺🤌🏼 因為個牛除咗保持到肉質嫩度夠juicy，味道仲非常濃郁，炭香味一流，調味亦剛剛好！配上泰式酸辣汁，辣度唔惹少，啱哂好辣之人🥵；就算耐辣能力弱少少，但食到開始有膩感，不妨蘸少少汁，事關佢夠哂開胃同解膩！2️⃣ 醉貓炒河 $88醉貓炒河係比泰式炒河Pad See Ew （See Ew 即豉油嘅泰文譯音）更重口味，加入多種🌶️🌶️辛辣香料，例如九層塔、辣椒辣醬、胡椒（通常會連胡椒梗一齊放入去炒），味道更強。呢間嘅醉貓炒河冇得自行加配肉類或蝦，主要落咗豬肉碎、洋蔥、豆角、車厘茄、九層塔一齊炒，味道合格，略嫌唔夠重香料同胡椒味。溫提：少辣仍算偏辣，可自行加糖平衡，如想試到原始

佢係最近超人氣嘅泰國菜， Happy Friday兩個人撐枱腳食個early dinner。我哋6:15已經到餐廳，唔使排隊就可以入座，但係都要搭枱，用餐限時65分鐘。餐廳上菜算係好快，所以有足夠時間食嘢。我哋點咗酥炸皮蛋蝦餅、燒牛肉、醉貓炒河和飲品椰青。食物質素非常唔錯！酥炸皮蛋蝦餅有驚喜！蝦餅外皮炸得香口，裏面嘅皮蛋係溏心，加晒分！點泰式辣醬食，好match！燒牛肉都非常唔錯，好似睇落每一枱都有叫，非常熱門嘅菜式。燒牛肉medium rare，非常啱心水！牛肉好Juice，夠嫩，肉味都濃！個汁好辣，少少鹹，好惹味。如果係要挑剔，係有少少肥膏。主食叫咗醉貓炒河，已經叫咗小辣，但係都幾辣。河粉係用闊河粉，連埋肉碎、洋蔥、豆角、車厘茄一齊炒，味道唔錯。但係份量有點少，唔係好夠喉。加啲魚露同埋糖，感覺冇咁辣。埋單價錢唔係太貴，臨走仲會送一人一條雪條今日有椰子同提子揀，梗係試椰子啦！係椰汁冰咁，夏天今晚食都幾正！重點係免費送嘅我哋7:15離座，餐廳外面已經排晒長龍！真係早到早享受

🇭🇰Soi.29·呢間我covid夜晚禁堂食既時lunch time食過佢 覺得佢啲嘢超有鑊氣 但係因為佢之後淨係做夜晚 所以一路都無再食過 今次夜左收工就終於有機會再食佢啦😎😎·醉貓炒河$88 l 滷水泰式豬手$138 l 馬拉盞椰菜苗$88佢個醉貓炒河真係好好食 佢係勁有鑊氣🔥而且佢係闊啲嗰種河粉嚟嘅 所以質感好好 超掛汁 不過雖然佢真係好惹味 但係對我地黎講真係太辣 我地最後係辣到要用水沖一沖先食到🫢🤣🤣之後佢個豬手都整到好好食 佢個豬手好入味 肉質都好嫩🐷最後個馬拉盞椰菜苗都唔錯 又係超有鑊氣 炒得好好🥬·芒果糯米飯$78之後因為佢實在太辣啦 所以我哋就決定嗌個甜品解下辣🥵佢呢個個芒果超甜 不過個飯我就覺得有啲偏硬 無咁甜品🥭·#rbyeat#rby東南亞菜#rby尖沙咀·📍尖沙咀寶勒巷29寶昌商業大廈地下

去尖沙咀行街唔知食咩好，就試下呢間泰菜 <Soi.29>，Weekend晚上6-7點去唔洗排隊，裝修泰國風，好似去左曼谷街頭小店禁！泰式生蝦 ($128)：生蝦感覺都爽彈，醬汁都幾辣下，加埋生蒜一齊食，好味！不過如果唔食得辣就未必岩。燒牛肉($138)：廚師推介既燒牛肉，的確係唔錯！牛肉唔un、有牛味，值得一試醉貓炒河($88)：平時食泰國菜都係食萬年Pad Thai/ 濕炒河，今次就試下OpenRice個個都推既醉貓炒河。主要係豬肉碎+闊河粉+九層塔+少量青椒炒埋一齊。味道唔錯，不過不失啦！馬拉盞炒通菜($88)：正正常常，不過不失，唔會太辣。飲品嗌左芒果沙冰同青檸梳打，冇伏！溫馨提示如果食泰式生蝦，記得嗌野飲！性價比：四餸 兩特飲 Total 買單~$500頭 人均 ~$250。尖沙咀旺區黎講可以接受，多人share會抵食啲。回頭指數：值得一試🐥

同一班人一齊最好就係食大排檔，今次就特別d，係泰式風味，但依個大排檔都好乾淨。燒牛肉 $138依個真係大推，燒牛肉有d炭燒香，食落牛質好淋，又唔會太瘦，加埋d汁更開胃。炸蝦餅 $78炸醬好脆，蝦餅蛋呀彈牙，但都算驚艷，加酸甜汁可減低油膩感。醉貓炒河 $88好夠鑊氣，味道同普通炒河差唔多，但就唔會太油膩。

Finally tried out the insanely popular Soi.29 located at TST. The hour-long wait was totally worth it because the food was really quite something! 🤤 Pic 1️⃣: 醉貓炒河 - $88 hkd 🌶 — This was SO good, I’d probably come back just for this dish! Insanely flavourful dish, as the flat noodles had so much surface area to hold and absorb all of the sauces and stir fried minced pork which was already bursting with flavour. Not to mention, the noodles had the perfect chewy texture to it. Definitely recommend th

長期排長龍，見今日時間早，就試下。餐廳環境係好有新式泰國feel，坐得都算舒服，店員有禮貌唔會急急急。生蝦新鮮爽口，本身已淋辣，唔太食得辣可以直接食。生菜包正正常常，要讚一讚生菜夠新鮮見咁多人評醉貓炒河，即管試下，剛黎以為無肉，原來係肉碎粒，整體好食，真泰國風味，老婆話太辣，我覺得ok，係快黎快去、d辣味會停留咀唇果種辣。整體係好食既，兩人食唔到太多，可能未食到特別野，感覺菜單偏簡單，overall感覺都好泰。

大排檔式裝修，傳統泰菜款式多價錢唔貴，啱晒一班人聚餐。串燒拼盤好抵食，一碟有齊豬牛雞，每款有3串，仲可以加$20要埋牛脷。燒得有焦香，點沙爹醬汁食夠惹味。燒豬頸肉份量超多，夠抵食，燒得好爽口，再多少少焦香就perfect啦。皮蛋蝦餅熱辣辣超香脆，流心皮蛋加彈牙蝦餅超好食的配搭，不容錯過！蟹肉奄列雖然係香脆但好似淨係食炸漿，食唔到蟹肉，可以skip。燒豬頸肉份量多，燒得唔錯，肉質依然爽口。醉貓炒河其實係平時生菜包的肉碎豆粒炒河粉，叫醉貓因為係廚師醉酒後創作出嚟喎😂微辣香口好惹味，用咗幼身河粉，彈牙煙韌幾正。一定要留肚食芒果糯米飯！糯米飯熱辣辣加分，軟糯好食配香甜椰漿同超甜芒果，高質👍🏻

依間餐廳嘅美食係小編食過最難忘嘅泰國菜，加上店內員工服務態度一流，絕對值得喺第一個post度介紹！                                                                鹽燒魚 $168侍應上菜嘅時候，小編同朋友都俾依條超級大條嘅鹽燒魚驚艷咗！小編之前一直都好少喺餐廳嗌燒魚，今次初嘗真係顛覆咗小編嘅認知。魚肉唔會太乾，亦都好入味。鍾意食魚皮嘅小編表示如果層魚皮都食得就好喇🤪菠蘿炒飯 雞$88 海鮮$98碟上有檸檬可以俾客人按照自己口味唧啲檸檬汁落飯度令到成碟菜更開胃✨配上辣汁嚟食就更加正！就算係唔太鍾意食菠蘿嘅小編都忍唔住試多幾啖就知有幾好味🤭份量都好足 如果肉鬆可以多返少少就好喇😝醉貓炒河 $88炒河係小編去大排檔必嗌嘅主食，見到菜單寫住醉貓咁特別就更加要試！啱啱上枱已經聞到幾香，本身以為係落咗啲酒一齊炒但食落唔覺有，相信係小編估錯咗🤣辣度適中，唔算太辣，對小編嚟講就同譚仔十小辣差唔多（sorry小編係譚仔迷 淨係可以咁樣嚟比較去俾大家大概感受吓🤭）燒牛肉 $128肉類嚟講小編最鍾意食牛肉，所以都係一嚟到就諗好要嗌，係無後悔嘅選

有無人都好鍾意食大排檔！貪佢有鑊氣夠香口！而今次尖沙咀呢間泰國野 主打鑊氣泰式小炒，仲由泰國人主理。無論係裝潢、碗碟枱凳、食物，都有啲泰國夜市大排擋嘅感覺。價錢就一定無係泰國當地食咁平，但勝在味道唔錯，每一碟上枱個時都係岀晒煙🌬 炒河好有鑊氣呢~ 不設加一之餘，環境企理，唔會坐得好逼夾，可以一戰▪️醉貓炒河 $88完全係因為佢個名而嗌！呢碟醉貓炒河就用左啲肉碎、豆、菇、青椒炒寛河粉。係充滿鑊氣嘅一道。河粉有一定厚度，唔會炒得太腍，微微煙韌有咬口，大大塊食好爽。少少辣越食越惹味▪️燒牛肉 $138火喉岩岩好，呈粉嫩嘅紅色。肉質軟腍有咬口，仲成功鎖住肉汁。牛肉本身已有調味，有少少甜甜地，唔蘸旁邊帶酸辣嘅醬汁都無問題。▪️串燒拼盆 $158有雞、豬、雞軟骨、腸仔四款，每款各三串~ 串燒比想像中岀色，燒得好香口！唔蘸沙嗲醬都好食！豬肉軟彈唔乾柴，仲有啲肉汁同肥膏添~ 雞肉肉質偏紮實，但都唔會好乾。廚師腸正正常常~ 但雞軟骨真係硬左啲 (究竟係咪我啲牙有問題) 建議大家嗌串燒沙嗲 $88！可以揀半豬半雞，各三串~▪️馬拉盞通菜 $88雖然menu到有隻辣椒仔，但食落完全唔辣。係一道食得舒服、唔會太鹹太重

save 低左呢間泰國餐廳都一段時間 今日終於有機會試到 一入黎話要限時75分鐘 不過最後食完冇人等都可以坐耐啲✨生菜牛肉包 $98好好食😋😋 平時食開譚仔三小嘅我都覺得辣左啲 但調個味好唔錯 牛肉又唔un 又少啲肥肉 推薦要食👍✨醉貓炒河 $88睇個名完全唔知係咩黎 原來係青紅椒加啲肉碎炒河 炒得夠乾身 都唔錯✨串燒拼盤 $138有豬肉 雞肉 雞軟骨同腸仔 最鍾意食串燒雞軟骨 脆卜卜 雞肉同豬肉都唔會話燒到好乾 有返啲肉汁🧉椰青 $45好清甜好多汁 👍🍹青檸薄荷梳打 $38比較酸 但食得飽嘅時候飲幾好會覺得冇咁膩總括全部野食都唔錯嘅 我覺得生菜包特別好食 不過真係好辣 食到我會流鼻涕 晚餐人均～$200味道❤️❤️❤️❤️價錢❤️❤️❤️❤️服務❤️❤️❤️環境❤️❤️❤️