Soi.29

營業中

休息中

排隊人再次出沒，由18:00開店，旋即坐滿便要等候第二輪。平日從18:30開始排隊，大概19:05便可入座，用餐時間限時60 minutes。以下由（餐牌）- 廚師推介 Soi.29 Special 而點：(1) 醉貓炒河 Pad Kee Mao (Thai Drunket Noodles)泰式很喜歡的粉麵 - 寬米粉。它比慣用粉麵更能吸收裹味，將泰式的香料及火辣都包藏其中。口感比較像涼拌粉皮，但更加Q彈。不過這碟火侯過猛，醬料未能充分滲入麵條中，亦凝固在表面呈微焦感。(2) 燒牛肉 Roast Beef賣相非常吸引，不沾辣汁都有泰式串燒的風味。不過牛肉上碟稍涼，但不致於影響味道。(3) 冬蔭公湯 Tom Yum Soup味道正常，偏酸而不帶辣感。(4) 椰青清甜去膩。Soi.29 Chef Key有兩間店舖，分別位於尖沙咀及灣仔。灣仔現時可訂座，而且位置亦比較寬敞，一群人聚餐比較方便。

19/2/2025📍Soi.29呢間一直都係好出名嘅排隊熱店 聽講開店前就已經大排長龍 好似仲係灣仔開左分店今次排左10分鐘就有得入去食啦😆⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨泰式濕炒河粉（$88）💁🏻‍♀️話無食過濕炒河粉 想試下係咩嚟 上到嚟有啲嚇親 個芡汁多得有啲誇張 即刻有啲後悔🥲配料有菜、菇、雞肉 調味冇乜特別 河粉偏粗身 炒得幾香 不過可能係因為濕炒最多人讚嘅鑊氣唔係好食到✨木瓜沙律（$78）普通但有啲辣✨燒牛肉（$148）係今日嘅MVP🏆牛肉嘅油脂啱啱好 食落好軟身好易咬開 又唔油膩 只係得少少鹽嘅鹹味 突顯牛本身嘅肉味冇燒到全熟 入面仲有啲啲粉紅色跟咗個好辣嘅辣醬 鍾意食辣嘅可以點埋✨泰式紅糖奶（$38）抱住試伏心態嚟飲 結果真係大伏🙂杯野係熒光粉紅色 見到已經知奶野 淨係敢輕輕吸一啖 係陣超人工嘅假甜士多啤梨🤢✨芒果糯米飯（$78）甜品只有一個選擇 就係芒果糯米飯芒果唔夠甜 但唔會酸椰漿係微鹹嘅 面頭撒咗啲脆米 口感幾豐富👍⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$430（冇加一）氣氛唔錯 老細望落似泰國人 野食應該係正宗泰國風味😸推薦指數🌟：4/5📍尖沙咀寶

今次第二次到訪，記得第一次食唔洗排隊 不過係當時未有太多媒體介紹。今次預早15分鐘排隊等6點開舖入第一輪泰式生蝦 $138幾肥美 肉質夠爽，不過幾辣 惹味蟹肉奄列 $108蛋多 蟹肉少 比例麻麻亦比較油膩燒豬頸肉 $108燒得好 好juice 唔會嚡口 醉貓炒河 $88好惹味 對於我食譚x米線10小都出汗既真係幾辣，好有泰式風味。粗河炒加埋肉碎同配料都好夾整體黎講水準依然 無因為長期坐滿而大失準另外天氣好熱，野食都即整即上，幸好冷氣夠涼

餐廳本來都有聽過朋友講，去到先發現原來真係咁多人，我七點去到😂已經有人排隊！入到去個環境好有泰國大排檔嘅特色～除咗環境好靚之外，食物質素都好高✨✨✨✨🩵醉貓炒河一上枱已經聞到陣陣辣香，河粉炒得乾身有鑊氣，唔會黏埋一舊，肉碎同洋蔥炒得香口，辣椒嘅刺激感同醬油嘅鹹香完美融合，食落去層次豐富，令人一啖接一啖🩵燒牛肉🥩牛肉切得厚薄適中，燒得剛剛好，外層微焦，內裡保持嫩滑多汁，牛味濃郁，唔使點醬已經好食～而且另外嗰張係有少少辣，令到你食牛肉嘅時候會有更加多嘅刺激感(⁎⁍̴̛ᴗ⁍̴̛⁎)💕🩵酥炸皮蛋蝦餅🍤🥚外層炸得金黃酥脆，咬落去有皮蛋溏心嘅煙韌感，再加埋蝦膠嘅鮮甜，兩種口感互相襯托，絕對係創新之作🤤!🩵椒鹽雞軟骨雞軟骨炸得香脆，入口爽口彈牙，椒鹽調味恰到好處，唔會太鹹，食落去好有層次感!!!🩵泰式椰汁雞湯🍲🐣湯底椰香濃郁，入口先有椰奶嘅甜香，之後帶出微微嘅酸辣，雞肉滑嫩，配料有菇類同番茄，令湯底更加鮮甜，飲一口即時暖晒個胃～🩵椰汁沙冰🍧椰香突出，口感幼滑，冰沙細膩，甜度適中，食完主菜之後嚟一杯，清新解膩🥴🥴呢餐嘅每一道菜都見到廚師嘅心思同手藝，無論係味道、賣相、用料都好有水準。無論同朋友聚餐定家庭聚會都

夜晚6點半到達已經出現人龍排左around 45mins 可以入座入座起計60mins交枱木瓜沙律(咸蛋) ⭐️⭐️⭐️🌶🌶🌶🌶平時我算食得辣 呢個沙律一路食都要一路飲凍飲沙律有得揀青瓜等配料 以為咸蛋係d咸蛋蓉點知原來係咸蛋cut開幾瓣撈埋落個沙律到有點怪怪燒牛肉 ⭐️⭐️⭐️⭐️好軟熟 但又keep到個咬口本身牛肉係醃左有味點埋個泰式汁更加惹味炒金邊粉 ⭐️⭐️⭐️1/2炒得唔夠乾身 合格啦椰汁沙冰 ⭐️⭐️⭐️椰子味可以再濃d泰式凍青檸茶 ⭐️⭐️⭐️排隊熱到嘔 飲咩都覺得好飲60mins交枱 有d趕野食唔算上得快最好排隊諗定食咩

每次經過都見到呢間泰式大排檔排晒長龍🧐一直都好好奇好想試☺️今次排咗40分鐘就入到，整體覺得係幾好食，但係冇話值得排咁耐🤣1️⃣ 醉貓炒河 $88基本上係微辣嘅乾炒牛河 鹹味濕度啱啱好到位😌2️⃣ 燒牛肉 $148細心留意嘅個個blogger都有推薦呢個燒牛肉！牛肉鎖汁，內裡透紅，配上泰式酸辣醬同平時嘅steak唔一樣☺️🤤3️⃣ 蟹肉奄列 $108奄列炸得好脆，唔會好油，唯獨係蟹肉唔算好多。但係整體味道嚟講仍然係好推薦嘅😆

唔明排什麼 普通泰菜 限時1小時 落完order 剩番9個字上菜係好快 收野都好快但根本未食完 仲食緊就被趕幾次 搞到同行朋友都好無奈仲問我地：未食哂，要唔要外賣盒打包走？（見到另外有個再早過我地入去仲未趕走）平心而論1）野食正常 叫了通菜 海鮮炒粉絲 醉貓炒河 串燒拼盤 樣樣都正常 但冇評論講到咁特別/好好食2）野飲正常 叫了一杯龍眼冰 都幾多龍眼肉3）價錢平 3個人賣單唔洗$400總結：要排隊不了 不會再食

🐑生蝦刺身，蝦新鮮爽彈冇得彈，用嚟點蝦嗰個汁有魚露、青檸、蒜頭、辣椒，辣椒份量尤其多，所以超辣，不過辣得好過癮😋。🐑燒牛肉，絕對有燒烤炭香同埋蜜糖味，泰國風味十足，呢度嘅燒牛肉可以點幾多成熟，我哋叫四成，就堅係四成，牛肉燒得粉嫩多汁，燒烤時間掌控好好，灑咗黑椒上肉面，更另添一番美味。牛肉部位係肉眼，有肥、有瘦、有筋，選料唔錯。🐑醉貓炒河係每次嚟呢度嘅必點菜式，蒜蓉、洋蔥、青椒超惹味，每食到爆汁嘅車厘茄都有煥醒味蕾嘅感覺，肉碎一粒一粒鋪喺每塊闊闊、充滿豉油香而又煙靱嘅河粉上，絕對係惹味之作。

食物ok，夠大碟，環境迫亦較嘈可惜未夠鐘就不斷催催催，超過三四次🤮同行一行5人8:03坐低，大約5分鐘左右準備落單，店員告知想將我哋搬去另一張枱等咗一陣先搬過去，大約8:15先坐好同俾返張單我哋食物大約8:20開始隔5-10分鐘先陸續上菜最後一條着住火嘅明爐烏頭係8:45先到而甜品芒果糯米飯，9:01先到8:55-9:05左右有位女士店員不斷催促食物都未完全食晒，已經告知我地已經飲埋剩下¼杯飲品同1分鐘撩牙就即刻走當時9:11去到收銀，我都循例同佢講聲其實「被」搬過枱，女店員表示：「我哋有計過」，但條魚8:45先到仲滾緊點即刻食？個女店員表示：「咁你哋應該食快啲」🫨咁即係代表佢幾點上菜，幾熱都好，我哋都要用十幾分鐘食晒所有嘢？ 😲甜品芒果糯米飯，9:01先到，代表我哋只係用咗幾分鐘食晒成碟趕過放飯呀！

好耐之前已經聽過人介紹呢間Soi.29，經過都想試下，但每次都大排長龍。今次終於有機會，但叫咗幾樣招牌菜式，結果每一樣都好失望，完全冇泰菜feel🥲#醉貓炒河食落去根本同乾炒牛河冇咩分別，感覺好普通，根本感受唔到泰菜嘅味道。#燒牛肉如果唔係有個酸辣汁，根本好似食緊中式牛柳，味道冇咩特別。#泰式明爐烏頭魚湯底聞落去有酸味，但食落去完全冇味，啲魚都唔入味，真係好似食緊普通蒸魚，極失望。#總結完全唔推薦！！！！！根本一啲都唔似泰國菜，而且入邊啲位都好窄，好彩嗰日淨係排咗半個鐘，否則真係更加失望！如果你想食泰菜，建議再考慮其他地方。

今日去咗soi.29食dinner，排隊排咗半個鐘，原本都期待，但結果有啲失望。明爐烏頭真係唔入味，外表烤得幾好，但食落去無咩味道，可能係醃製得唔夠入味，實在有啲可惜。不過，烤牛肉就幾好食，肉質鮮嫩，烤得啱啱好，淋上特製醬汁，味道濃郁再試咗醉貓炒河，呢個就有啲失望，味道同明爐烏頭一樣，唔夠入味，河粉炒得唔算夠香，整體感覺有啲平淡，唔夠驚喜。整體嚟講，soi.29有啲菜式表現唔夠理想，但牛肉真係值得一試。

我其實都極少寫食評 呢間野真係離晒譜 一定要寫低完全唔明點解之前淨係得一個負評？話說我同朋友一行三人嚟食晚餐啦，入座前餐廳已講明用餐限時60分鐘，fine我地食食下，有其中一個職員走過黎：你地淨返十幾分鐘 (但唔係問我地仲有無野要加）唔緊要，第一次講我當佢溫馨提示我地第二次又再講：你地得返幾分鐘，個陣我哋仲食緊，剩返好少餸，正常都要俾個客食埋先啦係唔係？第三次再行埋黎講（個時應該係啱啱好夠60分鐘）：唔好意思你地已經夠晒鐘，不如俾個外賣盒你地裝返去但係明明隔離檯仲早過我地坐低嘅，人地仲食緊甜品，你唔催埋隔離檯？唔講以為自己食緊任食放題，係咁提我仲有幾多分鐘呢間野真係不了，野食又唔係特別好笑，坐得又唔係舒服，食一餐飯俾人催三次，成肚氣

六點前排隊，排第三，六點二到晚市就座，之後條隊就好長，我地二人枱限時食一小時。味道合格以上唔會難食，但始終少味精又有鑊氣小炒，難免口渴，之後出咗去買嘢飲。蟹肉炒飯相對其他泰國蟹肉非常少，小食炸蝦份量好多味道似飲宴蟹鉗味道唔錯。至於串燒雞同豬肉質都好軟熟，易入口又幾香口。

當日5:45就去排隊等6:00開門，前面已經有二十人左右，但幸運地15分鐘都可以入去食第一round🍀兩個人食都可以有足夠的時間，坐得都算舒服👌🏻我地叫咗3個餸：醉貓炒河、生菜包（豬肉）、燒牛肉同兩杯嘢飲：荔枝冰同龍眼冰。每碟份量都算多同好夠味👍🏻 可惜飲品冇熱飲同備甜（我平時習慣走甜同熱飲）食物普遍都比較辣，一定會想叫一杯嘢飲！總括來說，好味同會想再光顧嘅泰國菜！評分：（4.5/5）😋😋😋😋😋

這間受歡迎的泰國餐廳，平日的晚上9:30，也需要在門口等位，大約半小時便可以入座在等位的時候，看到他們的食物也很吸引，看了餐牌，發覺價錢並非很貴，而且份量都可以今晚點了泰式拼盤，有兩條春卷，剪開變成四條，有四件展開的蝦餅，以及四隻雞中翼，其中啲雞中翼味道好出色，春卷和蝦餅就較為一般值得讚的是那個炒通菜，八成熟，剛剛好，可以吃到通菜的嫩還有我喜愛的泰式乾炒河粉，河粉應該是泰國入口，這麼闊還可以做到這麼薄還有他們的串燒，可以三條雞肉三條豬肉，好好味另外肉碎煎蛋飯，煎蛋熱辣辣，肉碎小辣都依然好好味埋單後，到門口，剛剛剩返最後幾條雪糕免費請客食