連鐵板都有素食版？係啊！早兩個月同大家介紹過，有餐廳引入咗美國興起嘅純素末來漢堡，即係嗰個由麵包到漢堡扒，成個都係百分百植物製作嘅漢堡呀，呢間餐廳，最近除咗推多一款夏日限定嘅未來漢堡Delight之外，仲有港式鐵板鴛鴦扒呀！
未來漢堡Delight用嘅係本地製作嘅純素麵包，而中間嘅餡就係蘋果蓉、純素煙熏蜜糖芥末醬、新鮮蕃茄，當然唔少得塊「扒」啦。呢個新包夠晒清新，焦香中又有酸甜果香味。
更多【飲食潮流】： |
而港式鐵板鴛鴦扒，就係用加拿大嘅素豬柳，同素雞扒炮製而成，淋上自家調配嘅黑椒醬或者鮮茄洋蔥汁，送意粉、薯條一流。以後食素嘅都可以食鐵板扒喇，不過淨係得尖沙咀分店有得食留意返。
文：Kar