147
53
3
電話號碼
31021220
開飯介紹
主打素食的餐廳，未來漢堡以100%植物製造，不含抗生素及膽固醇，配上新鮮蔬菜，十分滋味。
繼續閱讀
附加資料
素食
營業時間
今日營業
11:30 - 21:30
星期一至日
11:30 - 21:30
*Last order: 21:00
以上資料只供參考, 請與餐廳確認詳情
相關文章
1280 瀏覽
在前文提要少少番，就喺同一班舊同事喺西環、中環玩咗大半日，坐埋摩天輪，搭返天星過尖沙咀，而是日行程最後一站，就喺食晚飯。下晝餐梳乎厘班戟下午茶都未落晒格，所以呢餐晚飯就食得輕怡少少，嚟到「Green Common」食餐素，加上離碼頭近，夠就腳。 用餐環境帶點北歐風，潔白簡約，環境唔會話太逼，算幾好坐，加上定價以「海運」其他食肆作對比都算好相宜，所以，你見到都有幾多人幫襯。牆上一組字「Make Change Happen, Make Green Common」都仲晌度，無咩點變。 對上一次嚟已經喺4年幾前嘅事，餐牌肯定唔同晒，所以，再次擺出嚟等大家有個參考。分類上有小食、薄餅、蔬菜、主菜、港式情懷、漢堡，以及飲品，全部都喺素，非常多元化。 新推出咗一啲綿綿茶系列，將平凡嘅茶飲加層奶蓋，令其變得不平凡，而惠顧單點餐牌就有半價優惠，所以，試咗其中兩款同大家介紹下。 簡單嘅餐具、餐紙放晒晌枱面，自由取用。蝶豆花抹茶綿綿茶 +$24預咗成品無餐牌嘅相片咁靚，不過，出嚟呢杯賣相又幾亮麗，漸變嘅粉藍色加厚厚奶蓋，真喺頗為賞心悅目。至於味道，飲過蝶豆花茶嘅人都知，蝶豆花本身喺無乜味，所以，飲落茶味比較淡口。 桂花綿綿茶 +$24小弟就揀咗杯桂花口味，因為一向都比較鍾意飲 桂花茶，雖然賣相就唔及蝶豆花咁靚，但味道真喺好唔錯，飲落好有桂花清香，而面層奶蓋非常綿密，好幼滑，再將兩者攪勻成為桂花奶茶，出嚟效果比預期好喎。新肌肉能量碗 $98可以當佢為一個前菜冷盤，因為成份有新餐肉、豆腐、羽衣甘藍、藜麥、牛油果、紅腰豆，佐以自家製嘅花生醬。不愧為能量碗，因為真喺好大份，色彩繽紛之餘，又將豆腐及新餐肉相間而放 ，令賣相更好睇，而食落清爽健康，夠晒營養，啲醬汁味道亦幾特別，花生香以外有啲醋酸香味。 香辣星洲叻沙 $72濃味嘅食物一向都好人喜悅，所以，就揀呢一道叻沙。平常嘅叻沙大多數都喺配海鮮，為咗喺全素關係，就配上香辣新魚柳，再有啲豆卜、芽菜。啲新魚柳幾嫩滑喎，不過，個湯底感覺就未夠香濃，而粉底就只喺配米粉，有別常食到嘅參參，即喺油麵撈米粉，少咗啲風味。 乾炒牛肉意粉 $78以往所食嘅植物牛肉都喺「未來牛肉」（Beyond Meat），而今次所試嘅炒意粉，所食到嘅植物牛肉喺「韓國植物牛肉片」（Unlimeat） ，食落真喺有九分似真牛肉咁，加上炒出嚟嘅色水、味道，如果配可粉嘅話真喺呃到人喺乾牛河，意粉炒得香口，口感又啱啱好。新餐肉菠蘿純素芝士薄餅 $88唔似一般薄餅店啲薄餅咁大堆頭，薄餅面就單單只有新餐肉同菠蘿，但食落都幾清新，新餐肉煎得香口，批底喺薄批同厚批之間，老實講，口感就一般般，反而驚喜位喺啲純素芝士，食落真喺同真芝士無乜分別，唔知點樣做出嚟！事隔幾年再試Green Common，個人感覺質素好似普通差咗少少，或者最初嚟嘅時候，可能有較多驚喜，今次所試嘅嘢都只可以講喺中規中矩，不過，單單以素食嚟講，其實真喺好多款式選擇。
繼續閱讀
素食變化很大，這天我就來到尖沙咀這素食餐廳用餐，品嘗一下新一季喔的素食餐單，配合春天還推出了甜甜蜜蜜的草莓菜式，實在太好看了💓🔹草苺法式西多士$65 最新推出的新多士弄成小巧的大小，上面淋上士多啤梨醬，切開裡面還有新鮮士多啤梨肉的果蓉醬，甜度比想像中低，而且炸得很脆，很到位。🔹草莓燕麥奶綿綿茶$49草莓的鮮甜令茶更突出更有春天的感覺，香濃綿密的奶蓋可以直接用匙羹吃，為了更健康餐廳轉用燕麥奶，這份燕麥香和草莓很搭配，和西多士一起吃都不會覺得太膩。🔹煎釀三寶 $45在街邊吃的煎釀三寶在這裡吃同樣有風味，油份少了罪惡感都降低了🤭豆卜炸到很脆咬開又汁爆出，茄子是我最喜歡的，它兩塊夾在一起，而且味道濃郁，點一點甜醬油吃超開胃！🔹咖喱三寶 $39咖喱汁好到位，純素魚蛋彈牙度非常有驚喜，這個大小也是剛剛好，蘿蔔清甜咬開會爆汁，我喜歡歡，平常的豬皮換成杏鮑菇同樣吸引，吃完大滿足。🔹滑捋捋沙嗲牛肉熱狗 $49 有牛味但不是牛🤭 這個充滿港式風味的熱狗「牛肉」味道調得剛剛好，「牛肉」用上了Unlimeat韓國植物牛肉片，肉質嫩滑，麵包很鬆軟，建議和咖喱魚蛋吃，這樣就可以當一個午餐了😆🔹紅油抄手$39這個入口給我的第一個感覺是，皮很嫩！裡面包著由新豬肉及芹菜包成的餡料，肉汁豐富，幸好醬汁不會太辣，重點是一口大小，不怕弄髒衣服～🔹三色肉絲炒烏冬$55烏冬很有咬口夠彈牙，醬油的味道也剛剛好，肉絲都很有肉香，加上有很多椒絲才絲，讓菜式不會太油膩太邪惡。🔹桂花綿綿茶 $48桂花香氣滿滿，入口味道柔和清新，厚厚的奶蓋增加滑溜口感，奶香突出，很適合搭配這些食物，難怪大家都點這杯飲品。🔹蝶豆花抹茶綿綿茶 $48另一杯特飲是有很好看的漸層顏色的抹茶綿綿茶，蝶豆花給了夢幻的顏色，抹茶則香濃順滑，我點了無糖，配合厚厚的奶蓋不會有抹茶的苦澀，解渴呢。
繼續閱讀
見到呢間餐廳的菜式相好靚，好吸引，就決定去試下素食午餐。價錢方面，係海港城食lunch來講，60-70的價格只是一般，不算太貴。講完價錢，就要講下個味道啦。素菜來講，菜式都十分多選擇。我地四個人分別選了芝焗膳良肉醬意粉，香辣星洲喇沙，兩個新牛肉漢堡的套餐。芝焗膳良肉醬意粉餐 $62芝士咪濃十分加分，茄汁醬亦十分出色，個素肉就不太有嚼感，當然沒不用期待有肉味，講真不太吃得出係咩材料做架。香辣星洲喇沙$65呢個湯底我真的好鐘意，十分濃的椰奶味，微微辣，好正! 內面有晶瑩剔透的米粉，仲有素魚!米粉不過不失，不會太軟爛。但素魚就不太像魚了，不夠鮮甜。但勝在夠大片，起碼比起前面的肉醬有嚼感。成道菜是推薦的。新牛肉漢堡$65呢道菜十分失望，‘’新‘’牛肉過硬，好乾。就算素食整成的，起碼要用胡椒醬汁或者其他醬汁將其煮至入味。但呢道菜，有陣好難接受的豆制品味。因為我地叫架係套餐，仲有一碗是日靚湯。當日湯是紅湯-羅宋湯。羅宋湯好味，仲有好多的蔬菜!不會過酸，味道十分正宗! 朋友仲叫左碟豆花搽茶綿綿茶，顏色新鮮豔，適合打卡。但味道係偏豆奶味為主，不太飲得出抹茶
繼續閱讀
又到素食時間⏰🥰同朋友一起選擇lunch Set， 每Set包含一款頭盤小食、一款主菜加飲品，既然三人行便一次試齊三款😁😄小食：沙津🥗新鮮爽口錦滷雲吞🥟香脆可口印度蟹肉脆球🌕配上辣汁加麵碎，十分美味主菜：海鮮喇沙🥘不得不讚👍香辣適中野菌黑松露椰菜花飯🍲把椰菜花調至粒狀像飯似的，以及濃濃的黑松露味和菇香新吞拿芝味螺絲粉🍝香濃芝味飲品：蘋果薑茶☕重薑味，遠處已聞到香味菠蘿茉莉茶🍍🍹菠蘿有點酸澀味，但配上茉莉香，能中和味道
繼續閱讀
新年新氣象！Green Common以嶄新純素美食為你迎接新一年！全新菜單注入深受食客歡迎的港式地道風味，為大家帶來健康美味、零殘忍的純素菜式。Green Common呈獻全新菜單，以多款革命性植物性食材如新豬肉、新餐肉及新魚柳等入饌，並由廚師精心烹調，零膽固醇，不含人造色素及味精，營養豐富同時零殘忍。新推出芳香撲鼻的青醬蘆筍意粉芳香撲鼻，讓人再三回味的野菌黑松露意粉、白汁新炸魚柳芝士焗意粉/飯及乾炒牛肉意粉載譽歸來，都是惹人垂涎主菜選擇！新鮮熱辣、餡料豐富的新夏威夷薄餅及新海鮮薄餅，同樣令人感到滿足。新菜式亦包括充滿地道茶餐廳風味的滑捋捋沙嗲牛肉熱狗及紅油抄手等小食，讓素食人士都可盡情享受港式情懷，令純素快樂滋味倍增！野菌黑松露意粉載譽歸來的野菌黑松露意粉，用上黑松露醬和風乾雜菌，醬汁以燕麥奶巧製，芳香濃郁，亦可選擇走五辛。紅油抄手(8 件)由新豬肉及芹菜包成豐滿的餡料，開胃醬汁滲出花椒麻辣及黑醋酸香，一口一件，香辣惹味！滑捋捋沙嗲牛肉熱狗沙嗲牛肉是港式茶餐廳名物，Unlimeat韓國植物牛肉片肉質嫩滑，沙嗲醬質感稠密，與熱狗同吃竟是意想不到的絕配！新炸魚薯條新魚柳炸得金黃香脆，內裡嫩滑多汁，是忙裡偷閒的香口選擇。樂樂雞(5 件)採用以非基因改造材料製成的Alpha Foods植物雞塊，含豐富植物蛋白，外脆內嫩，配純素燒烤醬及蜜糖芥末醬，加倍滋味！
繼續閱讀