12637 0

「一個人食飯食乜好?」相信呢個係好多人都諗或者面對嘅問題,好似冇乜奶油一支公去食放題或者鋸扒,於是有人會揀掃街、有人會揀食便利店或者快餐店,甚至有啲人會寧願唔食。但其實一個人食飯又有咩好怕喎?邊個話要一班人先可以食好西?下次唔使再問一個人喺xx食乜好喇,等開飯仔幫你揀啦,今次講下大埔。

懷舊鵪鶉蛋燒賣    林記點心


圖:guhualun奧志雷

一個人去街市熟食市場係幾啱,平時冇乜幾多個朋友肯陪你去呢啲麻甩地方。一個人未必食得到好多點心,咁就食啲必食嘅!例如懷舊嘅鵪鶉蛋燒賣,唔係淨返好多地方食到咋。皮薄,蛋香,好食呀。仲有排骨飯都不過係十幾蚊,但質素唔劣呀,半肥瘦,加埋甜豉油,好送得飯。

香口牛肉麵    九米香


圖:Anna_annaTergus

又係街巿檔。隻碗寫住好難食牛肉麵,但實則好好食囉。真係要講返句,牛有牛味!呢度嘅牛肉麵湯底夠晒濃,牛肉又煮得入味而唔韌,厚切嗰下抵吖嘛,啲麵亦都好爽口彈牙。

鑊仔炒飯   老地方


圖:heymanandyjuliatsui0606

去茶記通常都係牛麵丁麵,嚟呢間可以食啲唔同少少嘅——鑊仔炒飯。真係成隻鑊咁上呀,完全唔頹呀。有蟹籽炒飯有菠蘿炒飯之類,而且有大牌檔特色,就係夠鑊氣!呢度仲有冬蔭公湯底肥牛烏冬火鍋,你食得晒嘅咪即管自己同自己打邊爐~

快食車仔麵  萬利小食店


圖:bobo32DearSueSue

唔知點解,自己一個通常都係食麵。大埔有檔車仔麵唔錯,都幾多料揀,豬紅呀鳳爪呀呢啲唔係人人食嘅嘢,自己自私食唔錯。好入味,鳳爪仲有時會鬆咗骨先,好易食。另外叫多兜陳皮魚蛋都幾好,食得辣嘅記得加多啲辣醬。

天婦羅丼飯    炎天丼


圖:SiuGutSiuGutwjoanne

呢期好似興食丼飯,大埔都有,不過呢間唔係刺身丼,係天婦羅丼,但一樣好吸引。間中係需要自己一個「毒」下。舖頭丼飯款唔算多,最吸引嘅係海鮮天丼,有魷魚、虎蝦等等嘅天婦羅,想話要海膽丼都有,海膽外面包住咗層紫菜,炸完出嚟係脆嘅,但依舊食到鮮味。仲有款又係會引死人嘅炸物叫炸流心蛋!咬開流蛋汁呀,都話咗自己一個人都可以食好西㗎啦。



文:Kar


【一個人開飯】系列:
一個人喺旺角食乜好?
一個人喺觀塘食乜好?
一個人喺銅鑼灣食乜好?
一個人喺尖沙咀食乜好?
一個人喺荃灣食乜好? 

                                                                                                                                                                                                                  
  

隨時接收最新資訊
讚好OpenRice專頁!

相片
一切都是最好的安排。 這是我前度分手時跟我說的一句話。第一次聽到這句話時覺得很荒唐,心裡只想到是他一句模棱兩可...
相片
Hello Kitty嘅粉絲就好啦,嚟緊星期日,香港就會有全球第一間嘅Hello Kitty期間限定主題超級巿...
unknown
文章搜尋
更多
年份
推介文章
午飯時間打開飯盒吃著一成不變的家常便當,覺得有點悶了嗎?來自馬來西亞的餐點藝術家 Samantha 把做便當變成一件快樂的事。有兩個小女兒的她,為了讓女兒喜歡吃飯便開始自己做便當:她把餐碟、便當盒當作畫布,並使用隨手可得的食材及工具來創作。不管是水果還是零食都可以是她的創材料。 更多
過去熱門文章
是咁的,嚟緊4月16號就係布甸狗嘅20歲生日,所以三至四月喺日本有布甸狗展覽加限定甜品、Sanrio Puroland特別主題小食,連去便利店都有布甸狗布甸杯賣!各位布甸狗Fans準備好同佢一齊慶祝生日未? 更多
Top