60
32
4
港鐵大埔墟站 A1 出口, 步行約7分鐘
繼續閱讀
付款方式
食家推介
相關文章
食評 (106)
大埔墟熟食中心出名多野食，由於婆婆住在大埔，所以小時候常到熟食中心吃早餐。早在熟食中心仍是臨時街市的時候，我已經是常客。林記點心我最常吃的是排骨飯和鵪𪂹蛋燒賣。從前鵪𪂹蛋燒賣是懷舊的點心，不是到處也能找到的。顧名思義，熟食中心，我們不能期待有好的環境，是很本土和地踎的地方。林記點心前有十數張圓枱，也會有紅藍膠凳作「搭枱」之用。地面有少許油漬和水漬，卻是從小到大看習慣的環境。我這次與兩個妹妹於1點半到達，食客依然有很多，找了個位置搭枱，便拿著點心卡叫點心。(茶位每人$5)這裏的點心應該是手工做的，而且是即蒸的。它有一個外賣的地方，堂食想看一下有甚麼點心也是到這裏的。由於林記只做早午市，在2點左右就會關門，所以現場只餘數款點心。有兩個大蒸籠，一個是放蒸飯的，一個是放點心的。排骨飯是必點的，要了三個。另外我們三個都不太餓的關係，多要了粉果和馬拉糕。本想要燒賣的，但「阿姐」說要一陣才蒸好，結果在吃飽後才看見蒸好飽滿的燒賣和鵪𪂹蛋燒賣，可惜！排骨飯（$16）排骨飯最好吃的不是飯，也不是排骨，而是它的豉油。它的豉油是它們家調配的，早陣子看訪問，隱約記得和吃得出是加了薑葱、老抽和冰糖等材料做出來的。碗是經典的藍白瓷碗，飯給予滿滿的一碗，排骨也不少。豉油撈飯，永恆不敗的配搭，味道有鹹鹹甜甜的豉油香。排骨也醃得入味。粉果($10)一籠三個，每個粉果都很大，但皮看起來偏厚。吃了一口，粉果皮的質感不錯，是爽滑的。但餡料的味道有點草青的味道，應該是芹菜！可惜我對芹菜一般，這裏的粉果不太合我的口味。馬拉糕($8)馬拉糕是舊式點心的那一款，顏色靠近啡色。口感鬆軟，味道不算太甜。質感和味道上我都挺喜歡，不算特別有驚喜，但整體表現不錯，是表現比較好的懷舊點心。三人結帳不過$100，除了熟食中心，應該難以找到這個價錢。不過到林記點心，吃的是情懷、是回憶多於真的想享受美食。
繼續閱讀
呢間野啲姐姐服務態度都幾好，起碼唔係果啲叫極都唔理你果啲，都算幾熱情。而啲野食就性價比好高，因為佢賣比好平，所以我同個朋友都算叫左好多過黎食！野食都算有啲質素，唔會因爲平就難食！
繼續閱讀
這天做完運動就在這裡吃個午餐，我和老公也不約而同點排骨飯吃，再加一碟牛肉腸粉。飯的份量剛好，因為太多就試不到其他點心。排骨多肉少骨又入味，腸粉軟滑，牛肉也鬆軟。總共$51兩個人就可享受到這一餐，抵吃又有水準之選👍
繼續閱讀
跟著openrice嚟食點心，轉咗幾條線嘅鐵路嚟到發現一切嚟得太遲， 下午接近2點到達，大部分點心都賣曬冇得食（傷心...春蛋燒賣...整籠熱飽係賣曬喇） ，內心自我安慰諗:好味嘅嘢賣曬絕對好應該，早起嘅鳥兒先有好嘢食，遲到嘅鳥兒唯有下回請早。我們被燒賣嘅賣相深深吸引，所以決定坐低開茶位，分頭行事一個洗杯，一個出去嗌嘢食，見到啱食就嗌乜，唔係就真係乜都冇得食，企係蒸爐前點了籠燒賣、鳳爪排骨飯發現無乜岩食(滴汗中....) 大量燒賣，數碟雞扎，糯米雞，大量清一式'盅頭飯'，飲茶叫慣'盅頭飯'，一大籠都係同一款飯，想叫多啲都有難度。究竟叫兩樣嘢會唔會比人丙㗎呢，立即面都青埋。戰兢地同點心姨姨講就係咁多先，點心姨姨立即問係咪外賣呀？! 呢頭擔心緊比人話叫得小，聽到呀姨咁講立即怯一怯講:堂..食..㗎 (加個梗曬嘅笑容) 呀姨幫手送到枱面。食緊嘅時候見到有新嘢出，鴨腳扎同棉花雞，友人覺得啲腳趾係污糟嘅，因此鴨腳扎係唔會叫， 咁就要多籠棉花雞啦。結果食咗3樣嘢加茶位共五十幾蚊，全程20分鐘埋單走，自己都唔好意思。至於食味，燒賣賣相100分，味道30分，大粒、實淨、熱辣辣取分棉花雞（一碟嘢大家各自有啲嘢唔食，唔洗爭）火腿有100分，友人給芋頭 100分兼成為友人點名全餐最好食嘅 。張相友人夾咗啲食咗鳳爪排骨飯（上面提到友人覺得啲腳趾係污糟，順理成章鳳爪係屬於我）鳳爪皮干身爽口，飯粒分明，飯嘅豉油為我嘅推薦。中肯講一句，價錢係抵嘅 以上純屬個人口味。
繼續閱讀
今日經開大埔，心郁郁想飲茶，就跟朋友既推介，去左熟食中心上面飲🤤🤤🤤可能係星期日既關係，上到去即刻嚇左嚇，勁勁勁多人！！！都等左約十分鐘先有位😂一有位，啲姐姐好快手就問我地飲咩茶，食咩😂😂因爲我地得兩個人share，所以就叫得唔多，只係叫左燒賣$12、排骨飯$18🐷🐷、咸水角$4/1，同埋牛肉腸粉$10🐗🐗、雞扎🐔🐔$13，茶位$5/1，我地兩個食到勁飽賣單都只係$71，抵到傻😂😂所有野食味道都好中規中矩，但呢個價真係勁抵，唔可以有太高要求🤤🤤🤤
繼續閱讀