nancytonyfelix的个人专页

雜菜沙律新鮮清脆嘅雜菜沙律，配微酸醬汁，啖啖爽口，剛好可以平衡主菜嘅油膩感。炭燒大雞串雞串一上枱就傳來炭香，外皮微焦、雞肉嫩滑，調味適中，十分惹味，用嚟做配菜好滿足。唐揚魷魚鬚必試小食！外層炸得非常酥脆，入口熱辣辣，魷魚勁彈牙，唔會過咸，大家都食到停唔到口。粗直薯條薯條粗身，外脆內軟，唔落辣粉，炸得乾爽唔油膩，薯味夠濃，肯定係薯條控嘅至愛。單骨雞翼雞翼外皮香脆，輕微帶辣，唔會太刺激，肉質保持嫩滑，食到少少辣都幾開胃。 烤菠蘿軟殼蟹漢堡用咗竹炭包，咬落去有淡淡炭香。內層嘅炸軟殼蟹鮮甜酥脆，配烤菠蘿微甜多汁，風味層次豐富，份量亦唔少。至尊雙層芝牛堡呢個漢堡兩層牛肉厚切多汁，芝士融化得剛剛好，成個蛋堡包住食，口感香軟，芝士同牛肉味道出眾，非常滿足。冬瓜龍眼茶飲品方面，冬瓜龍眼茶夠清甜，唔會過甜，凍飲用嚟配食主菜，十分解渴又清新。百香果茶熱百香果茶帶酸甜感，飲落暖暖地，飯後飲一杯，令人舒服又解膩。…查看更多

方包熱辣辣又軟熟。配上經典紅白湯，味道更加豐富。一碗忌廉湯裡面有濃粟米和火腿，；而羅宋湯則有大量新鮮蔬菜，例如椰菜、紅蘿蔔、薯仔等等，每一口都感受到滿滿的誠意，材料十足，喝起來既暖心又暖胃。這家餐廳最出名的，莫過於港式鐵板西餐。大型鐵板熱辣辣地上枱，侍應姐姐會即席為你淋上特製醬汁，極具港式風味。這次我們點了大蝦拼牛柳，還有牛舌拼肉眼牛扒。大蝦肉質彈牙；牛舌滲出香濃肉汁，質地軟腍；牛柳五成熟，外層焦香、內裡嫩滑；肉眼牛扒豐富多汁，擁有足夠油香，吃起來回味無窮。搭配不同燒汁和黑椒汁，味道各具特色，再加兩元還可以升級新鮮蒜蓉，提升風味層次。最後不得不提的是餐後的經典奶茶，奶香濃郁，茶味突出，配上一杯花奶啫喱，食落清甜、口感滑溜，絕對是完美的結尾。整體體驗非常滿足，絕對值得一試！…查看更多

鍋底一開始放咗生米，排骨，芋頭等，用來煲粥吸收晒蒸海鮮嘅精華每樣海鮮姐姐都會逐一仔細介紹，幫手蒸。老細係做海鮮批發出身，所以所有用料都非常新鮮！腌仔蟹：即係處女蟹，蟹黃飽滿，肉質鮮嫩，鐘意食蟹點少得佢。打開蟹鉗，一梳梳蟹肉，超爽。韓國釜山野生鰻魚：鰻魚油香，以薑絲清蒸解膩。點wasabi 清新，點豉油提鮮，各有特色。鰻魚皮滑溜煙韌，非常過癮。野生琵琶龍蝦：比較罕見，住係水底之下，背上有微微細毛，非常得意。第一次食，肉質雖然無龍蝦咁彈牙，但蟹味餘韻更加強烈，姐姐冇介紹錯。秘制南非鮑魚：南非鮑魚，連埋花菇都炆得非常入味大西洋野生青口：海水乾淨，同樣一點豉油都唔洗，飽滿不在話下，更嫩滑鮮甜，完全不是普通青口可比加拿大野生海虎蝦：極鮮味，一滴豉油都唔洗加，口感彈牙韓國釜山蠔：釜山蠔飽滿，入口微微海水味，入口creamy黃金翡翠螺：牙籤一插，巧手一轉，一大串螺肉出來，螺味十足蟹皇大元貝：大元貝，配上店家特製蟹皇醬，酸酸甜甜，鮮上加鮮有機蔬菜籃：海鮮食得差不多，食少少蔬菜，爽脆帶點，係個健康嘅過場。粥底，入口綿綿，鮮甜到爆，令半飽嘅我哋都食得一滴不剩。最後嘅最後，有椰汁雪燕，甜度剛剛好，雪燕慢慢化開，透心涼。…查看更多

夏日熱辣辣，同朋友係旺角行街，行過more yogurt，就想飲下健康又冰涼嘅乳酪奶昔。正如slogan話齋，"一杯奶昔 , 等於一顆牛油果" , 每一杯都包含超級食物，而且奶源有保證，健康又美味。作為一個開心果控，我叫咗開心牛油果乳酪奶昔，唔係太甜，開心果味香濃，牛油果乳酪奶昔細滑。朋友簡芒果乳酪奶昔，粒粒芒果，酸酸甜甜，非常消暑。茉乳酪仲有好多健康之選，山楂榴槤等生果選擇都好吸引，下次再嚟旺角荷里活中心附近行街，一定會嚟試下！…查看更多

白冬蔭公 - 南薑椰奶雞湯 (小)：入口濃香，除咗經典椰奶香外，仲有青檸香茅香，加上少許芫荽，配上香煎嫩滑雞扒，飲到停唔到口泰脆炸豬手：外皮極香脆，豬手嫩滑入味，配上惹味香辣醬汁，極開胃泰式虎蝦金邊粉：虎蝦大大隻，剪得香脆，配上鮮甜pad thai 醬，粒粒花生，條條芽菜，煙韌金邊粉，炒埋一碟，正三色冰奶蓋： 三色龍鬚唐系飲品上面超靚，配上濃濃椰奶蓋，加埋三色珍多粒，有睇頭又有嚼口，係南亞風廢水！椰皇：原個椰皇極清甜，為一餐劃上完美句號.…查看更多

今日我嚟到海防道嘅貓之茶房，位置超方便，就係尖沙咀地鐵站附近。一入去就有個地方可以換鞋，仲有免費拖鞋提供。店員詳細介紹咗啲貓貓同埋注意事項。入到去嘅時候，佢仲畀咗一個透明大袋，方便我放隨身物品，真係好周到。店內空間好大，環境好乾淨，一d異味都冇，有好很多貓床、貓樹等等。有十多隻貓貓，但因為我中午去，佢地大多數都食飽瞓緊。d貓貓都好友善，可以摸可以餵食，但記得不可以抱！如果你同朋友一齊嚟，呢度仲有好多桌遊可以玩，真係好開心。店內食物也唔錯，有雪櫃有曲奇、蛋糕同飲品，價錢都幾平。我哋點咗凍mocha、朱古力松露蛋糕同巴斯克芝士蛋糕，味道軟滑香濃，估唔到都幾好食。仲有，呢度有部分貓貓係流浪貓，店裡有呼籲大家可以考慮領養，真係好有愛心。總括而言，我今次喺貓之茶房過咗一個好放鬆嘅下午。設施齊全，有充電器、披肩、頭飾同桌遊。週未首小時入場都系只需$68, 好抵，好係一家大細/情侶嘅週未好去處。…查看更多

麵包熱辣辣，配上冰凍香濃牛油，正前菜法國藍龍蝦他他配鵝肝脆雞皮，醃製蛋黃及生蠔葉：鵝肝雞皮脆片濃香，像nachos 一樣食，很特別，龍蝦他他彈牙又鮮味，很有層次日本帝王蟹蛋泡沫配24個月法國康帝芝士脆片及海膽：蟹肉鮮甜，水波蛋泡沫creamy，芝士片香脆，海膽又creamy，仲有魚子醬提鮮，口感濃郁豐富，鮮上加鮮荔枝車厘茄凍湯配西班牙紅蝦及酸甜西瓜皮：荔枝味比較濃，紅蝦完全無調味，輕輕一燒，取其鮮，配上淡淡番茄甜酸同滴滴紫蘇油主菜龍蝦配香酥脆皮，魚子醬及清酒忌廉汁：龍蝦結實，脆皮香酥，魚子醬點綴，淡淡清酒汁清香而不膩，配海鮮絕佳熟成本地雞胸肉卷配龍蝦汁脆炸鵝肝及菊芋蓉：香濃龍蝦汁，濃香黑松露醬，濃郁而又外脆內軟炸鵝肝，配上嫩滑雞卷以及清香菊芋蓉，相映成趣甜品腐皮法式千層配豆腐忌廉芝士桂花茶：香脆腐皮，夾住香濃豆腐忌廉芝士，淋上桂花茶糖漿，非常特別，係美麗維港夜色下，為呢一晚劃上完美句號…查看更多

小店裝修有特色，勁多餃子公仔，長期爆滿，超正！「夏日限定」涼拌話梅苦瓜：入口梅香清新，帶微酸，尾段微苦卻清爽解膩。山葵八爪魚：八爪魚爽彈，山葵微嗆開胃。麻藥溏心蛋：蛋黃半熟滑溜，調味入味但不會過鹹。胡麻醬拌拉麵：麻醬香濃，麵條彈牙爽口。花膠雞絲湯麵：雞湯濃郁厚實，花膠大塊啖啖爽滑，雞絲配扁麵更能吸湯。煎大蔥牛肉餃 & 煎黑松露豬肉餃：外皮香脆，餡料新鮮。牛肉帶蔥香，豬肉則混有粟米同黑松露，香氣濃郁，口感突出。大葉雞肉餃 & 鮮蝦帶子餃（湯餃）：餃子飽滿多汁，紫蘇葉襯托雞肉帶清新感；鮮蝦帶子鮮味突出，層次明顯。煎朱古力餃：甜點驚喜，外皮脆口，內餡朱古力香濃柔滑，甜而不膩，有點似鼎泰豐朱古力小籠包，但更香脆。自家製凍蔘蘋果雪梨水 & 凍青檸薏米水：甜度適中，果香清爽，解渴。…查看更多

酥炸花枝丸：外脆內彈牙，又有鮮味，是經典台灣小食。綜合滷味拼盤：滷蛋入味，豬耳爽脆，大腸軟腍，整體滷香突出，不會太鹹。總鋪師私房牛肉麵：湯底濃郁帶藥材香飲不停口，牛肉部位多樣，金錢輾、牛肋條、牛筋、牛肚絲，口感層次豐富，其中牛肋條最入味軟嫩，麵亦彈牙，爽!鐵牛臭臭鍋（微辣，加安格斯牛肉片）：湯底帶臭豆腐香，鴨血幼滑，米血糕有嚼勁，粉絲同新竹米粉吸湯夠惹味，加牛肉片超豐富。第一次食臭臭鍋，一開始都有少少不安，但又幾過癮。南投百香果QQ（凍）：清爽帶果香，口感層次感足，解膩。宜蘭金桔檸檬蜜（熱）：微酸微甜，暖胃潤喉…查看更多

豐盛火鍋, 肉肉各有特色牛肌腹: 雪花肥牛非常肥美牛肩胛: 牛味香濃豚梅肉: 嫩滑牛小排: 油香牛味兼備牛舌:香滑，一流羊卷肉:不會太騷炸物有驚喜日本一口芝士:香濃拉絲外脆內軟雞軟骨:脆口又香口腐皮蝦寶:香脆彈牙難得泥牛摩，當然要食經典 溫泉蛋牛摩飯 - 滑溜溫泉蛋放在洋蔥煮免治牛，配上香香珍珠米，正！海鮮方面，尤其深刻墨魚滑同鱔片，又彈牙又鮮味，其他海鮮都好新鮮！咁岩係『台灣祭』，除左火鍋炸物外，仲可以品嚐台灣特色，例如台灣腸，冰烤番薯，麻煩鴨血等，十分過癮！食到飽，都未嘗試曬所有選項，甜品只可以淺嚐，下次再試過！…查看更多

在這個雨夜造訪重房，體驗史提芬師父精心打造omakase。師父將傳統融入現代創意，每道菜都會清楚講解做法。蟹肉秋葵伴麻醬：開胃前菜選材精當，蟹肉鮮甜與秋葵的滑膩口感形成層次，麻醬調味恰到好處蘿蔔螺肉串：螺肉調味恰到好處，鮮甜滑嫩，汁煮蘿蔔充分吸收湯汁精華，濃郁入味土佐醋北海道帆立貝：醬汁淡雅清香，帆立貝質地嫩滑鮮甜，貝柱經火炙後呈現微焦香氣，層次豐富，青柚子皮的微酸恰好提鮮開胃。愛侶魚刺身：白身魚質地極佳，入口順滑無黏膩感，配搭梅子昆布醬展現獨特梅香，清新脫俗北海道岩生蠔：海水味濃郁純正，質地creamy，配以經柚子醃製三日的三文魚籽，底層青橘子啫喱巧妙中和鹹味，整體清新提鮮稀有純白時不知：罕見食材，油香集中突出，表面炙燒呈現微焦香氣，配搭清甜四國牙蔥及明太子昆布醬，味道層次分明磯蝦夷煮鮑魚配蘿蔔：經數小時慢煮，鮑魚質地鮮嫩入味，鮑魚肝煮成的醬汁香濃醇厚，青甜蘿蔔吸收精華，微苦蘿蔔苗讓味蕾清新一下北海道噴火灣藍旗吞拿魚中拖羅：當晚主角，以沖繩菠蘿調味頗具創意，野生吞拿魚有少許筋，魚味濃郁赤貝壽司：特大，質地爽脆彈牙，配青檸汁提味，壽司飯溫度適中帶微醋香，是壽司環節的完美開端紋甲魷魚壽司：厚身切法展現師傅刀功，微焦香氣與香甜彈牙口感並存金目鯛壽司：油脂豐富，配柚子胡椒調味恰當，醬料不會喧賓奪主醬油漬鰤魚壽司：七色江戶鹽芝麻增添口感層次，京蔥清甜，魚肉嫩滑油香，讓人回味馬糞海膽壽司：質地creamy，味道濃淡適中，配香烤海苔，口感搭配滿分特製魚湯：採用三十多種魚類炮製，湯色奶白，味道鮮甜，配香菇提鮮，極為出色夕張蜜瓜：多汁香甜，綿密口感配合高糖度，為整餐劃下完美句號…查看更多

上海維記菜式重現上海傳統，無論是小食抑或主菜，都能見其用心。小籠包：皮薄多汁，入口鮮香。每一口都能感受到鮮味，必試。招牌黑醋骨：酥脆外層包裹著軟嫩的豬肋骨，醋香豐厚而不刺鼻，開胃帶點微甜，正好引起食慾。肉質肥美且完全無渣，蘸著黑醋與拍青瓜同吃，特別適合佐飯。瑤柱賽螃蟹：選用蛋白與瑤柱快炒至如蟹肉般幼滑細緻，鮮味十足。流心蛋、青豆、飛魚子分層交錯，增添不同的口感變化。豆漿：豆香自然樸實，甜度適中，入口滑順順喉，非常解渴。…查看更多

青木瓜沙律配柚子汁：酸甜滋味瞬間提神，青豆的脆嫩與木瓜的酸甜交織在柚子汁中，令人耳目一新。三小碟：每一款小菜都驚喜不斷。煙燻雞肉的香味恰到好處，雞肉嫩滑搭配爽脆椰菜，不得不享受。味增茄子的濃郁醬香，真是入味絕妙。帶子裙邊的微辣，鮮甜。大虎蝦：尺寸驚人，師傅手藝精湛，擺盤一流。鮮甜的蝦肉配上蝦頭醬和香草醬，清新又回味，有趣的是連蝦鬚都脆得像薯條。鮮活蘇格蘭蟶子皇：牛油香炒，少許香蔥和胡椒展現自然的鮮甜，以及完美的爽脆感。茶碗蒸：黑松露油香扑鼻，三文魚籽讓魚湯更加香醇，蒸蛋滑嫩，再加上底部的木耳絲，口感豐富。鹿兒島黑毛豬肩：豬肩醃製慢煮嫩滑可口，搭配燒汁和蒜片一絕。鐵板炒飯：炒飯乾爽，粒粒飯香蛋香蔥香完美交融。豆乳味噌湯：豆乳味噌的完美混合，經典暖心。抹茶紅豆大福左結：用了抹茶的微苦和紅豆的甜美，完美作結。…查看更多

松子魚二人套餐：呢個套餐真係幾經濟實惠，份量又夠多。小籠包：小籠包可以話係其中一個經典嘅選擇，皮薄而多汁。輕輕咬開，肉湯即刻充盈口腔，真係好滿足。松子黃花魚：炸得香脆噴香，啖啖甜酸醬，魚肉外脆內嫩，鮮甜酸三味俱全，真係無得輸。揚州炒飯：揚州炒飯始終係受歡迎嘅選擇，熱辣辣嘅飯同火腿片搭埋一齊，真係非常好味。雞絲粉皮：麻醬濃香四溢，粉皮滑溜溜，同雞絲一齊食，好開胃。京蔥爆牛肉：京蔥嘅香味一上檯就嗅到，牛肉都爆得啱啱好，下飯一流！海鮮湯羹：呢道湯羹真係料多味美，魚蝦蟹肉好豐富，喝完都唔想停口。高力豆沙：鬆化嘅口感同紅豆香濃郁，做結尾甜品絕對啱晒。…查看更多

火土燒肉以露營為主題，係尖沙嘴鬧市當中，尤其愜意。外面熱辣辣，係室內涼住冷氣燒肉，超爽。作為牛肉愛好者，當然叫宮崎牛啦。出名香氣濃郁，入口即化，我地叫左A5宮崎和牛幻切沙巴當配月見松露醬汁，仲有店員幫手燒添。我地要生d，咬落超嫩，入口即化，充滿油香。松露月見汁口感濃厚，配上牛肉一口接一口。月見醬燒飯團：飯糰外面焦香，好似煲仔飯焦脆脆咁，蛋黃爆開，送飯一流，每顆飯粒都有煙韌有日本醬油味，係肉與肉之間的完美間場。花切長牛舌:刀功細膩，一段接一段，可以直接放烤盤上面燒，好方便。烤到外面剛剛好微微焦，入面有咬口，陣陣牛味慢慢滲出泥。蒜蓉牛油金菇:蒜蓉牛油香濃，同 see you tomorrow 係露營經典。A5宮崎和牛三角腹肉（配蘋果味噌）:微甜果香配上肉味香濃的三角腹肉，令每塊肉片即使有大理石油花都不會油膩，每口都係牛牛牛，最岩牛魔王。最後慢慢燒住菠蘿，聽住日文歌，飲住酒，渡過一個愉快的晚上。…查看更多