Keresawong.L.S's Profile

應朋友約, 今晚到了這間位於旺中帶靜嘅白布街日料小店食dinner。呢間餐廳什有人氣, 晚市7點後全場坐滿, 串燒幾乎冇停過。吧檯位置更可見到串燒師傅處理串燒。小店除供應串燒, 仲有少量刺身壽司、小食等…【安格斯牛肉他他燒】HK$148安格斯牛肉只係邊位經火炙, 大部份肉質為刺身, 肉質鮮嫩冇筋, 沾蛋汁食, 口感黏滑, 還配有炸蒜片、蔥粒平衡濃郁肉味。【塩燒厚切牛舌芯】HK$58牛舌芯果然厚切, 表面燒得帶點焦黃, 依然keep到肉汁, 口感爽彈, 加咗鹽吊味, 味道同口感同樣一流, 值得推介!【雞胸脆骨】HK$26口感非常爽脆, 連帶些少雞肉, 加咗七味粉, 香口惹味。【雞軟骨 (兩串) 】HK$28沒有雞肉連帶, 口感更為爽脆, 同樣香口惹味。【紫蘇葉雞皮蝦串】HK$48外層雞皮燒得金黃微脆而不油, 入面隻蝦爽彈, 夾住紫蘇葉食, 平衡到雞皮謹有嘅膩, 再多一份紫蘇葉獨有嘅清香。【日本燒蕃薯】HK$36厚切日本蕃薯烤後暖暖的, 很香甜。【鵝肝多士】HK$68鵝肝煎得外微脆內軟, 脂香味很重, 內裡近乎入口化開, 伴有松露醬先行沾點, 味道更昇華, 配上多士同埋沙律平衡油膩, 令人回味。【挪威三文魚壽司五味】HK$88分別有三文魚、火炙三文魚、火炙芝士三文魚、三文魚軍艦同埋花之戀, 每款手握壽司握得唔會太實, 口感唔錯。【和風燒飯團】HK$32飯團表面燒得金黃焦脆, 入面軟淋不乾身, 咸咸香香幾惹味。…Read More

相約朋友放工聚舊, 選址駱克駅其中一間日式居酒屋, 餐廳裝修富有日系風, 環境清靜, 適合三五知己閒聊嘆美食。食物方面除了刺身壽司, 更有多款日式小食、串瞥、清酒等等…【鰹魚半敲燒配洋蔥汁】HK$128鰹魚表皮輕輕炙燒過, 同時保留鮮香紅魚肉刺身, 放上滿滿蔥蒜同埋洋蔥汁調味, 整個入口食到魚肉鮮美同埋蔥蒜香氣。【脆香吞拿魚腩卷】HK$138吞拿魚腩卷份量足, 除了卷物內包含了魚蓉, 面層還是堆積滿滿吞拿魚腩蓉, 再佈上大量蒜絲、脆脆、三文魚籽點綴, 豐富了口感層次, 而且口中充滿魚鮮味。【山渣蓉伴香煎鵝肝吐司】HK$188厚吐司烘得香脆可口, 放上了厚厚鵝肝, 表面包裹著超薄嘅炸皮, 再以山渣蓉點驟, 山渣蓉有助平衡油膩, 鵝肝近乎入口化開, 肝香味十足, 大愛!!! 超級推介!!!【唐揚鳥賊足】HK$78魷魚鬚炸得香脆焦香, 點上沙律醬食, 更加惹味。【燒白鱔】HK$88鱔肉厚切, keep到原本鱔獨有鮮香, 鱔皮烤得微脆, 不錯!【雞胸軟骨串】HK$32雞胸軟骨口感爽脆, 燒得香口。【京都絹豆腐】HK$32豆腐掃上了燒汁, 加上大量木魚絲, 鹹甜美味有豆香。【山賊醬燒牛肋條】HK$48牛肋條熟度掌握不錯, 肉質好林, 加上表面平均沾上了山賊醬, 令味道更提升。【黑豚腩肉大蔥串】HK$48豚腩肉肥瘦相間, 以秘制醬汁調味、些少蔥粒同埋大蔥, 平衡了整體油膩感。【蘭王高湯玉子燒】HK$98 (+$10鰻魚)幼身鰻魚肉藏於玉子燒中, 蛋味很重, keep到些少蛋汁, 加上鰻魚同埋鰻魚汁調味, 令整體多一份鹹鮮味。【燒鴿皇半身】HK$98好少可係日式餐廳有燒乳鴿食, 乳鴿皮燒得帶少少焦濃, 表面有油光, 肉味濃郁帶些少肉汁。【自家製免治雞蛋蓋】HK$68免治雞口感鬆化帶豐富肉汁, 鹹甜美味, 加上蘭王蛋汁, 多一點黏滑感。【特濃蟹膏甲羅焗飯】HK$128蟹蓋中釀滿了飯同埋梳梳蟹肉碎, 表面放上蟹膏再經烘焗, 每啖都食到鮮味回甘嘅蟹膏, 喜歡食甲羅燒嘅必要一試!…Read More

話咁快又一年, 前排同家人到「鍾廚」品嚐過佢地嘅菜式後都讚口不絕, 今次二訪發現已經率先推出了大閘蟹宴, 而且價錢唔貴, 性價比極高!! 絕對值得分享+推介!!!餐廳裝潢偏中式, 設有圓檯、長檯, 適合大小家庭聚會用餐。 大閘蟹宴 HK$398/位瑪卡螺頭燉湯: 原盅燉湯上檯, 非常足料, 有瑪卡、螺片、雞腳、瘦肉等…濃郁滋潤養顏。三款冷盤:沙薑豬手: 口感爽滑, 伴有些少沙薑作調味, 清爽美味。拍蒜青瓜: 超級爽脆多汁宮廷蘿蔔: 同樣多汁爽脆, 酸辣開胃。大澳海山骨: 炸得酥脆不油, 帶有肉汁, 而且滲出鹹香濃郁嘅蝦醬味。大閘蟹:每位均享有三隻大閘蟹, 分別為兩乸一公。大閘蟹熱辣辣上檯, size都幾大隻, 而且每隻蟹膏都不少, 鮮橙黃色蟹膏甘香鮮味, 令人食指大動。油鹽水石斑件:石斑超嫩滑有鮮味, 下層放有南瓜片, 吸咗石斑精華, 鮮味十足。香芋糯米飯:糯米飯色澤望落淺色, 但味道很正! 飯質軟熟唔硬, 加入了蝦米、臘味粒、芋頭粒、蔥粒, 口感同味道都很有層次。鮮茄珍菌泡菜苗:濃湯味道香甜, 油麥菜、珍菌、蕃茄盡吸湯汁, 清甜美味。圓肉薑茶: 加入了圓肉同埋杞子, 融入了辛辣薑茶中, 飲落即時感覺喉嚨像火燒般, 驅寒一流!…Read More

颱風迫近, 歸家前極速係附近食個Dinner, 去咗呢間主打牛舌嘅小店, 食過後令我一直回味這間餐廳嘅---- 牛舌芯!!!呢度供應各款不同部位嘅牛舌, 配搭扒類套餐, 自選升級套餐。【鐵板 牛舌芯】HK$148+$38 零糖可樂, 温泉蛋牛舌筋, 湯, 薯條.自選了黑椒汁, 鐵板熱辣辣上檯, 隨即淋上黑椒汁, 鐵板滋滋聲, 香氣四溢;  牛舌芯表面帶微微焦, 但內裡keep到粉嫩肉質, 爽口彈牙有肉汁, 沾上黑椒汁, 惹味無窮!!! 牛舌筋炆得好林而且入味, 口感有d 似牛腩, 仲有一篤即穿嘅溫泉蛋, 蛋汁撈飯食, 更加黏滑。【咖哩 牛小排配牛舌尖配飯】HK$178+$28 零糖可樂, 湯, 薯條.同樣係鐵板餐, 本身已跟飯, 再加$28有埋可樂, 湯同薯條。牛小排鮮嫩, 連帶些少油脂, 肉質有點咬口; 牛舌尖都幾厚身, 爽口唔韌, 配埋咖哩汁, 撈飯食一流。 加配嘅洋蔥湯, 足料清甜, 有助解膩。此為兩個set嘅薯條, 加咗紫菜粉, 薯條脆而不油。…Read More

得知屋企附近「京都大酒樓」推出了一蚊菜式做招來, 趁住颱風假就同丫媽去酒樓食個晚飯。酒樓環境開揚, 座位唔算好迫。酒樓除了推出「一蚊」自選菜式, 仲有海鮮套餐同埋各款小炒。【脆皮飛天雞】HK$1原本對一蚊貨式不抱期望, 估唔到竟然係全晚最驚喜嘅一個菜式! 原燒隻雞棟篤企已經非常吸晴, 酒樓提供手套自行撕出肉食。燒雞燒至金黃帶點油光, 雞皮酥脆, 撕開雞肉, 豐富肉汁、黃油𣊬間傾瀉, 絕對可以用肉嫩多汁去形容! 雖然細隻, 不過都幾厚肉, 兩個人share食, 定必滿足。【上湯西澳龍蝦伊面】HK$328原隻開邊龍蝦盡顯份量, 上湯茨汁鮮甜美味, 伊面份量多, 盡吸湯汁精華, 不過龍蝦肉質偏林, 唔係爽彈果種口感。【豉油王煎焗海生蝦】HK$108（例）海蝦表面平均有鹹甜豉油汁醬包住, 部份蝦肉質爽彈, 配上汁醬一齊食, 鹹甜惹味。酒樓仲有好幾款中式甜品供選擇, 味道唔錯, 唔會太甜。【桂花糕】HK$28味道清甜, 散發淡淡桂花清新香氣。【椰汁紅豆糕】HK$28椰汁味突出, 夾集嘅紅豆口感綿密。…Read More

太古坊上班族又有新飯堂聚腳點!! 鰂魚涌新開西餐廳「UURO」,午市供應多款西式美食, 晚市轉推扒房semi-buffet, 提供豬、牛、羊三款扒, 無限refill麵包同埋即炸薯條。 餐廳環境光鮮, 店員親善好客, 晚市只有一個menu為霸氣戰斧牛扒套餐, 分別係戰斧牛扒(12oz)、香草羊扒(三件)、及豬鞍。配有沙律同埋無限refill麵包同埋即炸薯條。雖然食物款式小, 但性格比高, 質素味道好!Order後先送上沙律,  清新醒胃蒜味意大利夏巴塔:麵包極為軟熟, 搽上牛油一齊食, 非常絕配。帶皮酥脆薯條:薯條亦非常有誠意, 即叫即炸, 香脆而不油。麵包同薯條可以無限refill, 上菜速度都幾快。主食方面, 我地揀咗一個牛同埋一個羊share食, 兩款都可以自選生熟度。【戰斧牛扒(12oz)】HK$198選擇了三成熟, 牛扒切件上檯, 可見扒嘅中心位依然keep得色澤嫩紅, 肉質偏林有肉汁, 沾上香草醬食, 平衡到餘下嘅油膩感。【香草羊扒(三件) 】HK$198選擇了七成熟, 入口軟淋多肉汁, 有些少羊肉羶味, 但絕對可以接受, 而且易入口。套餐不包餐湯同飲品, 需要額外order:+$16追加【熱情果蜂蜜特飲(凍)】果香味濃, 仲有好幾粒熱情果籽, 香甜好飲!+$16追加【檸檬薄荷蜂蜜特飲】檸檬同埋蜂蜜味突出, 滲出少少薄荷味, 冰涼透心, 清新解渴。當晚做緊promote, 即時upload食物相上facebook/IG/小紅書, 送熔岩提拉米蘇一份, 奶蓋鹹甜香滑, 提拉米蘇鬆軟滲出淡淡冧酒香, 超正!!…Read More

放假訓到自然醒, 同家人去咗花園街買花, 順道係附近搵食醫肚。經過呢條人流較靜嘅花園街, 見到呢間泰菜餐廳, 細看門外menu款式多, 價錢合理, 就入去試試。【泰式生蝦】午市特價HK$98選用肥美開邊虎蝦做生蝦刺身, 生蝦口感爽彈, 夾集蒜片同辣椒片, 再點上泰式酸辣計, 惹味提鮮, 超推介!!餐廳同時供應午餐同埋下午茶, 款式多, 價錢實惠, 每個份量都唔少, 性價比高。【酸辣鳳爪】HK$48無骨鳳爪帶有爽脆軟筋, 酸酸辣辣, 開胃解膩。【冬蔭公湯河】HK$68冬蔭公湯酸辣剛好, 唔會太重口味, 河粉稍為吸咗湯汁, 啖啖酸辣開胃, 配有爽口蝦、大大隻青口、魷魚、秀珍菇等…豐富美味, 驚喜好味。【菠蘿炒飯】HK$68菠蘿炒飯就稍為有D失望, 唔算有穫氣, 菠蘿味不太突出, 內藏兩隻爽口蝦、提子乾、肉鬆同埋雜菜粒。【原個蜜瓜沙冰】HK$78以原個蜜瓜打成嘅沙冰, 再有蜜瓜果肉襯托, 賣相吸引岩哂打卡之餘, 更適合炎炎夏日降溫解膩, 每啖飲出蜜瓜果甜。【Tea Set For 2 Person】HK$238集泰式人氣小食嘅層架下午茶, 上層有柚子沙律, 下層有春卷、蝦餅、雞翼、雞卷, 每款炸物脆而不油, 另配有芒果糯米飯同埋自選泰式飲品兩杯。芒果香甜多汁, 黏笠軟糯口感嘅糯米飯以椰漿調味, 甜甜地又帶些少鹹香; 而自選嘅泰奶口感香滑。…Read More

啟德AIRSIDE匯集不同菜式餐廳, 而且相連港鐵站, 絕對係gathering好選擇。今晚就同多年冇見嘅舊朋友選擇了這間主打烤肉嘅餐廳, 品嚐了一頓豐富又美味嘅烤肉dinner。入座後, 店員協助加入泡菜爐邊蛋同埋芝士粟米, 呢兩款係免費無限任加, 而其他韓式配料只供一次性, 追加需額外收費。我地點了數款烤物同埋熟食share。【鹽燒新鮮魷魚】HK$110魷魚不能烤太過火, keep到口感爽滑同埋有少少鹽帶出鮮味。【嚴選極長牛舌】HK$188超長厚切牛舌賣相有特色, 烤嘅過程滲出血水, 表面烤至微微金黃, 香口爽滑有肉汁, 牛脂香氣濃郁。【花卷五花肉2.0(全份)】HK$268肥瘦比例平均, 五花肉薄切粉嫩, 每片肉夾起好易散, 所以店員特意於網燒上放咗個鐵板for 烤五花肉, 烤至帶些少焦濃, 入口不會感覺過於油膩, 食到淡淡肉香。【韓式馬鈴薯煎餅】HK$128外層微脆, 不覺半點油, 薯香味十足, 沾上酸甜醬汁更開胃。【韓式炒粉絲】HK$92韓式粉絲熱辣辣, 散發香氣, 粉絲盡索鹹甜汁料, 搭配多款蔬菜絲, 口感豐富。【意大利芝士蛋糕】HK$58蛋糕鬆軟細膩, 散發陣陣Tiramisu而不會有苦澀味。【焦糖布甸】HK$45布甸軟滑, 近乎入口即化, 甜甜地, 超正。食熱辣辣烤肉, 配上冰凍梳打, 降溫又解渴, 兩款同樣果味突出, 清新解膩。【菠蘿梳打】HK$42【青檸梳打】HK$42…Read More

同朋友睇完戲係附近搵食, 隨意入咗呢間日本麵食小店, 餐廳面積不大, 全吧檯座位, 雖然唔算坐得舒服闊落, 反而感覺很有日本地道拉麵小店嘅和風感覺, 食物水準至上, 而且全日免加一, 搶返唔少分數。呢度主打湯拉麵同沾麵, 另有數款小食選擇。沾麵隨餐奉上一張咭牌展示建議正確食用方法, 夠哂貼心!【人氣慢煮安格斯牛小排沾麵】HK$148自選: 濃厚味噌蝦湯味噌蝦湯以石鍋上, 如果可以再熱得滾下滾下就更好。味噌蝦湯味道如menu上所指嘅偏鹹一點, 味道鹹鮮易掛湯, 麵線QQ彈牙; 而主角安格斯牛小排分別有嫩紅刺身同埋炙燒過嘅熟和牛, 前者係咀嚼時食到和牛本身嘅筋絡, 後者口感比較林, 牛脂較出, 另配有原隻軟滑流心糖心蛋同埋京蔥。【味自慢炙燒豚肉沾麵】HK$115自選: 濃厚雞白湯幾塊表面燒得金黃有焦嘅厚炙燒豚肉, 選自五花腩, 肥瘦相間, 肥油層比例較少, 食落唔會感覺太油太膩, 肉質軟林有肉香。雞白湯同樣易掛湯, 濃郁鮮味。享用完沾麵後, 可以示意店員協助加清湯, 品嚐餘下湯汁精華, 因應個人喜歡嘅濃度而免費添加, 將整份沾麵餐盡吃, 滿足又飽肚。…Read More

二次到訪尖沙咀K11 Art Mall呢間有現場音樂表演嘅西式餐廳, 可惜今晚沒有LIVE show表演, 但環境裝潢舒適優雅, 同樣可以同朋友舒適閒聊嘆美食。美酒佳餚嘅menu中, 原來仲推出了數款新菜式。 【法國伯爵朱古力】HK$108朱古力味濃郁, 細咪有淡淡伯爵茶香氣, 面層放上兩粒表面經火灸過嘅棉花糖, 大人小朋友都喜歡。【黑松露薯條】HK$138份量令人驚喜, 薯條平均沾上了黑松露, 香氣十足, 沾上芝士粉沙律醬食, 送酒一流!【韓國松葉蟹肉酥皮龍蝦湯】HK$148酥皮焗得金黃香脆, 一匙舀吉入脆得chok一聲, 龍蝦湯味道甘香極濃, 湯中仲有絲絲松葉蟹肉同埋彈牙蝦肉, 啖啖鮮味有層次, 將酥皮浸湯食, 滿足感爆燈! 【夢王牛肉他他】HK$128嫩紅生牛肉碎中混入了酸青瓜碎, 配有生蛋黃, 將蛋汁平均撈起, 多一點黏滑, 生牛肉肉質彈牙, 夾集酸青瓜碎, 搭配埋脆片一齊食, 口感更有層次。【蘋果菠菜沙律】HK$48菠菜配搭甜脆蘋果片, 感覺清新, 再搭配埋咸香羊奶芝士碎, 清新中增添微微羊羶香。【紅莓煙肉法邊豆】HK$48爽脆法邊豆配上帶有口感嘅煙肉粒同埋酸甜紅莓肉, 清新開胃又健康。【手工芝士烤雞卷】HK$288烤雞卷內釀了芝士, 雞皮烤得微脆肉嫩, 芝士令食起上黎更creamy而且多一點鹹鮮, 沾上蘑菇汁食, 味道更提升。伴碟嘅薯蓉口感綿密, 仲有爽脆嘅蘿蔔條同埋意大利黃瓜條, 非常滿足!!…Read More

同老朋友聚舊, 搵咗間旺中帶靜、位於油麻地譽發廣場樓上其中一間火鍋店, 居高臨下, 環境舒適寬敞, 我地兩個人點了呢款火鍋二人餐, 自選火鍋湯底、部份火鍋配料同樣可以自選, 整體份量絕對滿足兩個人食量。我地揀咗---老鴨湯底半隻細鴨在湯底中, 滾起就食得, 鴨肉好林, 用筷子夾起都能撕出梳梳鴨肉, 湯底香甜濃郁, 未開動打邊爐, 我倆都飲咗半個湯底。海鮮拼盤: 包括有蝦、扇貝、蜆、鮑魚、鱔片, 其中鮑魚較為出色, 鮮甜彈牙。手切特級牛(細):牛肉呈棕紅色, 稍為烚幾秒食, 肉嫩非常。三寶丸、韭菜餃及蟹肉餃三寶丸有墨丸、牛丸、蝦丸, 粒粒手打爽口彈牙; 兩款餃好足料, 韭菜餃韭菜味好重, 蟹肉餃滲出鮮香味。響鈴: 即炸響鈴口感鬆脆, 落鍋可以做到一秒響鈴, 食到湯汁味道同時又食到鬆脆口感, 正! 不過話明二人餐, 唔明點解只得三條。套餐包括了田園雜菜籃、自選麵食同埋自選飲品。最後老闆娘仲送糖水, 用北海道3.6牛乳煮成糖水, 其中更凝固成蛋白狀, 香滑奶味重, 正!!!…Read More

隔咗一排, 終於有時間同屋企人食LUNCH, 又再去咗我地嘅抵食飯堂「大師傅」, 呢度價錢親民, 而且份量足, 可說是性價比過。餐廳環境光鮮企理, 全日堂食不設加一, 吸引不少附近街坊幫襯。供應多款粥品、腸粉, 油物等….價錢抵過買料自己煮。【艇仔粥】HK$26 (+$4 追加豬紅)粥底綿密滾熱辣, 食材豐富又足料, 包括有瘦肉絲、爽口魷魚、豬皮、牛肉碎, 粥底綿密熱辣辣, 啖啖粥都食到配料, 好有層次, 而追加嘅豬紅, 口感彈滑。【豬紅粥】HK$23 (+$4 追加碎牛)錦密粥底配上彈滑豬紅, 再追加了碎牛, 增加點點肉香。【蝦米腸】HK$17蝦米腸滑嫩柔軟, 稍吸了些少豉油, 配搭蝦米、蔥粒食, 增添一點香口。【蝦米炸兩】HK$20蝦米腸包住了香脆油炸鬼, 自行加咗芝麻醬、甜醬同埋芝麻, 內脆外軟又美味。【炒麵】HK$15炒麵炒得好香, 不會過於油, 大大碟, 好抵食。【白糖糕】HK$5白糖糕口感帶點濕潤, 甜甜地, 不錯的甜品。…Read More

平時食放題得個幾鐘食, 急急食hur到爆, 而呢間位於海逸君綽酒店內嘅一間中菜廳, 推出150分鐘任食點心放題, 絕對係夠時間可以慢慢嘆, 而且點心質素有咁上下, 蒸出黎熱辣辣, 最緊要係全程冇漏單, 而且落地大窗可以近距離欣賞維港海景同埋酒店泳池景, 中式裝潢再加上樓底高, 確實幾chill幾寫意。入座隨即送上熱茶同埋數款小食, click order紙落單。入座每位送限定: 養生湯+葡汁焗鮑魚併海參一客是日養生湯為眉豆湯, 香甜滋潤; 鮑魚切粒加以葡汁焗, 特色美味, 而海參非常厚切, 爽口彈滑。至於食物類別都幾齊, 一般傳統酒樓最常見嘅點心都有, 點心有齊蒸、煎、炸、焗, 腸粉, 主食有粥、麵、菜, 有數款冷頭盤同埋多款中日甜品。海蜇青瓜: 海蜇超爽口彈牙, 平時去飲都係分得幾條, 宜家可以大大啖當麵食, 豪啊!燒腩仔: 皮燒得金黃脆口, 肥瘦比例平均, 有油香又唔會過於膩。鮮蝦腸粉: 原隻蝦從腸粉皮透出, 可見皮唔會好厚, 而且好滑, 蝦就好爽彈!鮮蝦韭王腐皮卷: 腐皮卷又薄又脆, 味道香口。炸鮮奶: 外層脆口, 內有淡淡鮮奶甜。芝麻蝦多士: 面層佈滿大量芝麻, 極為香口, 不過就唔太食出蝦嘅味道。鹹水角: 皮鹹甜鬆脆XO醬蘿蔔糕: 蘿蔔糕表面煎得微微焦香, 夾集了些少蘿蔔肉, 既有口感, 又食到蘿蔔清甜, 配上XO醬, 惹味!蝦餃皇: 蝦餃足料飽滿, 皮薄, 餡料鮮香美味, 多食幾粒都好易回本。上海鮮蝦水餃: 皮同樣薄, 吸了些少湯汁, 更顯清甜; 內有蝦肉、木耳絲, 很有層次。蒸包嘅就試咗蜜汁叉燒包、奶皇包同埋馬拉糕, 質地鬆軟。甜品款式同樣多, 其中芝麻卷熱辣辣蒸起, 幾有誠意, 甜甜地, 不過芝麻味就偏淡。椰汁紫米露: 椰汁味偏重, 層次感豐富。薑汁豆腐花: 薑汁清清地, 唔會太重口味太辣, 豆腐花幾滑, 加黃糖食, 幾有傳統味道。…Read More

假日同好姊妹相約到中環街拍打卡, 滿身大汗經過見到係扶手電梯橋底呢間小小coffee shop, 望入去見人流不斷, 好奇下就同朋友入去醫下肚兼涼下冷氣。室內環境裝修簡潔明亮, 沒有限時交檯, 可以係soho區慢活一下, 更設有室外座位。食物方面, 供應主食、甜品同埋coffee等等… 無論係醫肚定係食少少野都能滿足到需求, 重點係全部都好好食!!!【Cookies】HK$42多款口味cookies選擇, 揀咗cookie & cream, 口感有少少濕潤微微煙韌, 中心有少少流心嘅cream, 面層有oreo碎, 整體味道甜甜地, 正!。On A Bagel【Cream Cheese & Lox】HK$98厚芝士bagel上佈滿芝麻, 口感有d硬, 夾住煙三文魚同埋大量scallion cream cheese, 配搭健康美味。。Pasta【Carbonate】HK$98意粉平均沾滿卡邦尼醬, 口感極為creamy, 夾集煙肉碎食, 增加一點層次。。French Toasts【Salted Caramel Apple】HK$70賣相邪惡, 西多士炸得金黄, 加上滿滿焦糖漿同埋牛油, 多士盡吸糖漿, 中層仲有唔少香甜蘋果粒, 啖啖滋味無窮。。Baked Goods【4" Basque Burnt Cheesecake】HK$65Cheese cake烘得表面金黃帶焦, 內裡creamy, 而且中心仲有流心芝士, 芝士味極為濃郁。【Sparkling Lemonade】HK$50有汽冰涼檸檬味梳打, 清新解渴, 解暑最岩!【Strawberry Cheesecake Latte】HK$55Latte上有一層士多啤梨Cheesecake cream, 口感絲滑, 充滿奶香同時散發陣陣咖啡香。…Read More

一個價錢盡享即撈海鮮火鍋、熟食、即開榴槤、即開椰子等等….回本率極高!!揀咗最高等級「120分鐘至尊套餐」, 三百蚊左右呢個價錢的確係坊間好難食到新鮮海鮮, 難怪平日晚座無虛席, 人氣爆燈。餐廳設自助區, 放有多款丸類、蔬菜、飲品、雪糕雪條等, 當然仲有幾個水缸, 放有多款海鮮。即撈海鮮包括有鮑魚、蟹、大頭蝦、沙白蜆, 自己撈絕對係揀到最新鮮嘅質素。鮑魚大大隻, 大頭蝦肥美爽彈又鮮甜, 蟹雖然偏細隻, 不過總算鮮甜實肉。六選一湯底, 揀咗蕃茄湯底, 甜酸清新開胃。熟食自助區放有少量熟海鮮同炸物,蒜蓉烤蠔: 肥美多汁, 加咗大量蒜蓉, 少量辣椒, 惹味提鮮。另有炒蟹、小龍蝦、炒蝦等…肉類同部份火鍋配料經QR code落單, 肉類有牛肉、牛板腱、牛肩胛、五花腩片同埋羊肉, 質素對得住放題價錢。今晚主攻海鮮, 所以火鍋配料只點了蠔、海參、鵝腸同埋毛肚。鵝腸沒有肥油連帶, 爽口!飲品方面除了罐裝汽水、紙包飲品, 仲有即開椰子, 清甜潤喉!!另一最有驚喜就係可以任食即開榴槤, 散發榴槤獨有香氣同埋香甜。…Read More