小年糕的个人专页

多謝朋友請嘅生日飯。今次係第二次試ALCHEMY，之前試過鰂魚涌分店，今次試尖沙咀店。裝潢有風格，開放式設計夠開揚。忌廉黑松露醬配雜菌芝士意大利飯一上枱，已經聞到好香濃嘅黑松露味。一啖落口，忌廉黑松露味好突出，雜菌亦都好有咬口。而飯嘅質地方面，佢係比較煙韌嘅，唔似平時食開中間可能有少少硬嘅，反而我幾鍾意呢款煙韌嘅口感。Alchemy 全日早餐鍾意食All Day Breakfast嘅原因，當然係因為可以一次過試唔同嘅食材。炒蛋真係冇得輸，蛋味及奶味濃。另外，煙肉煎得焦脆，薯角係帶點辛辣。藍莓合桃蛋糕用上新鮮嘅珍寶藍莓，仲有粒粒合桃，味道唔會太甜。Iced mint chocolate 底層嘅一半係薄荷朱古力，上層一半係豐綿嘅奶泡。薄荷同朱古力嘅味道平衡得幾好，唔會搶晒對方嘅味道，值得一試。…查看更多

多得港島朋友帶路，又認識左多一間頗高質嘅cafe。Flat white：咖啡香郁，奶香又唔會太搶，口感順滑。香煎虎蝦配辣蕃茄汁意粉：只係微辣嘅程度，所以好容易接受 。虎蝦彈牙又大條，而意粉軟硬適中，整體開胃，調味適宜。青醬忌廉雞肉長通粉第一次試青醬，原來無我想像中嘅青味，反而幾清新，一試愛上。雞肉份量多，而且好嫩，一啲都唔鞋，而青醬忌廉好creamy，長通粉好掛汁，每啖都好滋味。法式西多士配自家制雜莓醬：呢個係signature dish，真係必試。超厚多士外面帶少少焦脆，而入面係非常軟綿，蛋香味濃，真係整得好食。而雜莓醬微微酸甜，有好多果肉，有口感。…查看更多

多謝好友請食生日晚飯，初次黎到Espuma，就俾佢嘅靚景吸引住。餐廳成個環境同埋氛圍都好輕鬆同埋舒適，而且開揚，有寬闊嘅大玻璃窗。雖然我地食嘅係晚餐，天色已經好黑，不過都仲可以清楚望到中環好多唔同建築物，夜景唔錯，下次搵個機會係日間黎，相信應該會更靚。先黎前菜同埋餐湯，係芝士松露醬薄多士、巴馬風乾火腿季節沙律同埋南瓜忌廉湯。十分欣賞芝士松露醬薄多士，香脆可口，得兩塊真係唔夠喉呀，哈哈。西班牙式脆皮豬腩卷配蘆筍 SpanishStyle Crispy Rolled Rork belly with Asparagus served with balsamic vinegarsauce $308脆皮豬腩卷好考功夫，外皮非常酥脆，而腩肉肥瘦均稱，每一啖都好滋味。蘆筍好青嫩爽口，而配菜係彩椒仔同埋薯蓉，都好好味。香烤美國安格斯肉眼扒 GrilledUSA Angus Ribeye Steak served with creamy mashed potatoes & roastedvegetables $398 (8oz) 5成熟嘅肉眼扒肉味濃，軟腍，蘸埋特配嘅醬汁，味道有所提升。同樣配有彩椒仔同埋薯蓉。紅絲絨窩夫(半份)Red Fantasy $98聽講餐廳嘅招牌甜品之一係窩夫，所以專登留肚試一試。窩夫即叫即做，好香脆，中間帶啲煙韌，口感一流，配埋酸酸甜甜嘅醬汁，令人一啖接一啖。百利甜酒竹炭戚風蛋糕．伴海鹽芝士奶蓋呢個係節日限定，因為我地去嘅時候係萬聖節，餐廳好應節地推出左呢款有萬聖節裝飾嘅戚風蛋糕。蛋糕濕潤軟棉，面頭嘅海鹽芝士奶蓋帶微咸，帶淡淡嘅芝士香味，估唔到同戚風蛋糕咁夾。招牌水果茶同樣係餐廳嘅人氣飲品之一，雜果新鮮，味道甜酸，好醒胃。…查看更多

平時係荃灣，想食得健康的話, 我多數會去Pickabowl。但平時都係堂食多，今次就外帶左幾分返屋企俾家人做晚餐。Pickabowl成間店鋪裝潢好簡約，餐廳環境開揚, 座位舒適度都很不錯。套餐選擇都有十幾款，款式配搭往往有驚喜，適合有選擇困難症的我。如果對選菜目標好明確，可以自選配搭，更有彈性。幫女女揀左親子Poke(慢煮雞胸配淡味醬油)外加一份中華沙律及升級套餐，味道完完全全是我家小孩的那杯茶。親子Poke除左有慢煮雞胸，另主要有青、紅、黃椒及紫菜，賣相顏色及配搭很吸引，味道清淡，女女一個人可以清盤。另一款是經典雙拼(三文魚、吞那魚)和風味喜歡食魚生飯的人可必試呢款，三文魚和吞那魚口感不同，但一同進食時又何其地夾。吞那魚食落無筋、而三文魚有魚油香，配上芝麻醬帶點微酸，十分開胃。香草芥末熟蝦就係我最常點的丼飯，喜歡他們家的芥末醬很有衝擊性，會越食越想食，而且配上淮山粒，自我感覺很健康。…查看更多

宅在家太多日，日日煲韓戲下，炸雞癮發作，所以早陣子趁機會跟老公出去放風，順便覓食一下。已第二次到YADLLIE PLATE，依然人頭湧湧，幸好已訂座。見到咁多款炸雞及烤雞，怕點幾款會食唔晒，一於點半半烤雞，一次過試勻兩款口味。今次選蜜味芝士粉烤雞及黃金蒜香烤雞。本身想食炸雞，但咳嗽未清，只好乖乖吃烤雞。先講雞肉方面，肉汁多，雞肉滑嫩。蜜味芝士粉主要味道帶甜，芝士味頗濃。而黃金蒜香同樣帶微微甜味，蒜香十足。兩款口味都好惹味，份量夠。當然少不了新鮮炸起的薯條， 除了蘸茄汁，蘸烤雞用嘅醬汁一樣出色！醬油魚介湯鍋好想食韓式魚糕，點知一上枱，原來咁大份！食完後，同老公捧住個肚走人，哈哈！鍋面一分四格，三格擺滿各式魚糕，另一格就係豆腐皮、蘿蔔、菇。湯底頗清甜，豆腐皮及蘿蔔吸收湯底後，非常入味可口！再來就係魚糕，不同形狀，但口感不同，因為薄魚皮就比較爽口，而魚蛋狀款式就彈牙。每款味道相似，魚味算濃。最後，當然少不了加入辛辣麵。麵身掛上魚湯，加辣粉，正呀！草莓乳酪沙冰個口辣辣地，即時飲啖足料嘅沙冰，酸酸甜甜，真舒暢~…查看更多

已經好少聽到「冬菇亭」了，今晚要食的火鍋就是位於冬菇亭內。唔洗介紹，發哥粥底海鮮火鍋好明顯是食粥底海鮮火鍋，當然還有其他小菜食。好友拍板，推介A餐。一點完餐，隨即送上燉湯、拍青瓜、花生及竹蔗茅根。鮑魚方面，可以選新鮮或冰鎮，最後我們選了新鮮的，果然仲識郁動，包新鮮。哇～好豐富呀！除了半邊龍蝦，還有聖子皇、貴妃蚌、多寶魚、黃金蜆、海蝦、時令貝。所有海鮮可用一個字形容，正！龍蝦及海蝦都好彈牙，而貴妃蚌、聖子皇及黃金蜆雖然不算厚肉，但勝在鮮甜無沙。色澤鮮紅的安格斯牛肩肉牛味重，煙韌。除了指定的海鮮食材，還可以自選8款火鍋配料。推介有豬膶及滑牛肉，再加萵筍、雞脾菇～大滿足！…查看更多

上次去台灣，因為行程問題去唔到食鼎王，確實有點遺憾，當知道香港開左鼎王，仲唔同朋友仔去試。因為想避過人潮，我們選了閒日下午時間去，選擇是正確的，不需要排隊直入的感覺真好。這裡裝潢及擺設很古色古香, 餐廳座位超寬敞的, 完全沒有壓迫感。電子菜單，唔需要每次舉手叫人落單，方便快捷。挑了紅白兩款湯底，紅湯是麻辣鍋，湯頭濃郁鮮味，也帶有麻辣的辛辣刺激感，大家可以按自己接受辣的程度要求大、中、小辣。麻辣鍋鍋底配料也十分足料, 麻辣鍋內有鴨血和豆腐.豆腐很嫩滑，鴨血口感柔韌, 咬落一樣QQ彈彈的，而且沒有腥味，同台灣食的鴨血相同質感。而且豆腐和鴨血都可以無限refill，可以食過夠。白湯是酸菜白肉鍋，酸味極濃郁，味道十分佳. 酸的程度也可以選擇，喜歡吃酸的朋友一定會很愛。酸菜白肉鍋有大量酸菜及豬肉片，湯底鮮甜,，而且更加入了薯粉絲，薯粉煮耐了盡吸酸菜的味道，十分好味道.。酸菜白肉鍋可以無限refill酸菜。調味枱有兩款醬汁選擇，仲有白飯供應。 我喜歡白飯配鴨血食，好適合我這種愛米飯的人。老油條是火鍋良伴，只需要浸一浸，就可以吸盡湯內精華，很建議下單一份。這個手打蝦滑，外相沒有什麼特別，但口感卻十分彈牙，蝦肉味道鮮味，就算落於麻辣鍋內，完全沒有被麻辣蓋過。這個大腸頭是事先已經滷過，味道已經唔錯，食的時候只需要輕輕一淥就食得。味道是可以的，不過女士們覺我真係有點肥，多食幾塊已經爆卡路里。上選牛小排是必叫的item，雪花分佈平均，入口牛肉味濃，肉質軟稔，更有牛的油脂甘香味。…查看更多

對上一次去王家沙，都應該有一年半載前，今晚探完朋友後，齊齊食個晚飯。餐廳幾骨致，服務都不錯。無錫脆鱔好正的涼菜！脆鱔食落似平時打邊爐的魚皮，但表面卻有少少糖漿，好香脆，食唔停口。蘇式鮮肉小籠包食上海菜，梗係要點小籠包啦！小籠包皮夠薄，肉汁滿瀉，肉餡夠鮮美，好味道！咸肉津白清清地叫返個菜，津白煮得好稔，配埋煙韌的咸肉，味道好夾。王家沙擔擔麵厚厚嘅花生醬鋪面，飄來陣陣香氣。先呷一口湯，好濃稠，麵條帶少少韌性，伴隨每啖都食到粒粒花生，值得一試。高力豆沙球煙煙韌韌的表皮，入面有微甜的紅豆蓉，以這款甜品作結，飽肚又幸福。…查看更多

同朋友到銅鑼灣shopping後，朋友就帶我黎L Square食晚飯，呢幢大廈好多選擇，朋友就推介這間西餐。 海膽釀北海道赤魷魚意大利飯 $198將意大利粉釀在魷魚筒內，非常考功夫，每粒意大利飯都有觧甜的海膽味，而且飯粒煙韌，，魷魚燒得香口，而且彈牙。龍蝦蛋黃醬菠蘿大蝦薄餅 $138薄餅材料有菠蘿和大蝦，配上龍蝦蛋黃醬非常惹味，薄餅入口香脆，餅底厚薄適中，口感及味道相當不錯。加$52可轉套餐，套餐包括龍蝦湯或忌廉黑松露野菌湯及$32或以下飲品龍蝦湯味道濃厚，夠哂creamy一口西多士 (榛子醬)配雪糕 $88跟平時食的西多分別就係個醬，一般西多係用花生醬，今次呢個甜品用上榛子醬，唔會太甜，亦唔會太膩，配埋雪糕感覺仲正。…查看更多

好耐都無打邊爐，今日同朋友黎咗食牛精皇，估估唔到又幾surprise！呢間餐廳其實野食種類都幾多，打邊爐之餘仲有得食刺身等等，揀嘢食都搞到我眼花撩亂。首要推薦大家一定要試下佢嘅象拔蚌刺身，咁啱我哋今日去食有優惠，半條象拔蚌都唔使$200，咁抵梗係要試吓佢啦！象拔蚌超鮮甜，半條份量都好多，入口爽脆而且好新鮮，超級值得食！之後就係主角打邊爐啦，我同朋友叫咗個二人餐，入邊有晒海鮮，丸，餃子等等，當然唔少得牛肉！兩個人份量係啱啱好食到你飽，叫套餐就最方便唔使自己慢慢諗，仲幫你預好埋個份量，唔會眼闊肚窄！佢嘅蝦滑爽口得來蝦肉仲好鮮甜，食得出係新鮮製造。餃子亦都好分量十足，入邊超多餡，皮又夠薄，大大啖咬落去好有口感。重點推介佢嘅牛肉，其中有一款係美國白牛肉，佢外表係白色，只需要淥幾秒就食得，咬落去爽口而且好濃郁嘅牛味，好新奇。另外套餐入邊嘅肥牛亦都係高級牛，有種入口即溶嘅感覺，啱晒鍾意食牛嘅朋友。佢仲有個$88揀3款海鮮嘅優惠，我同朋友就要左蜆同埋鮑魚，海鮮真係超新鮮，拎到上嚟嘅時候啲蜆仲識郁！有得打邊爐食牛又有得食海鮮，仲有埋刺身，每樣食材都好新鮮，鍾意打邊爐嘅朋友一定要食下呢間，一試難忘！…查看更多

已有一段時間沒有食自助餐，適逢姨甥女生日，知她喜歡B DUCK，所以選了Forte限定的主題自助餐。好可愛，有不少B DUCK的佈置裝飾。海鮮類主要有4款。蝦肉好彈好鮮美，至少吃了十多條！另外，必食飽魚，好嫩好爽口。主菜點了澳洲穀飼牛肉眼扒及香蒜白酒炒藍青口。澳洲穀飼牛肉眼扒7成熟，肉質粉嫩·，牛味頗重，冇嚼勁。藍青口用上大量蒜頭及牛油，好香口。雖然細粒，但飽滿。共他熟食有焗蠔、泰式魚餅，另有壽司。好可愛的B DUCK圖案甜品，令人食慾大增！少不了任食的哈根達斯雪糕。…查看更多

一直聽一位粉紅控的朋友推介一定要食美滋鍋，因為從佢口中形容的餐廳係超夢幻，而且食物很好食，仲有兒童室(重點)，作為仍有少女心的媽媽級，當然就要去朝聖一下。美滋鍋開幕短短三個月好評如潮，大排長龍！以招牌養生美顔湯底及新鮮食材集合四川的麻辣香料、台灣的藥膳湯底及日本涮涮鍋文化，美滋鍋成功打破傳統火鍋界限，將創新食材與傳統飲食文化的精髓融為一體。店內設計飾以柔美粉嫩色系為主題，係絕對不能錯過的火鍋打卡熱點！調味料與醬汁更有超過20種選擇，食客可以自由享用各種蘸料、新鮮時令水果和冷盤小食。美滋鍋特別設置室內兒童遊樂場，讓3至7歲的小朋友可以係遊樂場內放一放電，只要透過掃描電子餐牌的二維碼，家長們可放心安坐於座位就可以從閉路電視留意小朋友係遊樂場的動態。電子菜單，唔洗下下舉手叫人落單，方便快捷。我地點左店內推介的大熱膠原蛋白養顏美容鍋和維他命C蕃茄栗米鍋。膠原蛋白養顏美容鍋湯底以瑤柱、雞肉、雞腳、豬骨及豬手等含豐富骨膠原食材熬製，每一口都含有豐富膠質，而且味道無敵好味，真係推介大家落火鍋料前就要先嚐一碗，真係比平時自己煲的老火湯仲要濃郁美味。維他命C蕃茄栗米鍋湯底沒有什麼特別，不過滋味濃郁的蕃茄栗米湯底必定是素食愛好者或者小朋友的最佳選擇。本地手切肥牛，這個牛口感比較有咬感, 略厭脂肪不夠多及平均, 不過肉味也算突出.手打墨魚丸(半份)，手打丸口感非常爽口彈牙, 鮮味十足，這種爽彈口感只有人手打才會有的效果。珍寶鮮蝦水餃，餃子皮的厚薄度做得不錯, 落湯後不易散開, 蝦肉爽口彈牙, 味道比某些粉麵店的還要好.炸響鈴，這個係我重點推介要食，自家制響鈴比一般現成的更厚更脆口，落湯數秒再夾起，掛到湯汁之餘仲保留到脆脆口感。豬黃喉，唔係周圍有得食，只需落湯數秒就要食，本身沒有什麼味道，只係食個清脆口感，可以試下。最後就是餐廳贈送的免費沙冰, 酸酸甜甜的，可以幫忙消滯。 …查看更多

最近太過忙於小朋友的事, 對於出外食飯的時間覺得是有點奢侈。但忙碌過後, 都係需要好好享受一頓美好的食物去犒賞一下自己, 所以要依, 就食好一點有質素一點。餐廳選址在尖沙咀的金馬倫道赫德道，整家店地方著實不大, 能坐的位置大約只有十多個位。這次來是聽朋友推介靖的午餐有十二件及九件的高質廚師發辦，而且價錢十分抵食，抱住一試無防的心態就訂位。跟朋友各自order了廚師精選九貫 HK$270, 當中已包括前菜、沙律、荐碗煎、湯及甜品。前菜是鱈魚燒，鱈魚片燒得香脆，一下子就被清掉，很不錯的餐前小食。沙律是普通的雜菜沙律，不過雜菜是食得出的新鮮爽甜，配上酸酸甜甜醋汁，很開胃。仲有角切雜錦魚生沙律，配以芝麻醬，十分夾。主角來了， 頭一ROUND有3件貝殼類壽司，分別左至加是粒貝、石垣貝同海膽牡丹蝦。粒貝口感超爽口，入口已經有陣陣的海水味道，加上柚子汁，味道很清新。石垣貝係我至今食過最鮮甜的貝類之一，口感軟稔得來有著很濃的貝類甜味。海膽牡丹蝦在香港都巳經算是很普遍的壽司款式, 但當然質素也有參差不齊，蝦肉顏色雪白亦處理得很乾淨, 入口吃得到那份蝦的爽身甜美, 配上海膽同食，個人覺得是不錯的配搭。池魚入口肉質非常有彈性. 當中的魚味較濃不過油脂不高吃起來好清爽活赤貝體型十分大，入口咬下去爽脆得聽得出來, 貝肉帶點橙黃色澤, 鮮味突出,吃完一件後, 感覺有點不夠喉呢~師傅先把鮫鰈刺身輕輕灸燒，入口時比一般刺身來得更香口一點, 魚肉輕炙過的關係, 質地更軟棉,更帶起魚味。這個大拖羅比平常吃到的油脂更少， 看看刺身上的油脂紋理亦不多, 入口果然油脂真的比較少, 肉質吃起來也較硬，感覺一般。北海道馬糞海膽入口果然是CREAMY的, 而且味道甘甜, 海膽味是非常濃那種, 味道可以形容好味到顛。平時食左口魚多，經火槍輕輕燒燙過的右口魚裙邊壽司，迫出了不少油油，令魚油和右口魚味道更加豐富。同樣輕輕炙燒的銀雪魚，魚油十分濃，入口有即溶的感覺。拖羅碎飯，加上天婦羅碎，令到口感有更有層次感，比起拖羅壽司，我更愛這個。最後以茶碗蒸、湯及雪糕作結。這頓壽司午餐價錢真係十分抵，而水準令人相當滿意. 餐廳氣氛不錯, 也不會太拘謹.當中自己比較喜歡的是他們的右口魚壽司、石垣貝及北海道馬糞海膽, 吃罷的確令人印象深刻, 回味無窮。…查看更多

同老媽子去左銅鑼灣Shopping，行到兩個人好攰，5點又未晚飯時間，但兩隻餓壞左嘅人，就順便在附近餐廳開飯。閒日未到食飯時間，餐廳座位選擇多，以長枱為主，每張枱之間有一定的距離，雖然是茶記的格局，但環境卻好舒適。辣妹當然要點一個招牌海鮮喇沙 HK$55喇沙麵底係油麵加米粉，食落口感好有咬口，喇沙湯底好濃郁，配料有青口、蝦、魷魚、仲有豆卜，白魚蛋，配料分量真係幾多。特別讚一下海蝦好夠鮮味彈牙, 很不錯。麵底係油麵和米粉混合食，一粗一細，米粉比較掛湯，但油麵比較滑口，一齊食幾乎合南洋風味。媽媽叫的印尼炒飯 HK$55，賣相都好吸引，食物一樣好豐富，有太陽蛋、串燒、炸蝦片。炒飯雖然顏色深，但卻唔係想像中咁鹹，反而味道適中。炒飯主要材料是蝦肉粒，很足料，食得出不是用無味道的水晶蝦，蝦肉爽口彈牙。而太陽蛋煎到有脆邊，這個我喜歡。串燒比較失色一點，個人覺得燒得有點乾，不過沙嗲醬惹味搭夠。我覺得來南山冰室，如果喜歡肉骨茶的朋友，一定唔可以錯過。這個藥味很重，整個湯好濃郁好足料，唔會好似坊間一樣清淡無味，另外碗肉有兩塊大大的排骨，肉質很稔不會硬，所以推薦一定要飲。最後來一杯柚子蜜同黑糖姜母茶，成餐飯食到捧住個肚走, 都係每人幾十蚊，係銅鑼瀛地段來講真係好抵，所以下次會再來。…查看更多

在荃灣，要數富有香港地道味道的，樓下冰室可以係其中一間。每次朋友入荃灣，都會拜訪一下先走。而樓下冰室走新派裝修, 但又保留香港舊有的傳統風味的店內環境十分好, ,座位舒服, 以卡位為主。瑞士汁雞脾 HK$28/隻樓下冰室最出名除左係蕃茄濃湯系列，另一個就係瑞士汁。瑞士汁味道十分濃郁, 而且味道完全滲入雞脾內. 雞脾肉質有彈性, 每一口都有滿滿濃香味, 這個重口味道我最愛.自家製叉燒滑蛋飯 $50平時食得多蕃茄通粉，今次轉食叉燒滑蛋飯，估唔到份量好多,而且賣相十分吸引。飯底不會太冧身,粒粒分明，而蛋整得好滑, 叉燒肉質又唔會嚡, 再加上豉油同蔥花好味道。焗芝士肉醬薯角HK$36上次食過芝士肉醬意粉，個肉醬整得好好味，又唔會太鹹，今次試下焗芝士肉醬薯角，一樣無令我失望，味道唔錯。薯角事先炸過再同肉醬一齊去焗，所以薯角口感唔會太稔太爛，加上整份薯角份量唔少，而肉醬不是只是面層有，更是每一塊薯角都沾有肉醬，呢一點就已經大大加分。來冰室當然唔少得一杯紅豆冰，個人推介忌廉紅豆冰和話梅柑桔蜜都是不錯的選擇, 可以試一試.…查看更多