影片
更多
2019-10-12
1741 浏览
好耐都无打边炉，今日同朋友黎咗食牛精皇，估估唔到又几surprise！呢间餐厅其实野食种类都几多，打边炉之余仲有得食刺身等等，拣嘢食都搞到我眼花撩乱。首要推荐大家一定要试下佢嘅象拔蚌刺身，咁啱我哋今日去食有优惠，半条象拔蚌都唔使$200，咁抵梗系要试吓佢啦！象拔蚌超鲜甜，半条份量都好多，入口爽脆而且好新鲜，超级值得食！之后就系主角打边炉啦，我同朋友叫咗个二人餐，入边有晒海鲜，丸，饺子等等，当然唔少得牛肉！两个人份量系啱啱好食到你饱，叫套餐就最方便唔使自己慢慢谂，仲帮你预好埋个份量，唔会眼阔肚窄！佢嘅虾滑爽口得来虾肉仲好鲜甜，食得出系新鲜制造。饺子亦都好分量十足，入边超多馅，皮又够薄，大大啖咬落去好有口感。重点推介佢嘅牛肉，其中有一款系美国白牛肉，佢外表系白色，只需要渌几秒就食得，咬落去爽口而且好浓郁嘅牛味，好新奇。另外套餐入边嘅肥牛亦都系高级牛，有种入口即溶嘅感觉，啱晒钟意食牛嘅朋友。佢仲有个$88拣3款海鲜嘅优惠，我同朋友就要左蚬同埋鲍鱼，海鲜真系超新鲜，拎到上嚟嘅时候啲蚬仲识郁！有得打边炉食牛又有得食海鲜，仲有埋刺身，每样食材都好新鲜，钟意打边炉嘅朋友一定要食下呢间，一试难忘！
好耐都无打边炉，今日同朋友黎咗食牛精皇，估估唔到又几surprise！
呢间餐厅其实野食种类都几多，打边炉之余仲有得食刺身等等，拣嘢食都搞到我眼花撩乱。
首要推荐大家一定要试下佢嘅象拔蚌刺身，咁啱我哋今日去食有优惠，半条象拔蚌都唔使$200，咁抵梗系要试吓佢啦！象拔蚌超鲜甜，半条份量都好多，入口爽脆而且好新鲜，超级值得食！
之后就系主角打边炉啦，我同朋友叫咗个二人餐，入边有晒海鲜，丸，饺子等等，当然唔少得牛肉！两个人份量系啱啱好食到你饱，叫套餐就最方便唔使自己慢慢谂，仲帮你预好埋个份量，唔会眼阔肚窄！
佢嘅虾滑爽口得来虾肉仲好鲜甜，食得出系新鲜制造。饺子亦都好分量十足，入边超多馅，皮又够薄，大大啖咬落去好有口感。
重点推介佢嘅牛肉，其中有一款系美国白牛肉，佢外表系白色，只需要渌几秒就食得，咬落去爽口而且好浓郁嘅牛味，好新奇。另外套餐入边嘅肥牛亦都系高级牛，有种入口即溶嘅感觉，啱晒钟意食牛嘅朋友。
佢仲有个$88拣3款海鲜嘅优惠，我同朋友就要左蚬同埋鲍鱼，海鲜真系超新鲜，拎到上嚟嘅时候啲蚬仲识郁！
有得打边炉食牛又有得食海鲜，仲有埋刺身，每样食材都好新鲜，钟意打边炉嘅朋友一定要食下呢间，一试难忘！
张贴
