ehong2003的個人專頁

今日同朋友去咗太古城中心逛街，順便試咗「天天海南雞」嘅新加坡風味2人晚市套餐，價錢只係$488+10%，真係抵食又好味！太古城中心不愧係港島東嘅一線商場，交通非常方便，而且店舖非常齊。天天海南雞喺正商場範圍，行完街直接行過來開餐非常方便！一坐低，店員就好好笑容咁安排茶同埋濕紙巾。介紹菜式嘅時候亦好細心，態度友善。第一碟上嘅係沙嗲串燒，雞肉同豬肉都燒得啱啱好，沙嗲醬香濃帶微甜，蘸多兩串都唔會膩。跟住個迷你肉骨茶好驚喜，藥材味夠晒濃又唔苦，排骨炆到淋淋哋，飲完成個人暖笠笠！主角海南雞果然名不虛傳，雞肉滑到似豆腐，雞皮爽口唔肥，仲要跟埋三款醬汁——黑豉油、薑蓉同辣醬，撈埋油飯真係無得頂！白咖喱豬扒都係亮點，咖喱香茅味好出，豬扒煎得外脆內軟，撈飯食到唔停口。仲有個參巴辣椒炒通菜，鑊氣十足又夠辣，好過癮！最後以咖央多士作結，多士烘得脆卜卜，入面咖央醬流心又唔會太甜，配埋杯熱茗茶，飽到捧住個肚走！成個套餐分量夠晒，味道正宗，服務又爽手，絕對會再encore！整體來講，呢個套餐一次過試匀新加坡嘅精華，味道正宗，環境舒服，店員又nice，一定會再嚟幫襯！…查看更多

早幾日去咗銅鑼灣「水門雞飯」食晚飯，呢間餐廳主打泰式風味，裝修都有啲心思，用咗好多泰式元素嘅裝飾，坐低嗰陣即刻好似去咗旅行咁，有少少置身曼谷街頭嘅感覺。我嗰晚叫咗幾樣嘢試下，整體嚟講都幾滿意。首先係 餐廳最近嘅新品A5和牛泰式船粉，呢個幾有驚喜，船粉湯底有香料味，但唔會太辣，和牛切得啱啱好，入口即溶，牛味十足，同湯底好夾。蔬菜方面，我點左馬拉盞西蘭花炒魷魚。成碟西蘭花賣相一流，而且炒得夠鑊氣，魷魚唔韌，西蘭花爽口，馬拉盞味道唔會太搶，整體好食得嚟又唔會太heavy。和牛串燒都唔錯，燒得啱啱好，外面微焦但入面仲keep住juicy，香口之餘又唔會太油。最後仲試咗個泰式雞腳，呢個比較重口味，酸酸辣辣幾開胃，雞腳處理得乾淨，啲筋位又夠彈牙。飲品方面叫咗杯凍泰式咖啡，甜度啱啱好，冇落太多煉奶，咖啡味都幾香，非常refreshing！值得一讚係餐廳出菜好快，唔使等太耐。價錢方面都合理，以銅鑼灣嚟講算係咁啦，算係非常抵食。總括嚟講，「水門雞飯」係一間值得再去嘅泰式餐廳，環境舒服，食物水準唔錯！…查看更多

前排陪女朋友去中環新世界大廈睇完醫生，決定食啲正氣啲嘅食物。同一棟大廈有一間叫「翠亨邨」嘅中菜廳，上到去餐廳門口，見到好多月餅promotion，先知道原來呢間餐廳係Mira Group旗下嘅，即刻覺得好有信心，一於試下！呢間餐廳地點方便，環境舒適，氣氛輕鬆，非常適合商務聚餐，以及家庭聚會。開頭我哋叫咗「足料老火湯」，湯底好濃，材料新鮮，飲落去好暖胃。跟住我哋試咗經理推介嘅「皇牌蜜汁叉燒」。呢度嘅叉燒外脆內嫩，蜜汁甜而不膩，口感非常好，女朋友表示非常like！作為零舍愛食蝦嘅人，當經理一推介另一招牌菜「黑魚子香芒貴妃蝦球」嘅時候，我即刻心心眼😍！ 呢道蝦球鮮嫩彈牙，搭配香芒，味道清新，食落去非常享受。再來就係「桂花蟹肉炒銀絲」。蟹肉份量足，炒得剛好，而且唔會好油！最正係啲粉絲吸收咗蟹肉嘅鮮味，實在好味。「拍蒜炒菜心」係一個簡單但必試嘅正氣蔬菜。我好欣賞佢蒜香味十足，菜心爽脆，感覺好健康！最後，我哋分享咗「大良燉雙皮奶」，甜度適中，奶香濃郁，唔會太甜，結尾非常滿足。整體來講，「翠亨邨」嘅食物質素高，服務態度亦好，值得推薦！所以，如果大家想喺中環享受一頓高質素嘅中式晚餐，可以考慮呢間餐廳。我前排同女朋友去咗中環新世界大廈嘅「翠亨邨」食晚餐。呢間餐廳環境靚，氣氛輕鬆，非常適合情侶聚餐。…查看更多

日前同女朋友去左鯉魚門三家村行下，經過碼頭碼頭見到有間叫「蟹仙海鮮蒸汽石鍋」嘅餐廳，門口貼左好多名人嘅合照，而且裝修比一般嘅海鮮餐廳精緻，就決定喺度試下。餐廳Exactly就喺碼頭邊，氛圍相當Chill。另外，呢度嘅侍應生非常熱情，仲會幫我地蒸海鮮，完全唔洗擔心唔知道點樣控制蒸海鮮嘅時間。我地兩個人點左個$449尊貴海鮮套餐，非常豐富。以下係幾款我印象比較深刻嘅食物：- 南非乾鮑配香菇：鮑魚同菇雖然size唔算大隻，但兩者嘅香味相得益彰。- 韓國釜山野生鰻魚：我第一次食蒸鰻魚，估唔到蒸鰻魚嘅肉質係咁鮮美，正！- 菲律賓奄仔蟹：蟹膏飽滿，蟹肉鮮甜。店員蒸得剛剛好，根本無需要加醬油，味道都已經好突出。- 野生琵琶龍蝦：第一次食呢樣海鮮。店員介紹話比較罕有，因為水質要好好，呢啲琵琶龍蝦先可以生存到。最欣賞佢肉質彈牙，每一口都充滿海的鮮味，可惜肉比較少，太好食唔夠喉呀！- 太平洋野生青口：好新鮮，而且肉質飽滿，同自助餐食開嘅青口無得比！- 加拿大海虎蝦：全餐飯其中一個亮點，因為蝦肉肉質超級鮮甜，而且夠曬大隻！- 秘制蟹皇醬元貝：蟹黃醬令原本已經好鮮甜嘅元貝味道層次更加分明，驚喜不已。- 雪燕椰汁糖水：清爽可口，完美地為這頓美食畫上句號。…查看更多

琴晚同個friend去咗銅鑼灣謝斐道嘅「韓國釜山海鮮鍋」試吓，雖然間舖頭唔算好豪華，裝修簡單樸實，但一入去就覺得好有韓國feel，坐得都幾舒服。我哋兩個人叫咗個極品海蟹海鮮鍋（細），個湯底係甜辣海鮮湯，一上枱已經聞到好香。聽店員講，餐廳嘅母公司仲係專門做蒸海鮮嘅，所以啲海鮮來源好可靠， 食落口果然係新鮮，海蟹肉質結實，個湯底濃郁得嚟唔會太鹹，辣辣哋幾開胃。鮑魚同蝦都好新鮮！另外仲叫咗個蠔仔蔥煎餅，煎得啱啱好，外脆內軟，蔥同蠔肉嘅份量都足，食落好香口。值得一讚係店員嘅服務態度真係幾好， 好細心又成日幫手加茶，完全冇hea做。埋單$657，以海鮮鍋嚟講算合理，尤其是喺銅鑼灣呢個地段。整體嚟講，呢間係一間唔錯嘅韓國小店，如果想食吓海鮮鍋同煎餅，我會再嚟幫襯！…查看更多

前排同朋友去咗旺角嘅「八木橋」食晚飯，非常有驚喜。首先餐廳喺T.O.P.，交通真係超方便，地鐵一出就到，唔洗行遠，啱晒懶人！餐廳裝修企理，通風系統唔錯，所以唔會好大陣油煙味！我哋嗌咗佢哋嘅「雨」任食套餐。講真，呢個套餐嘅性價比真係勁高，因為除左當日有折扣優惠之外，最緊要係成個套餐包咗大量高質食材以及多元化嘅飲品選擇，所以真係抵到爛！先講海鮮類：鮑魚爽口彈牙，冇腥味；元貝鮮甜多汁，鮮味十足；花甲乾淨冇沙。全餐飯另一個回本位係佢哋嘅燒和牛，真心正！A4黑毛和牛薄切油花靚，入口即溶；後腰肉肉味濃郁；牛肩啖啖肉，咬落有口感；三角腩油脂豐富唔膩；和尚頭嫩滑又有肉香。每一件都係燒肉嘅極品！另外，佢哋嘅炸物選擇都好多，唔係得嗰幾樣交差。炸蟹柳外脆內香，炸蟹餅入口流心，蟹味好出，煎餃子煎到金黃香脆，冇半點油膩。每一樣炸物都熱辣辣，相當唔錯！總括嚟講，「八木橋」嘅「雨」套餐真係物超所值，食材新鮮選擇多，坐得舒服又唔迫，下次一定會再嚟！…查看更多

「Cobber Noodle and Waffle」係一間好值得推薦嘅餐廳。餐廳位於觀塘，交通方便，無論搭地鐵定係巴士都好容易到達。當日我同女朋友去嘅時候，客人多得不得了，氣氛好chill。食物方面，我嘗試咗幾道菜，首先係「日式明太子大蝦意粉」，意粉煮得剛剛好，口感好好。明太子嘅味道好濃郁，蝦都好彈牙，食落去好有滿足感。接住就係「帶子海鮮喇沙意粉」，喇沙嘅湯底濃郁，帶子煮得恰到好處，海鮮味十足，真係好味！再嚟就係「新鮮蜜瓜配焙茶糯米窩夫」，蜜瓜同焙茶味嘅糯米窩夫搭埋一齊，清新又唔膩，係夏天食係最啱不過。最後，我仲試咗「薄荷朱古力咖啡碎冰」，味道清新，薄荷同朱古力嘅結合真係好特別，冰涼嘅口感好適合炎熱嘅天氣。值得一讚係雖然好忙，但店員服務態度殷勤！總括而言，「Cobber Noodle and Waffle」係一個好受年輕人歡迎嘅地方，無論係環境、服務定係食物質素都好有水準，下次一定會再嚟！…查看更多

講真，喺觀塘工廠區果邊搵間似樣嘅餐廳chill下真係唔易，但「NATA - Steak, Wine & Cocktail」絕對係驚喜！位置勁方便，國基集團中心一出地鐵A出口行5分鐘就到，放工約腳唔使騰來騰去，抵讚先！ 一入門口就覺得裝修好有格調，燈光暗暗哋又唔會太焗束，枱同枱之間夠闊落，傾偈好舒服，仲有啲靚靚木系元素，打卡都一流啦！ 講返食嘅，頭盤個蘑菇松露忌廉湯。碗湯雖然唔算好大碗，但松露味超濃，飲落又滑溜，暖粒粒打開胃口！主菜嗌咗安格斯肉眼（5成熟），我覺得師傅火候掌握得啱啱好！外面微微焦香，切開粉嫩冇血水，肉質juicy仲帶炭燒香，點少少燒汁非常正！另一個主菜蒜香蟹肉意粉絕對冇欺場，蟹肉唔係碎濕濕，而係超級多！意粉掛滿creamy嘅蟹肉同埋醬汁，真係好滿足！ 意粉可以加配杯餐酒Umbria La Pava - Macabeo Blanc（$68），清新果香帶微酸，解膩一流，同蟹肉非常夾！ 甜品簡直係高潮！巴斯克芝士蛋糕流心效果誇張，濃郁芝士撞焦香，口感軟滑，而且唔會太甜。略顯太細舊，咁好食唔夠喉呀！最癲係個榴槤忌廉配椰子泡泡疏乎厘 + D24榴槤果肉！榴槤控一定尖叫～D24果肉香甜到爆，椰子泡泡好似食緊空氣感嘅椰香，夾住熱辣辣、軟綿綿嘅疏乎厘，邪惡到極點！食完仲回味緊⋯⋯ 總括：地點無敵、環境舒服、食物高質，尤其牛扒同榴槤甜品必試！絕對會encore！…查看更多

日前女朋友帶我去左位於觀塘巧明街99號地下嘅新餐廳Cobber Noodle and Mochi。店內主打文青風格，環境簡潔舒適，給人一種輕鬆自在的感覺。牆上的裝飾簡單而有心思，燈光柔和，非常適合與朋友聚餐或情侶拍拖。正如餐廳個名suggest，呢度主打意粉同埋麻糬。首先梗係要試下佢地嘅招牌菜——明太子忌廉三文魚子飛魚子紫蘇意粉。這道意粉口感滑順，忌廉的香濃和明太子的鮮味完美融合，搭配飛魚子和紫蘇的清香，讓人一試難忘。至於另一道蔥蒜香蟹肉炒意粉，蟹肉鮮美，炒得恰到好處，蔥蒜嘅香氣更是提升左整體的味道，女朋友怕肥都話忍唔住食多幾口。至於好期待嘅甜品方面，我覺得焦糖開心果牛奶麻糬值得一試。麻糬口感軟糯，焦糖的香氣和開心果的香脆相輔相成，令人回味無窮。而焦糖巴斯克芝士蛋糕則是另一個亮點，濃郁的芝士味道配上焦糖的甜度，食完讓人心情愉悅。可惜嘅係比較細舊，唔夠喉呀！順帶一提，套餐跟嘅黑松露蘑菇湯都相當出色。我欣賞佢個湯底夠濃厚，松露嘅香氣夠突出。套餐可以自由斟出面嘅飲品。我個人最鍾意雜果賓治，貪佢夠清新解膩，而且唔會太甜！正！總的來說，Cobber Noodle and Mochi提供的食物質素高，服務友善，價錢也算合理，絕對值得一試！…查看更多

日前同女朋友去咗觀塘一間叫「Thai Fire」嘅樓上泰國餐廳食晚飯，好值得同大家分享下。入到去第一眼就覺得裝修幾靚，唔係嗰啲老土泰式風，而係比較精緻、有啲文青feel，坐得舒服，燈光又唔會太暗，啱晒一大班朋友聚餐、或者情侶拍拖食飯。講返食物，我哋嗰晚叫咗椰子雞湯、鳳尾蝦炒金邊粉、蒜蓉炒雜菜、無骨海南雞、串燒雞肉同串燒牛肉。俾大家睇下張收據：- 椰子雞湯：口感好順口，唔會太膩，椰香味夠，配料嘅菇同雞肉都唔少！- 鳳尾蝦炒金邊粉：賣相一流，味道帶少少甜唔會太重口味，最正係啲蝦肉夠彈牙。值得一讚係師傅炒得夠鑊氣，而且唔會炒到啲金邊粉碎晒。- 蒜蓉炒雜菜：有好幾款蔬菜一齊炒，火候啱啱好唔會太油，蒜香味夠突出。- 無骨海南雞：好有驚喜，因為啲雞肉嫩滑，冰過但唔乾，配埋啲醬汁幾惹味。- 串燒方面，雞肉同牛肉都燒得好香，唔會過火。我特別欣賞啲牛肉醃得入味，而且好有咬口。飲品方面，我哋叫咗兩杯沙冰：芒果沙冰同「綠牛」（茉莉花奶茶沙冰）。芒果沙冰好大杯，而且芒果味好濃，而且有真芒果肉，幾refreshing；而北綠牛就造型夠曬特別，奶茶味香之餘又唔會太甜，口感夠綿滑，幾有特色。最後都要讚一讚店員，成晚都好有禮貌，服務態度殷勤。另外，上菜速度亦好快總括嚟講，「Thai Fire」係一間環境靚、食物有水準、服務又唔錯嘅泰國餐廳，價錢中等，以觀塘嚟講算幾抵食。下次應該會再嚟試下佢其他菜式。:)…查看更多

最近我和女朋友去咗位於將軍澳站上蓋嘅商場Popcorn入面嘅「一橋拉麵」。呢間餐廳係太興集團旗下，主打性價比高，整體感覺幾好。用餐環境雖然唔算好大，但裝修得好舒服，而且慢慢和風味我哋點咗幾樣菜品。首先係「海老濃湯叉燒拉麵」（$59.9），湯底濃郁，蝦味十足！叉燒亦好嫩滑，而拉麵底嘅口感都幾好，整體味道滿意。接住就係「人氣燒賣拼盤」（$19.9），拼盤入面有幾隻唔同口味嘅燒賣，味道幾均衡，特別係鮮蝦燒賣，肉質算係唔錯，食落去都幾開心。再講「招牌豚骨叉燒拉麵」（$49.9），豚骨湯底醇厚，叉燒厚切，味道都幾好，拉麵同湯底搭配得宜，整體都唔錯。最後我哋試咗「香滑牛頰肉」（$28.9），牛頰肉煮得幾好，口感軟滑，味道入味，配上醬汁都幾合襯。飲品方面，我哋選咗日本波子汽水（$15），清新解膩，非常refreshing！總體來講，「一橋拉麵」無論係環境、服務定係食物質素，都有一定水準。性價比高，適合同朋友或者情侶一齊食，值得一試。下次有機會我會再返去。…查看更多

前排我同女朋友去咗啟德新商場「雙子匯」1期嘅「新泰東南亞餐廳」食咗一系列泰國美食，非常滿意。餐廳開喺新商場裡面，環境闊落好坐，裝修好企理，店員服務態度殷勤。呢度嘅食物選擇頗多，俾大家睇下menu：當日點嘅第一樣食物係辣椒醬炒大蜆。呢道菜絕對係一個驚喜，蜆肉新鮮、無沙，搭配香辣的醬汁，味道適中，唔會過辣，反而令蜆的鮮味更加突出，非常惹味跟住嘅大蝦炒金邊粉亦相當出色。值得一讚係金邊粉唔會炒得太油，而且啲蝦都幾大隻，口感彈牙，而金邊粉吸收咗蝦汁，非常入味。串燒拼盤亦係必試之選。呢度嘅串燒每一串都燒得啱啱好，可以話係外焦內嫩，特別係雞肉串，味道香濃！蜜糖燒豬肋骨亦另一道亮點，肋骨燒得金黃，蜜糖的甜味與肉質的鮮香完美結合，正！蒜蓉炒豆苗清新爽口，豆苗完全無渣，好適合balance返其他菜式嘅濃郁口味。最後，我同女朋友叫左芒果糯米飯作為甜品，甜度剛好，糯米軟綿，搭配新鮮的芒果，係完美的收尾。整體來講，「新·泰泰國餐廳」無論係環境定係服務都好出色，絕對值得推薦！…查看更多

前幾日我同朋友去咗九龍城好受歡迎嘅知名泰國餐廳「小曼谷海鮮燒烤屋」聚舊食飯。整體用餐體驗良好，值得推薦。餐廳地點好方便，地鐵站一出就見到。用餐環境唔錯，氣氛好熱鬧，氛圍唔錯，頗適合朋友聚餐。店員推薦我地食期間限定嘅「泰北二人火鍋」。這火鍋嘅椰子雞湯底味道非常香濃，值得一讚係配料新鮮，特別係牛肉同埋海鮮，味道一流。天氣凍圍住火鍋食，幾過癮！我哋亦點咗「炸物拼盤」，每一樣都炸得好香脆。我最鍾意嘅係炸蝦餅，非常彈牙好味。再嚟我哋試咗「牛油烤蠔」同「牛油烤蟶子」，兩道燒海鮮都好新鮮，而用牛油燒令海鮮的鮮味與牛油嘅香氣融合得啱啱好，正！另外，燒粟米同燒牛肉串都唔可以錯過。燒粟米的甜味加上微微的焦香，口感非常好。而燒牛肉串則係牛味十足。整體而言，「小曼谷海鮮燒烤屋」真係唔錯！…查看更多

天氣開始凍，又係打邊爐嘅季節啦！日前同女朋友黎旺角創興嘅「淥鼎記」試下，之前試過觀塘分店好滿意，今次旺角分店用餐體驗同樣良好，值得推薦。裝修有一貫嘅特色，檯與檯之間夠鬆動，環境不錯。呢度主打火鍋放題，而最入門級嘅火鍋放題「小寶套餐」選擇都唔少小食嘅多春魚炸得好香口！一開始有盤酸菜魚，啲魚肉幾新鮮彈牙，湯底幾惹味，唔錯湯底有好幾款選擇，當日我唔太想食辣，就叫左健康之選嘅番茄鍋，俾大家睇下個賣相～丸類、餃類、菇類同蔬菜等都擺左喺出面，擺得好企理，而且選擇好多。個人最喜歡手打墨魚丸同蝦滑，因為兩款都爽口。入門套餐嘅肉類方面選擇都OK，包括牛小排、肥牛、羊肉、雞腿肉等。特別推薦牛小排好新鮮，牛味十足！飲品方面，可樂、無糖茶等當然有，最正係果汁先生，絕對係回本之選…查看更多

最近天氣開始凍，女朋友就話好懷念日本嘅和牛壽喜燒，但又太忙無時間飛，所以就book左呢間位於銅鑼灣嘅「赤」，帶我黎食A5和牛壽喜燒喎！餐廳新開幾個月，裝修好精緻，坐得好舒服，店員都好有禮貌。既然我地為壽喜燒而來，梗係要order呢個$628嘅A5和牛肉眼壽喜燒鍋啦！A5和牛肉眼都有好幾片，牛脂分布好靚。蔬菜拼盤係包左嘅，裡面嘅蔬菜全部好新鮮。壽喜燒由店員親自幫我地燒，非常專業。所以每一啖食落去都好似喺日本食咁，超正！呢間餐廳除左壽喜燒，原來串燒都係主打。我地食左雞皮串燒同埋豚肉露荀卷，兩款都燒得好香！期待下次再來食串燒飲啤酒！…查看更多